الموضوع: المعيشه في نيويورك؟؟؟؟؟

السلام عليكم ورحمة الله وبركاته
مبارك عليكم الشهر وتقبل الله طاعتكم جميعا

اخواني اعضاء المنتدي انا بروح ان شاءالله بعد تقريبا شهر ونص لنيويورك ويمكن مدة اقامتي في نيويورك من 3 شهور الى سنه واتمنى اعرف اذا في شقق قريبة من جامعة كورنيل يكون فيها مطبخ ونظيفه وسعرها معقول ؟

واتمنى من الاخوان اللي لهم الخبره في نيويورك يرسمولي خطه للمعيشه لاني اول مره اروح لامريكا انا وزوجتي مانعرف انجليزي الا القليل يعني نمشي حالنا واتمنى اني اسمع ردودكم

تقبلو تحياتي

مواضيع عشوائيه ممكن تكون تعجبك اخترناها لك:

• الان تستطيع مشاهدة وسماع شلالات نياقيرا على الهواء مباااااشرة
• متطلبات الفيزا السياحية فضلاً لا امراً
• حديقة سان دييغو سفاري بارك
• عاااااااااااااااااااجل جدا
• استفسار محتاجـة مساعدتكم بليز، جدول للإستمتاع في امريكا
• اخواني الاعضاء أرجو التوضيحهل يجب في تقديم الفيزا كل طفل جواز مستقل ؟
• الى المنتدى الرائع العرب المسافرون تحيه لكم
• الفـــــــــــــــيزا ياأهل الخـــبره
• ماطبعت اورقه التاكيد للموعد
• للأهمية ياشباب بعض الاسفسارات
• استفسار ارجو منكم الرد بشكل عاااجل بخصوص نموذج طلب التاشيره
• شواطئ أميركا
• فنادق مطار لوس انجلس
• إستفسار فيزا أول مرة
• استفار بخصوص التاشيره
• شيكاغو والمناطق القريبه
• بخصوص النموذج السؤال ؟؟؟
• ساعدوني بخبرتكم اريد الذهاب الى ولاية بوسطن
• استفسار عاجل لو سمحتو
• وش رايكم في خطتي

عفوا اخوي هل الجامعه على68th st

لاني اسكن ب63 وشقتي ممتازه مره وبطلع منها بعد شهر من اليوم وسعرها حلووو وهي على الفيفث افينيو عندي صالون مميز ومطبخي نظيييف وكل شيء فيه ماعدا غسالة الأطباق للاسف مو موجوده
صحيح الغرفه صغيره شوي بس الصالون مميز جدا وواسع ويفتح الناس والمميز فيها ان أثاثها أبيض

وسعرها أول شهر ب4800 دولار وباقي الشهور ب3800 دولار لان الالف دولار تدفعها للسمسار

والمعيشه بصراحه في منهاتن غاااليه جدا جدا
لكن لو تطلع من منهاتن لكوينز واستوريا وبروكلين بتختلف عليك الأسعار جدا وللأسف تونا نتعلم بعد ما صرفنا الألاف على الاكل واحنا نتسوق أغراض بيتنا من منهاتن !!
التنقلات انصحك بالصب وي والله ما تضيع فيه ومميز وواضح عكس أوروبا الاندر قراوند عندهم معقد وموحش
وخرايطه واضحه مررره وآمن جدا انا أركبه لوحدي وأتنقل من دون زوجي وما عمري شفت شيء الحمد لله يخوف !!
واي سؤال أنا بالخدمه
وتمنياتي لك ولزوجتك برحله سعيده وموفقه يارب

شكرا اختي حرم الدكتور وجزاج الله الف خير
انا وزوجتي رايحين علاج ويمكن نطول وراح اكتبلج العنوان مثل ماهو موجود عندي في الكتاب اللي فيه الموعد العنوان الدقيق ابي سكن قريب من العنوان ولكي مني جزيل الشكر
newyork-presbyterian-columbia&cornell hospital
525east 86th street

لا اخوي انت بعيد بالمرره عن مكان شقتنا
اتمنى افيدك بشيء بس ما بيدي شيء والله واسأل الله أن يسهل لك حاجتك اللي بتتغرب علشانها ويردك لديرتك انت وزوجتك بصحه وسلامه

