الموضوع: خبراء سان فرانسيسكو احتاج مساعده

السلام عليكم ...

باقي 10 ايام على رحلتي وستكون وجهتي الاولى لسان فرانسيسكو باذن الله ...

فـ حبيت استفسر عن ارخص طريقة انتقل من المطار الى اليونيون سكوير وبالتحديد فندق فيرمونت سان فرانسيسكو ؟؟


افيدونا بافضل طريقة وارخصها ...

مواضيع عشوائيه ممكن تكون تعجبك اخترناها لك:

• بخصوص السفر لأمريكا
• خطة فنادق كاليفورنيا
• إلى حاملي الجنسيتين السعوديه والامريكيه
• مشكله في تعديل الموعد
• ارجوا المساعده في تأجير السياره
• استفسارات تخص كالفورنيا
• استفسار بخصوص تعديل الفيزا من إلى
• استفسار بخصوص الشنط
• شمال وجنوب لوس انجلوس
• بخصوص الضمان المالي للسفارة
• راحت السكره وجات الفكرة
• السفر من دالاس الى اورلاندو بالسيارة
• سؤال عن الكاس في أمريكا
• رأيكم يهمني ؟ بيفراي هلز أو هولييود ؟ للإقامة
• كم المسافه بين فلوريدا و كاليفورنيا
• نبي صور عن الريف الامريكي
• من يبي سكري من القصيم
• رأيت الموت بأم عيني صاعقة ضربت جناح طائرة
• كيفية تغيير الفيزا من الى
• مجرد اسئله في بال كل شخص

وعليكم السلام ..

ان شاء الله تروح وترجع بالسلامه اولا .. وتكون رحله حلوة.

انا بذكر لك الطرق الي اعرفها من مطار سان فرانسيكيو الدولي SFO الى الفندق اما ايهم افضل من ناحيه السعر تعتمد على عدد الاشخاص الي في الرحله. و بالنسبة لاي وسيله اريح يعتمد برضوا على الي معك و على عدد الشنط.

الخيار الاول : التاكسي و طبعا الاسعار تقريبه
الفندق الي بتكسن فيه ان شاء الله في يعتبر في الداون تاون او قريب منه و يكلف تقريبا 37$



هذا ميزته انه ينزلك قدام الفندق و التاكسي تقريبا يكفي الى ٥ اشخاص.

الخيار الثاني: الفان "door-to-door vans"
هذي ميزتها حلوه لو انتم اثنين او شخص واحد. بالنسبة للاسعار بحدود ١٥ الى ١٧ دولار. يعني لو انتم اكثر من اثنين اشوف ان التاكسي افضل.
للشركات و الاسعار الي تقدم هالخدمه موجوده على موقع المطار:
http://www.flysfo.com/web/page/tofro...to-sf/dtd.html



الخيار الثالث: المواصلات العامه
طبعا هي الارخص ولكن الاتعب خصوصا لمن يكون معك شنطه كبيره تحملها في القطار.
من اي صاله توصل لها تركب قطار المطار AirTrain الى المحطه الي تنطلق منها قطار BART هذا القطار يربط المطار مع مدينه سان فرانسيكو.



سعر التذكره من المطار الى دوان تاون سان فرانسيكيو 8.10$ بس راح تنزل في احد هالمحطتين:

Powell St
Montgomery St

ومن هناك تاخذ باص او كيبل كار.

وهذي خريطه للبارت:


بالنسبة لي لو انا لحالي او احنا اثنين بروح في الفان ميزته اني ما اشيل هم المتروو انه يزيد علي بالزحمه او يجلس يدور. بس عيبه و مرات تعتبر ميزه انه يمكن ينزل ناس قبلك وميزه تمشيه ببلاش.

لو كنا ثلاث او اربع اشخاص بناخذ تاكسي اشوف انه بيكون ارخص من الفان و اكثر خصوصيه.

اما القطار لوني لحالي واعرف المدينه زين وقد جيتها من قبل ومعي شنطه صغيره تنسحب افكر فيه.

اتمنى وضحت لك الصورة شوي .. واي استفسار الاعضاء ما يقصرون.

المشاركة الأصلية كتبت بواسطة الماطر
http://www.arabtravelersforum.com/tr...7/#post3121239

مشكور يا نجمنا الرائع ...

رد متكامل بالادلة والبراهين ( حسيت اني داخل محاكمه ) ...

اذا على التاكسي فالى 50دولار ممتاز ...

لان امس اتصل واحد من الشباب على الفندق وقال لهم عن الطريقة للوصول الى الفندق وقالت له الموظفه عن طريق الشاتيل بـ 25 دولار للفرد !! والتاكسي 45 دولا للفرد !!!! وحنا طبعا 2 انا وزوجتي يعني فيما معناه اني استاجر سيارة يمكن اصرف لي ؟؟ ولا انا غلطان ؟؟

عموما مشكور وماقصرت و شكلي باخذ تاكسي اريح لي بس لو تجيب لنا صورة من شكل التاكسي هذا عشان اذا وصلت اكون على بينه من امري ...



عفوا ..

بالنسبة لصورة التاكسي ما عندي صورة بس اكيد بتلاقي لهم مكان مخصص وانتبه لا تركب اشخاص عاديين. بالنسبة لستاجر السياره المواقف مكلفه في فنادق سان فرانسيسكو. و المواصلات العامه في المدينه حلوة ان شاء الله ما تحتاج سياره الا اذا كنت ناوي تطلع تتمشى في مدن او قرى او مناطق حول سان فرانسيسكو فتحتاج سيارة.

ممكن توضح كيف اشخاص عاديين ؟؟

المشاركة الأصلية كتبت بواسطة الماطر
http://www.arabtravelersforum.com/tr...7/#post3121409

ممكن توضح كيف اشخاص عاديين ؟؟



يعني لمن تطلع من صاله الوصول ناس عاديين يتكسون و يقولون نوديك الى سان فرانسيكو ارخص. يعني بسياراتهم الخاصه مو تاكسي رسمي.

قبل كم اسبوع صارت مشكله في مطار jfk مع سواح فرنسيين.

المشاركة الأصلية كتبت بواسطة fms
http://www.arabtravelersforum.com/tr...7/#post3121415

يعني لمن تطلع من صاله الوصول ناس عاديين يتكسون و يقولون نوديك الى سان فرانسيكو ارخص. يعني بسياراتهم الخاصه مو تاكسي رسمي.

قبل كم اسبوع صارت مشكله في مطار jfk مع سواح فرنسيين.



مثل الي يصير لنا بسوريا ومصر :112::112: ...

لا ما في امل اركب سياره خاصة لازم تكسي واصفر بعد:109::109: ...

ومن الموقع الي حطيته لقيت هالشركة Airport Express شكلها ممتازه 17 دولار للشخص بس ما ادري لازم حجز مسبق ولا القاهم بالمطار متوفرين ؟؟ ..
بعدين الي عنده خلفية يحاسبون على الشنطة بعد ( مثل اوروبا ) ولا بس على عدد الاشخاص ...

واخيرا يا خبيرنا fms افدنا في موضوع تكاسيهم يشتغلون بالعداد ولا حسب الاتفاق مثل اغلب الدول العربية ؟؟ ..

المشاركة الأصلية كتبت بواسطة الماطر
http://www.arabtravelersforum.com/tr...7/#post3127455

مثل الي يصير لنا بسوريا ومصر :112::112: ...

لا ما في امل اركب سياره خاصة لازم تكسي واصفر بعد:109::109: ...

ومن الموقع الي حطيته لقيت هالشركة Airport Express شكلها ممتازه 17 دولار للشخص بس ما ادري لازم حجز مسبق ولا القاهم بالمطار متوفرين ؟؟ ..
بعدين الي عنده خلفية يحاسبون على الشنطة بعد ( مثل اوروبا ) ولا بس على عدد الاشخاص ...

واخيرا يا خبيرنا fms افدنا في موضوع تكاسيهم يشتغلون بالعداد ولا حسب الاتفاق مثل اغلب الدول العربية ؟؟ ..



بالنسبة للشاتيل ما عندي فكره عن الشركه الي حطيتها. ولكن اقدر اقولك هالشركه ممتازه http://www.supershuttle.com/ وموجوده في اكثر المطارات الكبيره في امريكا. بالنبسبة للشركه الي اعطيتك يقولون افضل شي لمن توصل راح تلاقي اما احد موظفينا او كاونتر خاص فيهم. لان حتى لو سويت حجز ما راح نكون واقفين ننتظرك بسبب ان ممنوع نوقف قدام صاله الوصول بالاضافه ان يمكن تتاخر.



اشوف انك ما تحجز وبتلاقيهم وهذا صورة الفان حقهم..



اما التاكسي بالعداد.