الموضوع: الى كل كويتي او سعودي راح للكويت او اي واحد عنده خبرة

بسم الله الرحمن الرحيم

قررت اني اعمل مفاجأة لزوجتي واوديها للكويت

طبعاً انا واعدها اني اوديها للشرقية بعد ماجابت لي نورة الله يحفظها ويخليها لنا ، طبعاً بدون نورة - من الحين بدينا نجدع البنية

عندي كم استفسار ودي تفيدوني فيه يالربع وبدعي لكم وانا مسافر ان الله يحقق لكم كل امانيكم .

1- وين نصرف عملتنا ؟ من السعودية ولا من الكويت افضل ؟

2 - افضل منطقة لللسكن ؟ وكم اسعار الشقق والفنادق بشكل تقريبي - تراي طفران

3 - افضل مناطق نزورها ؟ او افضل جدول لمدة 7 - 10 ايام ؟

4 كيف الأجواء الان ؟

*****************
قوانين المنتدى تمنع التطرق الى
دور السينما والمسرحيات وخلافها
الادارة
******************

6- لو ابغى اسوي مكياج لزوجتي عند الاء دشتي كم يكلفني ؟ وكيف الطريقة ؟ وهل هي جيدة في كل شي ولا بس المكياج ؟ لأن زوجتي تعشق هالمرأة وبخليها من ظمن البرنامج

ادري غثيتكم بس شسوي اول مرة اروح البيت وانا رب اسرة

انتظر ردودكم ياحلوين

مواضيع عشوائيه ممكن تكون تعجبك اخترناها لك:

• استفسار عن موقع تشليح امغره
• فزعتكم،،احتاج رأيكم بالبرنامج بأسرع وقت
• اسأل عن اسعار الفنادق والشقق الفندقيه بأيام العيد في المباركية
• من فيكم في البحرين بيرجع الكويت هاليومين ؟
• خدمه ٍ يااهل الكويت
• بكم سعر البنزين في الكويت
• انصحوني بمطعم حلو ويصلح لمناسبة حلوة
• تهنئة للشعب الكويتي
• فزعتكم لاعدمناكم ياأهل الكويت
• مطعم صني سايد أب في الكويت
• للخبرااء في الكويت ارجو الإفااده
• الطريق للكويت الحبيبة
• مستشفى الرازي
• أيهم أفضل ساعدوني
• مساعدة عن مكاتب العقارات لو سمحتوا
• استفسار وتحديث معلومات
• استفسار عن موقع معرض الكتاب بالكويت
• اين اجد اسواق بيع المنتجات المصنعة داخل الكويت
• فزعتكم يا هل الكويت لام جمال
• ماهيا المعارض والمهرجانات التي تقام في شهر فبراير

- وين نصرف عملتنا ؟ من السعودية ولا من الكويت افضل ؟

الكويت

2 - افضل منطقة لللسكن ؟ وكم اسعار الشقق والفنادق بشكل تقريبي - تراي طفران

مدينة الكويت او مدينة السالمية و اذا حاب تروح حولي

3 - افضل مناطق نزورها ؟ او افضل جدول لمدة 7 - 10 ايام ؟
فحيحيل - السالمية - مدينة الكويت - الدوحة - الفروانية - الري - الشعب البحري

4 كيف الأجواء الان ؟

حارة نسبيا الى معتدلة نهارا و معتدل الى باردة نسبيا ليلا

جو يجنن
تبي جدول و مع احلى الأمكان ان شاء الله لعيون نورة بنتك الجديدة



الأماكن بدون المطاعم لأني ما اعرف مطاعم وينها بالضبط الا ماكدونالدز و هارديز و افراح الخليج و فتوش لول


محافظة العاصمة



ابراج الكويت ( مدينة الكويت - فرع دسمان )

مجمع سوق شرق ( مدينة الكويت - فرع شرق )

مجمع الصالحية ( مدينة الكويت - فرع الصالحية )

مجمع الراية ( مدينة الكويت - برج الراية )

سوق المباركية ( مدينة الكويت - المباركية ) شعبي

مدينة الترفيهية ( الدوحة - ميناء الدوحة - قرب من محافظة الجهراء )

