اخوي ماهر

على حسب خبري آخر مرة رحت الكويت شهر سبتمبر الماضي

الطريق المزدوج يبدأ بعد ما تتجاوز محطة ابو حدرية بـ 40 كيلو تقريبا عند محطة بنزين من الخلف (اظن اسم المحطة التركي)

و للاسف ما فيه تحويلة زينة من الخط القديم الى الجديد
اللي موجود خط ترابي سيء من خلف المحطة الى الطريق الجديد، و ما تقدر تتعداها الا اذا سيارتك دفع رباعي

و فيه طريق ثاني للوصول الى الطريق الجديد
بعد ما تتعدى محطة التركي بـ 8 كيلو تقريبا فيه خط تحويله ترابي (لا توجد لافتة) على يسارك و لكنه افضل من سابقه... يعني الطريق مستوي و يصلح للسيارات الصغيرة الى ان تصل الى الخط الجديد

يعني باختصار

من البحرين الى بوحدرية 180 كيلو طريق سريع مزدوج

من بوحدرية الى محطة التركي طريق احادي 40 كيلو

ثم تسلك الطريق الجديد الى الكويت حوالي 110 كيلو


و اتمنى بقية الاخوة اللي راحوا الكويت مؤخرا يفيدونا اكثر

يمكن لو تطرح سؤالك في بوابة السعودية افضل لك لان السعوديين اللي يروحون الكويت كثيرين

اجمل تحية

مواضيع عشوائيه ممكن تكون تعجبك اخترناها لك: