بعد السلام عليكم ورحمة الله
الاخوة الكرام الاعزاء :
وكان التاشيرة الامريكية صعبه بالنسبة لي .
فبعد موافقتهم المبدئية وفرحي الشديد بقرب وصول التاشيرة ولاكن لم اتلقى اي جواب من قبلهم ...
بعثت جوازي من المانيا الى ابوظبي ومكث جوازي قرابة الاسبوعين ولاكن من دون جدوى ...
خلونا بالعامية شوي اطلع القهر اللي بقلبي :
انتوا الحين قلتولي طرش جوازك وانا طرشت الجوزا وخاطرت فيه ليش تتاخرون عليه وتقولولي صبر شوي ؟؟
ولا وطحت في مشكلة ثانية وهي :
مسؤولة التاشيرات في القنصلية عندهم سافرت سفر نهائي من دون رجعة الى ابوظبي يعني تغيير موظفين بين المسؤولين ؟
قالتلي الحرمة طرش جوازك لي بسرعة وانا على طول طرشت الجواز ووصل جوازي بيوم الثلاثاء و بيوم الاربعاء الصبح سار اخويه السفارة الامريكية بابوظبي وعطاهم الجواز وقالوله يوم الاربعاء محد مداوم ولاكن بنستلم الجواز وقالهم اوكي .. المهم انتظرت الى يوم الخميس ....... وانتظرك الى يوم الاحد وبعد ما اتصلتبهم وانا في المانيا قالولي بان مسؤولة التاشيرات سافرت والحين عليه انا انتظر المسؤول الجديد ... حسبي الله ونعم الوكيل ... متى بيوصل المسؤول الجديد .. قالولي وصل والحين المسؤول الجديد بيشوف طلبك علشان يعرف شو السالفه ... اوه اوه اوه يعني الحين من اول وجديد .... شو هذي السالفة .... قلتلهم اوكي وشو المطلوب .. قالولي اتريى اسبوع وبنرد عليك خبر .. قلت بخاطري الله يعيني على المسؤول هذا اكيد بياخرني ... واترييت الايبوع الاول وما شي خبر واترييت الاسبوع الثاني وماشي خبر جديد بعد ...
قررت بعدها واتصلتبهم وقلتلهم رجعوا الجواز وخلاص انوا تعبتوني وياكم وما اعرف المشكلة من وين .. الموافقة وصلت والمسؤوله قالتلي طرش جوازك والجين المسؤوله سافرت وطحت انا في المسؤول الجديد اليي ما يعرف شو موضوعي .. انا شو ذنبي ... قالي الموظف اوكي نحنى بنرجع جوازك ويوم بنخلص من اجراءاتنا بنتصلبك ...
طبعا رجع جوازي الى دبي ومن ثم الى المانيا .
محنه ولا ابعدها من محنه ...
ولحين كتابة الموضوع فلا جديد او خبر
تحياتي لكم من المانيامواضيع عشوائيه ممكن تكون تعجبك اخترناها لك:
- بليزززز ساعدوني متخووووووووووووووووووووووووووووووووووووووووووووووو ووف
- ملاحظة
- بسرعه ياأهل سان انتينيو
- فيزا سياحية لأمريكا
- طلب
- رحلتي صيف نيويورك اورلاندو بالصور
- فيزا لزوجتي متى اطلعها
- استفسار عن فيزا b1 - b2
- وش الحل ؟
- محتاج رايكم ومساعدتكم
- التهنئة للاعضاء بمناسبة شهر رمضان المبارك
- فيزا السياحه هل تغني عن
- المرافقون
- استفسار بخصوص الجارمن
- استفسار من اهل الخبرة
- ¤¢§¯° الخيمـــــه الرمضانيـــــــه لبوابــــة أمريـكــــــا °¯§¢¤
- تنبيه للذاهبين الى امريكا
- استفساار بخصوص الابتوب
- ماهي الكمية المسموحة؟
- استفسار بخصوص الفيزا
رد مع اقتباس
المفضلات