الموضوع: انا سعوديه وابي اطلع رخصة قياده

السلام عليكم ورحمة الله
زي ماهو موضح بالعنوان
انا حاليا جايه بزياره للكويت الجميله بأهلها الطيبين
حابه اطلع رخصة دوليه بس ماني عارفه وين اروح وايش اسوي!!
قريت اني لازم اطلع رخصه محليه قبل الدوليه
طيب راح اقدر اطلع رخصه محليه كويتيه وانا من السعويه عادي؟؟
لما عملت سيرش في قوقل طلعلي الموقع هذا

كود:
http://www.e.gov.kw/MOI_ar/Pages/Ser...ivingGulf.aspx
كاتبين في الاجراءات احتاج ختم الاداره واجراء طبي ووو....
هل كل الاجراءات اقدر اسويها بالمرور؟ولا حسوي كم مشوار؟؟

يعطيكم العافيه

مواضيع عشوائيه ممكن تكون تعجبك اخترناها لك:

• ترشيح أفضل شاليهات في الكويت الحبيبة
• حديقة الشعب
• رحلة للكويت بعدالعيد اسبوع مانستغني عن مساعدتكم
• أسعار الفنادق بالكويت
• المكتبات في الكويت الغالية ارجو المساعدة
• أرجو المساعدة
• عندي استفسار لو سمحتم ؟
• زائر من السعودية
• ارجوكم ابي رقم محل للملافع والحجابات بالجملة
• شقق في بنيد القار
• للكويتين والمصريين المقيمين بالكويت
• ممكن مساعده؟
• متي يطبق القانون
• ابي عناوين الدقلات الغريبة غير محل نسايم
• فلامنجو الكويت ؟؟
• «القطرية» تحط في لندن من الكويت بـ دك
• صور فندق المارينا
• أبي مطعم
• طلب مستعجل جداً أرجو المساعدة ياذوي الخبرة
• انصحوني بمطعم حلو ويصلح لمناسبة حلوة

وعليكم السلام ورحمة الله وبركاته
حياج الله اختي في ديرتج

بس موضوع الليسن ما اعتقد يطلعونه لج الا اذا كنتي مقيمه ومو بسهوله ولازم الاجراءات هذي اللي ذكرتيها اتسوينها ..

اما الدولي ما ادري اذا يعطونج بس موقعهم في الشويخ على الدائري الرابع مقابل الصفاه هوم .. وفي فرع ثاني في حولي اخر شارع بن خلدون مقابل نادي المعاقين ..

وحياج الله واي استفسار بالخدمه

هلا اختي ..الله يحيك
اجل كنت جايه اسأل ع الاجراءات طلع بالمره مقدر اطلعها!!
غريب انا سمعت انو عادي اقدر اطلع الرخصه خصوصا احنا السعوديات ماعندنا مكان يطلعلنا اياها
لكن شكلي حطلعها من الامارات اذا الموضوع عندكم بصعوبه
شكرا كثييير على مساعدتك..ماقصرتي

ماني عارفه بـ صراحه بس
الموقع اللي انتي حاطتهم مبين شروطهم و سهله

انا اللي اعرفه مايصير .. بس بسألج واتأكد واعطيج الخبر ان شاء الله

q8ya metnaqla

سألت بنات كويتيات اليوم وقالوا لي نفس الي قلتيه )
شكرا

Hambka Q8
شكرا لك اختي *

العفووو وحياج الله حبيبتي ..

raweee@

من شروط استخراج رخصة القياده ان يكون لديك بطاقة هويه كويتيه ( بطاقة مدنيه ) طبعا ايضا تحتاج الى طلبات من ضمنها مايثبت اقامتك في الكويت (عقد ايجار )

ثم تبدأ اجراءات استخراج الرخصه عن طريق قسم المرور

لكن مافائدة الرخصه بما انك سعوديه ولن تستطيعي استخدامها في السعوديه ؟

بالتوفيق ان شاء الله واي استفسار انا حاضر

المشاركة الأصلية كتبت بواسطة m3ax
http://www.arabtravelersforum.com/tr...0/#post5150022

raweee@

من شروط استخراج رخصة القياده ان يكون لديك بطاقة هويه كويتيه ( بطاقة مدنيه ) طبعا ايضا تحتاج الى طلبات من ضمنها مايثبت اقامتك في الكويت (عقد ايجار )

ثم تبدأ اجراءات استخراج الرخصه عن طريق قسم المرور

لكن مافائدة الرخصه بما انك سعوديه ولن تستطيعي استخدامها في السعوديه ؟

بالتوفيق ان شاء الله واي استفسار انا حاضر





كلامك صحيح 100%


مافي شي مايصير بالكويت ... انا اعرف اماراتية .. تدرس بالكويت .. عندها بطاقة مدنية كويتية + رخصة كويتية .. غير رخصتها الامااراتية ... وهم سياراتها الاماراتية وياها بالكويت ..

اختي وش صار عليك
انا عندي نفس الاشكالية عندي رخصه امريكيه انتهت تقريبا من شهر وابغى اطلع رخصه من اي دوله من الخليج بس المشكله السكن فضلا لا أمرا بلغيني اذا استطعتي تطلعينها وموفقه

وعليكم السلام ورحمة الله وبركاته ...

كل دول العالم لديها شروط للحصول على رخصة قيادة السيارة وليست دولة الكويت فقط ... ومن اهم الشروط ان تكون مقيم بالدولة ولإثبات ذلك عن طريق البطاقة المدنية وفي دولة الكويت من شروط الحصول على البطاقة المدنية ان تكون طالب او تعمل بدولة الكويت ولديك مايثبت ذلك وهذا بالطبع ينطبق على دول مجلس التعاون الأخرى كالإمارات مثلا ... ومن غير الممكن ان تتقدم بالحصول على رخصة دولية وانت لا تحمل رخصة محلية وهذا نظام عالمي .