الموضوع: طيارتي الساعه صباحا هل يمدي ارجع السياره لمكتب الايجار في يوم احد بعد

السلام عليكم

وش شوركم .. انا عندي طيران داخلي يوم الاحد الساعه 8:50
يمديني ارجع السيارة قبل الرحلة
ولاه فوق هالكلام انه بيكون يوم احد
اتكلم عن مطار جنيف

فـ وش شوركم ونصيحتكم الله يجزاكم الخير

تحيتي لكم

مواضيع عشوائيه ممكن تكون تعجبك اخترناها لك:

• للي عندهم خبرة بسويسرا
• أريد شقة أو فيلا بهذه المواصفات
• استفسار عن الدفع للفنادق ؟؟؟؟
• خبراء سويسرا ممكن تتفضلون
• أخترت السكن ولــكن
• أريد معرفة أفضل فندق فى مدينة انترلاكن
• هل تكفي ل ايام بسويسرا شهر عسل
• لا هنتو جميعممكن تساعدوني في ترتيب جدول الرحله
• جراندولد في أكتوبر
• مساعدتكم بسفرة العمر
• السفر الى زيوريخ
• الايفون اذا كان مسوي له جيلبريك هل يفتشونه في المطار ؟
• سويسرا في الشتاء
• أريد المساعدة السفر بالقطار من باريس إلى لوزان سويسرا
• زيورخ في آخر أكتوبر
• أحتاج مساعدة بسيطة - الإختيار ما بين ثلاث فنادق
• مشكلة الصور المختفيه في التقارير
• استفسار بخصوص رحلة شهر عسل
• لقد تعقد الفكر مني واصبجت بحيرة من امرني فارشدوني الى الطريق الصحيح
• احتاج مساعدتكم يا خبراء الريف السويسري

حبيبي من وين ماجر السياره من اي شركه ؟

اتوقع انك مستاجر من هيرتز
وحتى لو غير هالشركة
موجود بموقهم المقر اذا متوفر يوم الاحد او لا


مرة سلمت سيارتي 6 الفجر لمكتبهم في المطار
اما وسط المدينة فغالباَ مقفلة

اهلن اهلن

والله يالغالين بعدني ما ستأجرت

ولما شفت مواعيد شركه هيرتز طلع يوم الاحد يفتحون ف المطار الساعة 7 ونص
عكس بدجت وافيس اللي يفتحون 6 ونص

واللورد يقول سلمها مره الساعه 6 معناته يفتحون بدري ومو متلزمين باوقات الموقع حقهم ؟؟

وش افضل شركه تكون دوم فاتحه وما تتاخر في مطار جنيف

نوروني الله ينور عليكم

الله يسلمك اخوي اغلب المكاتب ..وان ما كانت كلها ..تسليم السيارة 24 ساعة.

الله يعطيك العافيه ع الرد

بس نبي الكلام الاكيد

مابي اتوهق بترجيع السيارة قبل السفرة

ف شوركم يا اخوان الله يجزاكم الخير

ادخل على موقع هيرتز وشوف الساعه الي يفتح فيها المكتب
جرب 7.15 صباحاَ

او اتصل تلفون وخاطبهم

او سلمها بنفس الليلة قبل تروح الفندق وريح بالك

هلا والله باخوي اسامه

الله يعطيك العافيه ياعدمتنا

ابشر بكلمهم وبقولكم وش يصير معي

بس في راسي يدور سؤال من اول ودي اسأله لك

هل المطار في جنيف ينقسمون اثنين .. يعني كل واحد في مكان .. قسم فرنسي وقسم سويسري .. وكيف اعرف الفرق بينهم


وش نصيحتك من اي مكتب ايجار سيارة اخذ .. هل القسم الفرنسي ولا السويسري .. علما حروح فيها ديفون وانسي


كم المدة تقريبا اللي احتاج ارجع فيها السيارة ؟؟ ساعه كفاية ؟!!!! ولا اقل ؟!

الله لا يهينك ياللورد ..

تحيتي لك

................

انت اكيد راح تنزل بالجزء السويسري وبامكانك تتاكد من رمز IATA الخاص بمطار جنيف السويسري GVA
وماراح تفرق لو اخذت سيارتك من الجزء السويسري او الفرنسي المهم انت وين حتسلم السياره يعني لازم تسليم السياره يكون من نفس البلد اللي اخذتها منها عشان مايحسبون عليك رسوم اضافيه عند تسليم السياره وراح تلاحظ هالشي في الموقع لمى تحجز بيكون اغلى من انك تاخذ وتسلم السياره بنفس البلد اتمنى اكون افدتك اخوي
وهذي شركه تاجير سيارات غير عن اللي عندك
http://www.europcar.com

الله يجزاك الخير يالغلا

تو شيكت ع الـ التذكره وطلع مكتوب فيها الاتي :

