الموضوع: كم استفسار ع الطاير

السلام عليكم

أنا أن شالله بجي الكويت في 26 جون شهر عسل

وبحثت عن الاماكن الحلوه الموجوده والسكن وحاب اتطمن عليها من خلال تجربه أحدكم

نبدأ في السكن: أنا عجبني فندق Hawthorn غرفه كبيره واسعاره مناسبه

وحابه أستفسر عن نظافته واثاثه لان مثل ما أنتم عارفين الصور تغري وتخدع

وحاب اخذ لي يومين شاليه وهل منتجع رمال كويس وشاليهاته قريبه للبحر

وهل منتزة الشعب القريب للفندق المذكور هي افضل ملاهي في المنطقه ولا في افضل منها ممكن احطها في الجدول

وايش فيه اماكن حلوه غير المارينا وسوق شرق اقدر اروح لها تكون رمانسيه شوي

المركز العلمي ايش يتكون منه؟

وآخر شي حبيت استفسر عن الجوء في التاريخ المذكور هل هو رطوبه ولا عادي

وهل في هالتاريخ عندكم اجازه وبتكون زحمه ولا

ومشكورين مقدماً حبايبي

مواضيع عشوائيه ممكن تكون تعجبك اخترناها لك:

• جو الكويت
• سؤال عاجل لأهل الكويت واللي زار الكويت عن السياقة
• موقع لكافة الخدمات السياحية في الكويت
• فنـادق الـريتـز للشقـق الفنـدقيـه
• الدخول بلهوية الوطنية
• وين افخم منتجع؟؟؟
• انوي ازور الكويت وابي افضل سكن
• و أخيرا صور مطعم حسنيالاكل المصري على اصوله موجود بالكويت
• يا أهل الكويت الطيبين ،، أحتاج مساعدتكم
• الكويت تعمل على تنشيط العلاقات السياحية مع دول العالم
• لو سمحتوا ، موقع فندق بودل عن طريق قوقل ايرث
• شقق مفروشهشيبشيبشيب
• استفسآرآت الأسوآق الملآبس
• «مول » أفضل مركز تسوّق في العالم
• رحلتي إلى الكويت بالتفصيل والصور
• فندق جديــد بالكويت
• أريد مطاعم بها غرفكبائن للعائلات؟؟
• ممكن فكرة مختصرة عن مهرجان هلا فبراير
• السكن في الريتز وش رايكم
• احبابنا ياهل الكويت اريد مساعدة

امنياتي القلبية لكم بالسعادة و الهناء و الذرية الصالحة


بالنسبة لأختياركم للكويت في هذا الوقت من العام لا أظن أنه


مناسب ابدا لانه الكويت يكون تعيش في التاريخ شدة الحر و الرطوبة


آمل تغيير الوجهة لمكان اقل حرارة من الحبيبة الكويت و لو كان الزواج في

الشتاء لنصحتكم بالكويت لانها قمة الروعة في الشتاء .. هذه وجهة نظري


واترك الباقي للأخوة و الأخوات اعضاء المنتدى للاستزادة من خبراتهم

في هالفتره ياخوك كل الخليج حر موت هههههه

وانا ماني مبتعد عن الخليج

وطيب ياخوك مالقو حل لرطوبه

يعني ع جلسات البحر الي في المارينا مافي رذاذ ماي يلطف الجو واذا كان فيه هل هو كافية للجلسه وللاكل برا على روعة البحر

وتسلم حبيبي على هالدعاوي يعطيك العافيه

المشاركة الأصلية كتبت بواسطة فلاي أيمرت
http://www.arabtravelersforum.com/tr...8/#post5122448

في هالفتره ياخوك كل الخليج حر موت هههههه

وانا ماني مبتعد عن الخليج

وطيب ياخوك مالقو حل لرطوبه

يعني ع جلسات البحر الي في المارينا مافي رذاذ ماي يلطف الجو واذا كان فيه هل هو كافية للجلسه وللاكل برا على روعة البحر

وتسلم حبيبي على هالدعاوي يعطيك العافيه

و الله يا الغالي انا اقترح عليك الاردن

براد و أمان و فيها شغلات حلوة و يمكن ارخص من الكويت

لا الغالي الاردن بعيده كلها اسبوع ماني مطول

الكويت ماراح اغيرها حاول تفيدني كان عندك معلومات في الاسئله الي طرحتها

اول شي حيااااكم بديرتكم وتنورون الديره بوجودكم
بعدين انتوا عايله مع اطفال ولا بس زوج وزوجه؟؟
عشان نقترحلك اماكن حلوه

