الموضوع: ااخ يالقهر رجعوني مكتب التأشيرات بسبب ورقه

السلام عليكم

بحكي لكم الي صار لي اليوم على شان مااحد يصيرله مثل ماصارلي

اخوكم راح اليوم الصباح بالطياره لجده ومعي اوراقي وكل شيء ، ورحت للمبني الازرق بتاع التأشيرات البريطانية

يوم دخلت واعطيته اوراقي قالي لازم ورقة تعريف من الجامعه ، قلت يااخي هي وقفة عليها يعني . مشها لي

قال راح يردون اوراقك من الرياض

وإلطعت في المطار(وجلست في المطار) من 10 الصباح الى قريب العصر لأن رحلتي كانت قبل العصر ، وتيتي تيتي زي مارحتي زي ماجيتي

وبرجعلهم الاسبوع القادم والله المستعااان

مواضيع عشوائيه ممكن تكون تعجبك اخترناها لك:

• أستفسار لاهنتوا
• الإبتعاث وإجراءاته
• طلب مساعدة ضروروروي
• الدمج بين دراسة اللغة الإنجليزية و السياحة لمدة شهر فما هي المدينة المناسبة لذلك ؟
• ساعدوني ابسافر لامريكا بلحالي
• بريطانيا ارجو المساعده
• موقع أمريكي باللغة العربية مفيد للدارسين
• الحصول على بعثة لمن لا تنطبق عليه الشروط ؟
• تكفا ياشباب انقذوني
• بخصوص دفع قيمة السيفيس هام وعاجل
• جامعة
• مساعدة لمن لدية معلومات
• الدراسة في امريكا في الصيف
• مساعده من اهل هيوستن
• معلومات بسيطة للمسافر للولايات المتحدة الامريكية للدراسة
• الى بنت الصقور وباقي الاخوة هل هو صحيح ام خدعه ؟
• مساعدة من اهل ولاية نورث كارولينا
• أشوفكم على خير مع بداية الصيف ان شاء الله
• فيزا للغه
• افضل خطوط طيران الى سان انتونيو

أخي الكريم الله يسهل امورك
بس حبيت اسأل عن ورقة تعريف من الجامعة ؟ هل تقصد تعريف بأنك موظف في الجامعة ؟ وهل تكون موجهة للسفارة البريطانية تحديدا ؟ أو لمن يهمه الأمر بدون تحديد الجهة ؟
وسامحنا لو ثقلنا عليك

حياك الله يالحبيب

الي يبغونه هو ورقة تعريف اني طالب وليس موظف ، وان كنت موظف بالجامعه بالتأكيد ورقة تعريف اني موظف .

واعتقد ان ورقة تعريف بالطالب تكون غير محدده لجهه معينه ، اما ورقة تعريف الموظف تكون موجهه للسفاره البريطانية .

أخوي الشفق الأحمر أشكر لك تجاوبك السريع ، شكرا على المعلومة قبل لا أتوهق وأروح لهم ، جعلها الله في موازين حسناتك

الله يطول في عمرك ولايهينك والله ييسر امرك والله يوفقنا جميعا في دراستنا الصيفيه لاخذ المفيد والمهم

اخوي الشفق كيف حالك انا بكره الصباح رايح لمكتب التاشيرات ونسيت ورقة
اللي هي:ان الوالد يتكفل في مصاريفي هل هي ضروريه رغم ان معي كشف حساب للوالد وتعريف راتبه
رحت لمكتب ترجمه وترجم لي 3 اوراق بـ100ريال حسبي عليه لاكن مجبور عليه وش رايك

اخوي هواوي انا ماادري اذا هالورقه ضروريه ام لا ، الي اذكره ان الموظف قالي ورقة التعريف بالراتب وإنه على راس العمل هي المهمه

إن كنت في جده ولا الرياض بيكون الموضوع سهل عليك تروحلهم وتسأل بالمكتب حقهم ، وان كنت بتسافر حاول انك ماتروح وإنت ناسي شيء والله يوفقك ومايردك خايب

وبالمناسبه .. إن كان ولا بد من الورقه ، يقدر الوالد يكتبها بالكمبيوتر وتطبعها ويوقع عليها وترجمها عند اي مكتب ترجمه (قريب من مكتب التأشيرات) لأنهم يترجمونها بنفس الوقت ، وإن كان والدك يقدر يختمها من عمله يكون تمام

اخوي الشفق الاحمر
انا جاي من مشوار 600كيلو واخاف اروح بكره ويردوني ويروح تعبي على الفاضي يعني لو كتب لي الوالد لازم تكون مختومه
طيب ماعلمتني عن الاوراق ال 3 اللي قلت لك [100 يترجمها لانك تقول ماتكف فوق الخمسين ريال
لان السوداني والله قهرني شكله شافني مضطر عليه ومستعجل لان توني واصل
اذا كان يضحك علي بكلمه واقوله لايترجمها
ياليت تفيدني لاني بروح بعد 3 ساعات
ضرووووووووري

لا بالعكس ياخوي ، انا اقصد الورقه بـ 50 ، لأن اغلب مكاتب الترجمه بترجمون الورقه ولو كانت سطرين بـ 50 ريال

لكن سعرك معقول نوعا ما ، رغم اني ترجمت 3 اوراق بـ 80 ريال بالمدينه

وهل معك ورقه من عمل الوالد تثبت انه موظف وموضح بالورقه راتبه ؟

واانت بتروح طياره ولا سياره ؟

الله يعطيك العافيه وانا والله قلت نفس كلامك تعريف بالراتب موجود وكشف الحساب موجود
ان شاء الله تمشي
ادع لي انهم يمشونها لي مع هذا الفجر يالله يارب لانه والله بمشي لو صلحت اموري على طول برجع للديره
الله يجزاك خير ويوفقك دنيا وآخره

اخي العزيز انا انهيت دراستي الجامعية الصيف الماضي هل يجب ان اقدم تعريف من الجامعة مع العلم ان جواز سفري طالب .

انا متابع الموضوع من بدايته

الشفق الأحمر .. ايش صار معاك يوم رحت لهم مره ثانيه؟؟؟

و هواوي الوادي ان شاء الله امورك تمام وتطلع الفيزا قريب

والله يوفق الجميع

المشاركة الأصلية كتبت بواسطة Hussain 10
http://www.arabtravelersforum.com/tr...4/#post3894054

انا متابع الموضوع من بدايته

الشفق الأحمر .. ايش صار معاك يوم رحت لهم مره ثانيه؟؟؟

والله يوفق الجميع



حياك يالحبيب ، يوم رحت لهم المره الثانيه ماصار ولا شيء

مااخذت 30 دقيقه عندهم وجيتك راجع عالمطار

اخذو الاوراق المطلوبه مني ، ودخلوني غرفه خلوني ابصم واتصور ، وبـــس