الموضوع: أم شيخة أول مرة تطلب المساعده من اهل الكويت

السلام عليكم ورحمة الله وبركاته

أول مرة أكتب موضوع في بوابة الكويت... الصراحة من قرأت المواضيع تشجعت إني أزور الكويت في إجازة العيد الوطني لدولتي الحبيبة الإمارات العربية المتحدة... لمدة 4 أو 5 أيام....
فعندي بعض الاستفسارات :
بغيت اسم فندق أو شقق فندقية تكون نظيفة وحلوة 4 نجوم...وأسعارهم معقولة في شارع يكون فيه مراكز تسوق ومطاعم ..
أهم الأسواق والمراكز بس تكون بضاعتهم أو محلاتهم غير اللي عندنا بالامارات مثلا ....وأماكن بيع الجلابيات الكويتية ... والتنانير البدل الكويتية ....:114:
وشو أحسن طيران لدولة الكويت من دبي ؟؟ وشو رايكم في طيران الجزيره حد جربه؟؟

واسمحولي عالإطالة

مواضيع عشوائيه ممكن تكون تعجبك اخترناها لك:

• كم تبلغ المسافة بين الكويت والامارات براً
• صور رائعة لأمطار الكويت صباح اليوم بعدسة عسل
• مشروع صاهود مول
• اريد تالفون فندق المنشر
• رقم فندق الخليج ضروووووري
• تحياااااااااااااااااااااااااااااتي
• ابغى اسامي فنادق قريبة من الاسواق الكبيرة الله يعافيكم
• الى اهل الكويت وكل خبيررجاء وليس امرا
• كيفية الحصول على تأشيرة لزيارة للكويت
• يابنات الكويت
• زيارتي الاولى لدولة الكويت يرجى الدخول للمساعده
• معاني أسماء مناطق الكويت
• زيارة الى الدولة الحبيبة
• اسئله عن جزيرة فيلجا
• الشاليهات بالكويت
• سوق الاقمشة البلوكات
• الفزعة يا اهل الكويت
• سؤال بسيط وأبغى أجابه سريعه الله يرضى عليكم
• يا كويتيات يا ذويقات
• الى كل كويتي او سعودي راح للكويت او اي واحد عنده خبرة

أختي الفاضلة .. بعد التحية ،،

تعتبر الكويت المركز السياحي الافضل تناسباً مع العادات والتقاليد الملتزمين بها وأفضل وقت لزيارة الكويت بين شهر أكتوبر وشهر ابريل وعلي حسب إحتياجاتك الخاصه .. اقف هناك الي معلومة ان سعر التذاكر من دبي الي الكويت اغلى بكثير لو توجهتي من الكويت لاي مكان آخر وعلي اي حال اغلب شركات الطيران سوف تكون متماثله في مثل تلك الحاله الطيران الاماراتي او الكويتية او الجزيرة متوجه من دبي الي الكويت ام علي متن الخطوط الجوية العربيه فسعر التذكره اقل بكثير وتنطلق من الشارقه وإن كنتي في دبي هناك باصات خاصه للنقل وسعر التذكره للكويت = 28 دينار سعر مغري .

من وجهة نظري الخاصة الفنادق المناسبه للسكن هم الهوليدي أن شارع الخليج العربي حيث يتصل بشارع سالم المبارك الذي يحتوي علي العديد من المجمعات المختلفه الراقيه وايضا اطلاله جميله علي البحر وممارسة الرياضه وهناك اسماء فنادق مرشحه عديدة للسكن مثل فندق ساس حياة ريجنسي فندق المارينا وهؤلاء الفنادق جميعهم علي شارع الخليج العربي اي لم اتطرق للفنادق البعيده عن قلب الكويت والتي ايضاً تتمتع بمزايا جميلة .

مجمع البستان .. بشارع سالم المبارك .. مركز تجاري متخصص في الشيلات والاكسسوارت والملابس والاحذية .
مجمع الفنار والمارينا و ليلي غاليري و غاليري 2000 والثريا ايضا في شارع سالم المبارك ويحتوون علي ماركات عالميه ويستحقون العناء : )

مجمع كويت ماجيك والحمرا مول وسوق الكويت متخصصين في الملابس الكويتية والشعبية والملافع والشيلات

واتمني من حضرتك اي استفسار تطلبيه مرة ثانيه وانا تحت امرج

تسلم والله انك ما قصرت.......
صدقك اخويه الحجز من دبي إلى الكويت أغلى ......... اتصدق توني متصلة طيران الإمارات سعر التذكرة من دبي إلى الكويت 2060 درهم ... والله حرام عليهم......... واتصلت طيران الجزيرة اللي في الإمارات .. سعر التذكرة على 1400 درهم... والآن جاري البحث على طيران العربية...
وفي فنادق أريد أتأكد منهم إذازينين وموقعهم قريب من الأسواق ولا لا... مثل
كونتيننتال على 387 درهم ..... شو بالنسبة للموقع؟؟
oasis على 414 درهم ....هل بالفعل يقع في وسط المدينة بقرب من المراكز والمطاعم؟؟
ريتز السالمية شو رايكم فيه على 414 درهم ؟؟

الأخت أم شيخه .
حياك الله و بالنسبه للفنادق فيه فندق في نفس مدينه الكويت و قريب من الأسواق و المجمعات أسمه كارلتون تاور قريب من مبنى الخطوط الجويه الكويتيه و هو أربع نجوم بس فخم .
واذا ودك هناك العديد من الشقق المفروشه خلف فندق سفير .

اما بالنسبه للدراعات ( الجلابيات ) فهناك في منطقة الفروانيه مجمع العربيد و هم مختصين بتفصيل الجلابيات بشكل ممتاز وهذا ما قالته لي الوالد الله يحفظها .

و احنا حاضرين لأي خدمه

الغالية أم شيخة.
أنا زرت الكويت العام الماضي.
وعندي فكرة جيدة عن بعض الأماكن لكن أكيد ليس بمستوى أهل الكويت ( فأهل مكة أدرى بشعابها) .
أولا بالنسبة لفندق الواحة ( أويسيس) فهو يقع في وسط ( المركز التجاري) لكن ليس وسط الأسواق التي تريدينها بل بالقرب من البنوك والشركات التجارية.

وعموما السكن بالنسبة للشقق الفندقية ليس رخيصا في الكويت ، وبالمقابل مستوى المكان أغلى كثيرا من ثمنه ، خاصة وأنك من الإمارات قد تنصدمين من مستوى الشقة وتكونين دافعة مبلغ كبير.
بالنسبة لي كل شيء أعجبني في الكويت وأحببته إلا الشقق الفندقية .
الأمر الذي جعلنا نقوم بتغييرها بعد ليلة لمكان المفروض أرقي ( الليلة كانت بحوالي 800 درهم ) لكن بعد لم يكن كما توقعت ، فقد دفعنا مثل هذا المبلغ تماما في شقة فندقية بكراون بلازا - دبي ( بس الفرق كان وين).

عموما خذي لج لفة في بوابة الكويت وشوفي اللي يناسبج من الشقق أ والفنادق.

بالنسبة للأسواق : وووووووووووووواااااااااااااااااااااووووووووووووووو وو.
كل شيء حلو.
على فكرة ، كويت ماجيك فيه بضاعة من اللي في بالك ، هو صح بعيد شوي عن وسط المدينة لكن يستاهل العنوة، فيه تنانرير ( ستحتارين ماذا تأخذين) وأسعارها يا بلاش.
وعندهم جلابيات كويتية ، موديلاتها روعة في اللبس وأسعارها حلوة وايد ، من هذا المكان أخذت لأختي جلابية ما تم حد ما سألها من وين ، وسعرها بالنسبة لشكلها وايد حلو ( أعتقد 15 أو 18 دينار ) مب متأكدة.
وقد أخبرتني صديقة كويتية عن مجمع بالفروانية وأعتقد هذا الذي ذكره أخي q5_78
متخصص بالجلابيات الكويتية وأسعارها معقولة.

كنت أتمنى أزور مجمع الفنار ، لأن الكل كان يأكد لي بأن في بدل كويتية مب موجودة عندنا لكن ما لحقت أسير له .

إذا كنت تحبين الأكسسريز فيه محل له أفرع في أماكن كثيرة بس أنا خذت من محلهم اللي في سوق شرق عندهم أشياء تخبل .

على فكرة سوق شرق في الطابق العلوي كم محل ملابس ( مب موجودة عندنا ) فيها قمصان وتوبات حلوة وعلى الموضة.

إذا نصحوج تسيرين مارينا مول ، وكان التسوق هو هدفج فلن تخرجي بشيء ، لأن محلاته محلات العولمة اللي موجودة في كل دول العالم وبالطبع الإمارات ، لكن هناك كم محل راقي للأحذية غير موجود هنا.
المارينا مول راقي جدا لكن للتمشي أو الجلوس في كوفي شوب .

هذا اللي أتذكره ، وأتمنى إني أفدتج.

أهلا وسهلا فيج أم شيخه

بالنسبه للجلابيات أفضل شي مجمع الاوقاف وممكن تحصلين بالحمرا مول بالفروانيه

إذا كنت تقصدين الجلابيات اللي في المسلسلات ترى أغلبها تفصيل عند مصممات كويتيات ، وأسعارها أقل شي 100 دينار كويتي وما فوق 0

بالنسبه للملابس عندج مجمع النقرة الشمالي والجنوبي ومجمع العثمان بحولي ملابسهم تختلف عن اللي في الامارات 0

مجمع العربيد للتفصيل ، كان بالاول مميز هالايام شغلهم مو شي ما أعتقد يعجبج 0

الأخت ام شيخه

اولا بالنسبة للطيران هناك الكثير من شركات لها رحلات مباشرة بيم دبي والكويت اذكر منها الاماراتية والكويتية والجزيرة التايلندية الاوكرانية السيلانية الماليزية اولمبيك افضل سعر هو طيران الجزيرة طيران ممتاز ويستخدم طائرات ايرباص a320 الحديثة

بالنسبة للسكن هناك ملاحظة مهمة جدا اذا كانت الرحلة تصادف (اربعاء - خميس - جمعه ) في هذه الأيام تقدم معظم فنادق الكويت الراقية عرض للقدمين من دول مجلس التعاون بحيث تكون الغرف المفرده ب 30 دينار والعرف المزدوجه 35 دينار فقط وهذه اسعار صراحه تشبة اسعار فنادق شرق آسيا وطبعا فنادق راقية واسماء معروفه

واذا كان على الشقق الوضع الآن تغير حيث الكثير من الشقق الفندقية دخلت الخدمة وافضلهم فنادق الريتز للأجنحة الفندقية حيث غرفتين وصالة ومبخ وحمامين ب50 ينار المستوى 5 نجوم وهو يتبع فنادق مرديان ولديهم في مدينة الكويت والسالمية وشارع الخليج

اما بالنسبة للأسواق انا اعتقد ان تشابه اسواق دبي حيث ان معظم الأسماء التجارية في الكويت والأمارات هي ملك شركة محمد حمود الشايع

نكست
وليزكليبورن
وتومي
هيلفيغر
وكليرز
وايتام
وتامي
وايلينا ميرو
واولتر
وكاركتير
وفيرا مودا
واكزت
وبيرفاكتوري
وسترايد رايت
وستيف مادن
وذي بودي شوب
ومولتن براون
وفافافووم
وبيرل للنظارات

حيث التشابه بالأسماء التجارية وبكن الأسوالق بالكويت كثيرة ومتنوعه كذلك اماكن الترفيه والتسليه والحدائق والمنتزهات خصوصا وان الطقس جميل

حياج الله اختي الكريمة ام شيخة تنور الكويت بوجودكم

Q8-78
تسلم اخويه عالرد....وجزاك الله ألف خير .. بالنسبة لفندق سفير شو أسعارهم؟؟ وموقعهم زين؟؟
بالنسبة للمناطق اللي في الكويت مثل الكويت العاصمة والسالمية والفروانية هذيلا جراب من بعض؟؟ يعني كم دقيقة من العاصمة إلى السالمية؟؟

[أختي السيدة درجة أولى
مشكورة فديتج والله ما اتقصرين.... أنا خلاص غيرت رأيي أريد فندق مب شقق فندقية لأن في البداية كنا بنسير مجموعة كبيرة .... الحينه خلاص بس أنا وزوجي وبنتي.... في رايج نحجز فندق في السالمية ولا في الكويت العاصمة؟؟ بالنسبة لشارع الخليج العربي وين مكانه؟؟

namareq
جزاكم الله ألف خير على هالرد المفيد ...

أخي رحال
تسلم يالغالي... بس اخويه الجزيره سعر التذاكر 1400 درهم ..رافعين السعر علشان إجازة العيد الوطني... في مكتب سياحي أنا أتعامل معاهم في سفراتي... قالولي الطيران الكويتي امسوي عرض سعر التذاكر مع 3 ليالي في فندق 5 نجوم مع وجبة الإفطار على 1750 درهم بدون الضرايب...شو رايكم؟؟

أخي Dhari
والله انك كفيت ووفيت
الله يخليك رشحلي فندق على ذوق أهل الكويت أهم شي موقعه ... وسعره يكون معقول في حدود 250إلى 300 درهم...بالنسبة لشارع الخليج العربي في أي منطقة؟؟ وشو تنصحون السكن في هالشارع؟؟

]nice-man
تسلم هذا من طيب أصلكم.......

واسمحولي عالمغثه.... ازعجتكم وايد ....

أخي Dhari
محل نوران قصدك للجلابيات ولا التنانير؟؟

الله يخليكم ردوا عليه... شو رايكم الطيران الكويتي مرشحين كم فندق ...شو الأحسن
سفير
هوليدي ان
فور بوينت شيراتون
ماريوت
قولولي من حيث الموقع أي واحد أحسن شي وجريب عالمراكز والمطاعم...

[glow=000000]أم شيخه[/glow]

أفضل فندق من الفنادق اللي ذكرتيهم

من حيث القرب من الأسواق والمجمعات والمطاعم هو فندق

[glow=FFFF00]هوليدي إن[/glow]

حيث انه يقع في منطقة السالمية

المنطقة التي تكثر فيها المجمعات التجارية

والمطاعم والواجهات البحرية

وأيضا فيها المركز العلمي لاتطوفين المركز العلمي ترا وايد حلو

فيه اكبر شاشة سينما آي ماكس التي تعرض الأفلام العلمية والثقافية والكارتونية

ثلاثية الأبعاد 3D ودشي بعد الأكواريوم عشان تشوفين البيئه البرية والبحرية

وآسف جني طولت عليج

F9y
مشكوووووووووووووووووووووووووووووووووووووور ما قصرت....انشاء الله بحجز فيه

الغالية أم شيخة .
العفو حبيبتي، حاضرين للطيبين.
نوران ، يبيع أكسسريز ( عندهم خواتم تجنن وشكلها راقي ، بصراحة ما جد شفت منها هنيه ) ، وعنده شنط " شغل لبنان " حتى لو قالوا لج فرنسا أو إيطاليا أنا أعرف اشكال المصنوعات اللبنانية موديلات حلوة بس مب ستايلي أنا ، لكنها فعلا حلوة ، وعنده بعد شيل كويتية تشكيلة واسعة جدا تصلح للعزايم والحفلات .

على فكرة الفنار ليس المجمع الذي قصدته ، بل مجمع النقرة " وايد مدحوه وقالوا فيه بدل كويتية مب موجودة عندنا ، تصدقين لين الحين في خاطري.

مشكور أخي ضاحي على التوضيح والتذكير.
ما قصرت.

الأخت أم شيخه حياك الله و احنا برسم الخدمه

أما بالنسبه لموقع سفير فهو مطل على شارع الخليج العربي و قريب من أبراج الكويت جدا و أسعارهم على حد علمي من سنتين حوالي 80 دينار كويتي يعني حوالي ألف درهم متظمن رسوم الخدمه .

أما بالنسبه لمناطق الكويت فهي قريبه جدا من بعض حوالي 5 دقايق بين مدينة الكويت و الفروانيه اما باقي المناطق فهي أقرب .

تحياتي

هذه صورة لفندق سفير انترناشيونال والصورة تبين اطلالتة الجميلة على البحر


انا ارشح فندق كورت يارد ماريوت داخل العاصمة
او فندق هوليدي أن السالمية

وطيرران الجزيرة رائعة والسعر لايصل حتى الي 700 درهم

طيران الجزيرة سعر مناسب جدا ومشجع للتوفير

اتمنى لك التوفيق في سفرتك
واجازه سعيده وممتعه

والله انكم ما اتقصرون.........
بالفعل الواحد ما يحتار يوم يدخل هالمنتدى .... لكل سؤال إجابة....والله يعطيكم العافية ... والله إني ما أعرف كيف أشكركم ....وجزاكم الله ألف خير
أخي كويتي 2
بس طيران الجزيرة سعر التذكرة 1400 درهم ... على إجازة العيد الوطني
أنا بحجز عالطيران الكويتي ان شاء الله لأنهم مسوين عرض حلو سعر التذاكر مع الفندق مع وجبة الافطار لمدة 3 ليالي على 2300 درهم طبعا الفندق 5 نجوم المسافر يختار الفندق اللي هم مرشحينه ... وأنا بحجز انشاء الله في الهوليدي ان...
ومرة ثانية أكرر شكري الجزيل للأعضاء اللي ما قصرو معي ....

السلام عليكم
حياج الله اختي ام شيخه بالكويت اذا تسالين عن محل نوران فهو محل حق الشيلات و الاكسسوارات

fly with me
مشكوووووووووووووووووور اخويه
ممكن أفرع هالمحل؟؟
يعني موجود في سوق شرق؟؟

موجود في سوق السالمية و سوق شرق...و اعتقد بالنقرة...
-
و العفو اختي سيدة درجة اولى...على فكرة ضاري مو ضاحي

المشاركة الأصلية كتبت بواسطة أم شيخه


fly with me
مشكوووووووووووووووووور اخويه
ممكن أفرع هالمحل؟؟
يعني موجود في سوق شرق؟؟



افرع نوران كتاليك

سوق شرق
مجمع البستان
سوق السالمية
العثمان
مجمع النقره

ألف ألف ألف شكر لجميع الأعضاء اللي ساعدوني

ما قصروا الاخوان

حياج الله اختي الكريمة ام شيخة تنور الكويت بوجودكم

الكويت تستحق الزيارة فيها اماكن حلوة كثير وانا دايم اسكن في شقق مفروشة للعئائلات بالمرة حلوة ورخيصة مطله علي البحر في منظر خلاب وموقها بالقرب من مجمع مارينا في الخلف في السالمية اسمها مارينا رويال ورقم تلفونهم
5752582 طبعا لازم تزيد مفتاح الكويت اذا كنت تتصل من خارج الكويت 00965
ولا تنسونا من دعائكم

المشاركة الأصلية كتبت بواسطة جازي


الكويت تستحق الزيارة فيها اماكن حلوة كثير وانا دايم اسكن في شقق مفروشة للعئائلات بالمرة حلوة ورخيصة مطله علي البحر في منظر خلاب وموقها بالقرب من مجمع مارينا في الخلف في السالمية اسمها مارينا رويال ورقم تلفونهم
5752582 طبعا لازم تزيد مفتاح الكويت اذا كنت تتصل من خارج الكويت 00965
ولا تنسونا من دعائكم



شهادة اخرى للمارينا رويال...بعد ما قال احد الاعضاء عنها انها لا تستحق السكن فيها...
شكرا جازي على الرد...
و الله لا يحرمنا من ردودك...

توكلي علي الله اختي ام شيخة وجربي الهوليدي آن في السالمية وايد حلو ومناسب وان شاء الله يعجبج وبالنسبة للملابس النسائية الخاصه ايضا حبيت اوضح لك عن اسمائهم محل اسمه الطـاهر في سوق شرق شارع الخليج العربي ومحل ايضاً اسمه انـور الي جانب العديد من المحلات في مجمع المهلب الواقع في منطقة حولي والشباب ماقصروا في التفاصيل واتمنى لج سفره حلوة ومميزة في ظل الاهل والحبايب .

والله اني ما أعرف كيف أشكركم............
انشاء الله أردلكم الجميل يوم بتزورونا في دولتنا الحبيبة الإمارات ............
والله ايخلي الكويت لأهلها

بس بخبركم شي ... ربيعتي قالتلتلي ليش ما اتأجلين سفرتج وتسيرين في فبراير ... (( هلا فبراير))
شو رايكم .. أأجل؟؟ ولا أنتظر هلا فبراير؟؟

فبراير من اروع الاشهر في الكويت وتكثر فيه المهرجانات والفعاليات


رأي موفق اختى الكريمة ام شيخة

nice-man
بأجل سفرتي انشاء الله إلى فبراير ... لأننا بنكون مجموعة كبيرة.... ومثل ما اتفضلت بتكثر الفعاليات والمهرجانات.. بس الأسعار اتقل؟؟ مثل الفنادق والمحلات التجارية؟؟ ولا اتكون أسعار الفنادق أغلى؟؟