الجزيرة الخضراء ( مدينة الكويت - شارع الخليج العربي )

منتزه بوم البحارة ( مدينة الكويت - مقابل مجلس الامه )

مجمع ديسكفري ( للأطفال ) مدينة الكويت ( وسطها )




محافظة حولي


مجمع المارينا مول ( السالمية شارع الخليج العربي )

مجمع المهلب ( حولي - شارع تونس )

مجمع البحر سنتر ( حولي )

سوق السالمية ( السالمية - الدائري الخامس - عند دوار الجوازات حولي )

شارع المطاعم ( السالمية )

منتزه الشعب ( حولي - منطقة الشعب البحري - شارع الخليج العربي )

ارض المعارض ( منطقة مشرف _ الدائري السادس )

حولي بارك ( حولي )

مجمع 360 ( الزهراء- الدائري السادس )

المركز العلمي ( بداية شارع الخليج العربي ( السالمية ) على البحر )



محافظة الفروانية

مطار الكويت الدولي

مجمع الافنيوز ( الري - الدائري الخامس )

مجمع المغاتير ( الفروانية ) عادي

مجمع الحمراء مول ( الفروانية ) عادي

مجمع العربيد ( الفروانية ) عادي

حديقة الحيوان ( العمرية الدائري الخامس )



محافظة الاحمدي

مجمع الكوت ( مدينة فحيحيل - على البحر )

مجمع المنشر ( مقابل مجمع الكوت )

مجمع اجيال ( وسط مدينة فحيحيل )

منتزه مرح لاند ( الاحمدي _ الصباحية _ خط الملك فهد )

مجمع كويت ماجيك ( مدينة فحيحيل ( ابو حليفة ) على الشارع )




محافظة الجهراء

متحف القصر الاحمر ( مدينة الجهراء - القصر )

مجمع الخيمة مول ( مدينة الجهراء )

مجمع سليل الجهراء ( مدينة الجهراء - الدائري السادس )

مجمع المنار مول ( مدينة الجهراء - مقابل منطقة الواحة )

قرية 99 ( مدينة الجهراء - سليل الجهراء )

مجمع اوتاد مول ( الجهراء )


محافظة مبارك الكبير

اسواق القرين ( القرين - خط الملك فهد ( الاحمدي ) )

مجمع البيرق ( العقيلة - مبارك الكبير )

قرية المسيلة المائية ( المسيلة )

متحف القرين ( القرين )






الجدول


اليوم الاول

الفطور في ابراج الكويت + الغداء 2- الذهاب الى سوق شرق 3- الذهاب الى سوق المباركية + العشاء في احد مطاعمه الشعبية


اليوم الثاني

الفطور في مطعم ميس الغانم 2- الذهاب الى المركز العلمي + الغدائ فيه 3- الذهاب الى سوق السالمية + العشاء فيه

اليوم الثالث

الذهاب الى مجمع الافنيوز + الفطور فيه + الغداء فيه 2- الذهاب الى حديقة الحيوان 3- الذهاب الى سوق الجمعة الشعبي

اليوم الرابع

مدينة فحيحيل 1- الذهاب الى مجمع الكوت + الفطور فيه 2- الذهاب الى مجمع المنشر قريب منه + الغداء فيه 3- الذهاب الى مجمع اجيال 4- الذهاب الى مجمع كويت ماجيك + العشاء فيه

اليوم الخامس

الذهاب الى مجمع المارينا مول + الفطور فيه + الغداء 2- الذهاب الى مجمع المهلب 3- الذهاب الى مجمع البحر سنتر + العشاء فيه

اليوم السادس

الذهاب الى مدينة الترفيهية + الفطور + الغداء 2- الذهاب الى مطعم فريج صوليح للعشاء

اليوم السابع

الذهاب الى ابراج الكويت مرة ثانية + الفطور 2- الذهاب الى مطعم بحري قريب من الابرج + الغداء فيه 3- الذهاب الى مجمع الراية

اليوم الثامن

الذهاب الى مجمع 360 + الفطور فيه + الغداء فيه 2- الذهاب الى سوق شرق مرة ثانية 3- الاستعداد للذهاب الى ارض الوطن






