الموضوع: زيارتي الاولى للدراسة في بورمث

السلام عليكم
العام الماضي عزمت اني اروح ادرس لغة في بريطانيا وضبطت الامور كلها وتوكلت على الله ، المهم يوم وصلت مطار هيثرو ـ وش تشوف عالم الله يجيرك ،،، المهم رحت لمحل الباصات وحجزت تذكرة لأني ودي اتعلم كيف اقص تذكرة وكيف اسأل واستفيد من اللغة من اول دقيقة ،،، يعني ما احب الامور كلها تجي باردة مبردة .
الزبدة ركبت الباص ووداني لمحل التكاسي وجيت ل هكا الواحد ( شكلكم منتمب فاهمين العبارة الاخيرة ) وعطيته خريطة العائلة اللي ابقطن عندهم ( متعوب عليها ابقطن ) المهم قلت له بكم توديني قال من 7 إلى 10 بوند ، طبعا تهمني المادة لاني داج شوي ،،،، المهم ركبت معه وخذ سواليف ،،، الاخ يوم جاء ينزلني قال مع السلامة ،،، قلت له :: شر تعرف عربي . قال انا جزائري
نزلني عند البيت ووقف حتى إني دخلت عند العائلة ، جاء ابوهم وقال انت ؟؟؟؟ ( اسمي ) قلت إيه ÷،،،، رحب فيني وقال الحقني وطلعني لغرفتي وقال هذي غرفك ،،،كان فيها تلفزيون وسرير وطاولة وكرسي .
مع اني تعبان من السفر إلا إني ما صبرت من الفرحة ،،، نزلت يمه وقلت وين البقالة ،،، وصف لي :::: ورحت
وادخل البقالة : قلت عندك حب شمسي ( مسوي خطير بالانجليزي ) وبصراحة انا كنت قبل احفظ كلمات واحس انها ما تستعمل فقلت خلني اجربها في الواقع .... المهم رد وقال لا . لكن تلقاها في المحل الفلاني .
شريت من عنده بسكويت وسفن ورحت للبيت اتندح
يوم جاء العصر ومعي الخريطة واطلع من البيت ابشوف المدرسة لأني متحمس كثيررررررر . وصلت المدرسة وكانت مسكرة .
جاء يوم الاثنين اول يوم دراسي ورحت من الصبح وقبل لا تفتح المدرسة

انتظرونا في العدد القادم ــــ وما هو الموقف المحرج الذي حصل لي في اول يوم

يا شباب وشابات والله ما كتبت السالفة إلا ابوسع صدروكم ونحرك نوعية المشاركات لذا لحد يشره على

مواضيع عشوائيه ممكن تكون تعجبك اخترناها لك:

• ساكن بفرجينيا لازم تدخل
• استفسارات
• اخواني طلاب الدراسات العليا
• آخر ما قيل عن موعد أعلان الأسماء النهائية
• الى كل من يريد السفر الى سوريا
• بخصوص الماستر في التربيه الخاصة
• د غازي مكي مكافآت شهر محرم بزيادة شاملة المرافقين في حساباتكم الاثنين محرم
• سؤال عاجل جدا جدا جدا جدا
• ابي شوركم ببعض المعاهد
• نداء الى ملبورن من زمان وانا ابيك ترد على مواضيعي بس ماترد
• هل يمكن الحصول على قبول مشروط بالـ ؟
• برنامج الاتصالات المتقدمة
• ارجوكم لاتبخلون علي بخبرتكم
• الدراسه في بريطانيا اشهر محتاج ارئكم يالغاليين
• دراسة الهندسة المعمارية؟؟؟مساعده
• فزعتك يا بنت صقور بحكم انك رايحه سياتل ولا يهنون الباقين
• افضل جامعه
• تبي تسافر بالسياره تعال وشوف كم بيكلفك البنزين من المدينه للمدينه
• فزعتكم ياشباب
• ارجوا المساعدة نويت اسافر لتعلم الدراسة الانجليزية ومحتار وين الافضل ؟؟

يعطيك العافيه يالحبيب ، يبدو انها زياره ممتعه

بس بسألك ،، الفيزا الي طلعتها فيزة طالب ولا سياحه ؟

لأني بطلع فيزة سياحه وانا من المدينه واخاف اطق مشوار لجده واكلها على وجهي

وهل صحيح لازم اخذ موعد قبل لا أروح ؟

الشفق الاحمر انا معي فيزا سياحية لكن اروح ادرس لفترة قصيرة لكن إذا سألوني في المطار ليه جاي اقول سياحة
، إذا اخذت موعد افضل لك ، يمشونك بسرعة وعلى العكس
الميكادو : هلا اخوي وابشر من عيوني
ABDULLH عبدالله : حب شمسي تعني Sunflower seeds أما كلمة seeds لوحدها تعني فصفص .
روبان السفينه ابشر بعزك .
والحين اكمل لأني ما ودي اطول عليكم :
يوم جاء يوم الاثنين ورحت للمدرسة استقبلو جميع الطلاب الجدد وكنا اربعة من السعودية وفيه جنسيات كثيرة من غير السعوديين واذكر انه كان فيه اسبان وفرنسيين والمان وارجنتين وبرازيل وبرتغال واتراك وتشيك وبولند
قاموا وعملو لنا اختبار عشان يوزعونا على الفصول لكن قبل الاختبار قالوا فيه عملية تعارف : كل واحد يقول اسمه ومن وين ، ،،،،،، كل واحد قال اسمه واكثر الموجودين كانوا بنيات ،،،،،،،قال المدرس الحين كل واحد يعرف يصافح زميله ويعرف نفسه ــــ سواء ولد والا بنت ،،،،،،،،، اممممممممم صراحة موقف لا احسد عليه ،،، انا اعرف ان مصافحة المرأة حرام ،،، وخلونا من اللي يقول عادي انا اخاف الله وما علي من احد ،،، المهم قمت اختار الاولاد واتحاشي البنات وكل مرة تجي بنت انحاش وكأني ما شفتها وقلت له ما نيب مسلم على بنات ، لكن كل ما قال شيء خل نسلم على بعض ،،، الولد قال تم . المهم كل مرة يغير . المدرس لاحظ انا كلنا عيال : قال ما يصلح لازم تغيرون المهم ، بوم قال غيروا ،،، ابعدت عن المدرس ورحت للسعودي الثالث . وافتكيت من هالموقف اللي ما احسد عليه .
بعد ما سوو لنا الاختبار : قالوا الحين بناخذكم بالباص نمشيكم على بورمث ونوريكم المحلات اللي تقدرون تاكلون فيها وتشترون حاجاتكم منها ،،، واخذونا على السنتر ،،، مكان حلو
بعد ما رجعنا قالوا بكرة تبدون الدراسة ،،،، يوم جيت من بكرة من محاسن الصدف ان السعودي اللي كنت اسلم عليه ودابل كبده امس معي بنفس الصف ، ما كان معي إلا هو سعودي والبقية اجانب من ديار الله الواسعة .
في المرة القادمة ابقولكم موقف اخر وهو عبارة عن معلومة تفيد الجميع إن شاء الله وشكرا على تشجيعكم والسلام

الشفق الاحمر : الاختبار اللي سووه لنا كان تقييم بحيث يشوفون مستواك وبعدين يحطونك في احد المستويات مثل
مبتدأ او تحت المتوسط او متوسط او فوق المتوسط او متقدم او محترف .
ABDULLH عبد الله : الحقوق غير محفوظة
ونواصل رحلنتنا الجميلة . بعد قضاء يوم الاثنين في المدرسة وخلصنا رحت للبيت ،،،، كان البيت قريب جدا من المدرسة يعني اروح رجل . وكان قريب من شارع الشارمنستر وهو شارع معروف بالمطاعم العربية الاسلامية والبقالات المشابهة لما في السعودية .
وصلت البيت ولقيت فيه طلاب : كان فيه واحد تركي وواحد تايلندي واثنين سعوديين اخوان ، الاخوان كانوا بنفس الغرفة والباقين في غرف خاصة .
بصراحة ،،، أول ما عرفت ان فيه سعوديين تضايقت وكنت ناوي اشتكي للمدرسة لأني رايح اتعلم لغة واحب استفيد من كل دقيقة ،،،، والشباب اللي معي بالعائلة اثنين منهم سعوديين ،
قلت في نفسي اصبر واشوف ،،، ما ودي استعجل .... مر يومين وبصراحة السعوديين كانوا قمة الاخلاق والتعاون معي ،،،
مرة طلعت ابروح للشارمنستر ( اسم الشارع اللي عليه المطاعم العربية ) وانا طالع قلت لواحد من السعوديين ( احمد ) خل نروح مع بعض قال تم . مشينا ومع السوالف والدردشة مسكت يده مثل اي اثنين ماسكين ايدين بعض ،،،، مسكه عادية ( ما ادري تصورتوا والا لا ) المهم احمد واحنا نمشي فصل يدي عن يده وقال ابعد عني صراحة قلت احمد الظاهر مهوب صاحي
طيب وش السالفة : قال : يعني ما تدري !
قلت : لا
قال : يا اخي لا تحط يدك بيدي ،،،،،
يالله غربله طيب وش فيها :
قال هذي حركة يسويها ال gays الله يكرمكم ،،، و الله ما قدرت اكتبها بالعربي إكراما لكم
المهم قلت اجل كذا : خلاص والله ما عاد اسويها ،،، وهو جالس يكلمني يقول غريبه ما تعرفها ،،،،، هذي ثقافات تختلف عنا و ,,, و،،،،و المهم مع الحماس معه حطيت يدي بيده ،،، والله نسيت هههههههههه احمد عصب وقال وش فيك انت ، قلت اعذرني والله اني اسويها بالسعودية ومتعود اني وانا امشي نتماسك اليدين
ترى الحركة عادية اللي اثنين يمشون واحد يحط يده بيد الشخص اللي بجانبه .
وللحديث بقية إن شاء الله ،،،، شاكرا لكم على التشجيع والمتابعة

بعد قليل
من الاشخاص الي تستفيد من مواضيعهم المتميزه هنا في المنتدى
وباين عليك شخصيه طيبه ماشاء الله
لو ذكرت لنا اسم المعهد وعلى اي خطوط سافرت اخوي
اكون شاكر ومقدر لك

متابعك باستمرار .

مازلت وياك
ومستمتع بعد ربي يقويك احتري التكمله بفارغ الصبر
اخوك عبدالله

مافيه صور ولا حركات ولا مقاطع فيديو
على العموم متااااااااااااااابع

يعطيك العافيه اخوي..

عندي كم استفساار:
الاول هل يوجد مطاار في المدينه - بدل مطار هيثرو والهجوله الزايده-

الثاني هل استفدت من العائلة اللي كنت معها - لأني مافهمت اشلوون في سعوديين وغيرهم معك ومع نفس العائلة -؟ يعني كنتو فقصر او عماارة كبيرة ؟؟

مشكور بعد قليل : لكن انا اقصد الاختبار كيف كانت طريقته ؟
وكيف كانت اجواء المدينه اثناء زيارتك لها ؟

يا ليت اعرف انزل صور ،، لا تستغرب تراني ما نيب راعي كمبيوتر انا اتصفح واشارك على خفيف فقط
http://www.arabtravelersforum.com/user293328/ بورمث يوجد فيها مطار بس على ما اظن ما يودي بعيد يعني من السعودية ما تقدر تروح لبورمث مباشرة ،،، اذكر انه يودي لفرنسا واسبانيا لقرهن من بومث وخاصة فرنسا قريبة جدا
ونبدأ إكمال المسيرة في بورمث ،،، على فكرة جو بومث رائع جدا غيوم واحيانا امطار خفيفة .
في يوم وانا بالشارمنستر تعرفت على شاب سعودي محترم ،،، كنت اشوفه يركب الباص ،،، المهم صار بينا معرفة وقال لي : انا كنت ساكن عند عائلة لكن ما ارتحت لأني لما اجي اطلع اصلي الفجر ( كان المسجد قريب جدا من البيت) كانت العائلة تقول لي لا تطلع فتركت العائلة وسكنت في فندق على البحر انا احتريه يعزمني عشان اشوف الفندق //// الحمد الله قال لي : ورا ما تجي تزورني ،، انا لحالي في الفندق نتقهوا وندردش ،،، عاد انا مسوي نفسي اتغلى ،،، قلت لا خلها مرة ثانية وانا بداخلي ودي بس صعبة على طول اقول قوه ( نروح ) اخاف يقول وش هالبجيح
المهم الرجال لزم وانا على جريف ( ما صدقت خبر ) قلت دامك ملزم يالله . بصراحة فرح اني جيت معاه وانا اكثر
رحنا للفندق ولا وش تشوف ،،، صراحة خيال انواع الراحة والعجيب كان سعرفة رخيص يعني كان على ما اذكر 80 بوند بالاسبوع . على فكرة كانت هالرحلة بين النصف الاول والثاني يعني موهوب موسم ،،،انتبهو
المهم لعلي اتاخرت عنده حتى الساعة 11 ( الشمس تغاب الساعة 9 ) صلاة المغرب 9،،،،، المهم قلت ابمشي لزم على نم عندي قلت ،،، والله إني ما ارتاح إلا في بيتي تعرف الواحد صعب ينام بالجنز ،،،، طلعت وقد ودعني بما استقبلني به من ترحاب ( متعوب عليها لجملة الاخيرة ـ مع ان معناها صعب على )
كان ذاك اليوم يوم جمعة وبكرة عطلة السبت والاحد ،،، وكانت الباصات اغلبها توقف ما تشتغل يعني عساك تلقى لك باص واحد لو يوصلك حول البيت وايضا كان الشباب المراهق والمهبل واللي تشرب تدهر ( تطلع وتستهبل ) ذيك الليلة ، رحت لأقرب نقطة من مكان الباصات وجلست حوالي نصف ساعة ما جاء احد ،،، قلت يالله مقسوم خير ،،، الله يعين ،،،عاد انا خواف ،،، بصراحة جبااااااااان . وانا احتري جاء باص لكن ما كان يوقف حول البيت ،،،كان بالضبط يوقف على بعد اكثر من كيلو من البيت ،،، لكن الشكوى لله ابركب اقل ما فيها يبعدني عن السنتر .
ركبت الباص ورحت لمكان اخر ونزلت وانا اشوف هكا البنت اللي تنزل معي ،،، انا شايفها كم مرة تركب الباص ،،، عرفت ان بيتها حول بيتي ،،، ناظرتني وقالت : خل نمشي مع بعض لأن السكاري كثار ويمكن نتعرض لمشاكل لكن إذا صرنا اثنين احتمال كبير ما يجونا ،،، انا رحبت بالفكرة ومسوي نفسي اباضاي إحم إحم قلت تمام
ومشينا مسافة كبيرة وجاءت نفطة لازم نتفارق عشان كل واحد يروح لبيته ،،، يعني الحين بقى حوالي 300 إلى 400 متر وكل واحد لازم يروح مع شارع ،،،
قلت لها : لو تعرضتي لشيء اصرخي وارفع صوتك ، قالت ليه قلت عشان يمديني انحااااااااااش بصراحة ماتت من الضحك وانا اروح اركض للبيت واسمعها من بعيد تضحك ، قلت الله يستر اما سمع احد صوتها وجاها وادبغها وصرت السبب .
المهم رحت ودخلت البيت وسميت ونمت .
في المرة القادمة ابقولكم وش قالت المدرسة العجوز عن السعوديين وعن صلاة الجمعة ؟
شكر خاص لجميع الاعضاء المشاركين على هذه الردود الطيبة وبارك الله فيكم

الغالي بعد قليل
مشكور على الرد والتجاوب
وسالفه البنت والنحشه بعد الصراخ ماتنلام لما تضحك
كلنا فكرنا مثل تفكيرها قلنا بتفزع يعني 00 وطلع العكس

عندي ملاحظه بخصوص الفيزا السياحيه
ما تعتقد فيها مخاطره شوي 000 ولما يسألونك في المطار وين نتسكن وكيف تجاوب ؟
بخصوص المعهد
اكيد تعمل تسجيل وتتخاطب معهم عن طريق النت
وتحصل على قبول ، لكن مايطلبون منك الجواز والفيزا ويعترضون على انها سياحيه ؟

ولو بتنصحني بوقت ( غير الصيفيه ) وعطله المدارس عشان ابعد عن الزحمه
للدراسه هناك لمد ( 3 ) اشهر متى تفضل وتقترح يكون
شهر ( ) ( ) ( ) مثلاً .

متابعك باستمرار
واتمنى مانكون زودنها بالاستفسارات .

الغالي بعد قليل
كل الشكر لك على الرد والتجاوب
والله يرفع قدرك في الدارين

ان شاء الله الاشهر الي وصيتني عليها مايكون هناك برد وثلوج
وانا حريص جدا على الاجواء والاوقات الهادئه
بعيدا من ازعاج المراهقين في الصيف

متابعك وبانتظار بقيه تفاصيل الرحله 0

السلام عليكم و رحمة الله و بركاته

الله يعطيك العافية ان شاء الله بعد قليل
بصراحة تووووووووووووووحفة
مواقفك عجيبة

تابع بانتظار المزيد من قصصك و مواقفك


تقبل مروري

يالله يارب اسئلك ان تبقينا وشباب المسلمين على الدين
يعطيك الف عافيه اخوي على القصص الشيقه
وانا بآنتظآرك في الجزء القادم....
اتمنى اذا كان هناك طريقة اتواصل معك عن طريقها...ياليت لو تسمح

قصصك ممتعة واسلوبك مشوق ... وكلة كوم ويوم رحت البيت ركض وتقول للبنت اصرخي لاجاك احد
وهل انت الا الان تدرس ؟
سجلني من المتابعين

روعة و أسلوب شيق
تحياتي,,,,

اشكر كل من شجعني وشاركني في هذا الموضوع وما جعلني اسرد لكم قصتي واتواصل معكم إلا هذه الكلمات الرائعة الطيبة منكم فلكم مني جزيل الشكر وجميل الثناء .
انا لا امانع ان اتواصل مع اي شخص ولكن لا اعرف هل وضع الايميل مخالف لقوانين المنتدى ام لا ؟ أو وضع الجوال ،،،،
لا أحب ان اخالف القوانين الموضوعة وإلا والله ودي اخدم أي واحد من عيوني ولا أريد إلا الدعاء منكم .
انا الان موجود في السعودية وسأذهب إن شاء الله في شهر 7 إلى بورمث بإذن الله . ولعلنا نتشرف بشوفتكم ولكن الكلام بالانجليزي هذا شرط أساسي .
أنا الان مستعجل ابروح اصلى ( أسأل الله أن يتقبل من الجميع ) ولي عودة قريبة معكم بإذن الله لأكمل لكم بقية الرحلة .

المشاركة الأصلية كتبت بواسطة بعد قليل
http://www.arabtravelersforum.com/tr...9/#post3818289

اشكر كل من شجعني وشاركني في هذا الموضوع وما جعلني اسرد لكم قصتي واتواصل معكم إلا هذه الكلمات الرائعة الطيبة منكم فلكم مني جزيل الشكر وجميل الثناء .
انا لا امانع ان اتواصل مع اي شخص ولكن لا اعرف هل وضع الايميل مخالف لقوانين المنتدى ام لا ؟ أو وضع الجوال ،،،،
لا أحب ان اخالف القوانين الموضوعة وإلا والله ودي اخدم أي واحد من عيوني ولا أريد إلا الدعاء منكم .
انا الان موجود في السعودية وسأذهب إن شاء الله في شهر 7 إلى بورمث بإذن الله . ولعلنا نتشرف بشوفتكم ولكن الكلام بالانجليزي هذا شرط أساسي .
أنا الان مستعجل ابروح اصلى ( أسأل الله أن يتقبل من الجميع ) ولي عودة قريبة معكم بإذن الله لأكمل لكم بقية الرحلة .

انا مسافر بشهر جولي يوم واحد وبجلس شهر ببورمث
ادرس لغة اذا ودك نتخاوى بلغني و على بركة الله نتوكل .

اخوي الحرية اتشرف في اخوتك ولكن انا معي اثنين وتاريخ الذهاب 14 جولاي ، لكن لعلنا نشوفك هناك
صبحكم الله بالخير وأسعد الله نهاركم بالمسرات
اليوم نواصل سالفتنا في بورمث ،،،،،
انا من طبعي اني ادرعم يعني احب اروح اتمشى واشوف كل شيء جديد ، المهم مرةوانا جاي من لندن على الباص وبصراحة كنت محتاج دورة المياة ضروري ، وكان الباص له محطة لازم يوقف عندها يبغى يحمل ركاب
قال السواق ، اللي يبغى ينزل يشتري شيء ينزل . بس لمدة خمس دقايق . طبعا هم عندهم الدقة بالوقت بالملي يعني لو تأخر : خلاص يروح عنك .
المهم نزلت وطيران لدورة المياة وحالتي حالة . جيت عند الدورة ولكن كان فيه شيء مثل الحاجز ،،، شيء مثل اللي بالاسواق الكبيرة لما تجي تدخل يدور وتدخل . لعلي دفعت الحاجز لكن ما مشى معي وحاولت لكن برضة ما فتح ، المهم فيه عجوز عند الكاونتر ( مكان الحساب ) صرخت وقالت تعال . بكل براءة جيت وقلت نعم ، قالت : تبغى دورة المياة ادفع فلوس ،،،،، !!!!!!!!!! صراحة انبهرت يعني كلها دقيقة . المهم انا مستعجل وابعطيها اللي تطلب ، قلت كم ، وانا ما اقدر اتحمل . قالت : عشرين سنت ،،،، مبلغ قليل ، المهم دورت معي : ما لقيت ،، وانا اعطيها خمسة بوند وقلت لما اطلع عطيني الباقي . قالت لا : اصبر خلك شوف لك صرف ، وشوي إلا تقول لي : ما معي صرف ،. قلت ما اقدر ، قالت خلاص رح بلاش ،،،، وتضغط زر عندها وتخليني ادخل وانحلت المشكلة ، ولله الحمد ، بصراحة بغيت اروح بخرايطها .

كانت المدرسة تنظم رحلات في الويكند ( نهاية الاسبوع ) مثلا يوم السبت فيه رحليتن وحدة إلى لندن ووحدة إلى اوكسفورد ، والاسبوع اللي بعدة إلى بول وإلى سوينج وعلى هالحال .
وكان السعر مقبول جدا ( حلو ) يعني كانت بعشرين بوند رايح جاي . طبعا لندن أنا ريح لها فقلت ما بدهاش خلاص ابروح إلى اكسفورد ،،، دائما ما اسمع عن قاموس اكسفورد وكتب مطبوعة عن طريق اكسفورد وتوقع انكم مثلى تسمعون هالاشياء ، المهم قررت إلى اكسفورد .
سجلت بالرحلة وركبنا الباص ،،، بصراحة فلة كان معنا مرشد يعلمنا وين نبي نروح بالظبط وش نبي نمر عليه .
يوم وصلنا : مشينا مع بعض والمرشد يسولف عن الجامعات ، ودخلنا جامعة وشفنا طلاب انواع الطلاب ، وكان فيه طلاب على شكل مجموعات واغلبهم من اليابان .
بعد ما تمشينا قال المرشد الحين كل واحد ياخذ راحته ، رح للي تبي وشف اللي تبي وقال شوفوا هناك فيه مكتبة عامة لبيع الكتب ( استماع ـ محادثات ـ قواعد ـ الخ )
عاد خويكم يموت بالكتب ، وانا اترك الشباب واروح لم المكتبة واجلس اتصفح ،،، وبصراحة كنت متحير وش اشتري لأني كل ماشفت كتاب ، قلت اهذا احسن ، وكنت مركز على كتب المحاثة والاستماع .
المهم قلت لصاحبة المكتبة ساعديني ، جاءت وقالت ابشر ، واختارت مجموعة كتب . وشريت منهم .
طبعا الكتب غالية نوعا ما يعني الكتاب تلقاه مع سيدي ب 18 بوند او عشرين او 22.
بعد ما دوجت ( تمشيت بكل مكان ) رحت لمكان الباص وقد اخذ مني التعب ما اخذ ( متعوب عليها الجملة الاخيرة )
في المرة القادمة :

ما قصة الطالبة الالمانية ؟ ولماذا تريد هدية ؟
لماذا اجتمعوا ( المان ـ كوريا ـ تايون ـ فرنسا ) وتفرقوا مندهشين ؟

إستمرررررررررررررررر ... واهديك كاس افضل لاعب في المنتدى لهذا الاسبوع
الله يوفقك بالرحله الجايه .... وياريت لو تقدر تسأل عن طريقة اضافة الصور .. بيكون الموضوع اكثر اثاره وتشويق

الجزء الاخير رووعه
وبانتظارك في الجزء القادم

مشكور اخوي وماقصرت بس قلنا كيف نظام العائلة لاني جاي بالصيف يعني يخلونك براحتك ولا لا ويغسلون ملابسك

والاكل عندهم حلال ولا لا ووش الوجبات اللي يقدمونها وكيف الصرف هناك مع العلم اني بدرس شهر في كامبردج

وقلي وش رايك في معهد ef school وبس مشكور ...

هذا الرد فقط للإجابة على استفسارات اخي البرنس وليد وسنكمل رحلتنا في وقت لاحق إن شاء الله






المشاركة الأصلية كتبت بواسطة البرنس وليد
http://www.arabtravelersforum.com/tr...6/#post3828936

مشكور اخوي وماقصرت بس قلنا كيف نظام العائلة لاني جاي بالصيف يعني يخلونك براحتك ولا لا ويغسلون ملابسك









المشاركة الأصلية كتبت بواسطة البرنس وليد
http://www.arabtravelersforum.com/tr...6/#post3828936

بالنسبة للعائلة ،،، غالبا يكونون طيبين ولا يتدخلون بشؤونك ،، يعطونك مفتاح البيت ومتى ما جيت تجي يعني ما يقولون لك ليه تأخرت والا ليه ما جيت ،،،، لكن بعض العوائل يقولون لك حط عندنا خبر إن كانك منتب جاي تتعشى ،،،العشاء في اغلب العوائل الساعة 6
أما الملابس ،،، فهناك عوائل تغسل لك الملابس مرة واحدة في الاسبوع ،،،طبعا يعلمونك كيف تشغل الغسالة وكيف تحط الصابون ( عسالاتهم غير)
بعض العوائل تدفع لهم اربعة او خمسة بوند وهم يغسلون كل ملابسك ويرجعونها لك بعدين .
والاكل عندهم حلال ولا لا ووش الوجبات اللي يقدمونها وكيف الصرف هناك مع العلم اني بدرس شهر في كامبردج
الاكل اهم شيء احذر من لحم الخنزير وغالبا هم يعلمونك عن الاكل هل هو خنزير ام لا . أحيانا العوائل تصلح دجاج صحن خضار وبطاطس مسلوق ( كثيرا يسوونه البطاطس المسلوق ) احيانا بيتزا واحيانا سمك
وقلي وش رايك في معهد ef school وبس مشكور ...