الأخت ام شيخة اذا كنتي تحبين الهدوء افضل وقت لزيارة الكويت الآن واذا انتي تحبين الزحمة خليها في فبراير

أخي رحال مشكور يالغالي عالرد
أنا طبيعتي أحب الحشرة والربشة... ما أحب الهدوء أبداً.... وبعدين المجموعة اللي بتي معانا معاهم أطفال .. يعني أحس المهرجانات اتكون فيها فعاليات أكثر للأطفال...ولا شو رايك؟؟

الفعاليات في هلا فبراير أكيد أفضل لكن مثل ماتفضلوا الإخوان راح تكون زحمه في فبراير لكن إنشاءالله راح تنبسطون أقولها من واقع تجربه لأني من فتره بسيطه كنت من سكان الكويت

رفيع الشان
مشكور اخويه عالمشاركة والرد ....

المشاركة الأصلية كتبت بواسطة أم شيخه


أخي رحال مشكور يالغالي عالرد
أنا طبيعتي أحب الحشرة والربشة... ما أحب الهدوء أبداً.... وبعدين المجموعة اللي بتي معانا معاهم أطفال .. يعني أحس المهرجانات اتكون فيها فعاليات أكثر للأطفال...ولا شو رايك؟؟



خلاص دام انج من محبين الإزدحام...
فبراير...اكيد.
خاصة اذا كان معاج اطفال... و أغلب المجمعات في الكويت فيها أماكن تسلية للأطفال...انشطة+مراكز...الخ
-
تحياتي,,,

المشاركة الأصلية كتبت بواسطة أم شيخه


nice-man
بأجل سفرتي انشاء الله إلى فبراير ... لأننا بنكون مجموعة كبيرة.... ومثل ما اتفضلت بتكثر الفعاليات والمهرجانات.. بس الأسعار اتقل؟؟ مثل الفنادق والمحلات التجارية؟؟ ولا اتكون أسعار الفنادق أغلى؟؟




حياج الله اختي ام شيخة في اي وقت تشرفينا وتنورينا وبخصوص الاسعار فمن المعروف انه خلال المهرجانات تكون هناك خصومات اما بخصوص السكن بصراحة ماعندي فكرة بس العموم ممكن تستفرين عن اسعار الفنادق خلال هذه الفترة

Dhari
nice-man
مشكورين............ الله يخليكم لأهلكم انشاء الله .....

السلام عليكم

بصراحة كان ودي اسال كم سؤال عن الكويت

بس ما شاء الله انتي سالتي والاعضاء ما قصروا
انا ساير الكويت اليوم وابا اعرف الجو هناك برد والا عادي
وافكر اسكن في شقه وحسب ما سمعت الاخوان يفضلون شقق رويال المارينا

والسموحة

الجو اليوم حلو وبارد شوي وبالنسبة لشقق المارينا في موضوع عنها تحت عنوان

إفتتاح شقق مارينا رويال الفندقية

ادخل الموضوع وراح تلقى الاجابة 0

اخواني بالنسبة للزحمة
ما أعتقد في زحمة (( ترفع الضغط )) مثل زحمة دبي........... يعني متعودين

:108: :109: :110: :106: :110: :105: :101: :109: :112: :108:
:105: :106: :101: إذا متعوده على الزحمة اختي:112: :110: :112:
:110: :109: :112: :101: :105: :108: :106: :112: :105: :101:

[glow=000000]أم شيخه[/glow]
عيّل حياج الله بهلا فبراير

اونس ايام المهرجان وفعاليات المهرجان وناسه

راح يستانسون اليهال :11ight:

F9y
هيه والله اخويه متعودين على زحمة دبي
انشاء الله الزيارة بتكون في فبراير...
بس المهرجان عندكم يبتدي من أول شهر فبراير.. ؟؟ ولمدة شهر أو أقل؟؟

