الموضوع: عاجل بليز ابي مكان صرف الفرنك في الرياض

السلام عليكم شباب انا لي كم يوم وانا ادور لي مكان صرف العملات في الرياض
فريت لين داخ راسي مالقيت كل ماجيت التحويل حق الراجحي يقول ماعندهم الا الروبيه
وش الحل تكفون
مع العلم البارح في اللليل رحت المطار لقيته عندهم الصرف غاليه مره مره
لقيته بــ 4.25
تكفون ابيه اليوم لا تخلوني سفرتي قربت
والفرنك سعره صيده

مواضيع عشوائيه ممكن تكون تعجبك اخترناها لك:

• الفــــــزعه يالمطـــــــــــــــــــانــيـــــــــــخ
• ومضة من زيورخ
• الاعضاء الكرام سويسرا و فرنسا
• سؤال عن زيــوورخ
• هايدي لاند وانترلاكن
• هل احتاج القارمن في سويسرا اذا ماكان معي سيارة ؟ وهل الايفون بودي الغرض ؟
• اين تقع منطقه اسمها اوبروالد فندق في سويسرا Krokus
• من جرب السكن في شقة كارافان في انترلكن على بحيرة
• استفسار يرجي الفاده
• مسافر الي المانيا والنمسا وسويسرا
• مقترجاتكم فنادق في انترلاكن وجنيف
• بخصوص الصرف هل نصرف كله يورو والا ناخذ بعد فرانك؟؟؟
• ناوي اخذ جوله اوروبية بالسيارة بداية من ميونخ وانتهاء بامستردام 15 يوم
• مساعدتكم واقتراحاتكم
• مساغدة في ترتيب رحلة من جنيف والخروج من باريس
• باقي على الرحلة أقل من أيام
• أو البحيرة الزرقاء تقرير
• تخطيط رحلة سويسر و فرنسا
• عايله بدون رجال
• استفسار عن الفنادق

انا بطلع بعد شوي للبطحاء بصرف فرنك ان شاء الله احصل عندهم

استناك اخوي المتدور

يالغالي طلعت من المغرب وانا بالبطحاء مافية مكان مادخلتة وكلهم يقولوا ما فيةالمهم بالاخير قالي واحد ان محلات الذهب بالبطحاء عندهم تبديل عملة والحمد لله حصلت
بعد جهد جهيد ولازم كان تبغى صرف فرنك تطلع من الصباح بدري او عد العصر
مباشرة وانت في البطحاء لان اكثر محلات الذهب يقولو خلص الان الفرنك تعال بكرة
بعد حب خشوم وحلوف اني مو من الرياض وراجع بكرة راح احد اصحاب المحلات
للمستودع وجاب لي صرف فرنك
اسأل الله لك التوفيق

اول شي مبروك على انك لقيت صرف
وثاني شي بكم صرفت
ووين المحلات بالضبط عشان بكرة بروح لهم
لا تتاخر علي بالرد
وشكرااااا

يالغالي سعر الصرف 4.5 المحلات والله ما اعرف اوصف لك البطحاء كلها حوسة
بس لما يجيك الكبري وكانك رايح شمال هم تحت الكبري عند مستوصف بس والله مو ذاكر اسمة
يكون الراجحي للحوالة على يسارك بالشارع الثاني
يالغالي انت لما توصل بس كبري البطحاء ووجهك شمال اسال اي واحد بيدلك على محلات الصرافة ولما تشوف محل ذهب
اسالة عنده صرافة

4.5 غالي مره ضاحكين عليك
انا البارح في البطحاء وزي ماقلت فريت ولا لقيت احد يصرف لي
بس بالسعر هذا مستغلك انا قبل امس لاقي في المطار بسعر 4.25 واعتبره غالي بعد
وهو في المطار
وتراني بعد الفرفره لقيت محل وعطاني الكرت حقه وقالي تجي يوم الاحد واوفره لك باقل من 4
على قولته لاني قلتله اكثر من الاربعة ادور واحد غيرك والافضل المطار اذا فوق 4

الشكوى لله حسبي الله عليهم والله ماحصلت الى هو