واخيرا المعهد اعذرني ما اعرف عنه شيء لكن بحثت لك وعسى هالرابط يفيدك

عفوا نسيت الرابط
http://www.ef.com/master/ils/destina...NS_GGSA_web_EF

حبيبي البرنس
ابتعد كل البعد عن ef لانه معهد فاشل وكل العالم تسبه
ماهمهم الا ياخذون الفلوس وراعين بارتي وخربطه
ماعندهم تدريس صح
انا اعرف اكثر من شخص درسوا فيه ....ومايمدحونه

مرحبا انا رايح بالصيف مدة شهرين ومحتار تتوقع تكفي شهرين اهم شي المحادثةوعندي كم سؤال
انت يوم تروح كان عندك لغة ولا كيف
وكم جلست
وهل تحس انك استفدت
بس ماشاء الله عليك اسلوبك خطيييييييييييييير

وااااااااااااو
أعشق اليوميات ، وسرد ما يحدث لك
وبطرق مشوّقة وعجيبة ، مع العناوين الملفتة صراحة
اهنيك على هيك موضوع ، ياليت تتدعم الموضوع
ببعض الصور .. ، اكمل اكمل
متااااااااااابعيــــن

المشاركة الأصلية كتبت بواسطة م م ج
http://www.arabtravelersforum.com/tr...7/#post3839097

مرحبا انا رايح بالصيف مدة شهرين ومحتار تتوقع تكفي شهرين اهم شي المحادثةوعندي كم سؤال









المشاركة الأصلية كتبت بواسطة م م ج
http://www.arabtravelersforum.com/tr...7/#post3839097

انت يوم تروح كان عندك لغة ولا كيف
وكم جلست
نعم ، انا معي لغة يوم اروح ،،، ما جلست كثير ،،،، حوالي شهر
وهل تحس انك استفدت
واستفدت كثيرا من ممارسة اللغة هناك
بس ماشاء الله عليك اسلوبك خطيييييييييييييير




يعطيك العافية ،،،، انتم وقود المشاركات

موضوعك مميز ينقص حاجتين
1- صور
2- لو تسرد القصص على طول علشان الواحد يمخمخ عليه صح

هلا اخوي مرره ثانيه ,,,
نسيت اسألك ايش تنصحني في المناطق ,,,
برايتون او بورمث او اي منطقه اخرى.
وانت لما رحت اول مره كيف كانت لغتك لاني والله ماافهم شي . يعني لغتي مررره تعبااانه ..

المشاركة الأصلية كتبت بواسطة الجعيدي 22
http://www.arabtravelersforum.com/tr...6/#post3848796

هلا اخوي ,,,









المشاركة الأصلية كتبت بواسطة الجعيدي 22
http://www.arabtravelersforum.com/tr...6/#post3848796

والله التقرير اكثر من روووووعه ,,,
وانا ان شاء الله ناوي على البرايتون بعد رمضان وانا اول مره اجي بريطانيا ولغتي بالاتجليزي صفر يعني يلله الحروف وبعض الكلمات ,,, عطنا شوي من نصايحك ,,,
والله يكثر من امثالك




شكرا لك . وانصحك قبل لا تروح بكتاب تحدث الانجليزية للمؤلف فهد البهلال ،، كتاب يتكلم عن بعض المواقف والحوارات في الفندق والمطار والمطعم والشارع ،،،، يفيدك في الكلام البسيط الذي تحتاج .
حاول تشوف لك مدرس يدرسك من نفس الكتاب المذكور حتى يكون عندك مبادئ محادثة .






المشاركة الأصلية كتبت بواسطة ابو طارق 2
http://www.arabtravelersforum.com/tr...0/#post3848750

موضوعك مميز ينقص حاجتين









المشاركة الأصلية كتبت بواسطة ابو طارق 2
http://www.arabtravelersforum.com/tr...0/#post3848750

1- صور
2- لو تسرد القصص على طول علشان الواحد يمخمخ عليه صح




هلا اخوي ابو طارق ،،، بصراحة ما اعرف احط صور ،،، لا تستغرب ، ما لي في الكمبيوتر






المشاركة الأصلية كتبت بواسطة الجعيدي 22
http://www.arabtravelersforum.com/tr...6/#post3849076

هلا اخوي مرره ثانيه ,,,









المشاركة الأصلية كتبت بواسطة الجعيدي 22
http://www.arabtravelersforum.com/tr...6/#post3849076

نسيت اسألك ايش تنصحني في المناطق ,,,
برايتون او بورمث او اي منطقه اخرى.
وانت لما رحت اول مره كيف كانت لغتك لاني والله ماافهم شي . يعني لغتي مررره تعبااانه ..




برايتون روعة وبورمث كذلك ،،،و ما دامك في برايتون خلك عليها ،،، برايتون اكبر بكثير من بورمث وفيه مجال للتمشي والروحات والجيات .

هلا والله بك اخوي من جديد ,,,
ابسألك انت قلت تعرفت على شباب في نفس السكن اللي كنت انت فيه ,,, انا مافهمت عليك يعني العائله اللي انت ساكن عندهم فيه كذا غرفه مأجرينها لغيرك ,, وبعدين الاكل اللي عند العائله مناسب لنا وهل انت تاكل معاهم ولا يعطونك اكلك في غرفتك ,, والله انا صاحب عائله بالسعوديه وأخاف أني احن على البزوره وأطفش وأعود ,,,,

مشكور اخوي وتعبتك معي واحنا في انتظار باقي يومياتك في برونموث

المشاركة الأصلية كتبت بواسطة الجعيدي 22
http://www.arabtravelersforum.com/tr...1/#post3850421

هلا والله بك اخوي من جديد ,,,









المشاركة الأصلية كتبت بواسطة الجعيدي 22
http://www.arabtravelersforum.com/tr...1/#post3850421

ابسألك انت قلت تعرفت على شباب في نفس السكن اللي كنت انت فيه ,,, انا مافهمت عليك يعني العائله اللي انت ساكن عندهم فيه كذا غرفه مأجرينها لغيرك ,, وبعدين الاكل اللي عند العائله مناسب لنا وهل انت تاكل معاهم ولا يعطونك اكلك في غرفتك ,, والله انا صاحب عائله بالسعوديه وأخاف أني احن على البزوره وأطفش وأعود ,,,,




