السلام عليكم ورحمة الله وبركاته
السكن من نوع اخر
حبيت اضيف شغله للي حاب يسكن في اماكن غريبه عجيبه تصلح للسكن وفيها متعه
بس بعيده شوي من اماكن التسوق او السياحه بشكل عام واسعارهم ممتازه والمكان كامل لك بروحك ويشيل عائله كبيره بس ما انصح شخصين او عائله صغيره مكونه من اب و ام وطفلين اذا 4 اشخاص بالغين مافيه مشكله فيها متعه
ممكن تطلع مرتين باليوم بس انا افضل تكون طلعتك وحده
هي عباره عن عدة اماكن وفي اماكن مختلفه وفيها عوائل كويتين و بكثره طالعين فيها بعطلة الربيع وخصوصا بالشتاء
الاماكن هي :
1- استراحات شخصيه ناس يملكونها يطلعون هم و اهلهم ,او يؤجرها المالك ك استثمار
(عاده ماتكون هذي الاستراحات غرف كبيره وكثيره مؤثثه وبعضها فيها حمام سباحه(بالشتاء) الاغلبيه فيها اللعاب اطفال بلياردو , ببي فوت, تنس طاوله , كراسي خارجيه في حديقه مع مناظر مزروعه ونافوره , خيمه للجلسه الليليه )
الاستراحه مسوره من كل مكان وباب ويمكن دخل سيارتك بعد(لاتستعجل راح تشوف الصور حاطها صاحب الاستراحه قبل لا تتفق وياه او تكلمه )
2- مخيمات في البر(في البرد ) كثرت آجار المخيمات في الكويت وسار فيه تنافس بينهم بطريقة وضع المخيم او تصميمه راح اقولكم شنو المخيم اللي اجرته ( مخيم عائلي وقريب منا مخيمات عوائل وكثيره خاصه في الوقت هذا عباره عن مخيم محوط مثل الخامه الخضراء (ناسي الاسم) مرتفعه, بالليل ماحد يشوف شي وبالنهار اذا الواحد قرب من المخيم ممكن يشوف (بس محد صوب احد) من الداخل عدة اخيام للنوم يمكن توصل اللى 7 اخيام والاغلبيه فيها سراير نوم والدوانيه سراميك وبعض الخيام سراميك وفي جلسات ارضيه والمطبخ كيربي وفيه سخانات wc اكثر من واحد مجهز كامل مع المغاسل وفيه ملعب طائره وفيه ممكن تآجر انواع البقيات و الخيل وفيه حارس خاص للمخيم مدري شنو بعد نسيت
3- وفيه الشاليهات بس مانصحكم فيها بالوقت هذا وبعيده حيل مو مثل الاستراحات
4- وفيه مزارع بس بعيده حيل حيل يمكن تهون من طلعتك للديره توصل الى 90كم او اكثر بس شغلها حلو ومرتب بيت في مزرعه + خيام تبي بيت موجود تبي مخيم هم موجود
وبالنهايه انا مادري شنو نظام المنتدى هذا هل يسير احط روابط موقع ثاني و هو موقع خاص للاجارات والتسويق او لا ياليت يفيدوني اخواني المشرفين ولا ابي احطها على طول تقدير واحترام لهم اخذ لاذن منهم
واتمنى من الاخوان يساعدوني في هذا
فل يشهد الله اني لم احط هذا الموضوع او الرواط لاستفادتي او دعايه للموقع معين انما حب ديرتي الكويت وخدمة الناسمواضيع عشوائيه ممكن تكون تعجبك اخترناها لك:
- سؤال يالغالين فيدوني
- أعياد الكويت
- اين موقع مكتب الخطوط السعودية بالكويت
- خدمه لاهنتم
- أفضل مطعم بالكويت بدون منافس
- اوت لت؟
- ساعدوني يا اهل الكويت فندق لو رويال اكسبرس السالمية ريتز السالمية سابقا
- فندق بلازيو وهلا فبراير
- فندق نجوم في الكويت
- فندق في الكويت
- آلسفر من الكويت الى الدمام
- أبغي اسماء وأماكن محلات تبيع ملابس المواليد الجدد والأمهات
- الفزعه ياهل الكويت
- بعض احداثيات مناطق ومطاعم بالكويت
- جدول أرض المعارض بمشرف
- مكتب تأجير سيارات بالكويت
- انوي القدوم الى الكويت و من هناك اريد السفر الى سوريا
- فزعتكم يا اهل الكويت واللي زاروا الكويت
- لقـــاء القلوب فى ضيافة فهـــــــاد ومهند الفارس فى وفرة الخير
- مستشفيات دولة الكويت
رد مع اقتباس
المفضلات