المشاركة الأصلية كتبت بواسطة أم شيخه


تسلم والله انك ما قصرت.......
صدقك اخويه الحجز من دبي إلى الكويت أغلى ......... اتصدق توني متصلة طيران الإمارات سعر التذكرة من دبي إلى الكويت 2060 درهم ... والله حرام عليهم......... واتصلت طيران الجزيرة اللي في الإمارات .. سعر التذكرة على 1400 درهم... والآن جاري البحث على طيران العربية...
وفي فنادق أريد أتأكد منهم إذازينين وموقعهم قريب من الأسواق ولا لا... مثل
كونتيننتال على 387 درهم ..... شو بالنسبة للموقع؟؟
oasis على 414 درهم ....هل بالفعل يقع في وسط المدينة بقرب من المراكز والمطاعم؟؟
ريتز السالمية شو رايكم فيه على 414 درهم ؟؟



انصحج اختي ام شيخه في ريتز السالميه لانه جديد ومقابل سوق السالميه مجمع كبير كل شي فيه والله يحيحج في الكويت
:surf

na9erq8
مشكور يا أخي على الاقتراح ....
بس ما قلتولي مهرجان هلا فبراير من تاريخ كم يبتدي ومتى ينتهي؟؟ هل شهر فبراير بطوله عندكم مهرجان؟؟

المشاركة الأصلية كتبت بواسطة أم شيخه


na9erq8
مشكور يا أخي على الاقتراح ....
بس ما قلتولي مهرجان هلا فبراير من تاريخ كم يبتدي ومتى ينتهي؟؟ هل شهر فبراير بطوله عندكم مهرجان؟؟



والله انا خبري فيه...انه يبتدي من 25-1 اعتقد او 20
او بهالحدود...ياليت لو واحد يقولنا متى

اخوي Dhari
يعني بيبتدي قبل شهر فبراير؟؟!!!!

السنه هذه راح يبتدي في بداية شهر مارس

شكرا أخي رحال عالمعلومة...ياريت اتفيدونا بأي تاريخ عشان نحجز

كل المراكز اللي ذكرتوها والأماكن السياحية .. أمس حطوها في برنامج ( قصة مكان) على قناة الإمارات كانت الحلقة عن دولة الكويت قديما وحديثا كيف أصبحت ... عن جد استانست وااااااااااااااااايد يوم شفت الحلقة

السلام عليكم

حبيت اسال اهل الكويت
اهم شيء الاسواق تسكر بعيد الاضحى؟؟؟؟؟؟
و وين الاقي ملابس حجابات؟؟؟ مو الاشاربات لا الملابس نفسها والاشكال الغريبه اللي اشوفها على الكويتيات بالسفر

وبعد اسال وين الاماكن اللي الاقي فيها فساتين سهره حلوه وسعرها معقول؟؟؟؟

واخر شيء ملابس داخلية فيها حركات وغريبه ؟؟؟ تكفون بجي الكويت بعد يومين وما اعرف وين اروح

المشاركة الأصلية كتبت بواسطة i7saaas


السلام عليكم
حبيت اسال اهل الكويت
اهم شيء الاسواق تسكر بعيد الاضحى؟؟؟؟؟؟
و وين الاقي ملابس حجابات؟؟؟ مو الاشاربات لا الملابس نفسها والاشكال الغريبه اللي اشوفها على الكويتيات بالسفر
وبعد اسال وين الاماكن اللي الاقي فيها فساتين سهره حلوه وسعرها معقول؟؟؟؟
واخر شيء ملابس داخلية فيها حركات وغريبه ؟؟؟ تكفون بجي الكويت بعد يومين وما اعرف وين اروح



بالنسبه للمحلات يمكنالشركات تسكر اول يوم العيد وبعدين تفتح اقصد المحلات الكبيرة وبالنسبه للملابس انصحج بالعربيد مول بالفروانيه متخصص بالدراريع وملايس المحجبات بس اللي يلبسونه الكويتيات مو شرط شارينه من الكويت اكيد من برة وبالنسبه للملابس ال
احليه اعتقد محل الطاهر هو المشهور بالكويت على خبري

عاد وين تروحين انصحج وخصوصا الجو بارد بالمجمعات مثلا السالميه المارينا مول والشارع اللي فيه كله مجمعات

الفحيحيل وهو سوق حلو خصوصا للمحجبات مثلا كويت ماجيك سوق واللعاب ومطاعم ومجمع الكوت حلو وراقي والله يحييج بالكويت