المشاركة الأصلية كتبت بواسطة sheko0o
http://www.arabtravelersforum.com/tr...7/#post3754952

تحت أمرك .. وربنا يخليكي على ذوقك وردك

بصراحة انا معشتش في أمريكا .. بس بناء على كلام الأصدقاء واللي قريته في المنتديات

انه بيختلف من ولاية لولاية .. من حيث الأمان وكده ..

بس انا شخصيا زي ما قلت لحضرتك .. لو قعدتي في بيت عائلة أكيد هتكوني في أمان معاهم .. لأنهم عايشين عمر هناك وبيتصرفوا في المواقف الحرجة ..

بس خلينا نكون واقعيين .. تخيلي انك في بلدك الحالي لو استأجرتي شقة في منطقة تانية بعيد عن أهلك وعشتي لوحدك .. شايفة انها أمان ؟؟ شايفة انك تقدري تتأقلمي مع الحياة وكده ؟؟


نفس الفكرة بس الفرق ان هناك أمريكا مجتمع مختلف فقط وهتتأقلمي عليه مع الوقت .. بس فيه شوية نصائح لو هتعيشي هناك وهي :

حاولي انك تعرفي الأماكن اللي يفضل عدم السير فيها او انك تعدي عليها .. اكيد في احياء الاحتياط منها واجب ..

ده هتعرفيه من زمايلك في الجامعة أو الأصدقاء اللي ممكن تعرفيهم أو العائلة اللي ممكن تسكني معاهم


حاولي انك تتجنبي السير ليلا لوحدك ..


حاولي تبتعدي عن اماكن البارات والملاهي الليلية .. مش بقول انك متدخليش الاماكن دي لأ متقربيش ناحيتها أحسن من بابا الاحتياط ..


واماكن تجمعات الشباب ..



بس لو حسبتيها بشكل أحسن

أمريكا في معظم الولايات فيها استجابة عالية من قبل الشرطة او الاسعاف في أي حاجة لا قدر الله ..


انتي لما تختاري الولاية اللي هتعيشي فيها اعمليلها دراسة قبل ما تسافري من هنا ..


ابحثي عنها في جوجل وفي المنتديات ..

اقرأي عنها وعن أهلها وكل شئ .. ولما تروحي هناك وتبدأي أيامك في الجامعة .. اتعرفي على اصدقاء واسأليهم عن طبيعة الحياة في المنطقة .. وان شاء الله ربنا يوفقك


وحضرتك ممكن لو هتسكني في شقة لوحدك ومش عايزة موضوع العائلة .. بتكون امان اكتر من بيت (فيلا مثلا ) تكوني فيه لوحدك ..

أولا الشقة هتكون اوفرلك كتير .. اكيد هيكون فيه جيران وكده .. وحاولي بقى معظم شغلك يكون في النهار .. وهتعيشي حياتك عادي جدا .. وهي اول كام يوم وهيبقى ليكي اصدقاء يساعدوكي في معظم الاستفسارات الباقية .. وربنا يوفقك


وخلي بالك .. فيه حاجة اسمها صدمة ثقافية .. يعني هتلاقي شعب مختلف تماما عن اهل العرب وبلاد المسلمين ..

بمعنى مثال صغير .. متستغربيش لو فيه حد قاعد جمبك وحط رجل على رجل ورجله جاية ناحيتك .. عندنا هنا ده عيب .. هناك لأ عادي جدا .. الجيران هناك مش عشريين زي بلادنا .. يعني متستنيش ان الجيران دايما يكونوا اجتماعيين .. انتي وحظك ..


وبردو شوية وبتتأقلمي عليهم وكله بيبقى تمام .. بس خليكي مرنة في شخصيتك .. عشان تتقبلي المواقف الجديدة والحياة في المجتمع الجديد




ولو اي سؤال تاني انا حاضر ..



فعلا حضرتك عندك حق في كل كلامك فعلا وانا الحقيقة هدفي هي الاجتهاد في الدراسة والتركيز فيها وبالتالي بتمني مكان جيد للاقامة ليوفر لي التركيز والهدوء وبنفس الوقت مايناسب تربيتنا وعلي الاقل يقترب منها بس فعلا في حاجات لازم اعرفها كويس جدا قبل ماسافر عن المكان اللي حا اسافر فيه اماكن الشوارع اللي محظورة وكده وانا بس الحاجة كمان اللي قلقاني من الاقامة لدي اسرة لاني ماعرفش العادات والتقاليد الخاصة بالعائلة دي وممكن مارتحش .. بس هو الموضوع محتاج بحث اكتر وياريت الالقي عائلة طيبة وانزل عندها بتمني ... ومرة بقول لحضرتك ربنا يكرمك وجزاك الله كل خير لاهتمامك بالرد وتقديم المساعدة وانا الحقيقة استفدت جدا من كلامك بارك الله فيك

مواضيع عشوائيه ممكن تكون تعجبك اخترناها لك: