الموضوع: عاجل بليز ابي مكان صرف الفرنك في الرياض

السلام عليكم شباب انا لي كم يوم وانا ادور لي مكان صرف العملات في الرياض
فريت لين داخ راسي مالقيت كل ماجيت التحويل حق الراجحي يقول ماعندهم الا الروبيه
وش الحل تكفون
مع العلم البارح في اللليل رحت المطار لقيته عندهم الصرف غاليه مره مره
لقيته بــ 4.25
تكفون ابيه اليوم لا تخلوني سفرتي قربت
والفرنك سعره صيده

مواضيع عشوائيه ممكن تكون تعجبك اخترناها لك:

• من يرتب لي سفرتي وأكون ممنونه وشاكرة له
• لاهنتوا ادخلووا
• رآيكم في اللجدول الشبه نهائي للرحلة ،،،
• استفسار بخصوص الشينقن فيزا سويسرا ضروري
• السكن في لوزان او مونتريو أحسن ؟؟
• ما أستغني عن ارائكم وبالاخص المشرفين الاعزّاء
• الفزعه ياهل الفزعه ماحصلت سكن
• لا تخلوني وحيده بسويسرافزعتكم
• شقة في انترلاكن ولا حولها لاربعة اشخاص تكفون
• عاجل جدا فندق في انترلاكن
• استفسارات كثيرة عن سويسرا
• عاجلمخطط رحلتي إالى سويسرا وميونخ
• ابحث عن شقق او فلل اجار شهري بالقرب من انترلكن
• استشارة سويسرية فرنسية
• ساعدوني في مخطط رحلتي سويسرا فرنسا المانيا
• استشاره بخصوص فنادق في انترلاكن وزيورخ
• خلصت حجوزات باقي السياحة نوروني من خبرتكم
• يا اهل الابداعاع اغسطس ام سبتمبر ام ميونخ ام جنيف تداخلت الاستفسارات فساعدوني
• خبراء زيورخ ضروري وعاجل
• عاجل اخذ كاش والا اسحب من الصرافات

انا بطلع بعد شوي للبطحاء بصرف فرنك ان شاء الله احصل عندهم

استناك اخوي المتدور

يالغالي طلعت من المغرب وانا بالبطحاء مافية مكان مادخلتة وكلهم يقولوا ما فيةالمهم بالاخير قالي واحد ان محلات الذهب بالبطحاء عندهم تبديل عملة والحمد لله حصلت
بعد جهد جهيد ولازم كان تبغى صرف فرنك تطلع من الصباح بدري او عد العصر
مباشرة وانت في البطحاء لان اكثر محلات الذهب يقولو خلص الان الفرنك تعال بكرة
بعد حب خشوم وحلوف اني مو من الرياض وراجع بكرة راح احد اصحاب المحلات
للمستودع وجاب لي صرف فرنك
اسأل الله لك التوفيق

اول شي مبروك على انك لقيت صرف
وثاني شي بكم صرفت
ووين المحلات بالضبط عشان بكرة بروح لهم
لا تتاخر علي بالرد
وشكرااااا

يالغالي سعر الصرف 4.5 المحلات والله ما اعرف اوصف لك البطحاء كلها حوسة
بس لما يجيك الكبري وكانك رايح شمال هم تحت الكبري عند مستوصف بس والله مو ذاكر اسمة
يكون الراجحي للحوالة على يسارك بالشارع الثاني
يالغالي انت لما توصل بس كبري البطحاء ووجهك شمال اسال اي واحد بيدلك على محلات الصرافة ولما تشوف محل ذهب
اسالة عنده صرافة

4.5 غالي مره ضاحكين عليك
انا البارح في البطحاء وزي ماقلت فريت ولا لقيت احد يصرف لي
بس بالسعر هذا مستغلك انا قبل امس لاقي في المطار بسعر 4.25 واعتبره غالي بعد
وهو في المطار
وتراني بعد الفرفره لقيت محل وعطاني الكرت حقه وقالي تجي يوم الاحد واوفره لك باقل من 4
على قولته لاني قلتله اكثر من الاربعة ادور واحد غيرك والافضل المطار اذا فوق 4

الشكوى لله حسبي الله عليهم والله ماحصلت الى هو