الموضوع: مشكله واجهتني بالكويت

انا احب الكويت واعشقها لكن قابلتنا مشكله ونحن ذاهبون للكويت حيث كان لايوم اعياد ولا موسم الايام العادية
المهم كانت الساعه العشره ليلا لم نجد سوبر ماركت ابدا ودخنا وحنا ندور حول الابراج ما ندل
المهم يوم سالنا قالو الناس هنا يسكرون بدري مو مشكله
المشكله جلسنا ندور سكن الى الساعه2 ليلا لقينا فندق واخذ مننا 450 ريال الى الساعه ال10 صباحا والله على ما اقول شهيد وهو فندق عادي لكن ما بليد حيله ما لقينا مكان ننام فيه كل الفنادق تقول على 700 ريال وطالع وحنا ما تعودنا على ها المبالغ خلينا نكون صريحين المهم انا رحت الامارات والله اليله هناك مع الافطار ب250 ريال يعني سعر مناسب
ونا ناوي اجي للكويت مره ثانيه انا وزوجتي ارجو من الاخوه الاعزاء الكويتيين ان يدلوني على فنادق سعرها معقول ونضيفه وامنه للعوائل
وحنا هنا بالسعوديه عندنا فنادق غاليه صحيح بس ما اذكر اني سكنت في فندق اكثر من 400 ونضيف جدا طبعا لا احد يقولي على اسعار الفنادق الكبيره غاليه طبعا
لكن حتى بمكه فندق قريب للحرم جدا مع الافطار ب 250 ريال
ارجو منكم الرد
بفندق محترم مع سعره ويكون قريب من الابراج
طبعا الاماكن عرفت بعضها من روحتي السابقه ومن ها المنتدى الرائع
ولو تقولون لي اماكن للعوائل جزاكم الله خير
ثاني شي انا رحت شارع البلاجات فقط والمباركيه والمولات الي هناك هل فيه اماكن احلى وهل هي بعيده وكم كيلو
واسمع عن الاحمدى والجهره هل هي بعيده وهل تستاهل الزياره

مواضيع عشوائيه ممكن تكون تعجبك اخترناها لك:

• فندق سبايس بوتيك الكويت
• رحّالة سعوديون يختتمون في الكويت مسيرة خليجية ابتهاجاً بعودة الأمير سلطان إلى المملكة
• تأشريت الدخول للكويت بواسطة جواز روماني
• مطاعم اسواق الكويت
• اول مره اجي الكويت ، محتارة بالسكن
• رحلات بحرية بين عالم المارينا وجزيرة فيلكا راحة وفخامة
• طلب مساعدة في شراء سيارة من الكويت
• ساعدوني في احسن مكتب سياحي احجز منه
• إنقطاع الكهرباء
• مطعم سفن سييز اللي فوق برج الحمام
• أول سفرية لحالي الى الكويت محتاج مساعده لأول مرة
• ابحث عن سكن في منطقة الاحمدي
• سنة أولى كويت
• وين الاقي دوه منقل الفحم
• مساعدتكم في الشقق الفندقيه
• فندق ايبيس السالمية
• استفسار عن شاليهات العزاب ؟
• بودل لشقق المفروشه وين موقعها وانا داخل من الخفجي وهل فيها واير لس
• فندق سفير الفنطاس الجديد بعدسة عسل لأول مرة والموقف الغريب
• ابي فندق قريب من المارينا

ابشر والله باللي يسر خااااااااطرك انت ومدامك

بس عندي سؤال صغينووووون

انت من وييييييييييين من السعودية ؟ //////////// واحد يبي يذلك قبل يعلمك هههههه

اخوي العزيز حياكم الله بالكويت وحبتك العافيه

اخوي من المفروض انك ترتب موضوع الفندق قبل وصولك الي الكويت علشان مايضيع عليك الوقت في البحث عن سكن

بس دائما الفنادق اللي على البحر يكون سعر اعلى

على العموم في فنادق ابيس فنادق جديدة وشركه عالميه معروفه وهي من الفئه الاقتصادية وفي عندهم في منطقة شرق بالعاصمة وقريب على الابراج وفي بمنطقة السالمية بشارع سالم المبارك وهو افضل شارع بالسالميه والسعر 24 دينار للغرفه المزدوجه

