الموضوع: دير بالك تزور الكويت نصيحه

السلام عليكم ورحمة الله وبركاته

هذا اول موضوع لي اكتبه بالمنتدى هذا

&



&



&



&

جميع من يزور الكويت اقول له او نقول له او الكويت تقول له
يامرحبا فيكم الديره ديرتك

وهذي نصيحه للاخوان اللي راح يزور الكويت في الاعياد الوطنيه (علشان مانحب احد يتضايق من شي وهو بالكويت )

تدرون ان الاعياد الوطنيه بالكويت بتاريخ 25 و 26 فبراير الاغلبيه يدري ولا يحسب حسابه
تبدا المسيرات في الكويت بمناسبة الاعياد الوطنيه من تاريخ 23 فبراير الى 28 فبراير وتشدد اكثر من تاريخ 24 الى 27 وبالذات 25 و 26 مالك محط رجل
والاكثر ازدحام في شارع الخليح وبعض المناطق مثل المناطق القريبه من شارع الخليج والشوارع التي تؤدي الى شارع الخليح وايضا منطقه الاحمدي بالقرب من محافظه الاحمدي والشاليهات الجليعه الخيران يعني اغلب المنتزهات اللي على البحر والمزارع بس المزارع روح يمين يسار واطلع بر
هذي المسيرات لها سنين طويله وهي مسيرات فرحه للمسلمين وخاصه اهل الكويت وهي عباره عن تعبير الشعور بالفرحه ودائم يكونون قاعدين بالسياره وهرنات (بوري) وفوم(الرغوه) و رشاش الماي ( خل صدرك وسيع
تدرون ليش قلت لكم علشان اللي بزور الكويت وحاب مايدخل الزحمه يكون عنده خبر ويبعد من الاماكن هذي وعلشان يكمل السياحه واخر الليل يروح للمسيرات بعد الساعه 10 بالليل يتمتع شوي
علما ان تبدا تقريبا من الساعه 2 م الى 2 ص تقريبا اكثر زحمه ؟
قبلها او بعد الوقت خفيفه حيل ومسيرات مسالمه تقريبا(يعني يقل فيها الفوم )


وبالنسبه للي اول مره ويبي يشاركنا المسيرات في ذروتها او متعني علشان المسيرات من ديرته راح انقوله بعد العيد عيدك ولك حق تفرح مثلنا
هذي بعض النصائح لهم

1- لاتعصب اذا رشو عليك
2- خل الدريشه مسكره اذا ماتبي ترش
3 لك الحق ان تحط علم ديرتك على السياره (وبالعكس هذا يدل لهم انك جاي تشاركنا فرحتنا ) وتقدر تحط علمين اذا انت حاب
4 - نادر ماتحصل مشكله واذا حصلت لاتقرب منها او اذا حصلت لك مشكله تاكد كل 10 امتار دوريه وكل مكان حساس لفه تقاطع اشاره تحصل 50 دوريه
( لابد يا اخوان ان كل تجمع كبير تحصل مشكله بسيطه وترا المشكله اللي تحصل في المسيرات من شخص بالالف واحد يجيك جاهل وتنتهي بوقتها

وبالنهايه ترا مافيه مشاكل بس المسيرات لاطوفكم
و اي سؤال انا حاضر باللي الله يقدرني عليه
وتقبلو مني او منهم او من الكويت فائق الحترام والتقدير

مواضيع عشوائيه ممكن تكون تعجبك اخترناها لك:

• رحلة عائلية إلى منتزه الخيران مع الأحباب حياكم شاركونا
• طلب من الأخوة الكويتيين أو المصريين العاملين بالكويت
• جوله في فندق ومنتجع كيمبنسكي الكويت
• نبذة دولة الكويت الحبيبة صور من بلدى الكويــ ام الخير ـــت
• حقائق ومعلومات عن برج التحرير رابع اعلي برج بالعالم
• استفسار لحبايبنا اهل الكويت
• فساتين السهره الراقيه
• هل تعرف مكان قعده هادئ بالكويت ؟
• استفسار عن التحويل من الريال سعودي الى الدينار الكويتي
• شكرا من كل قلبي لمدير ومشرفي واعضاء المنتدى
• سبا رويال حياة صور
• عروض غير مسبوقة مقدمة من الخطوط الكويتية
• الأقمشة الرجالية
• بنات الكويت او من عنده خلفيه يدخل
• رحلة تسوق بنات
• تكفون يالربع
• مساء الخير انا من مصر
• الطريق الى الكويت برا لمن لا يعرفه
• هام جدا للعوائل المحافظة التي تبحث عن سكن نظيف فنادق أو شقق فندقية في الكويت
• أكتبوها بالتاريخو أخيرا أكلت لحم النعام شلون تعالوا أقولكم مطعم قصر التكتك

