الموضوع: ياهل الكويت حابه استفسر

السلام
لو سمحتو ياهل الكويت انا اليوم انشالله جايه للكويت الحبيبة ابغى اسال عن ملابس عليها علم الكويت وين القاها باي سوق باخذ لبنوتي ام 4 سنوات واحد وبسال عن حفلات هلا فبراير الغنائيه وين مكانها ولو احد عندة الجدول ياليت ينزله ولكم مني كل الشكر

مواضيع عشوائيه ممكن تكون تعجبك اخترناها لك:

• أسعار التذاكر والأوقات
• بكرا الصباح طالعين ، نخيتكم ياديرة الطيبين
• طيران الـجـزيـرة الكويتي تـطـلق درجـة لايــت الـجـديـدة
• الئ اهل الذوق اهل الكووووووويت
• ابحث عن مطعم اشاز الهندي
• منتجع و شاطئ رستر
• هل يوجد فندق بحمام سباحة خاص بالكويت
• الكويتيون ينفقون مليون دينار على تذاكر الطيران
• أبغي برنامج يوم واحد في الكويت الفزعة ياأهل الخبرة
• عدة استفسارات لووسمحتم
• فندق كويت كونتننتال و شقق ارينزا رايكم لو تكرمتو
• مهرجان هلا فبراير ينطلق اليوم
• كم استفسار ع الطاير
• تنبيه للمسافرين وقف جميع رحلات المطار من الساعة ظهرا
• ايش رايكم بفندق كراون بلازا بالفروانية
• ياأتباع محمد الدال على الخير كفاعله
• مقارنة بين مطعمين في الكويت؟؟
• هل يوجد بالكويت طيران الشارقه ؟
• أخي الباب العالي مطلوب للأهمية
• مجمع سوبر بلوك

هلا واله وحياك بالكويت .......بالنسبة للملابس راح تلاقينهم بكل الجمعيات التعاونية جميع المقاسات والاحلى تلاقينه بجمعية الشامية فساتين منفوشة وغيرها ...........
حفلات هلا فبراير دايما تكون في صالة التزلج بمدينة الكويت.....انا الجدول يمكن تحصلينه بالفندق...

ان شاء الله يفيدونك الاخوان اكثر

المشاركة الأصلية كتبت بواسطة بيسووو
http://www.arabtravelersforum.com/tr...2/#post4912378

السلام
لو سمحتو ياهل الكويت انا اليوم انشالله جايه للكويت الحبيبة ابغى اسال عن ملابس عليها علم الكويت وين القاها باي سوق باخذ لبنوتي ام 4 سنوات واحد وبسال عن حفلات هلا فبراير الغنائيه وين مكانها ولو احد عندة الجدول ياليت ينزله ولكم مني كل الشكر



حياج الله وتوصلون بالسلاامه

مثل ما قالت لج اختي فابيو الجمعيات كلها فيها وعندج سوق السالميه ( المعلم ) تشكيله واسعه وكل شي طبي وتخيري

اما بخصوص الحفلات خلصت الاسبوع اللي طاف كانت اخر شي نوال الكويتيه وفهد الكبيسي ومحمد عبده .. هالاسبوع في عروض الخدع البصريه في صاله التزلج وبارني ، وبرامج ومسرحيات في مدينه عالم زين في جنوب السره بجانب 360 ، والاحتفالات والعروض العسكريه للاحتفال بالعيد الوطني والتحرير تبتدي يوم اليمعه ان شاء الله وتنتهي يوم الاثنين بحيل الله ..

وهذا سيركعلى مسرح مدينه عالم زين للطفل مقابل مجمع 360 جنوب السره - الزهراء
سعر التذكره 3 دنانيير
من الاحد لي الخميس 5:30 و 7:30
الجمعه والسبت 4:30 و 6:30 و 8:30
شباك الحجز من 10 لي 10 مساء
للاستفسار : 60373894 – 22424563مسرحيه الاطفال الاستعراضيه ( مصباح علاء الدين )
على مسرح مدينه عالم زين للطفل مقابل مجمع 360
اوقات العروض يوم الخميس 5:30
الجمعه والسبت 5:30 و 7:30
الاسعار 2دينارين و 3 دنانيير* قرية زين للاطفال موجوده في ( منطقه جنوب السره ، على الدائري السادس بجانب مول 360 )

* يوم الجمعه الموافق 25/02/2011 الاحتفال بالعيد الوطني على شارع الخليج تقريبا تبتدي من 2 الظهر و مساء العاب ناريه بجانب ابراج الكويت وعروض الليزر والاضاءه والابهار البصري .

* يوم السبت 26/02/2011 الاحتفال بعيد التحرير يقام عرض عسكري ( البري والجوي ) على طريق الصبيه على الساعه 10 صباحا بحضور سمو امير البلاد ومشاركة قاده ورؤساء الدول الشقيقه .

* يوم الاحد 27/02/2011 تكمله للاحتفالات ويقام مهرجان كرنفالي ومسيره شعبيه تنطلق على شارع الخليج .

* يوم الاثنين 28/02/2011 عرض عسكري بحري مرسى مارينا مول .

* يوم 25-26-27/02/2011 بارني واصدقاؤه في الكويت 3 عروض يوميا الاوقات 11 صباحا ، 3 العصر ، 6 المغرب .. في صاله التزلج ..

اسعار التذاكر تبتدي من : 5 دنانيير ، 10 ، 15 ، 20 ، 30 ، 45 ، 60 دينار

تباع التذاكر في فروع زين ( الافنيوز ، مول 360 ، مارينا مول ، بروي ) صاله التزلج
واتمنى لكم طيب الاقامه

وفي معرض تراث شعبي في بيت لوذان على شارع الخليج بجانب مارينا مول فرقه بن حسين الشعبيه وملابس وتراث كويتي