احتاج المساعده محتار بشهر العسللو سمحتوا

**ahmed2** · 02-03-2015, 08:29 AM

السلام عليكم

انا متصفح شبه يومي للموقع.....

بس انا محتار لابعد الحدود لان وقت شهر العسل راح يكون نهايه ديسمبر و بدايه يناير

وهو الموسم المرتفع مع الاخذ بالاعتبار للعوامل المناخيه لبعض الاماكن

ارجوا المساعده في الاتي

اروح موريشوس + جنوب افريقيا؟؟؟ ( ملاحظاتي : الاسعار عاليه + موسم امطار و اعاصير )

او
اروح المالديف+ ماليزيا؟؟؟ ( ملاحظاتي : الاسعار عاليه في المالديف مقارنه بموريشوس)

او ممكن تقترحوا لي برنامج لمكان جديد ===== ارحب بالاقتراحات ياجماعه

طبعا الميزانيه بعد طيحة الاسهم صارت محدوده ولكن تتدبر ان شاء الله. ابي شي معقول

المده راح تكون من 15 - 20 بالكثير

رجاء افيدوني بخبراتكم الله يزوجكم دنيا و آخره

وشكرا

مواضيع عشوائيه ممكن تكون تعجبك اخترناها لك:

**ahmedali** · 02-03-2015, 08:29 AM

والله يا استاذي العزيز انا اقترح عليك التالي ( اللي بسويه انا طبعا ) :

بالنسبه لماليزيا انا شلتها من راسي لعده اسباب اولها احس انها زحمه مع اني ما رحت لها بس احس كذا والمنتدى خير شاهد على ذلك وسبب اخر ان وقت زواجي نص جماعتنا بيروحون ماليزيا واكيد بقابل واحد منهم .. بعدين بصراحه ما حبيتها اقعد مرتز انا وزوجتي بأي مكان بفندق ولا ملاهي وحولي امه محمد كلهم عرسان .. احس ماني مميز .. ولأني لقيت الصراحه شي افضل من ماليزيا وبغامر شوي لأني ما عمري طبيت لها ولا اعرف احد شخصيا راح لها ..

انا فكرت الصراحه بالمالديف وموريشوس بس يا ناس اسمه شهر عسل مو اسبوع عسل ولا عشره ايام عسل !!! يعني كنت افكر بقوه اروح المالديف بس يقولون اكثر من خمسه ايام ملل .. بعدين اللي بحطه مثلا في فندق محترم مثل فور سيزون احطه بمثله بمكان ثاني (اللي ناوي اروح له انشالله ).. :24:

فكرت بأوروبا .. اوروبا جدا جميله خصوصا اذا اني بستاجر سياره وفرفره على اوروبا .. بس بعد تدقيق وجدت انه الافضل لشهر العسل ( حسب ما قريت) مكان استوائي وبحر وشمس ومسبح وتبطح :surf ( وهذي لا تنطبق على اوروبا )..

لذلك قررت بعد تفكير سنه .. كامله اني اروح اندونيسيا ... اللي بأصرفه في موريشوس بكج بصرفه في بالي في فيله فخمه مع مسبح وفي افخم فنادق جاكرتا .. والطبيعه لا يعلى عليها يعني بختصار بعيش ملك هناك .. لا والسفر درجه اولى بعد بحكم ان وقت السفر طويل عشان نتمدد وننام ونصحى وبلوت وكذا يعني ..

طبعا كلن ووجه نظره بس انا اقتنعت خلاص وحجزت وضبطت اموري بسبتمبر انشالله ..

بالي تعتبر جزيره .. ومن حيث الفنادق وفخامتها واسعارها ان اشوف افضل بميه مره من غيرها .. قارن وشوف ... وفيها طبيعه جباره .. بعدين في احد البرامج التلفزيونيه يقولون ان سعر قطعه الشوكولا في احد فنادق اوروبا خمس نجوم تعادل سعر ليله في احد فنادق بالي سبع نجوم ..!!!

وما جو الخواجات بالي من كل مكان حتى الامريكان خلو هاواي وجو بالي الا ان فيها سر وانا ناوي اكتشفه انشالله..

وبالتوفيق اخوي .. ومبارك لك مقدما

**alifun** · 02-03-2015, 08:29 AM

عزيزي
نهاية ديسمبر كما تفضلت لا تصلح لضحايا الأسهم

هي مخصصة للهاومير

وضعك المادي لا يسمح لسياحة الجزر في رأس السنة

والمدة المتوفرة هي 15 - 20 يوم

ممكن قضائها بين باريس ويورو ديزني مثلا

او تركيا

او جنوب اسبانيا (جولة شتوية في ربوع في الأندس)

تحياتي