الموضوع: نصيحه اخويه للملتزمين؟؟

بسم الله الرحمن الرحيم




السلام عليكم ورحمة الله وبركاته



ابي اجي الكويت انا وعائلتي لمدة يومين وش تنصحوني فيه كا اماكن تمشيه وترفيه والسكن والخ...

وياليت تكون الاماكن حلوه ومحافظه وتصلح للملتزمين(مطاوعه)


وجزيتم خيرا

مواضيع عشوائيه ممكن تكون تعجبك اخترناها لك:

• بحاجتكم يااهل الكويت لاتخيبون املي الله يخليكم
• نموذج سياحي لدوله الكويت للمشاركه
• سؤال لأهل الكويت بخصوص السوق في اجازة راس السنه الهجرية
• اللي يعرف شقق رخيصة
• هل توجد تخفيضات ؟
• فديتكم ياهل الكويت ابي جدول سياحي
• مغربي يريد زيارة الكو يتساعدوني في ايجاد فندق يستخرج فيزا
• طلب مساعدة
• الان في الكويت وضاع يومي وانا ادور
• اريد الاستفسار او نبذة عن مدى مستوى البعد السياحي في الكويت وعن المستوى النوعي السياح
• تأجير مخيمات
• هل من الممكن ان احصل شغل وسكن للاستقرار في الكويت وانا سعودي؟
• مهم جدا الرجاء الدخول
• من مطاعم الكويت
• وين موضوعي
• تفتح عندكم الأسواق صبح الجمعة أو لا
• رأيكم يا أهل الكويت في فندق كوينز إن للشقق الفندقيه
• الله يخليكم ابي اعرف سكن في الفحيحيل
• ماهو الافضل
• الأمير يرعى اليوم افتتاح مبنى الشيخ سعد للطيران وإطلاق «الوطنية»

وعليكم السلام أخوي

بالنسبة للمطاعم عندك مطعم فريج صويلح لايفوتك جلسات خاصة ورخيص وأكله حلو قريب من مجمع المارينا
وبالنسبة للترفيه عندك حديقة الحيوان بالفروانية وعندك الأبراج والأكوريم على شارع الخليج وعندك سوق المباركية وأنحش عن سوق شرق والمرينا والأنفنيوز وماشابهها لانها لاتناسبك

وبرضوا لا تنسا معطم لميس الغانم .. أكلهم نظيف .. امتداد شارع الخليج ..
رحلة موفقة عزيزي ..

وعليكم السلام

هلا وغلا بالمشتاق الى الجنه

الله يجعلنا منها

معليش وش تقصد بــ (( تصلح للملتزمين ))

عشان اعطيك اللي عندي

تحياتي لك

وعليكم السلام ورحمة الله وبركاته

تطمن الكويت كلها تصلح للملتزمين ولله الحمد ويوجد بها الكثير منهم ويذهبون لكل مكان وتطمن بأن الحرام ممنوع عندنا

بفضل من الله سواء من الاكل أو الشرب ولله الحمد تمنياتي لكم بقضاء أسعد الاوقات في ربوع دولتنا الحبيبة.

شيخنا الكريم أولاً حياك الله تبارك وتعالى في بلدك الثاني الكويت ؛ وأبشرك بفضل الله ومنه وكرمه فالأمر ليس كما تظُن !

الكُويت كُلها تصلحُ لأن تقوم بما تودُّ أن تقوم به .. وليس ثمّ شيءٌ يخدشُ الحياء ، ودع عنك ما يُذاعُ وما يظهرُ في شاشات التلفزة ، إنما ذلك أمرٌ غير صحيحٍ البتة ، ومُبالغٌ فيه ، فطبيعة الشعب الكويتي أنهُ شعبٌ محافظ وسترى ذلك بأمّ عينيك.

الأماكن كثيرة ، وهي أكثر من أن تُحصى في موضوعٍ واحد ؛ فعليك بالمركز العلمي ( أحواض أسماك ) وفيه كافيهات ، وعندك المجمعات الكثيرة التي تقع على إمتداد شارع الخليج العربي في منطقة السالمية .. أما المطاعم

فإني أنصحك بمطعم قريب من دوار البدع أسمهُ ( تال ) مطعم هندي يعتبر سعرهُ غالٍ نوعاً ما .. يعني شخصين يكون الحساب 15 دينار !

أسأل الله أن يحفظك أنت وأسرتك وأن تجد مُبتغاك في دولة الكويت.

بارك الله فيكم جميعآ

الله يسامحك .. زعلتني الكلمة ... الكويت دارنا .. واهل الكويت اهلنا .. والخير فيهم .. وان شاء الله كلنا ملتزمين .. واذا غلطنا كلنا مستغفرين وربك غفور ورحيم .. لف الكويت من شرقها الى غربها ومن شمالها الى جنوبها .. وان شاء الله ما بتشوف اي شي يكدرك .. لف الاسواق والمولات والمطاعم والكورنيش والابراج والمدن الترفيهية والنادي العلمي وبتستانس اخر وناسه .. وركز على الاسواق الشعبية .. بضايع حلوة واسعار مناسبة ..