ما قصرت نصحت و كفيت و وفيت

انا صارلي يومين من رجعت من الكويت

الامور طيبة و حنا مستانسيين

عسى ايامك كلها وناسه انشاالله

وهذي النصيحه للاخوان اللي بزورنا في الاعياد الوطنيه
و اللي ماعنده خبر وحاب يعرف اكثر عن كويتنا

جزاك الله خير اخوي
انا ان شاء الله بكرا ماشيه للكويت
لايكون المسيرات اللحين موجوده
لان زوجي يكره صراحه الزحمات
وقايله له حاليا مافي مسيرات
ياليت ترد علي عشان نفكر بالموضوع وناجلها

ومشكور

بالإذن من الاخ vip5vip .. اختي بنت القصيم حياكم الله في الكويت و توصلون بالسلامة إن شاء الله
تعالو .. ما في مسيرات هالايام .. تو الناس عليها

مشكور اخوي vip5vip على توضيح هالشي للي حاب يزور الكويت

جزاك الله خير اخووي على التوضيح
والله يحيك ويبقيك

مـا تقصر أخوي
بس أنا أشوف المسيرات عندناا من 21
هالسنه مانعين الفوم .. عـاد جاديـن أو لا
كـل شي بيبين حزتهـا ..

يعطيـك ألف عـافيه ..

يطول لي بعمرك vip5vip

مشكور وما قصرت ،،، وإن شاء الله نشارككم الأفراح

مثل ما شاركتونـــا أفراح اليوم الوطني لدولة الإمارات

ما قصــرو شباب الخليـــج كلـــه ويانا والله

وبالعكس ما تحلى المسيرات إلا بالرش والفوم و و و و و

حياكم الله بالكويت

والديره تحلى بزياره الاحباب

بنت القصيم المسيرات لها شوارع خاصه مو بكل الشوارع

يعنى مثلا شارع الخليج عموما الى البحر , وبصبحان

تعالوا وشرفونا واى استفسار حاضرين وحياكم الله , واتمنى من الكل الابتعاد عن الفوم المزعج

مشكور اخوي vip 5 vip على الموضوع وفعلا الفوم ممنوع هالسنه

الداخلية منعت الفوم هالسنة وان شاء الله يؤخذ هالموضوع بعين الاعتبار لاضراره على العين وبالعكس وين الوناسه بالفوم ناس انعمت وصار فيها حساسية مزمنة بسبته الله يكافينا الشر.

المشاركة الأصلية كتبت بواسطة بنت القصيم 2007
http://www.arabtravelersforum.com/tr...8/#post4836128

جزاك الله خير اخوي
انا ان شاء الله بكرا ماشيه للكويت
لايكون المسيرات اللحين موجوده
لان زوجي يكره صراحه الزحمات
وقايله له حاليا مافي مسيرات
ياليت ترد علي عشان نفكر بالموضوع وناجلها

ومشكور



اجمعين انشاالله وتوصلون بالسلامه
والاخت bint elQ8 ماقصرت كفت و وفت
واضيف شغله حتى لو فيه مسيرات افضلكم تمشون في اماكن ثانيه بعيده عن الاماكن اللي ذكرتها وراح تلاقونها فاضيه لان الناس في المسيرات
بس وقت اللي راح توصلون فيه فاضيه
وعلى فكره ترا الكويت تنتضركم علشان تكمل فرحتها

المشاركة الأصلية كتبت بواسطة bint elq8
http://www.arabtravelersforum.com/tr...8/#post4836208

بالإذن من الاخ vip5vip .. اختي بنت القصيم حياكم الله في الكويت و توصلون بالسلامة إن شاء الله

تعالو .. ما في مسيرات هالايام .. تو الناس عليها

مشكور اخوي vip5vip على توضيح هالشي للي حاب يزور الكويت

اختي الكريمه الله يجزاك خير
وانتم تزودونا فخر وعتزاز
ف رجاءا لا تستأذنين الموضوع للجميع ردو بدون اذن علشان تكملون الناقص او التأخير بالرد وهذا يدل على حرصكم

المشاركة الأصلية كتبت بواسطة S h o u g
http://www.arabtravelersforum.com/tr...8/#post4836558


مـا تقصر أخوي
بس أنا أشوف المسيرات عندناا من 21
هالسنه مانعين الفوم .. عـاد جاديـن أو لا
كـل شي بيبين حزتهـا ..

يعطيـك ألف عـافيه ..




هلا فيك والله يعافيك

والله الشباب يحاولون يخلونها بدري ممكن تبدا 21 بس راح تكون شبابيه حيل وصغار وبعد المنحه اي واحد عنده رخصه وماعنده سياره راح يأجر سياره ف ممكن تكون بدري يدفع عربون والباقي على المنحه

كل سنة وقت الاعياد بفبراير اكون بالكويت و الجو يكون و لا احلى رائع و الناس كلها مستانسة و مبسوطة و المسيرات خالية من اي مشاكل او خشونة بالعكس الكل فرحانين

و بالنسبة للزحمة بالعكس اشوفها جدا بسيطة ... يعني بكل امانة وقت الخروج من الدوام الظهر يوميا عندنا في جدة و الرياض و الشرقية اضعاف اضعاف الزحمة فزحمة المسيرة بشارع الخليج تعتبر بسيطة جدا بالعكس ما اعتبرها زحمة


حسافة هالسنة ما راح اقدر انزل الكويت بس بحاول انزل لان الجو حلو و رائع

دامت افراحكم يا رب

المشاركة الأصلية كتبت بواسطة steven gerrard
http://www.arabtravelersforum.com/tr...0/#post4836620

يطول لي بعمرك vip5vip

مشكور وما قصرت ،،، وإن شاء الله نشارككم الأفراح

مثل ما شاركتونـــا أفراح اليوم الوطني لدولة الإمارات

ما قصــرو شباب الخليـــج كلـــه ويانا والله

وبالعكس ما تحلى المسيرات إلا بالرش والفوم و و و و و





اجمعين يا عيال زايد
دايم تحرجونا يا اهل الامارات ماتخلون لنا مجال نمدحكم لان المدح فيكم شوي ويقصر بحقكم
والحمدالله الخليجيين افضل ترابط بينهم وأتحداك جيبلى دول مثل الأقليم الخليجي مترابطين وكلمتهم وحده مثلنا
وعسى الله يديمها بينا

المشاركة الأصلية كتبت بواسطة *ام البدر*
http://www.arabtravelersforum.com/tr...0/#post4837100

حياكم الله بالكويت

والديره تحلى بزياره الاحباب

بنت القصيم المسيرات لها شوارع خاصه مو بكل الشوارع

يعنى مثلا شارع الخليج عموما الى البحر , وبصبحان

تعالوا وشرفونا واى استفسار حاضرين وحياكم الله , واتمنى من الكل الابتعاد عن الفوم المزعج





ذكرتيني الله يذكرك بالشهاده شارع صبحان بعد يكون فل

نعم صدقتي الديره تحلى اكثر بزيارتهم
واشكر تفاعلك وردودك للناس

المشاركة الأصلية كتبت بواسطة كويتي1968
http://www.arabtravelersforum.com/tr...4/#post4837234

مشكور اخوي vip 5 vip على الموضوع وفعلا الفوم ممنوع هالسنه




نشكر الجميع وخاص انت ماشاالله عليك رجل نشيط بردودك وتفاعلك مع الجميع
وبالنسبه للفوم صعبه ماتحصل حتى لو يمنعونه راح يرشون ويمسكونهم الشرطه وياخذونه وراح يشترون ويرشون بعد
وانت تدري الشرطه ماتخالف او تركب دوريه للي يرشون
وهم صعبه يطبقونه اول سنه ممكن يقل الفوم
واشكر تعاونك وتوضيحك

المشاركة الأصلية كتبت بواسطة اصول2
http://www.arabtravelersforum.com/tr...0/#post4837320

الداخلية منعت الفوم هالسنة وان شاء الله يؤخذ هالموضوع بعين الاعتبار لاضراره على العين وبالعكس وين الوناسه بالفوم ناس انعمت وصار فيها حساسية مزمنة بسبته الله يكافينا الشر.





نعم صحيح منعت الفوم بس صعبه ماتحصلين فوم والكويت من زمان والفوم فل في المسيرات ومسويا جو حلو ولا فيه اي مشاكل بس دخلت السوق الصيني بقوه هذي من مشاكل الصناعه الرخيصه وهذا الشي الصراحه يعور القلب اذا سبب مشاكل مثل ماذكرتي والمتهم الاول الوزاره المسئوله عن دخول و توريد مثل النوع الردئ

واشكر تنبيهك للناس وتفاعلك

المشاركة الأصلية كتبت بواسطة حياة_التميز
http://www.arabtravelersforum.com/tr...0/#post4838050

كل سنة وقت الاعياد بفبراير اكون بالكويت و الجو يكون و لا احلى رائع و الناس كلها مستانسة و مبسوطة و المسيرات خالية من اي مشاكل او خشونة بالعكس الكل فرحانين

و بالنسبة للزحمة بالعكس اشوفها جدا بسيطة ... يعني بكل امانة وقت الخروج من الدوام الظهر يوميا عندنا في جدة و الرياض و الشرقية اضعاف اضعاف الزحمة فزحمة المسيرة بشارع الخليج تعتبر بسيطة جدا بالعكس ما اعتبرها زحمة


حسافة هالسنة ما راح اقدر انزل الكويت بس بحاول انزل لان الجو حلو و رائع

دامت افراحكم يا رب






نعم اخي دائم الاجواء تكون حلوه ومناسبه خصوصا الاعياد الوطنيه

بس الكويت خسرت حضورك لتكمل فرحتها وعسى ايامك سعاده وفرح

والزحمه على حسب تنظيم وزارة الداخليه ممكن يسوون خطه لخروج السيارات كل كيلو مثلا علشان اللي حاب يطلع

المهم ننتظر جيتكم السنه القادمه انشاالله واحسبو احسابكم

المشاركة الأصلية كتبت بواسطة VIP5VIP
http://www.arabtravelersforum.com/tr...2/#post4838092

والحمدالله الخليجيين افضل ترابط بينهم وأتحداك جيبلى دول مثل الأقليم الخليجي مترابطين وكلمتهم وحده مثلنا
وعسى الله يديمها بينا




معليش شفت كلامك قلت ارد


للاسف احنا امكن اقل اقاليم الارض ترابطا و دوم مختلفين رغم ان شعوبنا في الغالب اهل و مترابطين لكن حكومات اتفقو على ان لا يتفقو و هذا حال العرب

اكبر ادلة عدم توحيد العملة الى اللحظه رغم اننا 6 دول ننعد على اصابع اليد و عدد السكان جدا قليل لا يكا يذكر .. و اوروبا بدولها الكثيرة وحدة العملة و التنقل بين حدود الدول اسهل و اسرع مليون سنة ضويئة بين التنقل بين دولنا و جماركها

التنقل بين حدودنا بالبطائق الوطنية اخذ له سنين طويلة و حتى اللحظة ما زالت التنقل بين قطر , عمان و السعودية يحتاج الى البطاقة و ايضا بين السعودية و الامارات رجع الجواز الزامي بعد المشكلة الاخيرة

نظام التجارة الحرة حتى الان لم يتفق عليه و ما زالت كل دولة راكبة راسها و معانده

و الامثلة كثيرة جدا جدا

يعني بالعربي و ان كنا كشعوب جدا اهل و اخوان و حبايب لكن المنطق و الواقع يقول اننا اقل اقاليم الارض اتفاقا و ترابط


نمور اسيا " الدول الصناعية بشرق اسيا تتفوق علينا ايضا مثل الاتحاد الاوروبي بمراحل من نقطة الترابط "


فتحت مواجع لكن للضرورة احكام

اخوك حياة التميز

عاد الفووم ممنوع هذه السنة

اتوسم فيك الخير بما انه اول مشاركة لك تقبل مروري وتحياتي

المشاركة الأصلية كتبت بواسطة violetq8
http://www.arabtravelersforum.com/tr...6/#post4838646

عاد الفووم ممنوع هذه السنة






يعجبني ذكاؤك؟؟

بتعيش وبتشوف انشالله""" اذا ماترسو وجهك وخلوك مثل شايب عمره 120 سنه مو محلق وجه سارله 50 سنه

اخوي vip5vip تسلم على كلامك الطيب

اقول شكلك اتاجر بالفوم وماتبي تخسر ....اتغشمر وياك

كلامك صحيح الكويتيين ماكو شي يوقفهم اذا بغوا شي يسوونه لكن يمكن الجمارك والتجاره مانعين التجار يستوردونه واكيد اذا بيعتمدون على الي مخزنينه من السنه الي طافت اكيد كميه قليله وسعره غالي

