الموضوع: وفي جيبك وش تتوقعون بيصير؟

السلام عليكم وجمعة مباركة علينا وعليكم


وكما عودونا اعضاء هذا المنتدى دائماً بعدم التقصير في اعطاء الشور والنصيحة ... لان أطيل !!

بروح بعد أربع أيام إن شاء الله نيويورك مطار jfk ومعي في بوكي 5000 دولار وش تتوقعون من واقع خبره رايح يقولون ؟؟ رجاءً اللي ماعنده فكره عن الموضوع يحاول يستفيد من الناس اللي عندهم فكره


أنا عني كذا ولا كذا بروح وفي جيبي هذا المبلغ وعندي الرد لو سألوني ليه معك كاش


دمتم بكل ود ومحبة

أخوكم

مسافرلها

مواضيع عشوائيه ممكن تكون تعجبك اخترناها لك:

• مشرفينا الغالين والاعضاء المميزون ارجو المساعدة بمخطط السفر
• تمديد مده الفيزا
• مطار نيويورك افيدونا
• الى خبراء لوس انجلس و سان ديقو
• مساعدة يوم في أمريكا بدون خطة
• هل فيه طريقة اروح قبل الدراسة بأكثر من يوم ؟
• المساعدة بارك الله فيكم
• أبغي اعرف الرموز في الفيزة
• الفزعه يااخواني العرب
• ساعدوني واعطوني رأيكم في برنامجي الرحلة في سبتمبر القادم
• استفسار عن جولة في امريكا
• كيف احل هذة المشكلة مع مقابلة السفارة
• عروض التركية الكويت الى بوستن
• املي الاخيرمساعدة
• ارجو المساعده
• مكاتب ترجمه معتمده في الكويت
• هل يستطيع السعودي ان يأخذ تأشيرة سياحية من السفارة الأمريكية في الرياض؟؟
• الرجاء الافادة بسرع مايمكن
• المسافات بين المناطق
• أرغب بمعلومات عن مدينة

اخي الكريم

المبلغ المسموح ادهاله كاش للولايات المتحدة هو 10.000 $

لاكن انا انصحك انك ناخذ معاك مصروف كاش اقل والباقي تستخدم بطاقة الائتمان لانها اسهل وامن واغلب الفنادق ومحلات تأجير السيارات تطلبها للتأمين !!

بالتوفيق عزيزي

انتبهه لاتنسرق او تطيح منك,حطها على الاقل شيكات سياحية

المشاركة الأصلية كتبت بواسطة impact
http://www.arabtravelersforum.com/tr...2/#post3174782

اخي الكريم

المبلغ المسموح ادهاله كاش للولايات المتحدة هو 10.000 $

لاكن انا انصحك انك ناخذ معاك مصروف كاش اقل والباقي تستخدم بطاقة الائتمان لانها اسهل وامن واغلب الفنادق ومحلات تأجير السيارات تطلبها للتأمين !!

بالتوفيق عزيزي




هلا وغلا أخي أمباكت

وشكراً على مرورك الكريم ...

بصراحة عندي 5000 $ من زمان وقلت دامي مسافر لأمريكا الاولى أني أخذها معي
وعن بطاقات الائتمان مالي غنى عنها حتى بداخل المملكة فمابالك في أمريكا باخذ معي بطاقتين .. عموماً اشكرك كل الشكر على المرور ... وبغيت أعرف مصدر المعلومة اللي يسمح بدخول الولايات المتحدة بمبلغ 10.000 $ لو تكرمت وهل ينطبق على جميع الولايات أو ولاية عن آخرى؟


تقبل تحياتي

أخوك
مسافرلها

المشاركة الأصلية كتبت بواسطة back street
http://www.arabtravelersforum.com/tr...6/#post3175166

انتبهه لاتنسرق او تطيح منك,حطها على الاقل شيكات سياحية




مرحبا أخوي وشكرا على مرورك الكريم + اهتمامك

وفكرة الشيكات السياحية راودتني بس قلت انا بطلع من المطار بالتاكسي على الفندق واحط الكاش اللي معي بصندوق الامانات + بطاقات الائتمان وارجع لها متى ما احتجت لها يعني بعون الله ما بشيلها معي بالطلعه والنزله. بطاقة الائتمان بأذن الله توفي بالغرض الكاش بخليه في الفندق متى ما احتجت له بيكون قريب فقط لا غير


شكرا كل الشكر على مرورك الكريم


تقبل تحياتي

أخوك

مسافرلها

طيب ورا ماتفتح حساب في بنك سامبا بالدولار وتودعها فيه .
ويصير عندك في حسابك 5000 دولار

اخوي انا دخلت امريكا في 14 جولاي وكان معي 5800 دولار ولاسألوني عنها معي اني كنت كاتبها في الفورم حق الطيارة فأتوقع عادي بس حاول انك تفرقها في اماكن مختلفه عشان لو صار شي لاسمح الله ماتروح كلها بالتوفيق...

المشاركة الأصلية كتبت بواسطة مسافرلها
http://www.arabtravelersforum.com/tr...0/#post3176360

هلا وغلا أخي أمباكت

وشكراً على مرورك الكريم ...

بصراحة عندي 5000 $ من زمان وقلت دامي مسافر لأمريكا الاولى أني أخذها معي
وعن بطاقات الائتمان مالي غنى عنها حتى بداخل المملكة فمابالك في أمريكا باخذ معي بطاقتين .. عموماً اشكرك كل الشكر على المرور ... وبغيت أعرف مصدر المعلومة اللي يسمح بدخول الولايات المتحدة بمبلغ 10.000 $ لو تكرمت وهل ينطبق على جميع الولايات أو ولاية عن آخرى؟


تقبل تحياتي

أخوك
مسافرلها




https://help.cbp.gov/cgi-bin/customs...9sZCBidWxsaW9u


بالتوفيق

المشاركة الأصلية كتبت بواسطة back street
http://www.arabtravelersforum.com/tr...5/#post3176865

طيب ورا ماتفتح حساب في بنك سامبا بالدولار وتودعها فيه .
ويصير عندك في حسابك 5000 دولار



أولا أشكرك على مرورك القيم

ثانياً منطق سليم جداً اللي تقوله بس أنا طال عمرك بسافر بعد تقريبا 3 أيام ولا عندي وقت أفتح حساب لاني مشغول جداً بالعمل حتى يوم السفر للدرجة أن رحلتي بتكون الساعه 10 بالمساء ومضطر أني أشتغل في نفس اليوم الين سته المساء عشان أخلص بعض الامور المتعلقه والله يسرها واخلصها قبل عشان ارتاح شوي !!


ولا من ناحية فكرتك جدا واقعية لكن الوقت ضيق والمبلغ ماهوب كبير مره عشان يستاهل العنوه وش عندي المطخطخ :109:

شرفني مرورك طال عمرك وشورك



تقبل فايق تحياتي


أخوك
مسافرلها

المشاركة الأصلية كتبت بواسطة برهوم
http://www.arabtravelersforum.com/tr...3/#post3177473

اخوي انا دخلت امريكا في 14 جولاي وكان معي 5800 دولار ولاسألوني عنها معي اني كنت كاتبها في الفورم حق الطيارة فأتوقع عادي بس حاول انك تفرقها في اماكن مختلفه عشان لو صار شي لاسمح الله ماتروح كلها بالتوفيق...




هلا برهوم والف شكر على المرور

وشورك وهداية الله بخذها معي وبفرقها مثل ما قلت فعلا الغبنه لا ضاعت كلها وضربت كف على كف ... عاد محاكيك بعض المرات تنتابه لحظات من الفهاوه اللي فعلا تستوجب معها اتخذ الاحتياطات والاجراءت الامنية اللازمه.

ودامك هلالي بفرقها 4 -4 -2 وياسر اساسي


جداً أسعدتني مشورتك وتجربتك الطيبه وأسمحلي لو ثقلت دمي عليك شوي


لك الود والمحبة في الله

أخوك

مسافرلها

المشاركة الأصلية كتبت بواسطة impact
http://www.arabtravelersforum.com/tr...8/#post3177788

https://help.cbp.gov/cgi-bin/customs...9szcbidwxsaw9u


بالتوفيق




عز الله أنك كفو

رح ياخوي الله يوفقك دنيا واخره انت من الناس اللي يقولون ما يعلمون ويفعلون ما يقولون ... ولو بيدي وظيفة مستشار فوق العادة في السفارة السعودية بالولايات المتحدة الامريكية تستاهل كل خير تقدر تباشر عملك من يوم السبت


الله يعطيك العافية طال عمرك ودايم أقولها بخاطري لو لا الله ثم أنت كان في امور كثير ماهيب واضح لي بأمريكا لكن بتفانيكم وجهودكم الواضحه للعيان أصبح السفر لأمريكا خالي من الهموم

لا أملك الا أن اقولك هنا وفي غيابك تقبل مني كل الشكر فهو لك



أخوك

مسافرلها

رحلة موفقة بادان الله و ما تنسانا من الهدايا

المشاركة الأصلية كتبت بواسطة subzeroman
http://www.arabtravelersforum.com/tr...2/#post3181642

رحلة موفقة بادان الله و ما تنسانا من الهدايا




الله يجزاك خير وابشر بالي يقدرني الله عليه لهذا المنتدى العامر بناسه شرواك

بحاول أخذ صور لكل شي واحطها لكم هنا للعموم الفايدة



تقبل تحياتي

أخوك
مسافرلها

توصل بالسلامة وإن شاءلله تستمتع في رحلتك ،،