الموضوع: استفسارات بخصوص المواصلات في سويسرا

السلام عليكم

جزاكم الله خير على جهودكم

انا اول مره اطلع لاوربا واللغه لكم عليها تعبانه شوي

عندي بعض الاسئله اتمنى تجاوبون عليها مشكورين

1 / بوصل جنيف وبطلع الى انترلاكن وش استخدم قطار او ايش؟
وكيف احجزه ومن وين هنا والا اذا وصلت هناك
ودي احجز كل شيء من هنا لو فيه امكانيه

2/ اذا وصلنا انترلاكن بالسلامه ان شاءالله
كيف يكون التنقل للأماكن اللي نبيها
طبعا مامعنا سياره ورافضها المعزب رفض تام
بعد اشرحوا لي كل شيء كيف احجز وكيف ادري انه رايحين للمكان اللي نبيه

3/ اذا خلصت ايامنا في انترلاكن بنطلع الى باريس
نقدر نطلع من انترلاكن والا ؟ وبعد الطريقه الله يسعدكم

ومشكورين على تعبكم

مواضيع عشوائيه ممكن تكون تعجبك اخترناها لك:

• استفسار عن طيران ايزي جت
• فزعتكمخبراء انترلاكن
• شلال الخانق الرهيب روزنلوي بسويسرا
• لانستغني عن مشورتكم في هذا الجدول لأغلب المدن الأوروبية
• الى سويسرا في نوفمبر
• استفسار فندق موفنبيك لوزان او كامبنسكي شاردون للهوني مون
• معلومة مهمة بخصوص الاطفال في القطارات
• محتار ومحتاج وقفتكم كما عهدتكم في سفراتي السابقه
• اهل الخبرة
• مسافرة بكرة ردو عليا ضروري
• لوزان
• ما أستغني عن ارائكم وبالاخص المشرفين الاعزّاء
• اخذ راي في فندق
• بخصوص شرق او غرب انتر لاكن ضروري
• احتاج نصائح اهل الخبرة
• زيارتي الاولى للاراضي الاوروبيه ممكن مساعده مبدئيه منكم ياخبراء
• استفسار عاجل عن الرخصة الدولية
• قمة يونفرايوخ – تقرير
• بخصوص التنقل بين مدن سويسرا
• الرجاء المساعدة في اختيار المدن

اختي العزيزة ابعدي كل البعد عن حجز القطار من هنا
لانهم بياخذون مبالغ اضعاف مضاعفه عن الاسعار هناك
اذا وصلتي مطار جنيف روحي لمكتب حجز القطار بنفس المطار على مااعتقد
احجزي وتوكلي على الله
لاتخافين لانك راح تلقين حجز باذن الله
بالنسبة للتنقل في انترلاكن يكون افضل بسيارة وفيه مكتب تاجير سيارات هناك
ولو ماقدرتي فالقطار افضل وارخص من التاكسي

هلا اختي
انا توي راد من هناك وكانت هذي اول مرة انزل مطار جنيف الطريقة سهلة للغاية اول
ماتنزلي من الصالة راح تشوفي علامة القطار في الوحات الارشادية ما عليك سوى اتباع
السهم راح يوصلك بتجاه القطار اول ما تخرجي من بوابة راح تشوفي على يدك اليمين
مكتب حجز التذاكر طبعا يغلق الساعة التاسعة مساء وما في امل احد يكلمك اذا قفل
المكتب لانهم حاطين مكائن لشراء التذاكر الكترونيا لم استطع استخدامها الا بمساعدة
شخص حيث ساعدني باختيار المحطة وقمت بدفع بواسطة بطاقة الراجحي لانة ما تقبل
الكاش كانت تكلفة الرحلة اتجاة واحد من المطار الى محطة Interlaken Ost بـ207 فرنك
سويسر لثلاثة اشخاص طبعا درجة ثانية لا حظي بعض القطارات مباشرة وما تغيري قطار
وبعضها تغير في محطة اسمها BERN مدة الرحلة تقريبا ثلاث ساعات الا ربع. طبعا علشان
تحددي المحطة الي تنزلي فيها في انترلاكن حسب موقع الفندق فيه محطتنان
Interlaken West و Interlaken Ost ذكري اسم الفندق وراح احدد لك اسم المحطة الاقرب لك .
اتمنى اكون افدنك ورحلة سعيدة

ممكن تفيدني طال عمرك === راح اوصل مطار جنيف يوم 20/6ورايحه الى زيلامسي يوم 23/6
وش رايك احجز من المطار اول ماأوصل قطار الى زيلامسي ؟
وكم بتكون تكلفة القطار من جنيف الى زيلامسي.؟
وبعدين هل فيه فرق بين الدرجه الاولى والثانيه بالقطار؟

هلا اختي نوف الشوق
بالنسبة للتذاكر عادي تقدري من المطار او من المحطة الرئيسية الي ينطلق منها وسط جنيف بس الافضل
تشتريها قبل السفر بيوم واحد علشان لو تغيربرنامجكم ما تكونو متوهقين بالتذاكر ، شيكت تاريخ سفركم
فية قطار يطلع الساعة 11:45 صباحا واشوف هو الانسب لان الرحلة طويلة تستغرق حوالي 10 ساعات
وفيها ثلاث محطات تغيري القطار واشوف انه متعب بس الله يعينكم ، طبعا اشوف انة ما في فرق يستاهل
بين الدرجة الاولى والثانية وافضل الدرجة الثانية لفارق السعر الكبير بين الدرجتين سعر الاولى يساوي 335
فرنك والسعر الثانية 199 فرنك .
اتمنى اكون افدتك تحيااااااتي ورحلة سعيدة

الله يجزاك الجنه اخوي ماقصرت ابيك معي خطوه بخطوه الله يرضى عليك
انا ابي اذا وصلنا المطار اتمشى شوي في جنيف وعالبحيره ونافورتهم وكذا
وبعدها ابي اطلع لانترلاكن

بنسكن في هذا الفندق Hotel Interlaken

طيب كيف اعرف ان الرحله ذي مباشره ومن غير تبديل

استحملني اخوي ولك الجر ان شاءالله

وبالنسبه للي اشار له الاخ ابو عزيز

2- السويس باس – Swiss Pass
السائح كثير التنقل في فترة محدودة تعطيه البطاقة عدد غير محدد لإستخدام شبكة المواصلات بعدد لا محدود
وهي ممتازة لمن يعرف بالتحديد فترة إقامته والأماكن الذي ينوي زيارتها
مدة الصلاحية بعدد الأيام:
عدد الأيام: 4/8/15/22/30
الأسعار بالفرنك السويسري
درجة أولى:300/564/683/788/867
درجة ثانية: 260/376/455/525/578

تكفي عن تذاكر القطار؟
واقدر اركب باصات قطارات في جنيف وانترلاكن طبعا جنيف ماراح اجلس فيها
الايام كلها في انترلاكن
بس هل تفي السويس باس؟

هلا أختي سبحان الله نفس الفندق الي سكنت فيه وهو فندق رائع واثاثة مجدد يعني يستاهلعلى كذا اقرب محطة لك interlaken Ost وهو يبعد حوالي 300 متر فقط عن المحطةاذا عندك شناط كثيرة راح تلقي تكاسي عند بوابة المحطة واذا ما عندك شناط كثيرةفيكم تمشون ، بالنسبة للقطارات اغلبها تغير في Bern وممكن تكون مباشرة حسب القطارالي بيطلع وهذا موقع القطار حقهم sbb.com ما عليكم غير تحطي كلمة Geneva اذا راح تطلعي من المحطة الرئيسية وتختاري الوصول interlaken Ost واختاري وقت وتاريخ الرحلةوبعدها يعطيك الخيارات المتاحة اختاري الي يناسبك وراح تشوفي هل هو مباشر او لا واذا كنتي تعرفي الوقت اذكرية وانا اشوف لك ، بالنسبة لسويس بس انا ما استخدمتها ابد ومالي خلفيه فيها.تحياااااتي لك

هلا اخت نوف
طبعا انا ما زرت زيلامسي قبل بس واضح حسب ما بحثت ان الفندق قريب جدا من محطة زيملاسي
بالنسبة لذهاب الى فينا افضل شي تروحي للمحطة الرئيسية في فينا ثم تاخذي تكسي ، القطارات من
زيلامسي الى فينا تقريبا كل ساعتين رحلة وتغيري قطار في سالزبرغ.
اتمنى اني افدتك ورحلة سعيدة

الله يجزاك الجنه ماقصرت والله
مشكور
ياليت احد يعرف لسويس يجاوبني اقدر استخدمها في قطارات وباصات لكل تنقلاتي؟

المشاركة الأصلية كتبت بواسطة هي مختلفه
http://www.arabtravelersforum.com/tr...9/#post6999829

الله يجزاك الجنه ماقصرت والله
مشكور
ياليت احد يعرف لسويس يجاوبني اقدر استخدمها في قطارات وباصات لكل تنقلاتي؟



ايه اختي علي حسب ايامك اللي طلبتيها تحسبي عدد الايام من تاريخ تفعيلك لها في سويسرا انا الان في انترلاكن واستخدمها في كل التنقلات لكن القطارات اللي تطلع فوق للجبال تسوي لك تخفيض وطيب واي استفسار عندك اللي عندهم علامه الاي تقدري تستفسري براحتك