الموضوع: سأزور الكويت ولدي بعض الاستفسارات الله يسعدكم

والله العظيم كم أنا متشوق لزيارة الكويت

لما سمعت عنها وعن طيبة أهلها وعن أسواقها ومجمعاتها

فلدي بعض الأسئلة

- أريد بعض المجمعات الفخمة التي فيها سينما ومطاعم مطلة عالبحر بالعربي تفتح النفس .
- كم تبعد الكويت عن السالمية ( يعني هل استطيع التنقل بينهما )
- أريد مطاعم حلوة وراقية وكافي شوب تفتح النفس .
- فندق ( بودل ) هل هو راقي ويصلح للسكن .
- هل البنزبن عندكم يختلف عن اللي عندنا (( أريد اللي لونه أخضر )).

وتقبلوا خالص تحياتي

مواضيع عشوائيه ممكن تكون تعجبك اخترناها لك:

• استفسار عن موقع معرض الكتاب بالكويت
• ماراتون الاطفال مع امنيتي
• الموضوع الاصلي تغطية مصورة جنازة الفنان الراحل منصور المنصور
• انا في الكويت وابغى مساعده عاجلة
• اسواق المباركية التراثيه تقرير مصور
• محافظة الأحمدي كم هي جميلة
• جدول لمدة اسبوع جميل
• شقق فندقية فخمة في الكويت
• دعوة للمائدة الرمضانية في الكويت الحبيبة
• غير المجمعات التجارية ، ايش فيه اماكن سياحيه ؟
• ساعدوني أبي شقق في الكويت جيده
• رفاد» تعتزم تدشين مشروع فندق نجوم ومنتجع سياحي في الكويت
• رتبت الطيران الفندق الجدول وابـــي رايـــكــم
• زيارة لديرتي الكويت
• يهنئ الكويت بعيد الاستقلال
• سؤال أخوكم عن خدمات الفنادق للمعرس زيارة للكويت
• طيران الجزيرة تطيرالي الدوحه
• استفسار عن الكويت
• عبود و مطعم كايزن الياباني
• استفسار عن محلات الاحذية كنادر اكرمكم الله

يا هلا ويامرحبا فيك بديرتك الكويت وأشكرك على مشاعرك الطيبة..

بالنسبة للمجمعات اللي تطل عالبحر وفيها مطاعم وسينما وكافيهات عندك المارينا مول وهو عبارة عن مول وفندق وفيه

قسم خاص على البحر اسمه مارينا كرسنت فيه مطاعم وكافيهات يربط بينه وبين المول جسر مغطى ومكيف من ضمن

المول..عندك سوق شرق ايضا على البحر وبه مطاعم وسينما..طبعا في مولات كثيرة جميلة بس مو على البحر منها الافنيوز

ومجمع 360 والكوت والمهلب و...الخ

بخصوص المسافة بين الكويت والسالمية فالمسافة ليست بعيدة بالسيارة تستطيع التنقل بينهما بسهولة بالنسبة للمطاعم

فهي كثيرة جدا جدا جدا وياليت تحدد نوع المطاعم اللي تبيها لتسهيل عملية الاختيار يعني هندي،كويتي،لبناني،فرنسي،

أمريكي،ياباني..الخ وسأرشح لك أفضلهم ان شاء الله والكافيهات كثيرة جدا ايضا بالمولات وبكل مكان وأنصحك تقعد بجوكليت

بار وله فرعين واحد بالبدع بالقرب من فندق موفمبك والآخر موجود بمارينا كرسنت..أما بالنسبة لبودل فحسب معلوماتي

هي عبارة عن شقق فندقية وليس فندق وحسب كلام الاعضاء يمدحونه..بخصوص البانزين مايختلف عن اللي عندكم

في نوعين خصوصي وهو الافضل والنوع الثاني أقل منه جودة وسعرا وهو الممتاز..أتمنى اني اكون جاوبت على كل

استفساراتك واتمنى لك رحلة سعيدة وممتعة في ربوع ديرتنا الحبيبة الكويت.

الف شكر على ردك وسعة صدرك لاعدمناك يارب

بالنسبة للمطاعم ( هندي - إيطالي - لبناني - خليجي )

إيش البنزين اللي لونه أخضر عندكم هل هو الخصوصي ولا الممتاز


وآسف اذا ثقلت عليكم

وفيه سؤال أخير

هل أستطيع أخذ راحتي في المطاعم والكافيهات بخصوص إني معي زوجتي

مافيه ازعاج ولا مضايقات

اختي كويتيه ماشاءالله قالت كل شي
يعطيها العافيه
بالنسبه للمطاعم ماراح تحتار بتصادف بكل شارع تلقون مطاعم
بالنسبه للاكل الهندي انصحك بمطعم قصير بالسالميه
ومطعم بخاري بفندق الشيراتون

والمطاعم اللبنانيه وايد
عندك ايام زمان بفندق هوليدي ان
وفيلا فيروز بالشعب
وبرج الحمام
المياس
الصراحه واااايد

المطاعم الخليجيه
فريج صويلح وبيت ديكسون ومطعم زمان اول


وبالنسبه للمطاعم والكافيهات تاخذون راحتكم واكيد محد راح يضايقكم

عامة المجمعات كلها مطاعم
شوفوا مطاعم الافنيوز و360

من رايي الافنيوز شامل كل شي محلات ومطاعم وسينمات يبيلكم كل يوم تتمشون بركن وتاكلون فيه


واي استفسار ثاني بخاطرك قوله وان شاءالله محد راح يقصر
واكيد بتنورون الديره بوجودكم

ما قصرت الماسه بالردود

وحياك الله

بالنسبه للبنزين عندنا ممتاز وعندنا خصوصى

وبالنسبه لقعده الكوفيهات الامور عندنا لله الحمد زينه وما فيها اى ازعاج خصوصا بالمولات

والعوايل اكثر من الشباب فيها وحياكم الله

واضيف على الاخوات الكريمات والرد على تساؤلك بان البانزين اللي باللون الاخضر هو الخصوصي واللي باللون الاحمر هو العادي وحياك الله .

الله يوفقكم جميع والله ماقصرتم الله يعطيكم الف عافية