المنتجع رقم المالديف ديسمبر

**ahmed2** · 02-03-2015, 09:29 AM

يا سلام سلم..ما شاء الله من حظنا السعيد اليوم ان وقتك كلو للمنتدى وصرنا نتابع تقريرين لك في نفس الوقت..
وأكد على كلمة تقرير وكمان يستاهل اعلى 5نجوم فقد مرت على تقارير بالمنتدى اقل من هيك بكثير من ناحية الصور والشرح وكانت تأخذ اعلى تقييم..حلوة فكرة التقرير الاكسبريس وشكلي راح اعمل زيك بعد كده..عموما تقرير اكسبريس او تقاريرك المعهودة فكلها واضح جهدك فيها وتشكرين علىها وعلى رغبتك في خدمة مرتادي المنتدى وجعل الله كل جهودك في ميزان حسناتك ان شاء الله..
والله يعطيكم ويعطينا طولة العمر ويرزقكم من واسع فضله ونشوف تقريرك رقم 62 عن المالديف بعد 15 سنة من الحين

..سبق ان زودتك بإسمين لمنتجعين غير المتعارف عليها بالمنتدى وعندي لسه كم منتجع ممكن اعطيك اياها بس يا ليت تحطي قائمتك على اساس ما تتكرر المنتجعات والاقتراحات..
جميل جداً جدول المقارنة وان شاء الله نشوفه مليان بالمنتجعات السنين الجاية....
بالنسبة للسعر فالاسعار نار وما فيها لعب في الفترة هذه وواضح الفرق بين هذه الايام وايام خارج الموسم..
لماذا لم يتم اختيار انانتارا وبالمناسبة اي انانتار فيهم لانو السلسلة فيها اربعة منتجعات الى الان كلها جنب بعض واقترح عليك تجربيها في رحلة واحدة لانو راح تختصري في زمن التحدي يمكن سنة زمان..
الريفيو اللي حطيته من التريب ادفايرز ما يخوف بالعكس الحرمة تقولك تركت اجزاء من قلبي هناك وانواع المديح اللي يشجع على الزيارة..
وعلى فكرة اللي الان طرحتي اراء وتقييم للمنتجع في جوانب لم ارها في تقرير سابقة والخبرة تلعب دورها..والمنتجع اظن انو مستهلك لانه يحمل اسم الهيلتون وسعره مهاود شوية كمنتجع 5نجوم بإسم رائد في عالم الفندقة لكن يظهر ان حالو كالحال الشيراتون فوول موون فهو يتبع لنفس ادارة الدبليو لكن شتان ما بين الاثنين والظاهر الفرق بين الهليتون والكونراد بنفس الطريقة..
بالنسبة للطيران على ارتفاع عالي فهذا الطيار طار فوق عشان يحقق امنيتك في حالة انكم طحتوا يعني يسير عندك وقت تتأملي وتصوري وتأخذي راحتك لكن لو كنتوا قريب ما تلحقوا يا حبة عيني..

..
اعجبني مبدأكم بخصوص السعادة وانكم ما عملتوا من سوء الشعب المرجانية قضية وعرفتوا تستمتعوا بوقتكم بتجربة امور ما تجربوها في العادة..والله تغيير احيانا يطلع بنتائج حلوة فوق تصور الواحد..
بالنسبة لحجم الجزر ففي تقريرك عن الدبليو ذكرتي ملاحظتك عن حجم الجزيرة الصغير وعديتها ملاحظة سلبية بينما انا عديتها ملاحظة ايجابية وقاعدتي من الان في المالديف اختيار المنتجعات الاقل في عدد الوحدات والحجم..تذكري اول ما تطلعي من مسبح الدبليو وتروحي الشاطئ على طول وتحصلي كراسي البحر..جلست مساء اول ليلة هناك مع ام فارس لوحدنا محد حولنا تحت النجوم والهواء ما احلاه والهدوء بدون ازعاج وبدون اصوات للناس..كانت من اجمل لحظات الرحلة بالنسبة لي ولا اتوقع ان منتجع كبير راح تتوفر فيه فرص كثير للحظات من الانفراد ببعض بعيدا عن الناس.
متابعين