المشاركة الأصلية كتبت بواسطة كويتية^رحالة
http://www.arabtravelersforum.com/tr...4/#post4942354

وعليكم السلام ورحمة الله وبركاته

تطمن الكويت كلها تصلح للملتزمين ولله الحمد ويوجد بها الكثير منهم ويذهبون لكل مكان وتطمن بأن الحرام ممنوع عندنا

بفضل من الله سواء من الاكل أو الشرب ولله الحمد تمنياتي لكم بقضاء أسعد الاوقات في ربوع دولتنا الحبيبة.




هذا الكلام العدل


للاسف بعض الناس يظنون انه احنا بس " السعودية " على حق و راح ندخل الجنه و الباقي كلهم لا


الموضوع بكبره زعلني فيه الف اسلوب اخي الكريم ممكن توصل بيه رسالتك

شفيكم ياجماعة الخير فهمتوا الرجال غلط
الرجال سؤاله واضح يبي يجي الكويت ومايبي شي مايناسبه أو يجرح مشاعره و الشي هذا ممكن يكون موجود في الكويت او السعودية او أي ديرة أخرى يعني سؤاله مافيه أي ساءة للكويت

شف يا طويل العمر عندك مجمعات ( الأفنيوز - 360 - مارينا ) مجمعات تستحق الزيارة لكن خل زيارتك لها الصبح أو الظهر و بالكثير العصر

عندك بعد مجمع ( المهلب ) بحولي مجمع عائلي وصغير و قريب منه ( مجمع النقرة ) و في الفروانية ( مجمع العربيد ) و ( مغاتير ) و لا يفوتك (سوق المباركية ) لازم تزوره و في الفحيحيل ( مجمع الكوت ) رايق جدا و الجلسات فيه حلوة

الله يوفقك لما تحب وترضى باكويت
اخاف اقولك روح هني او اهناك بعدين تقووول بيض الله او سود الله وجهك
انت لف على تقريري و تقارير الاعضاء واحكم بنفسك

سؤال احبتي فيما يتعلق بمول شرق والافينوز والمارينا ليه مايصلحون للتسوق ليلا للاسر المحافظة ؟

المشاركة الأصلية كتبت بواسطة تالين 2010
http://www.arabtravelersforum.com/tr...2/#post4992002

سؤال احبتي فيما يتعلق بمول شرق والافينوز والمارينا ليه مايصلحون للتسوق ليلا للاسر المحافظة ؟



من قال ان هالمولات مايصلحون للتسوق ليلا للاسر المحافظة ؟؟؟؟؟؟؟؟؟؟؟؟
الحمد لله كلنا اسر وعائلات محافظة ورحنا هالمجمعات بروحنا ومع اهالينا ورياييلنا وما شفنا شي الكل حاشم نفسه واذا كان ماتصلح للاسر المحافظة جان كلن قعد في بيته والمجمعات تلقاها تصفر مافيها احد ,الحمد لله احنا في بلد اسلامي تحكمه القوانين والاعراف الاجتماعية والتيار الديني في الكويت قوي والا تسكرت المجمعات اذا كان فيها شي مخل للآداب العامة فقط للتوضيح اخي الكريم وحياك الله .

الحمدالله أسواقنا ما فيها شئ

ولا تبيع المحرمات من المشروبات

ولا في بارات بالفنادق الخمس النجوم لين الشقق

ومولات مو بس للتسوق إلا فيها الله يطول بعمرهم وما قصروا ندوات دينية للمشايخ نبيل العوضي و محمد العوضي و سليمان الجبيلان ( سعودي ) ويلقون ندوات بعد أذان المغرب والعشاء وأخر مرة الجمعة 11\3محمد العوضي و سليمان الجبيلان بسوق شرق

والخميس 17\3 المقبل محمد العوضي و نبيل العوضي بسوق الكوت

وهذا سايت حملة ركاز جزاهم الله خير

http://www.rekaaz.com/

وهذي فعالياتهم بالمولات

http://www.rekaaz.com/campaigns/faaliyat.html

مرحبا في ضيفنا العزيز
أولا : السكن بودل في السالمية شارع المطاعم مميز وسعره مناسب .
ثاني : الاماكن السياحية كثير في الكويت ،
مثال :
- المدينة الترفيهة في الدوحة
- الغداء في الابراج
- المطاعم في الكويت كثيره منها مطاعم كبائن وهي مميز جد عندنا منها
( مطعم فريج طويلح ، الستينات ، قيصر ، مغل محل ، ومطاعم مكشوفة مثل برج الحمام ، عبدالوهاب ، فش مارك ، الصنوبر .
اخي العزيز هناك خدمات أخر مثل بدالاة المطاعم 1808080 / 101 فيها كل طلب

هو بس يقصد ابي اماكن اقدر اتمشى فيها مع اهلي
واتوقع قالها لان البنات هناك مو كلهم بس فيهم يتحجبون ومايلبسون عبايه وهو يمكن مايبي يناظر كذا
و مطاعم فيها بارتشنزن و مطاعم مافيها جمعات بنات واغاني عاليه