حياك الله بديرتك الكويت

واضح من الكلام ان ماكان في حسن تخطيط وتجهيز للرحلة وان شاء الله تعوضها المرة الياية ولا شلوووون الساعة 10

مالقيت سوبرماركت فاتح وأغلب الجمعيات التعاونية 24 ساعة بالاضافة إلى مركز سلطان بأفرعه ويوجد فرع بسوق شرق

يعني كان قريب منك وبخصوص السكن مثل ماذكر الاخ ودي أريح عندك سلسلة فنادق ايبس العالمية وفرع شرق يديد

وحاطين بره الاسعار 25 وأغلى غرفة عندهم الديلوكس 27 وياليت تحدد شنو الامور اللي تبيها بالضبط عشان نقدر نساعدك

ونتمنى لك كل التوفيق في الزيارة القادمة

ما ازيد على كلام اخواني وخواتي شي .. بس الاحمدي مافيها شي اهي حلوه وقت الاعياد الوطنيه اتزين بزينتها وفيها متحف البترو ل واهي جنوب الكويت ..

اما الجهرا شمال الكويت وفيها سوق وكل شي والاهم فيها القصر الاحمر ومنتجع سليل الجهرا ..

والفنادق اضيف عليهم ميراج على البحر منطقة الشعب - و رويال ريزدنس في منطقه بنيد القار ..

http://www.booking.com/hotel/kw/roya...3fbX20&lang=en#

جزاكم الله الف خير على الردود والله كفيتو ووفيتو وما قصرتو هذا الي تعودناه من الشعب الكويتي الغالي على قلبي
بالمناسبه انا من حول القصيم
ممكن رقم تليفون فندق ايبس الي حول سوق شرق ووين موقعه باضبط
ووش تنصحوني اروح بالكويت ابي بس اربع اماكن غير البرج
وبي اسم مطعم زين بالمباركيه
فيه شارع سايد واحد بس كله ناس تمشي شفته ونا رايح لابراج الكويت واعجبت بي ها الشارع هو قرب الابراج فيه اشاره ولفيت يسار ودخلت فيه ممكن للي يعرفه يزودني باسمه
شاكر لكم جميعا
عارف اني اتعبتكم معي

هذا سايت الفندق وفيه تليفونهم وجريطه مكانهم وذا مو واضحه تقدر تشوفه في google map or booking

http://www.ibishotel.com/gb/hotel-61...10/index.shtml

الاماكن اللي تروح لها :
الافنيوز - المباركيه - 360 مول - السالميه (اسواقها ) - المركز العلمي ..

المطاعم :
الشمم ممتاز بس القعده اشوي للحريم صعبه - دلق سهيل حلو واللي حواليه ويصلحون تقعدون فيهم

وحياكم الله

اللي صار بسبب سوء تدبير منكم

وإلا حد يوصل نص الليل وماعنده حتى حجز لفندق !!!

على الأقل احجزا مره ثانية لليله واحده

وينكم يا اخواني ما كملتو استفساراتي ولا مليتو مني

المشاركة الأصلية كتبت بواسطة قاهر الصخر11
http://www.arabtravelersforum.com/tr...8/#post5012608

وينكم يا اخواني ما كملتو استفساراتي ولا مليتو مني






لا


واكيد


لا


ما ملوا منك ولا يملون بالعكس بالهم طويل ويرحبون بكل الأشقاء والزوار
بس إسمح لي انا شدني بمشاركتك الأولى نقطتين
الأولى
من اول واهم اسباب نجاح اي رحلة هو التخطيط المسبق وتجهيز كل شيء من
حجز السكن
معلومات كافية ووافية عن البلد مثل
اهم واجمل الأماكن والمطاعم والأسواق والترفيه
الثانية
شدتني هالكلمة ( وامنه للعوائل )
الكويت فيها امن وامان وكأنك بالقصيم والله يديم علينا وعليهم وعلى خليجنا الحبيب نعمة الأمن
وإنتظر الإخوان والأخوات مؤكد انهم ما راح يخلوك ويفيدوك









ارجوا تقبل ردي وودي

رفع للافاده

اخوى قاهر الصخر شدنى انه سوبر ماركت مسكرة مبجر . مع العلم انه مركز سلطان الى بشرق ما يسكر بدرى و الجمعيات متروسة بالديرة وما تسكر الا 12 ليلا وفى بعض الفروع خدمة 24 ساعة . ما ادرى منو قالك هل الكلام .


واذا تبى فنادق رخيصة عند فندق ايبس الى بشرق هذا توه مبطل والى بالسالمية عندى هذا مكانه يوسع الصدر اونس واشرح .

حياك الله بالكويت اخوي العزيز...

بالنسبه لاسعار الفنادق .. اسعار الفنادق بالكويت بشكل عام غاليه جدا مقارنه مع الدول القريبه الخليجيه ومنها دبي و حتى اوربا

اما عن الفنادق

انت ذكرت امنه للعوائل... في قانون بالكويت ما يسكن اي ذكر و انثى الا يكون في صلة قرابه سواء زوجته او بنته او اخته
اما الاماكن
عندك عند دوار قصر دسمان اهناك وايد من الاخوان الخليجين يسكنون اهناك
و الايبس الي الشباب تكلموا عنه يكون مقابل الخليجيه بخلف مطعم تاج محل الهندي بالديره يعني بوسط الكويت

و عندك في بنيدر القار ... البسكتي و الانتركونتانينتال مادري شسمه و عندك السفر و حولهم همن وايد شقق فندقيه و فنادق

و عندك بالشعب البحري يم قصر الشعب مقابل ماكدونالدز البحر ... في سطرت شقق فندقيه

بعدها عندك السالميه
عل بحر عندك فندق المارينا و حول المارينا مول يمكن ثلاث او اربع شقق فندقيه على فنادق "بجوارها بالضبط و بخلفها"

و عندك صوب مجمع الفنار فندق ايبس السالميه و البلازا السالميه

و عندك فندق ميسوني اتوقع في التشطيبات الاخيره يمكن فتح الحين "على البحر بعد بلازا السالميه"

و لمن تكمل سيده اشوي
تحصل فندق الهوليدي ان السالميه
بعدها باشاره تدش على شارع المطاعم الي فيه مطاعم فاتحين اربعه و عشرين ساعه فيه عندك بودل و كذا شقق فندقيه


بحولي عندك .. عند السنتربوينت شارع بيروت بنص حولي تقريبا
و عندك فندق نادي المعاقين .. فندق خاص لا تخاف بس الارض تبع نادي المعاقين يكون بشارع خالد بن الوليد
و عندك بظهر شارع خالد ابن الوليد قبال منطقة القادسيه في كذا شقق فندقيه

و نرد على البحر مره ثانيه عند دوار البدع متجهه الى سلوى
عندك فندق موفنبيك و رجينسي فاتح صارله فتره بعده فندق منتجع النخيل بعده راديسون ساس

بهذا اعتقد اني وصفتلك الكويت حته حته شارع شارع زنقه زنقه دار دار بيت بيت

جزاكم الله الف خير على تفاعلكم معي وانا اشهد انكم شعب ذو اخلاق عاليه واسلوب راقي
الله يوفقكم وما قصرتو

هذا من ناحه

و من ناحيه السكن
عندك سلمك الله ... جمع سكني اسمه بودل
تقدر تحجز منه وانت ببريده او بعنيزة فروعه تابع شركة الشيخ صالح بن ناصر الخليوي
http://www.boudl.com.sa/ar/index.php?p=home

وعندهم نظام النقاط و العضويه

وان كنت حاب تسكن بالعاصمه الله ما كثر الشقق الفندقيه و ربي يبارك بمستر قوقل عنده كل اخبار العالم

من ناحة المطاعم

منطقه المباركه مليانه مطاعم مفتوحه و حلوه عائليه و فيها ديارف و العاب للبزارن
و عندك بالعاصمه مطعاهم هنديه روووعه .. مغل محل و م طعم دعوات
ومطاعم ايرانيه بس اسال كل من يدلك
لبنانيه ... ايطاليه ...اكلات كويتيه مطعم فريج صويلح و الملاس .....الخ
و عندك بدالة المطاعم و الله انه صدرهم وسيع
بس قولهم انك سعودي و اللي تامر عليه عطونك و رقمهم 1808080 بداله تجاره شااااامله