وان شاء الله الاخوان ما بيقصرون معاك

شكرا اختي حرم الدكتور
ادري خذينا من وقتج
لكن عندي جم شؤال بما إنكم في نيويورك من فتره
1_احنا في اي منطقه بنيويورك ؟
2_شنو المسلتزمات اللي زوجتي ماراح تحصلها هناك بما انها متحجبه ؟
3_شلون راح يكون الجو في نص شهر 10 ؟
4_تنصحيني وين اسكن باي فندق اول ما اوصل لاني مفكر اسكن باوتيل على ما احصل سكن مناسب ؟
وانشاءالله يكون في ميزان اعمالج
وتقبلي تحياتي

وارجو من الاخوان المراجعين في مستشفى كولومبيا اند كورنال يونيفيرسيتي افادتي بخبرتهم
ودمتم سالمين

كل شيء موجود هنا بنيويورك لا تشيل هم ماعدا القهوه العربيه اذا انت تشربها وبرادها وعدتها كامله التي تسويها فيها
والحجاب ابد مو مشكله وما فيه خوف بس الحين احنا بالليل برد واحنا باخر اوقست والشتاء عندهم يبدا بشهر 11 وانتم بتجون بالخريف والخريف برد فلازم تاخذون احتياطاتكم باللبس او تتسوقون من هنا بس الديره غاااليه الا بالمناسبات عندهم واعيادهم يسوون تخفيضات
واتوقع ان 86 بمنهاتن ومنهاتن اغلى منطقه بنيويورك الا اذا تسكن باستوريا والا كوينز والا بروكلين كلها عرب ورخيصه
فيه شقق بمنهاتن من 2500 دولار الى 3500 استديو
وانت فكر واذا يسمحون الاداره عطيتك رقم مكاتب تدور لك سكن
واي سؤال انا جاهزه وبخدمتكم

أختى حرم الدكتور تحيه لك ياريت تقوليلى الطقس من 11 الى 4 كيف يكون وان شالله أريد أسكن فى منهاتن ماريك فى منهاتن من ناحيه وناسه والمولات والامان فى ليل شى تانى وانا كثرت عليك فيه معهد أسمه أمباسى للتعليم الله ماريك فيه وهل يوجد معهد أفضل منه ياريت تخبرينى تحياتى لكى

شكرا اختي العزيزه على التجاوب
اذا ممكن الارقام ؟

هلا اخوي الطقس بيكون بارد وشتااااااء وممكن ثلوج على حسب ما سمعت

واما معهد امباسي ما اعرفه والله بس احنا ندرس بكابلن في منهاتن عموقعه مابين 6و7 افينيو على 56ومنهاتن حلووه مررره وآمنه جدا حتى لو تمشي بشوارعها باخر الليل على 2 عاادي ما فيه اي مشكله والحمد لله احيانا ما ارجع انا وزوجي الا بهالاوقات ونركب الصب وي وكل شيء امان وتمام وما عمرنا ياربي لك الحمد تعرضنا لاذى بس لازم تقرا دعاء الخروج علشان ربي يحفظك وانا اتمشى بمنهاتن ما بين 68 الى 40 بالنهار لحالي من دون زوجي وما فيه خوف والله يوفقك يارب

حبيبتي اولا اشكر على الرد على جميع الاستفسارات وانا متابعه ردودج من اول الصفحات تبارك الرحمن ما قصرتي والله

ثانيا الله يوفقكم بدراستكم ويخلي لج زوجك ويستر عليكم .

موضوعي اني اول مرة اجي لامريكا وراح اقعد بنيويورك وتراوالي انتي احسن وحده ترد على استفساراتي لانج اولا مراة مثلي وثانيا خليجية .

حبيت اسالج عن افضل الشقق وامنها لان معاي طفلة عمرها 3 سنوات وانا وزوجي يمكن راح نقعد حوالي سنتين لان زوجي عنده شغل هناك

تعرفين حبيبتي احتياجاتنا احنا الخليجين من الاكل وطريقة طباخنا ومعيشتنا شنو افضل مكان للسكن وشلون اقدر احجز لة وشنو افضل مكان للتسو ق لاغراض البيت والشقق تكون مفروشة ولا لا .

وبالنسبة لطفلتي شنو افضل مستشفى لها لاسمح الله تعبت وشنو نوعية الملابس لها اللي تصلح لجوهم علما باني راح نسافر شهر 11 وبصراحه انا اتوهق بالسفر بالنسبة للملابس وخصوصا اوروبا كل حزة لهم جو مادري شلبسها .

واسفة للاطالة