محتاره وابي فزعتكم

**ahmedali** · 02-03-2015, 07:45 AM

سلام

محتاره وحبيت اخذ رايكم ..

قدمت على مؤتمر في امريكا وقبلت كمشاركه .. الان بالنسبه للفيزا
هل اطلعها فيزا عمل او فيزا سياحيه ؟
في البدايه كنت مقرره اخليها فيزا سياحيه لكن خفت تتأخر اصدار الفيزا
الى مابعد المؤتمر !! وفي نفس الوقت في المطار هناك اخاف يعرفون
لاني كمان باخذ معي بوستر !!

وهل لازم اطلب ورقه دعوه من المؤتمر ؟
او اكتفي بصوره من ايميل القبول للمشاركه ؟

وش الحل بليز ؟؟

..

بالنسبه للموقع دخلت على اساس احجز موعد
مالقيت تقويم بالايام والمواعيد .. اللي لقيته صفحه
كاتبين فيها ان اهل الرياض الغير طلبه اقرب موعد
للتقديم عشر ايام من تاريخ امس يعني 18 جولاي ..
المشكله هذا التاريخ مايناسبني
اقدم فيه ابد لان عندي مناسبه ..

ياليت تقولون لي هل هذه الصفحه اللي لقيتها
هي فقط الخاصه باالمواعيد ؟

بليز افيدوني

مواضيع عشوائيه ممكن تكون تعجبك اخترناها لك:

**alifun** · 02-03-2015, 07:45 AM

هلا أختي

أول شي بخصوص حضور مؤتمرات معناته ان الفيزا اللي تحتاجينها فيزا عمل b1

عموما 99% من الفيز اللي تصدر للسعوديين يكون نوعها b1/b2 يعني تقدرين تستخدمينها للسياحة والعمل ... المقصود بالعمل هو حضور مؤتمر أو اجتماع أو انجاز صفقة أو مناسبة وما هو ان الواحد يشتغل هناك بوظيفة وراتب

بالنسبة للاوراق المطلوبة .... فيه موضوع مثبت في كل الأوراق المطلوبة ... اذا كان الحصول على الدعوة سهل وما فيه تعقيد فهي أفضل ... أو بامكانك انك تطبعي الايميل المرسل لكي وتقدمينه كاثبات

بالنسبة للموعد .... الموقع يقول اقرب موعد بعد 10 أيام بس مو معناته انك لازم تحجز بعد 10 أيام ... كل شخص يختار الموعد المناسب له ... يعني مثلا 15 يوم أو 20 يوم ... الموقع يمكنكي من الاختيار بحسب وجود شواغر أو لا

لا تخافين الفيز بالنسبة للحريم أسهل بكثييير من الرجال وفي الغالب تطلع في وقت قياسي .... يعني لا أحد يقول الحريم مظلومات :109:

**ahmed3** · 02-03-2015, 07:45 AM

يعطيك العافيه اخوي ..

بالنسبه للموعد تفاجأت اليوم ان اقرب موعد في اكتوبر
والمؤتمر اللي ابحضره في نوفمبر .. هل تتوقع تطلع الفيزا
خلال 3 اسابيع ؟

س1 : موضوع الورقه الزرقا والصفرا مافهمته !!
هل اذا اوراقك تمام ياخذون جوازك في نفس اليوم
واذا ناقص شي يعطونك الاوراق الملونه ؟

س2 : انا حجزت موعد لي واضفت اثنين من عائلتي
فهل عمليه تسجيل الموعد للشخصين الاضافيين باتباع الخطوات
وطباعه ورقه الموعد وبس ؟
يعني ورقه الموعد طلعلي فيها
pin history وفيها 3 ارقام للموعد لكن الارقام هذه نفسها
ماتغيرت وكذلك الساعه نفسها ؟ هل لازم اعدل في الوقت يعني
واحد يكون موعده 9 والثاني تسع وربع مثلا اوينفع اخلي الثلاث اشخاص
بنفس التوقيت ؟ يعني كلنا بنفس رقم الحجز وبنفس التوقيت .. عادي ؟؟
او يحتاج اسوي معرف لكل شخص اضافي من العائله واحجز موعد له بمعرفه ؟
( مااتوقع !! )

س 3: اذا اللي بيسافرون معك مايتكلمون انجليزي
شلون بتكون المقابله في السفاره ؟ هل اقدر اروح معهم ؟

س 4 : انا حجزت موعد مؤكد للمقابله هل اقدر اغيره
لو لقيت موعد اقرب ؟؟

س5: الابلكيشن فورم هل لازم اعبيها اون لاين وبعدين اطبعها واوقعها
والا اقدر احملها بلانك واعبيها بخط القلم ؟

س6 : اذا طلبت فيزا عمل هل يعطوني فيها فتره طويله ؟ او فقط تقتصر على مده المؤتمر
اللي ابحضره على سبيل المثال ؟

معليش اسئلتي كثيره بس احتاج جواب مباشر عليها من اصحاب الخبره ..

بليز افيدني والف شكر لك ..

**ahmedali** · 02-03-2015, 07:45 AM

هلا

1- موضوع الاوراق الصفراء والحمراء وووو .... لا تشيلين همه انتي قدمي والباقي على الله لان ما فيه أحد يقدر يفيدكي ... الموضوع يرجع للقنصل ... أهم شي الواحد يحرص ان أوراقه كاملة

2- كل شخص ممكن يضيف معه أربع اشخاص زيادة .... الموعد لكم كلكم راح يكون في نفس اليوم والوقت ... ومقابلتكم مع بعض

3- ما فيه مشكلة ... اللي هناك يتكلمون عربي وممكن ينادون لكم مترجم

4- تقدرين تغيرين الموعد ... بس حطي في بالك ما تقدرين تغيرينه الا بعد ما تلغين الموعد الموجود .... عشان كذا ممكن تستعينين ببعض الناس اللي يقدرون يشوفون المواعيد او انك تشترين يوزر نيم باسم ورقم جواز وهمي وتشيكين باستمرار المواعيد الموجودة

5- جميع النماذج تعبأ أون لاين وبعدين تطبعينها ..... فيه خانة الاسم بالعربي في نموذج 157 هي اللي تنكتب بالقلم العادي .... طبعا لا تنسين توقعين النماذج بعد ما تخلصين .... والأطفال اللي تحت 14 سنة توقعين لهم انتي او ابوهم

6- بالنسبة لفيزة العمل راح يعطونك 5 سنوات بنسبة 99% ... عموما انتي ما عندكي الا خيار واحد وهو فيزا عمل ما تقدرين تطلبين شي ثاني ... وغالبا راح يكون نوع الفيزا عمل / سياحة b1/b2

بالتوفيق