بالنسبه للسكن ماعندي فكره والله
بس اسالك ان شاءالله

وبالنسبه للشاليه
على حسب جم غرفه تبون
طبعا احلى شاليهات الخيران
سيشيل
واذا بخاطرك شاليه تقدر تحجز بريجنسي
توهم معدلينه
وهم عندك منتجع النخيل
وموفمبيك البدع

حديقه الشعب حلوه
بس انصحك بالمدينه الترفيهيه
اكبر واحلى بس شوي بعيده مو واايد

المرينا وسوق شرق حلوين
بس الاحلى طبعا الافنيوز لان كبير ولو رتوحله كل يوم ماتمل
وعندك بعد مجمع 360
طبعا مجمع الكوت حلو صوب النوافير بس الجو مايصلح تقعد بره

والمركز العلمي
هو الاكواريوم يعني احواض كبيره تشوف فيها انواع الاسماك بكل احجامها
حلوه الصراحه وموقعها على البحر
واذا معاك اطفال انصحك تروحله
في داخله ديسكفري عالم الاكتشاف بالرمل
وفي سينما افلام البعد الثلاثي

ومجمعات الكويت كلها فيها صالات سينما
وتعرض نفس الافلام

وبالنسبه للجو
عامة كل الخليج الجو يكون حار
بس انت راح تكون اما بالسياره او بالمجمعات وكلها تكييف
يعني لا تفكر بالجو

وعندك الاكواريوم وقريه المسيله فيها العاب مائيه


واي استفسار ثاني امر
وحياااااكم تنورونا

تسلمين يالماسه

كفيتي ووفيتي بس لو متمعنه في كلامي وانا كاتب شهر العسل يعني زوجين

وبيكون شالية من غرفة وحده هل هي قريبه للبحر

والاماكن الي قلتي حلوه

بس انا مو حاب تعدد المولات في رحلتي

شو فيه اماكن حلوه رايقه غير المولات

يعني انا ناوي اول يومين مارينا وسوق شرق عشان فيها كافيهات ع البحر

ويومين بعدهم في احدى الشاليهات

وباخذ على رايك وبروح للمدينه الترفيهيه

و الله شوووف الدعوة حر موووت بس الله يوفقك شوف موضوعي ( رحلتي الي الكويت ) الي صفحة16

المشاركة الأصلية كتبت بواسطة فلاي أيمرت
http://www.arabtravelersforum.com/tr...8/#post5123138

تسلمين يالماسه

كفيتي ووفيتي بس لو متمعنه في كلامي وانا كاتب شهر العسل يعني زوجين

وبيكون شالية من غرفة وحده هل هي قريبه للبحر

والاماكن الي قلتي حلوه

بس انا مو حاب تعدد المولات في رحلتي

شو فيه اماكن حلوه رايقه غير المولات

يعني انا ناوي اول يومين مارينا وسوق شرق عشان فيها كافيهات ع البحر

ويومين بعدهم في احدى الشاليهات

وباخذ على رايك وبروح للمدينه الترفيهيه



اسمحلي ماانتبهت
الف مبروك والله يهنيكم يااارب ويسعدكم ويخليكم حق بعض
اذا غرفه وحده عادي تحصلون باغلب الاماكن اللي قلتلكم عنها
بس ريجنسي موقعه قريب من السالميه والسوق وعند البحر
ممكن تسكنون فيه طول فتره اقامتكم

اول يوم اوكي حلو المارينا وفي كافيهات عالبحر
والافنيوز ضروري تروحونله اذا ماتبون تتسوقون صالات السينما فيها حلوه
واذا تبون مكان اهدا شوي عندكم سينما 360
خلوا السينما بالليل وقت متاخر عشان تستغلون اليوم بالطلعه
واذا تبون مطاعم حلوه واماكن رومانسيه
في وايد مطاعم مرتفعه واطلالتها حلوه
مثل التيسمو ( برج النصار الدور 32)
ومطعم البلد
ومطعم الابراج ( ابراج الكويت )حلو تروحونله خاصه الصبح وقت الفطور
وفي مطاعم ديره بمجمع اولمبيا وبعد بفندق ميسوني
والمدينه الترفيهيه وان شاءالله تتعودون على بعض
واخر يوم حجزوا برنامج سبا بمجمع المهلب تطلبون لكم انتوا الاثنين بس طبعا النساء بروح والرجال بروح

شوف الاماكن اللي تحبونها
واغلبها ممكن تروحون لها بنفس اليوم اكثر من مكان

اذا للحين اوكي عشان نكمل

كويتيه متنقله

الله يحيك ويبقيك

فكرة تأجير اليخوت حلوه وراح احطها من ضمن الجدول ان شالله

والله شكلكم تتشكون مره من الرطوبه هههههه

يعني ع الليل تخف الرطوبه؟ مادري انا مكاني مافيه رطوبه

لاني من خلال بحثي مالقيت اماكن تعتبر رومانسيه اكثر من مارينا سكرنت وشرق

وايش معنى بتكون فاضيه الاغلب يسافرون برى

كويس يعني مافي لطعه ساعة عن الاشاره هههههه

تسلمين يا كويتيه ماننحرم

الله يبارك بعمرك الماسه

دوم أهل الكويت ذوق

طيب هل انتي مجربه شاليهات رجينسي وتشوفينو احسن من الرمال وسيشل من ناحية الاثاث والاستايل

القرب مو مهم بالنسبه لي دام الكويت بتفضى عادي ههههه

الافنيوز هذا مادري ليه راكب راسي ماروح له خخخخخخ

هل الناس يمدحونه عشان كبره ولا فيه شي مميز في استايله او اشياء غير من جوا

لان اذا هي ع الكبر الصغير مافرها كلها سيب واحد وع الفود كورت ناكل وآوت

بس اذا السينما على كلامك حلوه يصير اجيه ع نص الليل اشوف فيه فلم وهل صحيح تقفل السينما بوقت متأخر بعد نص الليل

وحبيت اضافتك للمطاعم المرتفعه واخيرا بخش الابراج الي دايمن نفشوها في الاخبار والمسلسلات ههههه

طيب اختي بالنسبه لبرنامج سبا الي في الملهب هذا شنو بالضبط مافهمت نطلب لنا نطلب ايش

وتبينا كل واحد يروح صوب ولا هذا قصدك اذا تزاعلنا هههههه

ممكن تعطيني نبذه عنه اكثر

والى الحين حلو تسلمين على هالاضافه واظن خلاص خلص الاسبوع خخخخخ

ماننحرم الماسه

المشاركة الأصلية كتبت بواسطة فلاي أيمرت
http://www.arabtravelersforum.com/tr...4/#post5127364

الله يبارك بعمرك الماسه

دوم أهل الكويت ذوق

طيب هل انتي مجربه شاليهات رجينسي وتشوفينو احسن من الرمال وسيشل من ناحية الاثاث والاستايل

القرب مو مهم بالنسبه لي دام الكويت بتفضى عادي ههههه

الافنيوز هذا مادري ليه راكب راسي ماروح له خخخخخخ

هل الناس يمدحونه عشان كبره ولا فيه شي مميز في استايله او اشياء غير من جوا

لان اذا هي ع الكبر الصغير مافرها كلها سيب واحد وع الفود كورت ناكل وآوت

بس اذا السينما على كلامك حلوه يصير اجيه ع نص الليل اشوف فيه فلم وهل صحيح تقفل السينما بوقت متأخر بعد نص الليل

وحبيت اضافتك للمطاعم المرتفعه واخيرا بخش الابراج الي دايمن نفشوها في الاخبار والمسلسلات ههههه

طيب اختي بالنسبه لبرنامج سبا الي في الملهب هذا شنو بالضبط مافهمت نطلب لنا نطلب ايش

