عجبني التقرير..
سافرت إلى فرنسا مرتين وفي المرتين زرت باريس وديزني لاند
كانت المرتين بدون أطفال وديزني لاند جلسنا فيها يوم واحد من الصباح للمساء ورجعنا

هالمرة مخططة أروح باريس بالأخص ديزني لاند لأن عندي طفلتين بعمر 3 سنوات وأبي اوديهم أفرحهم لكن عندي استفسارات مخوفتني

أزمة الحمامات وانتوا بالكرامة... بناتي قطعوا الحفاظة مكرمين.. بس مأذيني بموضوع الحمام كل 10 دقايق حمام
وبصراحة لما رحت في المرتين السابقين كنت انا وزوجي نحبس نفسنا لين نرد وما ندخل حماماتهم

فما ادري شنو الوضع؟!! أطفال لازم حمام.. شلون ندخلهم الحمام وكيف ممكن ألقى حمام بسهولة

أنا ناوية أسافر بديسمبر هي الإجازة الوحيدة المناسبة لنا اثنينا
شنو تنصحني؟ وودي ببرنامج بسيط لعشر أيام.. أنوه فيها أني راح أسكن داخل ديزني لاند
فهل أحجز من البحرين باريس واخذ تكسي على طول إلى ديزني لاند لو اسكن في باريس يوم وأروح بعدين اسكن بديزني لاند؟
أبي برنامج سهل لأن زوجي من النوع اللي يتخوف من كل شي جديد ويوسوس فما أبي أعقد عليه الأمور
ممكن تنصحني بمطاعم حلال؟ ومشكلتنا ان ما ناكل السي فود وفي المرات اللي راحت تأذينا في باريس ما شفنا مطاعم حلال رغم ان كنا نسأل وندور وقضيناها سلطات وبيزا وروب!!

وشكراً

مواضيع عشوائيه ممكن تكون تعجبك اخترناها لك: