الموضوع: فزعتكم لي ياهل اندونيسيا ببرنامج استفسار

السلام عليكم ورحمة الله وبركاته




اول شي احب اشكركم على اهتمامكم فينا ولولا الله ثم انتم ماوقع اختياري على اندونيسيا




ثانيا اخواني انا اول مره اروح اندونيسيا وماعرف فيها شي الا جاكرتا العاصمه

ورايح انا واثنين من اصدقائي لمده 16 يوم اتمنى منكم وكلي امل انكم تردون علي

تسون لي جدول لرحلتي من الف الى ياء املي في الله ثم فيكم لاني ماعرف شي



ثالث شي اخواني كم تكفيني فلوس لمده 16 يوم بدون التذاكر علما بان رحلتي في 3/8/1431 هـ


اتمنى تجاوبون علي لاني والله مهموم ماني عارف شيي وخايف اروح مكاتب وينصبون علي

مواضيع عشوائيه ممكن تكون تعجبك اخترناها لك:

• باقي ايام ولاسويت شي مساعدة
• استفسار بسيط
• فززززززعتكم ياجماااااعه
• مسافر لأول مرة لأندونيسيا ياليت المساعدة مع الشكر
• الفيزا الفيزا الفيزا تكفوووووون
• الفزعه الفزعه يالربع ؟؟
• احتاج مساعدة في تنسيق رحلتي
• استفسار شامل عن السفر لأندونيسيا لثلاثة أشخاص
• ماهي افضل طريقة لتشغيل الانترنت في اندونيسيا
• مسافر لأندونيسيا جديد وخااااايف من وقفة الخاطر
• اخوانى ما رأيكم فى هذا الفندق
• اللي يساعدني الله ييسر أمرة ويفرج همه
• لا تخبل علي بالنصيحه
• مساعده في برنامج شبابي
• تخطيط سفر الى اندونيسا اغسطس و مشاورتكم
• السلام عليكم تساؤول
• استفسارات عن الفلل بالجبل
• اندونيسيا في نوفمبر
• استفسارات متعدده
• ضروري وعاجل للسعوديين بخصوص الفيزا الاندونيسية

منتدانا فيه كل ماتبحث عنه هذا رابط يجاوبك على كثير من تساؤلاتك اخي
http://www.arabtravelersforum.com/travel396390/

المشاركة الأصلية كتبت بواسطة مشآعر إنسان
http://www.arabtravelersforum.com/tr...4/#post3982331

السلام عليكم ورحمة الله وبركاته




اول شي احب اشكركم على اهتمامكم فينا ولولا الله ثم انتم ماوقع اختياري على اندونيسيا




ثانيا اخواني انا اول مره اروح اندونيسيا وماعرف فيها شي الا جاكرتا العاصمه

ورايح انا واثنين من اصدقائي لمده 16 يوم اتمنى منكم وكلي امل انكم تردون علي

تسون لي جدول لرحلتي من الف الى ياء املي في الله ثم فيكم لاني ماعرف شي



ثالث شي اخواني كم تكفيني فلوس لمده 16 يوم بدون التذاكر علما بان رحلتي في 3/8/1431 هـ


اتمنى تجاوبون علي لاني والله مهموم ماني عارف شيي وخايف اروح مكاتب وينصبون علي

هلا بك اخوي العزيز يسعدنا تواجدك معانا كمسافر جديد وان شاء الله انك راح تلقى ماتحتاجه في هالمنتدى الاكثر من رائع

عالعموم انت ماافدتنا كم يوم بالضبط راح تجلس يعني 16 يوم بالروحه والرجعه والا 14 يوم عالعموم بحط لك تقسيم للفترتين

اذا كانت مده رحلتك 16 يوم :

5 أيام الجبل _ يومين باندونق _ يوم لمبانق _ 5 ايام بالي _ 3 أيام جاكرتا

اذاكانت رحلتك 14 يوم :

4 أيام الجبل _ يوم باندونق _ يوم لمبانق _ 5 أيام بالي _ 3 أيام جاكرتا

مع العلم ان لمبانق ضاحيه بالقرب من باندونق مابينها الا نص ساعه يعني يمديك تروح تتمشى فيها وترجع لباندونق .