وتبينا كل واحد يروح صوب ولا هذا قصدك اذا تزاعلنا هههههه

ممكن تعطيني نبذه عنه اكثر

والى الحين حلو تسلمين على هالاضافه واظن خلاص خلص الاسبوع خخخخخ

ماننحرم الماسه





هلا والله اخوي
انا ماجربت ريجنسي بس الصيف اللي طاف جددوه
بالنسبه لي لان معاي اطفال افضل دايما الخيران وسيشيل
سيشيل هادي وانظف واحلى
بس الخيران العاب واوسع احلى بالنسبه حق العيال
اما رمال ماجربته الصراحه
والافنيوز اذا ماتحب الزحمه لاتروحله
وبمجمع 360 روحوا السينما واذا تحبون تغيرون تلعبون بولينغ مثلا من باب التغيير
انا دايما افضل السينما وقت متاخر
اذا انتوا شخصين اخذوا الvip تكون صالات خاصه عندك ب360 حلو يصير كرسيين يم بعض وممكن تمدون الكرسي
سعر التذكره 6 دنانير
اخر عرض سينما غالبا يكون قبل 1 يبدا الفيلم
اما بالنسبه للسبا هو برنامج مساج استرخاء عندك بمجمع المهلب وهم في بالافنيوز يديد
والابراج مثل ماقلتلك روحوا على الفطور
طبعا كل هالاماكن ممكن تخلصهم ب3 ايام
تبي نكمل ولا زين جذي
وامانه توصل سلامي للمدام

حياك الله اخي عن نفسي بفضيلك الكويت بالصيف علشان ما نزحمك ههههههههههههه شوف اخي الكريم عندك بالافنيوز كافيهات كثيرة وحلوة ومطاعم كثيرة وحلوة بس انصحك نصيحة تجرب كافيه لورينزو على ما اعتقد اسمه كذا عندهم ملفيه فراوله لا تطوفك والكافيه كراسيه بيضاء اللون اذا كان الاسم غلط انا كاتبه وهو بالدور الارضي جرب ملفيه فراوله عندهم وبعدين خلك رومانسي اكثر وخل المدام تجرب صمون فلافل وبطاط مرة ههههههههههه تحياتي لك

المشاركة الأصلية كتبت بواسطة q8ya metnaqla
http://www.arabtravelersforum.com/tr...0/#post5130140

يا حياك الله اخوي

شوف ديرتنا مافيها رطوبه مثل دبي والبحرين احنا فيها لواهيب بس عادي كل دول الخليج جذي يعني مو شي يديد
وسالفة فاضيه انه اغلب الكويتيين يسافرون من جذي تلقاها فاضيه ينحاشون من الحر

المطاعم اللي عطتك اياهم الماسه حلوين وعندك مطعم مغربي بومزيان وكويتي اسمه ماضينا في برج جاسم الدور 28 هذيل اغلب المطاعم تكون هاديه والقعده تكون فيها حلوووه لانكم اتشوفون كل الكويت من فووق ..

وفندق النخيل منطقه البدع على البحر عندهم مطعم المهلب بحري وايد حلو وبعد في مغربي بعد اكله حلوو ..

وفندق الشيراتون فيه مطاعم هاديه والرايه ..

منتجع صحارى واااايد حلو وهادي ويصلح لمعاريس بس مو عالبحر يعني يكون شاليه وحوض سباحه خاص .. ومثل ماقالت الماسه سيشل وايد حلو وريجنسي بعد عقب التجديد يمدحوونه ..

وحياكم الله

اي زين كانها مو مثل دبي والبحرين

اذا هي ع اللواهيب عندنا وعندكم خير يعني عادي متعودين

والحر فينا فينا لو سافرنا برى مردنا له

وكويس منتجع صحارى فيه بركة خاصه السباحه لها طعم ثاني مع اللواهيب

والله يحيك خيتو تسلمين ع رحابة صدرك وع المساعده

المشاركة الأصلية كتبت بواسطة كابرون 1
http://www.arabtravelersforum.com/tr...8/#post5130588

حياك الله اخي عن نفسي بفضيلك الكويت بالصيف علشان ما نزحمك ههههههههههههه شوف اخي الكريم عندك بالافنيوز كافيهات كثيرة وحلوة ومطاعم كثيرة وحلوة بس انصحك نصيحة تجرب كافيه لورينزو على ما اعتقد اسمه كذا عندهم ملفيه فراوله لا تطوفك والكافيه كراسيه بيضاء اللون اذا كان الاسم غلط انا كاتبه وهو بالدور الارضي جرب ملفيه فراوله عندهم وبعدين خلك رومانسي اكثر وخل المدام تجرب صمون فلافل وبطاط مرة ههههههههههه تحياتي لك



ليه حشى موكب سيارات انتي خخخخخخخخ

تروحين وترجعين بالسلامه

ان شالله بشوف وضعهم واذا صار فيه فرصه جربتهم

هههههههههههههه حلوه سالفتك بكون رمانسي وباكلها فلافل وبكون اقشر وبعطيها ورد كيف بس هههههههه