هلا اخوي ،،، السكن اللي انا فيه كان فيه خمسة غرف لطلاب من عدة دول ،،، كان فيه طالب من تركيا وطالب من تايون واثنين من السعودية ،،،،
نظام المعهد ،،، لايسمح بتواجد طلاب سعوديين مع بعض ،،، لكن هم اخوان وانا جيت وتفاجأت فيهم ،،، لكن بعد اول يوم ومع السواليف معهم ،،، ارتحت لهم ،،، ولاكن لو قدمت شكوى للمعهد كان غيروا العائلة ،،، لكن الامور كانت تمام .
بعض العوائل مسوين بيتهم سكن للطلاب ،،، فأحيانا تلقى بيت فيه طالبين واحيانا اكثر قد يصل في اكثر الاحيان لخمسة ،،،
تبي الصراحة ودي يكون فيه جنسات كثيرة عشان ندقها سواليف ونفلها ،،،
بالنسبة للأكل راح اقول لكم عنه في المرحلة ما بعد القادمة إن شاء الله ( تقرير حلو )
بالنسبة للبزورة والله اني مثلك احن للبزور لكن الشكوى لله . انا ما اطول في رحلتي






المشاركة الأصلية كتبت بواسطة الحـرية
http://www.arabtravelersforum.com/tr...1/#post3850441

بعد قليل خير سفير









المشاركة الأصلية كتبت بواسطة الحـرية
http://www.arabtravelersforum.com/tr...1/#post3850441


بيض الله وجهك وجزاك الله خيرآ




الله يحفظك اخوي واشكرك على جميل الكلام






المشاركة الأصلية كتبت بواسطة البرنس وليد
http://www.arabtravelersforum.com/tr...0/#post3851460

مشكور اخوي وتعبتك معي واحنا في انتظار باقي يومياتك في برونموث




ابشر يا غالي من عيوني .

الشكر لجميع المتابعين على تشجيعهم وكلماتهم التي هي ما جعلتنا اتحمس للمواصلة فشكرا من الاعماق

هلا اخوي والله ,,,,
بأنتظار كامل تقريرك بأحر من الجمر ,,,
ابسألك انا ادري بتقول ياكثر اسألته ,,
وفقك الله اخوي ,,,,

صراحة سردك لزيارتك رررائع جداً

وأنا من أسباب تسجيلي بالمنتدى موضوعك ولا أبالغ والله ..

أتمنى تكمل لأني الحقيقة لي روحة لبورمث .

سؤال برئ كم أسعار التذكرة من الخطوط السعودية

وهل فيه خطوط رخيصه بالرياض أروح احجز قبل الزحمات

== بعد قليل ==


كتبت فـ أبدعت و بصراحه من خيرة السفراء عسى الله يوفقك ،، و أعجبني منطقك بالرد على البنت الألمانيه .. يا ولد جيراننا


تحياتي لك ...

بارك الله فيك ، انت خير سفير لدينك ، لا خير فينا ان قدمنا صورة سيئه عن الإسلام .

طيب عندي سؤال يالحبيب الغالي ولاطنشني زي الرد 16

اقدر اخذ مع البلايستيشن والعب فيه عند العائله ؟

تخبر الواحد بيطفش والنهار هناك برمضان طوووويل

اخوي حمستنا بس وش تنصحنا ناخذ معنا في بريطانيا مثلن الجو كيف بارد ولا يعني وبعدين انا في كامبردج ان شاء الله بس حبيت اسئلك العائلة يودونك رحلات ولا لا والمعهد بعد يسوون رحلات بس وش اللي يخليك تطفش واقدر انزل لندن في الويكند وارجع بالليل بالقطار والمواصلات اقدر استاجر سيكل ولا لا او تنصحني في الباصات وفي اشتراك مفتوح بالباصات مثل ما سمعت ولا لا ووش تنصحني استعين في الكتب ولا اشتري قاموس اطلس وفي صعوبة في التعامل مع الشعب البريطاني مثل ما سمعت وما ابي اطول عليك تعبتك معي بس مثل ما تعرف اول مره اروح لحالي والمدة شهر مع العلم اني ادرس في ثاني ثانوي وانتظر باقي تقريرك ...

هلا اخوي بعد قليل ,,,,
وأشكرك من كل قلبي على سعة قلبك وصبرك ,,,
والله يكثر من امثالك ولاتتأخر علينا بالتقرير ,,,,,
وأكيد فيه اسئله كثيره بس مانبي ننحشك وبعدين ماتكمل التقرير

المشاركة الأصلية كتبت بواسطة البرنس وليد
http://www.arabtravelersforum.com/tr...0/#post3854810

اخوي حمستنا بس وش تنصحنا ناخذ معنا في بريطانيا مثلن الجو كيف بارد ولا يعني وبعدين انا في كامبردج ان شاء الله بس حبيت اسئلك العائلة يودونك رحلات ولا لا والمعهد بعد يسوون رحلات بس وش اللي يخليك تطفش واقدر انزل لندن في الويكند وارجع بالليل بالقطار والمواصلات اقدر استاجر سيكل ولا لا او تنصحني في الباصات وفي اشتراك مفتوح بالباصات مثل ما سمعت ولا لا ووش تنصحني استعين في الكتب ولا اشتري قاموس اطلس وفي صعوبة في التعامل مع الشعب البريطاني مثل ما سمعت وما ابي اطول عليك تعبتك معي بس مثل ما تعرف اول مره اروح لحالي والمدة شهر مع العلم اني ادرس في ثاني ثانوي وانتظر باقي تقريرك ...




هلا اخوي وليد الجو بالصيف بشهر 7 و8 حلو يكون إن شاء الله 16 درجة تقريبا ،،، لكن يلزمك تاخذ لك بجامة او شيئ ثقيل لكن لا تكثر يعني لو سبحان الله صارت برد واثرك تغير .
بالنسبة للعائلات اللي اعرفة ما يودونك لرحلات لكن المدرسة تسوي رحلات إلى لندن واكسفورد وبعض المدن بملغ حوالي 20 بوند ذهاب وعودة ـــــ رحلاتهم حلوه . ،،،
نعم تقدر تروح لندن وترجع بالقطار او الباص ،،، اللي تبي .
بالنسبة للكتب والقاواميس كلاهم مهمات ـــ واطلس انا لا استغني عنه سواء بالسعودية او برا .
الشعب البريطاني طيب وكل واحد بحالة وما عليهم منك . وانا ما شفت منهم شيء ـــ والمحترم يفرض عليك احترامه
بالنسبة للباصات ـــ تقدر تشتري كرت لمدة اسبوع ب 15 بوند وتروح للي تبي لكن داخل الديرة اللي انت فيها مثلا تروح من المدرسة للبيت والعكس وتروح من اي مكان للسوق وعدة محلات
وفيه كرت لمدة شهر وسعرة يكون تقريبا ب 45 بوند او حولها . وفيه كرت لمدة ثلاثة اشهر وسعرة يكون اغلى
وبالنسبة للسيكل تقدر تشتري بس اهم شيء تمشي على الخط الاصفر وتلتزم بالنظام ،
لمدة شهر ما انصحك بسيكل ،،، الباص احسن لك .






المشاركة الأصلية كتبت بواسطة الجعيدي 22
http://www.arabtravelersforum.com/tr...0/#post3854970

هلا اخوي بعد قليل ,,,,









المشاركة الأصلية كتبت بواسطة الجعيدي 22
http://www.arabtravelersforum.com/tr...0/#post3854970

وأشكرك من كل قلبي على سعة قلبك وصبرك ,,,
والله يكثر من امثالك ولاتتأخر علينا بالتقرير ,,,,,
وأكيد فيه اسئله كثيره بس مانبي ننحشك وبعدين ماتكمل التقرير




حياك الله اخوي وما سوينا إلا الواجب

السلام عليكم و رحمة الله

مشكوووووووووووووووووووور اخوي بصراحة اسلوب الطرح روووووووووووووعة
و اقرا و انا حدي متشووووووووقة و متحممممممسه
الله يعطيك العافية ان شاء الله


قل امين يعل الله اوفقك و يرزقك على قد نيتك و يسعدك و يثبتك يارب
بصراحة عجبتني اشلون اقنعته بوجهة نظرك و اشلون بينت له ديننا و اسلامنا و عاداتنا
صدق من سماك (( خير سفير ))

والله يهدي شبابنا و ارجعهم الى دينهم ردا جميلا

كمل و ربي يعطيك العافية يارب

كمل بانتظار باقي لاجزاء و المواقف

متااااابع !!

والله يعطيك العافية ياليت تكمل سلسلة مواضيعك

سؤال عزيزي : كم يكلف معهد بيت يعني شهرين كم يآخذ ممكن أعرف بالحساب السعودي تقريباً لأني من كلامك وكلام بعض الشباب أعجبني والله

ولكن السكن مع عائلة كم قيمته تقريباً تهمني الأسعار حتى أوفر ميزانية

بالنسبة للمعيشة لمدة شهرين كم يكفي مبلغ على واحد مقتصد

السلام عليكم هلا اخوي سعد بالنسبة لأسعار معهد بيت تعتبر اغلى من المعاهد الاخرى لكن تبي الصراحة معهد محترم ،،، ويعتبر قريب جدا من الشارمنستر ،،،، شارع العرب
بالنسبة لشهرين مع السكن عند عائلة يصل المبلغ ل 20 الف ( هذا توقع مني ) ولو تبي اعطيك عنوانهم وتسألهم
ولا تنسى انه على حسب نوعية الدورة يعني مكثفة والا عادية ،،، دائما المكثف اغلى من العادي .

هلا والله اخوي ,,,
والله عيني عليك بارده ,,,
والله اني ودي ادرس ومستثقل الدراسه والمده ,,,
ننتظر كامل تقريرك بأحر من الجمر ,,,,
وفقك الله ,,,

اخوي اشكرك وضحت الصورة قدامي وان شاء الله تنكتب بحسناتك

وحمستنا ننتظر ليش طبخت مع ابو العائلة بس العائلة ما كان عندهم اولاد ؟؟

ولا تطول علينا موضوعك ترانا من متابعينه وكل يوم نشيك بس ماشاء الله عليك مجتهد

بس لو تدعمه بالصور اذا ما عرفت اسئل احد من اصدقاك يساعدونك عشان نعيش معك الحظة بلحظة ^_*

ماشالله عليــك اخوي ... اسلوبك حلو ودمك خفيف

انا انشالله ناويه اطلع بورمث في شهر 8 ميلادي دوره لغه لمده 7 اسابيع ..

وخاااايفه لأني اول مره اطلع بورمث وبكون لوحدي ف أتمنى لو عندك اي ملاحظات تقدر تساعدني فيها

انك ماتقصر ولك الأجر والثوااب ::

المشاركة الأصلية كتبت بواسطة mzajyah
http://www.arabtravelersforum.com/tr...4/#post3860644

ماشالله عليــك اخوي ... اسلوبك حلو ودمك خفيف

انا انشالله ناويه اطلع بورمث في شهر 8 ميلادي دوره لغه لمده 7 اسابيع ..

وخاااايفه لأني اول مره اطلع بورمث وبكون لوحدي ف أتمنى لو عندك اي ملاحظات تقدر تساعدني فيها

انك ماتقصر ولك الأجر والثوااب ::



شوفي هل بتسكنين عند عائلة والا لوحدك ،،، من وجهة نظري العائلة افضل واطلبي ما يكون عندهم اولاد ،،، يعني لو كان فيه بنات زيك راح ترتاحين من ناحية نفسية ومن ناحية السواليف
وايضا ،،، عدم الخروج ليلا ،،، واذا كان تبين تشترين شيء اشتريه بالنهار .
يعني قدر الامكان بالليل ما فيه طلعه .
انا وهو انا ويقولون من خاف سلم .
اهم شيء هو التوكل على الله والمحافظة على اذكار الصباح والمساء . والله يحفظك .

نزولا عن رغبتكم سأحاول إنزال صور في المرة القادمة

قلت سأحاول لأنها اول مرة لي

المشاركة الأصلية كتبت بواسطة بعد قليل
http://www.arabtravelersforum.com/tr...5/#post3860705

شوفي هل بتسكنين عند عائلة والا لوحدك ،،، من وجهة نظري العائلة افضل واطلبي ما يكون عندهم اولاد ،،، يعني لو كان فيه بنات زيك راح ترتاحين من ناحية نفسية ومن ناحية السواليف
وايضا ،،، عدم الخروج ليلا ،،، واذا كان تبين تشترين شيء اشتريه بالنهار .
يعني قدر الامكان بالليل ما فيه طلعه .
انا وهو انا ويقولون من خاف سلم .
اهم شيء هو التوكل على الله والمحافظة على اذكار الصباح والمساء . والله يحفظك .






اهاا حلوو اي انشالله بسكن مع عائله .. بس عجبتني انت الشجااع خخخخ

تسلم انشالله بس أخر استفسار ..

كيف بيكوون الجو تقريبا بشهر 8 و 9 يعني برد ولا متوسط عشان اعرف الملابس كيف اجيبها

وبالنسبه لأسعار الملابس هناك زي عندنا ولا اغلى بكثير ولا اغلى بنسبه قليله

يعطيك الف عافية
على الأسلوب الأكثر من رأع وانا راح أطلع في الصيف ان شاء الله ثلاث شهور سؤالي نفس الاخت mzajyah وتنصحني بمعهد beet or westbourne Academy وما تقصر ياحبيبي

ومشكور على الجهد المبذول...........

اكمل عزيزي نحن في الانتظار ..

http://www.arabtravelersforum.com/travel316008/
خش على ذا الموضوع ، بتعرف كل شي عن خاصة المعرض
وكيف ترفع الصور وتنزّلها بالموضوع ،

mzajyah بالنسبة للملابس انصحك باخذ ملابس صيف وشتاء ،،، ملابس الشتاء اللي انا اخذت بجامتين داخليات كم طويل وثنتين كم قصير .
الجو عموما بالصيف يكون متوسط إلى بارد وخاصة 8 و 9 .
الاسعار هناك اغلى من السعودية يعني ممكن القطعة تاخذونها ب 20 بوند والحسابة بتحسب يعني 20 *6 = 120
هذا إذا كان البوند يساوي 6 ريال أحيانا ياصل 7 او 8 . طبعا انا جيد بالرياضيات
واعيد السعودية ارخص ،،، انا شريت ملابسي من سيتي ماكس والهرم و ،،،،، تعرفون على قد حالي
للأمانة تراي استخدمت الالة الحاسبة اللي بجوالي عشان اضرب لكم الرقم
اخوي فهد انا رديت عليك موضوعك لكن لا مانع من الاجابة مرة اخرى
بيت رائع لكنه غالي اما المعهد الثاني للأمانة لا اعرفه وهذا لا يعني انه سيء او جيد .
سيما شكرا على الرابط الرائع والمحاولات إن شاء الله جارية

أشكرك اخوي بعد قيل
واصل والله أنتظرك على احر من الجمر


والبتوفيق للجميع ..........

الحمد لله تاكدت انو ما فيه لحم خنازير وهذي الحركة شكلي بسويها ان شاء الله خخخخخخخ بسوي كاني اتعلم كلمات

وابي افتش ام الثلاجة اتاكد واحنا في انتظار قصتك مع المراهقين وكمل واحنا معك بس انت كم عمرك وتبي تروح الصيف هذا ولا لا ؟؟

لمعلوماتكم من
مشتقات الخمور: ِalcohol/bear flavors, vanilla extract, yeast extract, wine vinegar

لحم الخنزير ومشتقاته:
pig/hog/boar, pork, ham, bacon/gammon, gelatin, animal fat-lard, enzymes(Rennin, Pepsin),artificial flavors made from pork BHA & BHT.

منتجات ألبان مشتقة من الخنزير: butter fat Lipolyzed, buttermilk solids, caseinates, rennet casein, cheese powder, cultured milk, whey protein concentrate.

موكونات تحتوي على شحم الخنزير: calcium stearate, calcium stearoyl Lactylate, Diglyceride, Lard, Polysorbate 60/65/80, Sodium Stearoyl Lactylate, Softener.

فيتامينات مشتقة من كبد وبعض أعضاء الخنزير: Vitamin A, Vitamin B 5, Vitamin B 6, Vitamin B 12, Vitamin E.

مكونات مشتقة من جسم الإنسان: L-Cysteine-from Human hair

موكونات مشتقة من الحشرات: Cochineal/Carmine color, Confectionary Glaze.
__________________

هلا اخوي ,,,
وااااصل ونحنا بأنتظارك ,,,
اخوي ابسألك ايش اكثر شي تستفيد منه في بريطانيا المعهد او الشارع او المنزل وهل اللغه تعتمد على الحفظ وكم كلمه تحفظ باليوم ؟؟؟

اسعد الله مساءكم بكل خير ،،، اول شيء ابرد على استفسار الشباب وبعدين اتابع لكم التقرير
في بريطانيا الشخص ما راح إلا لهدف فأنت ومجهودك ،،، يعني حاول انك تستفيد من كل شيء حولك
مثلا انا اتكلم مع العائلة ومع الطلاب في العائلة ندردش وخاصة وقت العشاء وحنا ناكل ،،، ايضا لو بغيت شيء من البقالة احاول استفيد من اللغة واسال عن اي شي ابيه يعني مثلا ما اروح والقى شيء واخذه .
المدرسة ايضا تعطيك مجال كبير للكلام ،،،
نعم إن شاء الله هالسنة ابروح لبريطانيا .
الحين ابقولكم سالفة الشباب المراهق ،،، عاد السالفة قصيرة لكن ميخالف ،،
مرة وانا ماشيء بالشارع رايح لصديقي من السعودية ،،، وانا بالطريق مروا ثلاثة شباب بسيارة صغيرة مثل الكورلا ،،، السواق كان كاسر اليد على الباب ( يعني نصف يده مع الكوع طالعة مع النافذة )
المهم هدو السرعة وقال السواق We will kill you يعني نبي نقتلك ...... يالله مقسوم خير ...
انا تجاهلتهم ولا كأني شفت احد مشيت حتى ما التفت ،،،، ما اخفيكم كنت خايف لكن مو ذاك الخوف .... عاد قلت في نفسي مستحيل ابدخل في شارع ضيق اخاف يتحاجروني وبعدين اروح فيها .
مشيت حتى وصلت بيت صديقي وقلت له السالفة ،،،، ضحك وقال هذي حركات هالمراهقين ولا عاد شفتهم .
الحمد الله اللي سلمني من شرهم .
ايضا من المواقف : مرة امشي بالشارع ،،،، ما انتبهت الا ذاك الكلب الصغير اكرمكم الله ،،، خل اوصف لكم الكلب ـ،ــ ـ هل تعرفون القطو والفار ،،،،، توم وجيري ،،،، تذكرون الكلب الكبير اللي معه وكان يساعد الفارة ،،، الكلب الكبير له ولد صغير ينام بجانبه دايم ،،،،
اللي لحقني بدون مبالغة نفسة ،،،، نفس الكلب الصغير ،،،، واسنونة تلمع ..... صاحب الكلب كان قريب ،،، المهم انا ركضت ولفيت مع شارع وقلت في نفسي والله لو لحقني لا ،،، افصخ الكندرة ( البوووت) واحطها في وجهه ــــ الكلب ــــ لأني ما ودي اضرب الكلب وصاحبه يناظر اخاف يغبر بي ( يجلدني ) صاحبه .
لكن ما لحقني ،،، صراحة هبلني لكن وش نقول كلب ما ينشره عليه
في المرة القادمة ،،، نصيحة + صديقي والم في الاسنان + المستوصف
وعسى ما طولنا عليكم ومليتو منا ،،، طبعا الغرض من تقطيع الموضوع بهذا الشكل لأنه يطرأ على البعض بعض الاسئلة واحب اني اجاوبها لكم اول بأول ،،، لأنه وبكل موقف او قصة يخطر على بال البعض أسئلة فأحببت ان يكون الموضوع ثم الاسئلة ثم الاجابة ثم المواصلة
تحياتي لجميع المتابعين

الله يعطيك العافية على التقرير مفيد + ممتع
لكن انا عندي استفسار
انا ناوي اطلع لمدة 6 اسابيع
لكن لغتي الانجليزية ميح
فبغا اعرف كيف تروح للمعهد
يعني العائلة بتدلك وين الباص واي باص وين تنزل
ومن فين تشتري التذكرة ولا نفسك نفسك ؟؟
وانا متردد بين المعهدين EC English و BEET
فايش تنصحني ؟؟
وجزاك الله خير
وللمعلومية انا طالب ثانوي