الموضوع: ساعدوني مشكلتي سكني مقسم ايام انسي و لوزان والاماكن السياحية بعيدة عنا

المشكله سكني بانسي 3 محلوله يوم انسي ويوم شومينيه ومجيف اقيان
ويوم ل gex
المشكلو في لوزان كل شي بعيد عنا مصنع الشوكلاته وبلو سي واوشن سي ولوزيرن ولوقانو وانترلاكن
علموني شلون اتصرف ودي ازورهم وما اقدر اغير السكن لان زوجي ما يحب نقل الجناط ومعانا حريم كبار
تكفووووون لا تخلوني وعطوني حل لأني مسؤوله عن تخطيط الرحله سفرتي بعد 10 ايام
مو عشاني عشان الحريم الكبار ابيهم يستانسون

مواضيع عشوائيه ممكن تكون تعجبك اخترناها لك:

• استفسار لرحلتي لانترلاكن وأنسي
• فزعتكم يا خبراء انترلاكن
• استفسار عاجل بخصوص الهاف كارد
• خطة سفر الى سويسرا وميلانو
• الله يخليكم احترت
• الفزعة يا خبراء ومشرفي سويسرا
• الله يوفقكم أبي برنامج سياحي الى سويسرا لمدة يوم
• ماهو ارخص طيران من جنيف الى ملقا
• البوم صوري في لوجانو السويسرية
• الي الاخ العزيز ابو عــــــــــــــــــــــــــــــزيــــــــــــز
• من روست الى سويسرا
• انتقل من جنيف إلى باريس يوم واحد لديزني لاند و العودة إلى جنيف في نفس اليوم بالقطار
• جدول يوم غنى بين انترلاكن وكابرون
• إستفسار عن السويس واليوريل باس ضروري
• تعبت وانا ادور هالمعلومات ممكن تفيدوني
• ارحو المساعده من ذوي الخبره الطويله
• استفسار ؟؟؟؟؟؟؟؟؟؟؟
• رشح لي فنادق في جنيف
• استفسار في ترتيب رحله
• القطوة السويسرية

هلا زييييييييينه

بنجور


من لوزان ممكن بكل سهولة التنقل بالقطار الى الاماكن اللي ذكرتيها برحلات ما تتجاوز الساعتين تقريبا في كل اتجاه

ماعدا لوقانو بعيدة 5 ساعات وشوي

وهذا موقع القطارات

حطي فيه المكان اللي تبينه ويعطيكي تفاصيل الرحلة

وممكن من نفس الموقع تحملين جداول القطارات الخاص بلوزان

http://www.sbb.ch/en/home.html

وربي يخلي لك عجايزكي



سؤال فضولي: وش يقربون لك العجائز؟
ووين ساكنين في لوزان والا أوشي؟
لو ممكن تجاوبين مو لازم

هلا والله فيك بو عزيز

والله ما توقعت ترد علي
امين الله يحفظهم
العجايز الاولى الوالدة والثانية ام زوجي
وسكنا في موفنبك لوزان
واحنا راح تكون معانا سيارة اللي معاي مو حمل تنقل بالقطارات
بس صدمتني لوقانو 5 ساعات مو 3ساعات ونص
وياليت اذا عنك اماكن تنصح فيها تصلح للحريم الكبار
او اسواق شعبية ابيهم يستانسون
مشكور على ردك

المشاركة الأصلية كتبت بواسطة zainaaaaa
http://www.arabtravelersforum.com/tr...3/#post7001213

هلا والله فيك بو عزيز
والله ما توقعت ترد علي
امين الله يحفظهم
العجايز الاولى الوالدة والثانية ام زوجي
وسكنا في موفنبك لوزان
واحنا راح تكون معانا سيارة اللي معاي مو حمل تنقل بالقطارات
بس صدمتني لوقانو 5 ساعات مو 3ساعات ونص
وياليت اذا عنك اماكن تنصح فيها تصلح للحريم الكبار
او اسواق شعبية ابيهم يستانسون
مشكور على ردك



هلا
شفتي والله دقني قلبي اول ماشفت مكان السكن
قلت لا يكون سكنهم في أوشي -Ouchy
وبالفعل سكنكم طلع في أوشي في الموفمبيك مطل على البحيرة
وليس في لوزان (المدينة) اللي تبعد 10 دقائق منكم
انصحك تشوفين تقرير أوشي / لوزان
http://www.aboaziz.net/blog/?p=235
بعدين لوقانو بالسيارة 4 ساعات والمدة اللي ذكرتها بالقطار
لوزان ممكن تروحين لها عن طريق الترام لكن ما انصحك فيها
حنا هنا نقول عليها مدينة "طالع نازل"
لانها كلها طلعات ونزلات

اللحين بالنسبة لبرنامج عجزايك ربببببببي يخليهم لكم
مطل "لي ديك" في فندق لي بارون اختاري يوم حلو وخذوهيم اما الصباح او على الساعة 7 م
سوق الأحد في ديفون من الساعة 8 ص الى الساعة 12 وحتى التجول على بحيرة ديفون متعة ابوي وامي وروتينهم اليومي هناك
منتزه سيقنال دي بوقي
أنسي (راح يستانسون عليها) خاصة اذا طلعتيهم ببوت واخذتي فيهم شيء برمه في البحيرة
مجيف رائعة يحبونها العجز وخاصة الكويتيين (مدري ليه؟)
وكثير من هذه الرحلات تجدينها هنا
http://www.aboaziz.net/?p=979
http://www.aboaziz.net/blog/?page_id=20

مشكور والله يجزاك خير واذا طرا عليك اي مكان يستاهل اوديهم له لاتبخل علينا
الله يسهل هالرحله يارب اطفال وعجايز الله يقدرنا على رضاهم

المشاركة الأصلية كتبت بواسطة zainaaaaa
http://www.arabtravelersforum.com/tr...3/#post7002355

مشكور والله يجزاك خير واذا طرا عليك اي مكان يستاهل اوديهم له لاتبخل علينا
الله يسهل هالرحله يارب اطفال وعجايز الله يقدرنا على رضاهم



امين

رحلة سعيدة