السوبرماركت

كل منطقه سكنيه فيها جمعيه تعاونيه و الاغلبيه خدماتها 24 ساعه
و هي منشأت حكوميه و اسعار المواد فيها ارخص
و اقرب جمعيات لك لو كنت في العاصمه
( المنصوريه- القادسيه - الشاميه - الفيحاء - كيفان - الخالديه )

سوبر ماركت تجاريه

( نفس نظام بنده و عمرو )
مركز سلطان و فروعه
ستي سنتر
لولو هايبر

طبعا بالكويت
تقال كلمه منطقه وهي بديل لكلمه حي

مشكورة اختي dalal وباقي اخواني واخواتي ونا مقدر تفاعلكم

الله يعينك
لكن المفروض تاكد حجز اول ليله على الاقل قبل ماتسافر

فيه شقق فنذقيه انا دخلتها احس حلى من بعض الفنادق

غريبه !!
مثل ما قالو مركز سلطان 24 ساعه و بعض الجمعيات عندنا هم 24 ساعه بس الظاهر انك مادليت عدل
اما بالنسبه للفنادق فندق ميراج زين موقعه حلو عالبحر و مو غالي وهم بعد فندق ايبس بشارع سالم المبارك شارع حيوي و فندق الكورنيش على البحر امانه ما شفته بس يقولون زين يصير يم مرينا
و موفق ان شاء الله

نسيت لا اقولك الاحمدي ما فيها شي بس ايام العيد الوطني يزينونها بس بالايام العاديه مافيها شي اما الجهرا فيها اسواق و مجمعات و حبيت اضيف مجمع الافنيوز و مجمع 360 يستحقون الزياره وسلامتك

المشاركة الأصلية كتبت بواسطة dlal
http://www.arabtravelersforum.com/tr...4/#post5038614


السوبرماركت

كل منطقه سكنيه فيها جمعيه تعاونيه و الاغلبيه خدماتها 24 ساعه
و هي منشأت حكوميه و اسعار المواد فيها ارخص
و اقرب جمعيات لك لو كنت في العاصمه
( المنصوريه- القادسيه - الشاميه - الفيحاء - كيفان - الخالديه )

سوبر ماركت تجاريه

( نفس نظام بنده و عمرو )
مركز سلطان و فروعه
ستي سنتر
لولو هايبر

طبعا بالكويت
تقال كلمه منطقه وهي بديل لكلمه حي





الشخص اشتكى من قلة السوبرماركت ,, وهذا الشي واقعي وملاحظ بالكويت مقارنة بالمدن السعوديه ..

بالرياض والقصيم وغيرها السوبر ماركات والبقالات موجوده بكل حاره لاحظو قلت حاره وليس حي

وخدمتها 24 ساعه ويمكن تروح على رجولك بدون السياره لانتشارها وكثرتها ,,

تقبلوا تحياتي ..

المشاركة الأصلية كتبت بواسطة الضمير الحي
http://www.arabtravelersforum.com/tr...8/#post5092208

الشخص اشتكى من قلة السوبرماركت ,, وهذا الشي واقعي وملاحظ بالكويت مقارنة بالمدن السعوديه ..

بالرياض والقصيم وغيرها السوبر ماركات والبقالات موجوده بكل حاره لاحظو قلت حاره وليس حي

وخدمتها 24 ساعه ويمكن تروح على رجولك بدون السياره لانتشارها وكثرتها ,,

تقبلوا تحياتي ..





اخي الكريم الظاهر ماوضحت رسالة الاخ عندك لانه ذكر امتدح وليس بمشتكي لان الجمعيات التعاونية منتشرة بكل منطقة سكنية وفيها كل شي بديل عن السوبرماركت وهذا مايميز دولة الكويت عن باقى الدول الاخرى مع احترامي وتقديري وتقدر ايضا تروح لها مشي على ريولك اذا كانت يم بيتك فقط للتوضيح .