الموضوع: ابغا رايكم

السلام عليكم و رحمة الله و بركاته

اشلونكم اخواني و اخواتي

حبيت استفسر منكم عن احسن الجامعات البريطانية بالطب البشري
ابغا مستواها يكون قوي نوعا ما بس مش صعبة
ابي بمنطقة امنة و حلوة و حية مش ميته يعني تقريبا مثل لندن تحس فيها روح و حياة مش الساعة 6 كل حاجة مقفلة و الناس داخله بيتها
و ابغا فيها عرب عشان مااحس بالغربة مرره
و نتواصل مع بعضنا البعض و كذا يعني نخفف على بعض شوي الجو

انا حطيت في بالي كذا جامعة بس محتارة و اللي اعرف غيرهم او يرشح لاا يبخل علينا
جلاسكو
ليدز
كاردف


وايد يمدحون نوتنقهام بشكل عام بس ماعندي فكرة فيها طب او لا ولا عن المنطقة بتاتا


و اللي يقدر اساعدني اقدم عليهم و اجييب قبول فاونديشن لاني ميييييييييييييييييييح بهالاشياء
و يجزاه ربي كل خير
و انا حابة اني ابلش دراسة شهر 9 و ماابغا اتاخر

و شكرا مقدما

مواضيع عشوائيه ممكن تكون تعجبك اخترناها لك:

• ارجوو المساااعده يا اهل الخبرة
• ابي فزعتكم لي ضروري قبل لاينتهي التسجيل
• المساعدة بالنسبة للدراسة في ولاية تينسي
• طلب تفاصيل عن تكاليف الدراسة وانسب التكاليف الموجودة
• مساعده منكم بلييز ياشباب
• ياليت تساعدوني
• احتاج معلومات عن ولاية ويكونسن
• مدمج استفسارات عن الدراسة في امريكا
• أسئلة تتعلق بالسفارةتحتاج منكم للإجابة
• استفسار عن المناطق السياحية و رحلات القروبات للبنان
• خبراااااء الدراسه في بريطانيا ساعدوووني
• الخطوات العامه المطلوبه من الطالب السعودي للتقديم في الجامعات الأمريكية
• تفتيش مطار هيثرو ؟؟؟
• أرجو المساعده ومحدش يبخل عليا
• استفسار عن معاهد لايوجد بها عرب نهائيا
• هل يرفضون الفيزا بسبب ؟
• طالبين مساعده
• عاجل محتار بين امريكا وبريطانيا اعطوني رايكم
• بنت الصقور وامباكت وخبراء امريكا الله لايهينك بودي المساعده مشكووره
• افضل طريقه للوصول الى بورموث

السلام عليكم و رحمة الله
شدعوة ياجماعة الخير محد عنده فكرة عن هذي المناطق
العيشة فيها شلون
الجامعات كيف مستواها
المناطق حلوة ولا لا
جوها العاف كييف
الجو خلال السنة
العيشة هناك شلون و مستوا المعيشة
الاسعار مرتفعة غالية و نار مثل لندن ولا ارخص ولا عادي

اللي اعرف اي شي عن هالمناطق يقول ولا يبخل

السلام عليكم و رحمة الله و بركاته
معقولة ياجماعة 41 مشاهدة و محد ارد
خواتي و اخواتي اللي قاعدين اللي يدرسون ببريطانيا المشرفين
مو معقوله مافي واحد او وحدة قاعدين يدرسون طب ببريطانيا
و اعرف شي عن هالمناطق او قاعد يدرس فيها
مو شرط طب اي تخصص ثاني بس بهالمناطق اعرف شي عنهم
بليييييييييييييييييييز ساعدوني

السلام عليكم ورحمة الله وبركاته

العذر والسموحه ربما الاعضاء والعضوات مشغولين هاليومين

بالنسبة لجلاسكو لم ازرها ولكن مدينه جميله ويوجد بها جاليه خليجية لا باس بها وعيبها بعيده عن لندن اي ما يقارب 6 ساعات تقريبا