Depart
Geneva

Lufthansa
Economy | Embraer
305 mi | 1hr 15min
08:50
Geneve-Cointrin airport (GVA) | Terminal M
Arrive
Munich
10:05
F.J. Strauss Airport (MUC) | Terminal 2
Meal: Snack
Flight Operated by AUGSBURG AIRWAYS


طبعا ما ادري اي قسم اروح ولا ادري هل المطار يجمع القسمين او كل مطار في مكان ( اقصد مطار القسم السويسري والفرنسي )

الله يجزاكم الخير

تحيتي

هلا بك اخوي
Geneve-Cointrin airport (GVA) هذا القسم السويسري

يعطيك العافيه ع الرد وشكرا نورتني الله يزيدك نور

بس محد جاوبني هل المطار ينقسم الى قسمين فرنسي وسويسري .. وموقع كل قسم جنب بعض ولا كل واحد في مكان ؟!
ولو بستأجر سيارة من اي شركه استأجر في القسم السويسري ؟
والقطار اللي بيجيبني من باريس بيوصل لمطار اي قسم ؟
وش افضل مكتب بحيث يفتح مكتبه 24 ساعه ؟

اتمنى الاجابه وشكرا

سلمك الله هذه مواعيد شركة سيكست في مطار جنيف القسم الفرنسيالارجاع 24 ساعة.
AP de Genève Cointrin Sect(F), 01216 Ferney-Voltaire, France
Phone no.+41-22-7178438Fax+41-22-7178411Daily08:00 - 22:00 hrsOn bank holidays08:00 - 22:00 hrs24 hour return


المهم سلمك الله ..ركز معاي شوي ..وراح تفهم الامور.


مطار جنيف ..له مخرجين ..مخرج من ناحية سويسرا ..ومخرج من ناحية فرنسا.
يعني هم يسمونه قسم فرنسي ..وقسم وسويسري...عشان المخارج فقط.
فيبقى المطار وااااااحد...هذا بالنسبة لخارج المطار
أوكي اتفقنا ؟؟..اوكي.
من داخل المطار..الفرق بين الجزء والسويسري والفرنسي بوابة..تدخل منها انت في الجزء الفرنسي...وفيه لوحات تدلك على القسم الفرنسي وانت في المطار.


أوكي...ان شاء الله اوكي..


بالنسبة لتسليم السيارة ...ألحين انت بالضبط من فين ماخذها ؟؟
اذا اخذتها من سويسرا ..لازم ترجعها في المطار في المكتب الموجود بالقسم السويسري.
واذا اخذتها من فرنسا فترجعها في القسم الفرنسي.
وهذه يوم تحط احداثيات مطار جنيف ..يطلعلك خيارين.. مطار جنيف ..ولا مطار جنيف القسم الفرنسي ..


وهو راح يدلك ..


على فكرة ..انك تستأجر سيارة من القسم الفرنسي ترى أرخص من القسم السويسري ..فقط للمعلومة.


بالنسبة لأفضل مكتب ...الاراء تختلف..لكن انا ما استأجر الا من سيكست.


والارجاع 24 ساااااعة ..اي وقت ..حتى لو الساعة 1 بالليل.


ومحطة القطار اللي في مطار جنيف ...موجودة في المخرج السويسري.


يعني تسلم السيارة يا طويل العمر في القسم الفرنسي ...تمشي مع اللوحات اللي تدلك على القسم السويسري...تعدي البوابة الفاصلة ..تنزل من الدرج ..وتتجه يسار ..تروح لمحطة القطارات .


وبالتوفيييييق باذن الله..

الله والله شرح ولا احلى

الله يزيدك نور والله توني افهم انه مطار واحد والفرق المخارج

انا لحد الان ما حجزت من ولا مكتب والسبب اني متخوف من ناحية ارجاع السيارة

وفعلا لما دخلت موقع المكتب اللي رشحته طلع ارجاع السيارة 24 ساعه

وهلشي ريحني وخلاني ما افكر احجز الا منهم

اشكرك كثير اخوي ع الشرح والوقت فعلا ما قصرت والله يجزاك الخير ع كل حرف كتبته وبنور دربك

اللحين بدخل واشوف لي سيارة .. شكلي باخذ فليكسواجن بس خوفي تكون صغيرة حيل

عموما الله يعطيك العافيه

تحيتي لك

الله يسعدك اخوي ..ويوفقك دنيا واخرة.المهم طال عمرك
عندي تعليق بسيط على السيارة المراد استئجارها.
مثلا الفولكسواجن..خذ اسم السيارة وحطه في قوقل.
وشوف المواقع اللي منزلة صور السيارة من الداخل ومن الخارج والمقاطع الخاصة بالسيارة على اليوتيوب.
راح يبين لك كل شي..صغيرة كبيرة واسعة ضيقة.
مع ان الموقع موضح النقطة هذه عند اختيار السيارة من الناحية الاستيعابية لعدد الاشخاص وعدد الشنط وغيرها.


وبالتوفيق يا غالي.