أنا رحت المطعم .. مع شلة الأنس والطرب أختي وبنت خالتي

وصج حسينا نفسنا يهال .. بس أحس لو بروح مع ريلي بتفشل من الشيف اللي يقعد يترقص جدامنا طول الوقت

لكن لو أخذ العيال معاي بيصير الوضع أوكي ... أحس المطعم مال( يهالو ) مو مال زوجين رايحين برومانسية

بعدين الطاولات حيل متجابلة يعني سوالفنا كلها عند الطاولة الثانية وأكلنا كله جدامهم يفشل

يعني تخيلي لو أنا وريلي بسلام الله وحفظه رايحين .. والطاولة اللي جدامنا شباب وفلة وعبط .. شنو بيكون موقفنا .. مثلا ؟؟

بالنسبة للاكل كل المقبلات الجاهزة لذيذة نفس مستوى ماكي واشوي ارخص .. لكن الطبق الرئيسي اللي يصير ترياكي (الشوي) هذا قمة اللوعة صراحة

شنو طلبت من المنيو اللي سميتهم (مقبلات جاهزة) :

نيجيمياكي لحم مدور داخله بصل اخضر عذااااب 10/10
سلطة افكاتو وسالمون وسبايسي طبعا بدون سالمون اقول لهم مايحطونه 8/10
نيويورك مادري كاليفورنيا خخ سوشي والله نسيت اي ديرة .... حلو كان
الدجاج اللي شكله تكا اللي انتي مصورته طلبته ..هم حلو لذيذ بس سيخين مايونسون خخخخ
إدمامي اللي هو مثل اللوبا بس امتن جنها صويا او شي جذي مادري ناسية حلوة زينة
وطلبت الماكي مادري السوشي اللي دار مداره كافيار برتقالي اينن كان
ومشروبي المفضل عصير البرتقال الطازج مادري اشعلاقته بالموضوع بس ماقدر استغني عنه

هذي الاطباق بس اتشبع واتونس وتحسفت ليش طلبت التريكاي
طلبت اغلى واحد اللي يصير ربيان ولحم ودجاج ويخيرونج بين العيش والخضرة ..احنا اخترنا الخضرة بس مادري اشنزل على راسهم ويابو لنا زيادة العيش .. هم مانعاف البلاش خخخ

المهم سووا حركاتهم بركان البصل كان يبيلها بناتي يشوفون يستانسون
بعدين اللحم بس حط فيه ملح وفلفل فقط بس كان زين لاباس فيه
وبنفس الوقت قعد يسوي الربيان حط ملح وفلفل وصلصة الترياكي جنه ؟؟ وعصر اخر شي ليمون كان طيب
وبعدين نظف الطاولة وحط الدجاج بس ملح وفلفل وناسية اذا كان حط ليمون بس كان لوعة وزفر

بعدين الخضرة حمسها كتب لنا اي لوف يو واللوف على شكل قلب الحب وتخيلي احنا 3 بنات شكلنا كان بايخ
اللي كل وحدة تتنح بويه الثانية يعني اخلص بس خخخخخ

بس كان طعم الخضرة فاشل

وحط لنا صلصة الزنجبيل موحلوة والترياكي زينة


وووبس هذا اللي كان عندي

مواضيع عشوائيه ممكن تكون تعجبك اخترناها لك: