الموضوع: وينكم يا خبراء

السلام عليكم ورحمة الله وبركاته ..

اخواني واخواتي اريد مساعدتكم في اختيار المناطق ...

انا مدة رحلتي ( 15 ) يوم ..

تنقسم ما بين سويسرا وزيلامسي ..

يا ريت اتساعدوني في ترتيب الرحلة ..

احنا ( 2 ) كبار و طفلين ( 5 سنوات + 3 سنوات ) ..

تم حجز التذاكر على طيران لوفتانزا ..

المغادرة تاريخ 19 / 8 والعودة تاريخ 2 / 9 ..

من اوصل المطار بستلم السيارة ..

محتار وين اتجه اول شي ..

وين اسكن ..؟؟

شو المناطق اللي بسكن فيهن ..؟؟ انا شفت زيلامسي وانترلاكن .. ( ما احب كثرة التنقلات ..

شو الشقق المناسبة ؟؟

اذا في مناطق اسكن فيهن غير انترلاكن وزيلامسي بس اتكون في الوسط ..؟؟؟

مواضيع عشوائيه ممكن تكون تعجبك اخترناها لك:

• أحتاج مساعدة بسيطة - الإختيار ما بين ثلاث فنادق
• سؤال عن اجار سيارة
• جدول رحلتي إلى سويسرا ضروووووري رايكم فيه وردكم على كمن استفسار باسرع وقت
• كيف احصل على السويس باص كارد
• رحلة شهر عسل بشهر اتمنى مشاركتكم الرأي
• رحلة لأوروبا
• المواصلات بين زيوريخ وبيرن وانسيروك ممكن احجز تذاكر من موقع القطار النمساوي؟
• بعد باريس ياليت مساعدة
• خبرتكم في التالي
• آتسأنس بآرائكم حول جدول أغسطس
• احتاج أهل الخبره المسافات تعبتني ؟
• ثمنيه أيام في سويسرا شهر نوفمبر
• استفسارات جزاكم الله خير
• تجديد شهر العسل أرآئـــكم تهمني
• مخطط و استفسارات رحلتي لاوربا الجزء السويسري
• اهلي بيتذابحون بسبب جمالك ياسويسرا مساعده لو سمحتوا
• اخواني لاهنتوا محتاجه فزعتكم
• مدينه هايدي الجميله
• احترت جدا جدا جدا في البحث عن سكن في قريندلفالد
• ابي مساعدتكم بخصوص الفيزآ

السلام عليكم وحمة الله وبركاته::

أخوي ..وش محطة الوصول والمغادرة.؟؟

محطة الوصول فرانكفورت ومن ثم الوصول لانترلاكن ..

ومن ثم المغادرة من فين؟؟من فرانكفورت ولا مكان ثاني.

فرانكفورت - انترلاكن - زيلامسي او الكابرون او اي منطقة افضل عنهن - فرانكفورت

أوكي ..جذي تمااام.لكن ..هل زيلاميسي اساسية في المخطط ؟؟
والا ودك تكون زيارة انترلكن كافية بالنسبة لها.؟؟
------
لكن مو مشكلة برسم لك مخطط مبدئي.

الوصول الى فرانكفورت والراحة ليوم واحد.

النزول الى بادن بادن يومين.
ومنها زيارة مدينة الالعاب اليوروب بارك وستراسبورغ الفرنسية.
ثم مرورا على شلالات الراين ...الوصول الى انترلكن لمدة أربعة ايام.
ثم زيلاميسي ثلاثة ايام

ميونخ ثلاثة ايام
فرانكفورت يوم واحد.


المخطط لوجود زيلاميسي وانترلكن راح يكون فيه هجولة شويتين...لبعد المسافة والتي تقدر بست ساعات عن طريق السيارة.


-----------------
لكن لو افترضنا ان زيلاميسي بره اللعبة:


الوصول الى فرانكفورت او ضواحيها يوم واحد
بادن بادن ثلاثة ايام (الالعاب وستراسبورغ)
انترلكن خمسة ايام
كونستانس وشلالات الراين يومين (زيارة جزيرة الورود ومتحف الحياة المائية)
فرانكفورت ثلاثة ايام. (بإمكانكم تخصيص يوم كامل لزيارة اوتلت ويرثيم )


-----------------
بالنسبة للأنشطة ..امرها هين باذن الله ..لكن بالاول نعتمد تقسيم الايام.


وبالتوفيق

لا اخوي انا ما اريد الا انترلاكن و زيلامسي ..

لان من فرانكفورت لين انترلاكن تقريبا 5 ساعات .. وانا ما عندي مانع اسوق لين هناك لان بوصل الساعة 6 صباحا .. واكيد استلام الغرفة بيكون الساعة الواحدة ..


اخوي انا اريد بس حجوزات من عندكم ..؟؟؟؟

لاني ما حصلت حجوزات ..

اذا ما حصلت بإنترلكن ..تقدر تحصل في القرى القريبة منها .مثلا لوتربرونن وجريندلوالد وثون وبرينز وشبيتز.
يعني اي قرية تكون قريبة من البحيرتين
عاد مدري وش التواريخ اللي ودك فيها تسكن بانترلكن.


لكن انصحك بالحجز عن طريق موقع بوكنج ..
http://www.booking.com?aid=1329869


او شقق عن طريق الانترهوم
http://www.interhome.com


وان شاء الله تلقى حاجتك.

انترلاكن بسكنها بتاريخ 19 / 8 لين تاريخ 26 / 8

http://www.interhome.com/english/swi...-18&duration=7

http://www.interhome.com/english/swi...-18&duration=7

جزاك الله كل خير اخوي ..