ليدز ايضا لم ازرها ويجد يها جاليه خليجية

كاردف هي عاصمة ويلز وتعتير مدينه جمليه ويجد بها جاليه خليجية جيده جدا وميزه الجاليه الترابط بينهم
جامعه كاردف تعتبر من الجامعات العريقه في بريطانيا

بالنسبه لي انصحك بكاردف

بالنسبه للتقديم للحصول على قبول تحتاجين التالي


الاوراق المطلوبه
سيره ذاتيه
بيرسنول ستيتمنت
توصيتين علميه حديثه من مدرسين سابقين
اخر شهادات حصلت عليها الثانوي والبكالوريوس مع التفاصيل طبعا
دورات
خبرات عمليه
نتيجه اختبار الايليس او التوفل ان وجدت

جميع الاوراق تكون باللغه الانجليزيه

لكم كل الاحترام

السلام عليكم ورحمة الله وبركاته
اختي الغاليه كويتيه سعوديه
المعلومات الي طلبتيها ناقصه ياليت ترسلين لي متى بالضبط راح تجين والوقت عشان ازين لك قبول بالمكان الي انتي تبينه
وارسلها لك
واول ماترسلين لي المعلومات راح اشيك لك على المكان الي انتي اخترتيه وبكتب عنه كل شي لتستفيدي منه وغيرك ياختي

اخوي ايش تقصد بالسيرة الذاتية و بيرسنل ستيتمنت



السيره الذاتيه cv هي معلومات عنك مثل عنوانك الشهادات السابقه والخبرات السابقه, دورات, الايليس, نبذه عنك بسيطه في 3 اسطر.

برسنال ستيتمنت هي الغرض من الدراسه لماذا تريدي دراسه هذا التخصص وماهي طموحاتك الخ..

بامكانك التقيدم على الجامعات مباشره على السنه التاسيسية

لكم كل الاحترام

السلام عليكم و رحمة الله
مشكور اخوي و جزاك ربي كل خير ان شاء الله
انا كتبتها و المدرسة حقتي حتشوفها و تعدلي فيها ان شاء الله

طيب شلون اقدم لاني بصراحة مييييييييييح
صحيح اللغة عندي كويسة بس مااعرف ادور بالمواقع و اراسل و الاشياء ذي
فلو سمحت اذا تقدر تساعدني يعني ىتعلمني الطريقة او الخطوات

و شكرا مقدما

وعليكم السلام ورحمة الله وبركاته

التقديم سهل باذن الله طباعه الابلكيشن على الرابط ادناه

http://www.cardiff.ac.uk/for/prospec...pplication.pdf

http://www.cardiff.ac.uk/for/prospec..._opps_form.pdf

وتعبئه الحقول وارفاق التالي
سيره ذاتيه
بيرسنول ستيتمنت
توصيتين علميه حديثه من مدرسين سابقين
اخر شهادات حصلت عليها الثانوي والبكالوريوس مع التفاصيل طبعا
دورات
خبرات عمليه
نتيجه اختبار الايليس او التوفل ان وجدت

جميع الاوراق تكون باللغه الانجليزيه

لكم كل الاحترام

السلام عليكم و رحمة الله و بركاته

مشكووور اخوي مجموعه انسان و جزاك ربي كل خير ان شاء الله


انا سمعت ان قبولهم صعب مرررررره صحيح
و كمان سمعت ان الدراسة هناك صعبة مررررررررررررررررررررره
بصراحة ترددت دحين و ماني عارقة اقدم ولا لا

وعليكم السلام ورحمة الله وبركاته

ان شاء الله ما فيه شي صعب والي كاتبه الله لك ما احد ياخذه

قدمي على اكثر من جامعه وبعد ذلك عمل مفاضله بينهم.
والاهم صلاه الاستخاره

لكم كل الاحترام