تسلمين ع هالطله الحلوه كابرون

حياك اخوي



حبيت اعدل معلومه ان شهر 6 مافيه رطوبه الرطوبه تبدا اواخر شهر 7 و شهر 6 نهاره طويل و ليله قصير و حار و في اليل يكون الجو دافي يعني يصلح قدام البحر او قعده خارجيه حسب

و انا اقترح عليك شاليه على البحررر و ما انصحك في اماكن المزدحمه مثل سوق شرق و مارينا شاليهات الخيران حلوه
و خذ رحله الى جزيره فيلكا يوم واحد و مطاعم الفخمه اغلبيتها في العاصمه ( ميس الغانم - برج الحمام - فريج صويلح - البلد ( اعلى البرج ) - عبدالوهاب - فش مارك - و مطعم ابراج الكويت راقي و يعطيك طله حلوه على المدينه بليل و بالنهار


و المركز العلمي حلو فيه حيوانات بحريه و بريه محليه و عالميه و مدينه علميه للاكتشاف و حلوه للصور و ما راح اظن راح تمول منها ابد لآنها ونيسه

و
و جزيره فيلكا يبيلك زياره لها يوم واحد كافي و شاليهات الخيران ( 100 كيلو جنوب مدينه الكويت ) حلوه


و حياك الله اخوي

مبروك مقدما أتمنى لك حياة سعيدة الكويت حلوه وأنتو معاريس جدد ناموا طول اليوم وبالليل روحو مجمعات وكفيهات مثل دبي من مجمع لمجمع وأفضل للسكن فندق ريجنسي وايد حلو وراقي وهو الفندق الإسلامي الوحيد في الكويت يعني شاطئ خاص للنساء والثاني للرجال وأساسا الفندق حلو وايد حق معاريس أدري إنه غالي شوى بس بالصيف يسون خصومات وايد حلوة تقبل تحياتي وتنور الكويت بوجودكم .

طمنتني الله يطمن قلبك اخوي خمس نجوم ان مافيه رطوبه في هالوقت

ومعلوماتك حلوه بشوف وضع الجزيره

وحبيت اعرف شاليهات الخيران هل احسن اني اجيها اول شي من المنفذ دامها بعيده ولا مو اقرب للمنفذ اهي

وليه ماتنصحني في المارينا لازم ع الاقل يوم تشوف الناس والحياة وتاكل وتحلي ع البحر

لاهنت اخوي والله يحيك ويبقيك تسلم

المشاركة الأصلية كتبت بواسطة فلاي أيمرت
http://www.arabtravelersforum.com/tr...2/#post5134012

طمنتني الله يطمن قلبك اخوي خمس نجوم ان مافيه رطوبه في هالوقت

ومعلوماتك حلوه بشوف وضع الجزيره

وحبيت اعرف شاليهات الخيران هل احسن اني اجيها اول شي من المنفذ دامها بعيده ولا مو اقرب للمنفذ اهي

وليه ماتنصحني في المارينا لازم ع الاقل يوم تشوف الناس والحياة وتاكل وتحلي ع البحر

لاهنت اخوي والله يحيك ويبقيك تسلم

اقرب منفذ للخيران نويصيب ويبعد عنه 15 دقيقه ..

بالعكس حلوه القعده في المارينا على المسيان مافي زحمه .. وحياكم الله

المشاركة الأصلية كتبت بواسطة فلاي أيمرت
http://www.arabtravelersforum.com/tr...6/#post5132996

اها قصدك spa






ههههههههههههههه
ضحكتني
لاتوصل سلامي ولا شي
الله يخليها لك ولا يفرقكم ياااااااااااااااااااااااااااااارب

وان شاءالله بس اتذكر اماكن ثانيه راح اكتبلك
وماشاالله الاخوان والخوات ذكروا اغلب الاماكن

المشاركة الأصلية كتبت بواسطة محب المباركية
http://www.arabtravelersforum.com/tr...6/#post5122496

و الله يا الغالي انا اقترح عليك الاردن

براد و أمان و فيها شغلات حلوة و يمكن ارخص من الكويت

اجماعة الخير لاتنسون ان الكويت كلها مجمعات تجارية يعني بيكون البرنامج كله بين المجمعات وسينما وغيره فلاتقطعون عليهم بارك الله فيكم والله يوفقكم ان شاء الله