الموضوع: انواع الاسئلة انصحوني

السلام عليكم ورحمة الله وبركاته ..

كيف الحال .. ان شاء الله بخير

انا لي يومين بآلكويت وحنا عائلة وصلنا الكويت الساعة 7 وحنا كنا متفقين مع واحد لكن يوم وصلنا قال جاء زبون وراحت عليكم .. ولفينا السالمية و حولي لمدة 6 ساعات ومالقينا فيها كلها وبعدين قعدنا على البحر وكنا بنرجع للرياض من القهر و التعب و الملل وهذي للمرة الثالثة اللي نزور الكويت ولانستفيد الا التعب المهم سالنا واحد عن شقق قال بنيد القار و الحمد لله لقينا شقة وقعدنا فيها .. المهم رحنا في الكويت " مارينا مول و الافنيوز و رحنا شارع الخليج العربي و سوق شرق وقعدنا على البحر ورحنا سوق المبآركية " .. ويمكن نقعد ثلاث ايام ونرجع وشرايكم وين نروح وش تنصحونا بما اننا عائلة .. انا ابي اروح السينما او مسرحية بخيت وبخيته لكن في الان ؟ ومتى تنعرض .. وماهي الافلام العربية و الانجليزية الجديدة 2011 .. الموجودة حاليا ؟ .. وماهي احلى صالات السينما وكم اسعارها و كم سعر حضور المسرحية ؟ .. انصحونا بكل شي والله يعطيكم العافية


..

مواضيع عشوائيه ممكن تكون تعجبك اخترناها لك:

• سؤالين عالطاير
• عاجل خبراء الصين الكرام وخصوصا بكين
• الخطوط الجوية الكويتية
• لقطات من كرنفال افتتاح لمهرجان هلا فبراير
• الفزعة يا أخوان أريد استئجار سيارة بالكويت
• مساعدة من اهل الخبرة فى الكويت افادكم الله
• الرجو منكم مساعدتي
• ¨° تحية لجميع من في المنتدى °
• الكويت الجميلة الكويت الكويت الكويت
• يا أهل الكويت وش احسن محل يفصل ثياب كويتية؟
• كم سعر تذكرة سفر من الرياض الى الكويت ذهاب وعوده ؟
• مافي محل تكون الاسماك حولك فيه؟؟
• وش الصالات الزينه للزواج
• مطلوب شقة بالفراونية او خيطان
• السفر ببطاقه الاحول
• استفسار بسيط عن الخيايط ومنطقة الفحيحيل
• اجيبوني لاهنتوا
• وش رايكم بالسعر؟؟ رياض كويت رياض
• استفسار عن منتجع موفنبيك البدع
• السلام عليكم

المشاركة الأصلية كتبت بواسطة AHMAD7-7
http://www.arabtravelersforum.com/tr...8/#post5119612

السلام عليكم ورحمة الله وبركاته ..

كيف الحال .. ان شاء الله بخير

انا لي يومين بآلكويت وحنا عائلة وصلنا الكويت الساعة 7 وحنا كنا متفقين مع واحد لكن يوم وصلنا قال جاء زبون وراحت عليكم .. ولفينا السالمية و حولي لمدة 6 ساعات ومالقينا فيها كلها وبعدين قعدنا على البحر وكنا بنرجع للرياض من القهر و التعب و الملل وهذي للمرة الثالثة اللي نزور الكويت ولانستفيد الا التعب المهم سالنا واحد عن شقق قال بنيد القار و الحمد لله لقينا شقة وقعدنا فيها .. المهم رحنا في الكويت " مارينا مول و الافنيوز و رحنا شارع الخليج العربي و سوق شرق وقعدنا على البحر ورحنا سوق المبآركية " .. ويمكن نقعد ثلاث ايام ونرجع وشرايكم وين نروح وش تنصحونا بما اننا عائلة .. انا ابي اروح السينما او مسرحية بخيت وبخيته لكن في الان ؟ ومتى تنعرض .. وماهي الافلام العربية و الانجليزية الجديدة 2011 .. الموجودة حاليا ؟ .. وماهي احلى صالات السينما وكم اسعارها و كم سعر حضور المسرحية ؟ .. انصحونا بكل شي والله يعطيكم العافية


..

وعليكم السلام اخوي احمد وحياك الله في ديرتك ..

المفروض تشتكي عليه لان انتوا متفقين معاه وحاجزين مو مني والطريج على كيفه يلغي الواحد مايلغي الحجز الا لما الزبون يعتذر ويقول كنسل بس من كيفه مايصير المفروض انك مشتكين واتخليه اهو يدبرلك سكن .. هذا اول شي ..
وثاني ولاتزعلون واتضايقون كل بيوت الكويت بيوتكم ومفتوحه وان ماشالتكم الكويت اعيونا تشيلكم واسفين على اللي حصلك نعتذر لكم عن اللي سواه فيك الاخ ..

ثالثا : المسرحيات بس بخيت وبخيته في ميدان حولي واقل سعر 5 واعلى سعر 15 وتنعرض بس يوم الجمعه في منطقه ميدان حولي مسرح نقابه العمال رقمهم 25653731 ..

السينمات افضل شي الافنيوز ومول 360 في جنوب السره .. وتقدر تدخل السايت cinescape هذا واتشوف الافلام اللي نازله ..

http://webserver2.kncc.com/index.php

اللاماكن اللي تزورونها : عندكم حديقه الشعب ومدينه الترفيهيه .. عندكم مجمع ديسكفري للاطفال .. حرب الاصباغ لجمعيع الاعمار مكانهم تحت الابراج paintball .. وعندكم منطقه فحيحيل فيها المنشر والكويت وبازار فحيحيل وفي مكان اسمه spoons القعده فيه حلوه مطاعم ومن ضمنتهم ميس الغانم وفيش ماركت وفرايديز ..

وان شاء الله قدرت افيدكم في هالمعلومات وحياكم الله في ديرتكم وسامحونا على التقصير اللي صار فيكم ..

حياكم الله

ومشرفتنا الغاليه ما قصرت


الاماكن كثيره بالكويت


المركز العلمى الاكواريوم ( حيونات مائيه واسماك ) وفى موقع للمركز العلمى ممكن تشوفون مواعيد

سينما اى ماكس

وبالنسبه لصالات السينما كلهم بمستوى واحد ولكن الاجدد 360 والافنيوز والبيرق

ممكن زياره الترفيهيه او الشعب او مرح لاند بالصباحيه والاستمتاع بالالعاب فيها

او زياره كويت ماجيك وهو مركز تسوق وفيه العاب خارجيه والعاب داخليه ومطاعم ومحلات تسوق متعدده

وفى المنشر مول والكوت مول بالفحيحيل

وحياكم الله

الخوات ماقصروا
ذكروا اماكن وايد يعطيهم العافيه

بس اهم شي لاتطوف الافنيوز
وان شاءالله ياااارب تستانسون
واذا بخاطرك اي استفسار ثاني امر

سينما الكويت

http://webserver2.kncc.com/index.php


هذا الموقع الرسمي سينسكيب


يعرض الافلام الجديده


وقريبا شنو بيعرضون

والحجز







اسعار التذاكر 3 دنانير
س يوم الاثنين دينار ونص

عندكم كذلك مقهى يوم البحار على شارع الخليج العربي مقابل


مجلس الأمة ممتاز قعدات و أكلات و العاب تراثية و منطقة جدا شرحة خاصة


أوقات المغرب و كذلك عنكم مطعم فريج صويلح بس روحوا مبكر لانه مزحوم


و اقترح تفطرون الصباح في مطعم مركز سلطان على البحر بوفيه مفتوح و لا اروع


و موقعه اذا كنتم جايين في شارع الخليج العربي و كانت المارينامول يساركم


يجي بعده على اليمين على البحر و اجازة سعيدة

شوووف تقريري رحلتي الي الكويت الي صفحة 16 و ابشر باخير

شكراً جزيلاً لكم