عالعموم بذكر لك بعض البرامج في كل منطقه :

ونبـــــــدا بالعاصمة جاكرتا :-

1- برج موناس
2- مسجد الاستقلال
3- مدينــه أنشول
4- تامان ميني
5- منطقة سارينـــا
6- الاسواق عموما وتحديدا مجمع تامان أنقريك

أما الجبل بنشـــــــاك :-

1- حديقة تشيبوداس
2- حديقة الزهور
3- تامان سفاري
4- بحيرة الليدو
5- مصنع الشاي
6- مسجد التعاون
7- بحيرة فينسيــا داخل مجمع ( كوتا بونقا )
8- حديقة الفراوله
9- الشلالات السبعه
10-شلال شبنس ( اذا ماخانتني الذاكره )
11-حديقه الفراشات


أما مدينــه باندونق وضاحية لمبانق القريبة منهـــا :-

1- شارع الجينز بباندونق
2- مسجد رايا بباندونق
3- الاسواق والمجمعات التجارية بباندونق
4- فوهـة بركان تانكوبان براهــو بضاحيــة لمبانق
4- شلالات ماربيا بضاحية لمبانق
5- منتجع جراسيا سبا رائـع جدا جدا ويقع بضاحيـة لمبانق

بركان تانكو بان والمياه الساخنه ، شلالات سيماهي و متحف آسيا و حديقه الفراوله .
بالنسبه للسكن في باندونق عندك استون تروبيكانا جدا حلو وتروح لشارع الجينز على رجولك .


اما بالي وماأدراك مابالي ؟؟؟؟

1) بودو قول بحيره براتان
2) شاطىء الواتو
3) حديقه الفيله
4) حديقه الطيور
5) شاطىء التناه لوت
6) سفاري بالي ومارينا بالي
7) حديقه القرود
8) تارنتا قانقا قصر الماء
9) شلالات قت قت
10) شاطىء نوسا دوا
11) شاطىء دريم لاند
12) شاطىء جيمبران
13) بركان كنتا نامي الخامد
14) شاطىء كوتا
15) الغواصه
16) حديقه الالعاب المائيه
17) البالون
18) الحديقه الوطنيه GWK

هذا طبعا غير المعابد والمصانع ومزارع الارز اللي راح تشوفها بكثره هناك .


http://www.arabtravelersforum.com/travel381276/



* اذا كان موعد وصولك رحلتك الظهر على جاكرتا فاانصحك خلص اجراءاتك وعلى طول توجه للجبل قض فيها الفتره اللي
تبيها بعدين توجه لباندونق ولمبانق قضوا الفتره اللي حاطينها في بالكم عقبها ومن باب التوفير احجزوا من باندونق الى بالي مباشره ومن بالي الى جاكرتا .

* بالنسبه للطيران الى بالي انصحك تحجز من مكتب طيران خاص وليس من مكتب سياحي لان فيه فرق كبيره بالسعر
وافضل خطوط الطيران : ليون اير _ مرباتي _ بتافيا_ اير اسيا .

* بالنسبه لحجوزات الفنادق احجز لكل المناطق من مكتب كاها اسعاره جدا حلوه ماعدا الجبل احجز من هناك مباشره
ومكتب كاها راح تشوفه بالمطار وانت متجه لبوابات الخروج من المطار راح تلاقي مكاتب سياحيه ومكاتب صرف .

* الصرف انصحك تصرف بالريال لاني ماشفت فرق بينه وبين الدولار نفس المبلغ تقريبا .

* اذا بتوصل وبتتجه للجبل على طول انصحك تاخذ تاكسي وليس سياره خاصه اتفق مع التاكسي وتوكل راح يكون التاكسي 350000 روبيه اما اذا بتاخذ سياره خاصه ماراح تقل عن 500000 روبيه خذ تاكسي اوفر واذا وصلت هناك
اتفق لك مع سواق خاص هناك باليوميه .

وبالنسبه للميزانيه 16 يوم راح تكفيك 12000_14000 ريال وبتحس انك ملك ويمكن اقل بعد بس كمبلغ تقريبي .

عالعموم هذا اللي في بالي واللي حضرني اللحين اتمنى اني افدتك واذا عندك اي استفسار ماتطرقت له اسدحه
وماعندك مشكله بتلقى جواب مني والا من غيري .

تقبل تحياتي ..... ودمت بخير وصحه

بيض الله وجهك وماقصررررت بكتب الي قلته بورقه عشان مانساه


ثاني شي حنى 3 واتفقنا كل واحد 5 الاف توقع تكفينا يعني المجموع 15 الف

حلووووووووووووووووووووووو الردووووود

الكل افادالله ينور

اخواني هل مكتب كاها فيه احد يتكلم عربي ونقدر نحجز من عنده سواق خاص + باكيج للرحله كامله ولا لا

15 الف علي 16 يوم تكفيكم وتزيد باذن الله
تحتاج الاتي :
طلع 75 دولار قيمه الفيزا اول ما توصل ل3 اشخاص بواقع 25 دولار للشخص
طلع 450 الف روبيه قيمه ضريبه مغادره للبلد ل 3 اشخاص بواقع 150 الف روبيه للفرد وتعادل 50 دولار
المجموع 75+50 = 125 دولار هذي حطها علي جنب

مصروفاتك اليوميه هي السكن والسياره هذي اهم امرين بتصرف عليهم
مادمتم 3 ينفع لكم تسكنون في شقق مفروشه في المدن كجاكرتا للتوفير او تسكنون بفندق جيد ويناسبكم اذا ما تبون شقه
الشقق انسب لكم اذا انتم راعين طبخ لانه بيوفر عليكم المطاعم اولا وثانيا انظف الاكل من المطاعم

رحلتكم يوم خميس
ستصل هناك الجمعه
الانسب دوما تسكن اول ليله في جاكرتا للراحه من تعب السفر الطويل
ولكن ان اردت الخروج ثاني يوم _ السبت الي بونشاك مثلا لن تصل الا متاخر ومتعب لان الطريق 80 كيلو بس يوافق يوم سبت والطريق بيكون مغلق لانه بيكون اتجاه واحد
فافعل امرين
اما تتحمل تعب الطريق وتطلع مباشره يوم الجمعه اول ما توصل الي بونشاك
او تبقي في جاكرتا يومي السبت والاحد
مادمتم شباب فانصح ان تتحملون الجهد مره وحده من الطياره الي بونشاك مباشره يوم الجمعه
هذا تنبيه لاول ايام الوصول فقط

الخيارات بين المناطق والفعاليات اجابك عنها اخونا صقيع بشكل منقطع النظير
حدد خياراتك اولا ليقوم الاخوان بالرد عليك بشكل يناسب طلبك
جاكرتا مدينه مزدحمه واسواق ومولات ونشاطات العاب كمنطقه انشول وتمان ميني
بونشاك منطقه جبليه ريفيه رائعه
باندونق مدينه تسوق قد لا تناسبكم بقربها منطقه ريفيه تدعي لمبانق بركانيه وريفيه جبليه فيها فعاليات عديده
بالي دوله مستقله في داخل دوله فيها كل ما تريد لكن تحتاج الي السفر اليها بالطياره وتسافر اليها من مطار جاكرتا او مطار باندونق
حدد خيارات اولا ثم قرر وستجد كل تجاوب من الاخوان باذن الله

فيما يخص مكتب كاها
يوجد لهم فرع في جده جديد يتحدثون العربيه حسب وصف الاخوان
في جاكرتا يوجد لهم فرع في وسط المدينه بجنب سوق الاتريوم فيه من يتحدث العربيه
المطار ستجد فيه من يتحدث العربيه ايضا مكسر
لا تقم بحجز السياره من كاها الا محتدا اليه فهناك سائقين في الخارج مناسبين يوم وان ما ناسبك مسكه الباب
لا تحجز سياره في المدن فالتكسي يفي بالغرض كجاكرتا مثلا
سجل اسماء المناطق التي تريد زيارتها باللغه الانجليزيه ف يورقه للرجوع اليها
سجل اسم الفندق او خذ كرته عند وصولك وقبل خروجك منه

في الجبل يوجد مكتب ايجار سيارات اسئل والكل سيدلك عليه بقرب البقاله السعوديه
كما ان هناك موضوع مثبت بارقام ساقين في القسم الاستفسارات يمكنك الترتيب مع احد الئسقين
لا انصحك باخذ باكج من هنا لانك قد تغير من برنامجك او وجهتك بحسب راحتك في مكان ما هناك

