الموضوع: تنبيه مهم خذ رخصة القيادة السعودية معاك

السلام عليكم
أود انبه الاخوة الي ناويين يستاجرون سيارات الى ضرورة اخذ الرخصه السعوديه معم ولا يكتفون بالرخصة الدوليه
انا توني راجع من اجازة اسبوعين هناك وحصل لي موقف بمطار زيورخ ماكان له داعي حيث رفض مكتب التاجير-سكست- تسليمي السياره لان رخصتي السعودية ليست معي علي الرغم من وجود الرخصه الدوليه ورفضوا ايضا الصوره عبر الايميل او الواتس اب
وبالنهاية تساعدوا معاي وقبلوا ان ترسل الصورة من الرياض عن طريق احد فروعهم وتكون مختومه من مكتبهم وعبر ايملهم مما دعاني لاتصال باخي بالرياض للقيام بهذه المهمه
ولانتظار بالمطار قرابة الساعتين علي ماراح للبيت واخذ الرخصة ثم الذهاب الى فرعهم وارسلوها
كنت ناوي اشير لهذه النقطه في تقريري اللى تحت الاعداد ولكني مطول وخشيت ان يتعرض احد منكم لمثل هذا الموقف خصوصا اللى معاه اطفال لذا وجب التنبيه

مواضيع عشوائيه ممكن تكون تعجبك اخترناها لك:

• خبرآء سويسرآ إحتآجكم من وقتكم شوي
• ابي مساعدتكم في تخطيط رحلتي
• لإصحاب الخبرة السويسرية
• مخطط وميزانية الرحلة ارجوا التعليق جدول مبسط
• الاماكن السياحيه التي تميز سويسرا عن النمسا
• من فضلكم احتاج للمساعده في ترتيب جدول السفر
• استفسار بخصوص تخطيط الرحله
• رحلتي الي سويسرا Switzerland
• استفسار عن طيران ايزي جت
• يخطط الجميع لكل شي وينسى اهم شي
• هل الكاش او البطاقات
• ترتيب رحلتي الي اوروبا
• بحاجة إلى النصيحة
• يسعد صباحكم جميعا بكل خير ارجووو افادتي عاااجل جدا رحلة عمل
• الشنغن مطار جنيف
• استفسار بسيط وتكفون يامشرفين افيدوني
• الجدول السويسري ياجميلييين
• مطلوب احداثيات مطار جنيف عسى الله يحفظكم
• الميزانيه العائليه ؟
• ماعرف وين اسافر في ابريل

وعليكم السلام
بارك الله فيك ولا قصرت علي التنويه

نشكرك على التنويه
ولو أني لا أعلم ماهي فائدة الرخصة الدولية

لأني عمري ماطلبني اي مكتب تأجير الرخصة الدولية
فقط رخصتي السعودية لأنها حالياً تأتي مترجمة باللغة الإنجليزية
تغني عن خدعة فكرة سحب المال بالرخصة الدولية

يعطيك العافية على التنبيه

اعرف شخص يعمل في هيرتز بمطار جنيف
يقول ان الرخصة السعودية الجديدة اهم من الدولية
حتى اني استاجرت ثلاثة مرات منهم وبدون رخصة دولية
فقط صورة او الاصل للرخصة السعودية

حاولوا تصورن صورة من الرخصة وترفعونها على الايميل للاحتياط
كنسخة احتياطية بحالة فقدت رخصتك او نسيتها وهذا الي دائما اضرب حسابه للظروف

الاخوة الكرام شاكر مروركم العطر

السلام عليكم اخوي،،

انا حاب اعرف يعني تكفيهم فقط الرخصه السعوديه تتوقع مايحتاج اخذ دوليه ؟
وثاني شي تقريبا كم كلفك الديزل؟ وهل وفورلك سياره ديزل لان لمن كلمتهم قالوا علي حسب السيارات الموجودة؟ وكم المسافه الي مشيتها؟
علما باني انا حاخذ السياره من مطار اشبيليه وحسلمها في باريس وح اعدي علي ماربيا، مدريد، برشلونا، ميلان، جنيف وباريس تقريبا 3200 كلم يعطيك العافيه اخوي

عن اذن صاحب الموضوع

بشرح لهم الفرق بينهم حسب المكاتب هناك وتعاملهم


لو معك رخصة دولية ولا عندك سعودية ماراح يعطونك سيارة
لو معك رخصة سعودية بدون دولية راح يعطونط بعض المكاتب
لايمنع ذلك من اصدار رخصة دولية احتياط



الديزل اغلى من البنزين بفرق سعري محدود لكن أوفر بالاستخدام
البنزين ارخص سعراَ
اللتر تقريباـ 1,88 فرنك للبنزين
اللتر تقريباَ 1.92 ديزل


المسافة بين 500 الى 650 كيلو اذا فئه السيارة وسط

الاهم من هذا كله انك تعرف طريقة تعبيئه البنزين في كل دولة وطريقة الدفع
كيف تميز بين مضخات الديزل والبنزين حتى لا مايحصل لك ،، مثل الي صار لبعض الاعضاء

شكرا على التنبيه
ومثل ما قالوا الأخوان

الرخصة الدولية ما لها داعي أصلا لأن الرخصة السعودية مترجمة إلى اللغة الانجليزية لذا فهي مقبولة من جميع شركات تأجير السيارات

الله يمسيكم بالخير جميعا

يا اخوان صار وضاعت رخصتي السعودية ورحلتي بعد كم يوم لجنيف من المطار وعندي صوره من الرخصة السعودية وعندي الرخصة الدولية ومتوهق ومعي أطفالي فهل يتكرم احد يريحني اذا في مجال أختمها طبق الأصل من عملي وتمشي ولا أكنسل الرحلة

والله يرزقكم جميعا ❤