واذا حصلته راح ابطل باب سيارتك وارش عليك

الله يعطيك العافيه وناطرين جديدك

المشاركة الأصلية كتبت بواسطة كابرون 1
http://www.arabtravelersforum.com/tr...2/#post4838692

اتوسم فيك الخير بما انه اول مشاركة لك تقبل مروري وتحياتي





الله يجزاك خير والخير فيكم جمعينا والله وبالله اللي خلاني اسجل هو شخص طحت عليه وانا ابحث بجزر المالديف
في موضوع جديد كاتب تكفون يا اهل الكويت ابي فزعتكم ماقدرت اتحمل و اخليه قلت اخذها اجر من الله وطيب لي و اهل ديرتي ولا رجال ماعرفه ولا تربطني فيه علاقه ولا ابي شي من المنتدى هذا اللى بعض المعلومات وله مني وصاحب الموضوع الدعوه الصالحه باذن الله

المشاركة الأصلية كتبت بواسطة كويتي1968
http://www.arabtravelersforum.com/tr...6/#post4839366

اخوي vip5vip تسلم على كلامك الطيب

اقول شكلك اتاجر بالفوم وماتبي تخسر ....اتغشمر وياك

كلامك صحيح الكويتيين ماكو شي يوقفهم اذا بغوا شي يسوونه لكن يمكن الجمارك والتجاره مانعين التجار يستوردونه واكيد اذا بيعتمدون على الي مخزنينه من السنه الي طافت اكيد كميه قليله وسعره غالي

واذا حصلته راح ابطل باب سيارتك وارش عليك

الله يعطيك العافيه وناطرين جديدك





هلا في حبيب الجميع
اليوم صدر القرار الرسمي على مايتعمم الاسبوع الجاي وكتابكم وكتابنا يجب عليكم ويردون بخطاب الشركات المستفيده للحكومه هل تحملون مصاريف النقل وردون بقرار الجلسه اللي بعدها (يعني بعد اسبوعين)
تحمل 30% الحكومه (عاد الحين التاريخ 1/3 ) راح تقول الشركه موافقه (هذا اذا ماتصرفت الكميه كلها في نفس يوم القرار والكراتين ترجع فاضيه او فيها محلول العدسات)

المشاركة الأصلية كتبت بواسطة حياة_التميز
http://www.arabtravelersforum.com/tr...2/#post4840042

على رأسي والله كلام جميل جدا يدل على رقي اسلوبك و لباقتك

اتفق معاك في كل ما قلت و الله يديمنا احباب و اهل و اخوان يا رب

على طاري الفووم اذكر في سنة تعرضنا لهجوم كاسح من كل الاتجاهات و احنا اول مرة نعرف انه المسيرة فيها رغوة و هالكلام فما كان عندنا الا اننا طلعنا طفاية الحريق و حطيناها امام الدريشة كل واحد يشوفها يخاف و يقول في نفسه هذول مزحهم ثقيل طبعا ما استخدمناها ابدا بس كان منظرها يثير الرعب لكل الي يمرون

احلى لقطة شفتها ... بنات كانو مستقصدين الكل ما تركو احد في حاله الا و رشوه بالرغوة شباب بنات اطفال نساء المهم فجأة نشوف شباب يجون طايرين مشي بأتجاه سيارة البنات و يرفعون مساحات الموية و يرشون كل الدرايش برغوة بكميات كبيرة و يمشون

طبعا بما ان المساحات مو في مكانها البنات ما كانو يقدرون يمشون بالسيارة و كذا وقعو في شر اعمالهم




ماعليك زود اخي الكريم عساه دوم انشاالله
على فكره حلا السفر بعض المرات تكون على عمياها تنصدم بشغلات
وخصوصا بالمسيرات راح تحوشك دقات فيها واجد بس الواحد يوسع صدره شوي واللي يدش يتحمل
عجبني تصرفك بطفاية الحريق منت هين دبرت عمرك

انا قريت العنوان وعصبت وتنرفزت ، بشوف شنو كاتب بالموضوع

بس ماقصرت ويعطيك العافيه على هالتنبيهات

يعطيك العافية على التنويه وعلى هالموضوع والله يجعل ايامنا كلها اعياد وافراح