ملاحظه رايت سوالك لاخونا المصباح عن برنامج العوائل واقول لك ما ينفع للعوائل ينفع للشباب ببساطه
الفارق هو السكن فقط فما قد ينفع للشباب قد لا يتفع للعوائل خاصه في البونشاك وجاكرتا

بيض الله وجهك والله لايحرمني منكم جميعا هذا الكلام الي يشرح الصدررر بصراحه يعجز اللسان عن شكركم ياخواني

المشاركة الأصلية كتبت بواسطة مشآعر إنسان
http://www.arabtravelersforum.com/tr...0/#post3985550

اخواني هل مكتب كاها فيه احد يتكلم عربي ونقدر نحجز من عنده سواق خاص + باكيج للرحله كامله ولا لا

هلا بك اخوي ان شاء انك استفدت ولقيت اللي يريح بالك خصوصا بعد رد اخوي جاكا الرد الشامل مااتوقع عاد

عندك اي استفسار كل استفساراتك جاوب عنها ، عالعموم فيه مكتب كاها اللي في المطار فيه واحد حضرمي

يبربر عربي فلا تشيل هم وزي ماذكر اخوي جاكا بجنب سوق الاتريوم فيه فرع لكاها بتلقى من يتكلم العربيه

وبالنسبه للسواقين ايضا مثل ماذكر اخونا جاكا لاتاخذ باكج من مكتب كاها الا اذا انحديت .

والميزانيه بتكفي وزياده ان شاء الله ورحله موفقه يارب .

ماعليش كثرت عليكم الاسئله بس انا معي بطاقه الراجحي اقدر اصرف منها لارحت اندونيسيا ولا لازم اروح البنك واطلب

فيزا كارد ...؟

افضل انك تاخذ فيزا افضل من بطاقه الصراف لان بطاقه الصراف عليها عموله عاليه في كل عمليه صرف
بس الفيزا ماراح تسحب لك فلوس يعني خيارين احلاهما مر
الافضل قروشك معك لكل مصرو فالرحله بالدولار وريح مخك

اخوي الله لايحرمني منك ولا من باقي الاعضاء بس رايك لي اخذ فلوسي كلها كاش ولا بافيزا تغنيني عن كل شي

ولو باخذ فيزا احول الفلوس دولار افضل لي ؟؟؟؟؟ وهل الفيزا تغنيني عن الكاش يعني في مطاعم اسواق منتزه ولا لا


واسف ثقلت عليك

لا اخوي انت رايح ديره فيها اللي يقبل الفيزا وفيها اللي ما عمره شافها
يعني في المدن مثلا بتلقي حجوزات فيزا لفنادق ومطاعم فاخره ويمكن يكون فيه خصم لحاملي بطافه فيزا او ماستر كارد مثلا بس في القري او بعض المواقع بتظطر للكاش لانهم ما يتعاملون بالفيزا
الافضل انك تاخذ معك كاش كل قروشك تكون بالدولا فئه الميه دولار
وتاخذ معك بطاقتك صراف او فيزا اذا حاب للاحتياط فقط

اخوي الكريم jaka انا حاجز على خطوط garuda كيف مستوى خدمتها اذا تعرف شي ياليت تفيدي يالغالي

جيده مهب شينه زيها زي السعوديه كطيران مستاجر احيانا خاصه بالصيف
الخدمه تحتاج تكون شبعان قبل السفر او تاخذ معك تصبيره خاصه بخط العوده من هناك فالاكل لا يناسب الجميع في خطوطهم

اسف ثقلت باسئلتي ولاكن مالي الا الله ثم انتم سؤالي الجواز الافضل اني اخليه بالفندق ولا اخليه معي وين مارحت


وهل فيه تدققيق على الهويه وين ماروح من قبل الامن ولا عادي

يفضل أخوي أن تكون معك جوازاتك في شنطة أضمن لك وأريح لبالك وأن بغيت بعض الفنادق عندها سفتي بوكس تحطها فيه أو بالجبل عندك مكاتب توفر خدمة صناديق الأمانات جنب البقالة السعوديه بس سجلها أول بالسفارة وممكن هم يخدمونك بهالشيئ مجاناً وخذ معك صورة منها والبلد آآآآآآآآمن ولاعليك الإ العافية .
تحياتي
ابورغودي