الجدول الثاني



اليوم الاول

الذهاب الى مجمع المارينا مول + الفطر 2- الذهاب الى مطعم فريج صويلح للغداء 3- الذهاب الى منتزه الشعب + العشاء فيه


اليوم الثاني

الذهاب الى الفروانية مجمع المغاتير + الفطور فيه و مجمع الحمراء مول + الغداء فيه و الذهاب الى مطعم القيصر للعشاء


اليوم الثالث

الذهاب الى الجهراء

مجمع المنار مول + الفطور فيه و مجمع خيمة مول + الغداء فيه 3- الذهاب الى مجمع سليل الجهراء الفخم + العشاء بإحدى مطاعمه الفاخرة

اليوم الرابع

الذهاب الى حديقة الحيوان 2- الذهاب الى الافنيوز + الغداء فيه الذهاب الى مطعم برجا الحمام و العشاء فيه


اليوم الخامس

الذهاب الى اسواق القرين + الفطور فيها + الغداء فيها 2- الذهاب الى متحف القرين 3- الذهاب الى مطعم الصنوبر للعشاء

اليوم السادس

الذهاب الى مجمع المهلب + الفطور فيه 2- الذهاب الى حولي بارك + الغداء فيها 3- الذهاب الى مجمع البحر سنتر + العشاء فيه

اليوم السابع

الذهاب الى مجمع سوق شرق + الفطور فيه + الغداء فيه 2- الذهاب الى سوق المباركية 3- الذهاب الى مطعم ميس الغانم للعشاء

اليوم الثامن

الذهاب الى ابراج الكويت + الفطور + الغداء 2- الذهاب الى مجمع 360 3- الاستعداد للذهاب الى ارض الوطن










شرايك بالجودلين

تراني تعبت يا رب تقدرني


باي

اخوكم : : : ولد خمس نجوم

افا وليه مانقدرك؟؟!!


حتى لو كان ماسويت اي جهد يكفي ردك اللي نور موضوعي

تسلم لي يالغالي وتسلم يدك على هيك جهد


وان كانك من الكويت فمو غريبة عليكم يا اهل الكويت دايم الدوم سباقين للخير


شكرا جدا جدا جدا على جهدك

وبإذن الله ادعي لك اذا سافرت واوريك النتايج اذا رجعت

تمنياتي لكم برحله موفقه ان شاء الله

اسكن في فندق المرينا بجانبع مجمع المارينا

او اسكن في موفنبيك البدع
او سكن في شقق فندقيه في شارع المطاعم



اذا حاب زياره مجمعات اول شي زوور مجمع الافنيوز ويقع على دائري الخامس السريع

وعقبها المارينا و سوق شرق والفنار

بنسبه لاء دشتي في احسن منها اسمها ليلى هارمني موجوده في منطقه شعب البحري


زوروو مدينه الترفيهيه بهل وقت وايد حلوه علشان الجو حلوو صار بلييل

روح مركز العلمي الاكواريوم احواض سمك كبيره

وموفق

اخي العزيز حياك الله بديرتك الكويت وانتم اهل الدار واحنا الضيوف واما بالنسبه لموضوعك فأخواني ما قصرو معاك وخاصتا (ولد خمس نجوم )

وبالتوفيق

حيااكم الله

والله يخليلكم نورة ( سميتي ) ويحفظها لكم

الاخوان ماشاء الله ماقصروا

بس حابه اقولك لا تنسى تمر على المواضيع المثبتة والتقارير اللي في البوابة

وتفضل هذا الرابط جداا مفيد

http://www.arabtravelersforum.com/travel226092/

تحياتي لكم .......

1- الكويت ..

2- السالميه كل شي يمكم .. بس الله يعينكم عالزحمه بهالمنطقه ..

ومانصحك بحولي واااااااااااااي زحمه زحمه وكله وافدين ..

الاسعار ماعندي فكره اخذ جوله بالمواضيع تكفي وتوفي ..

3- اشوف 10 ايام وايد ههههه وحتى الاسبوع وايد راح تملون دول الخليج حلاتها بالكثير 5 ايام بس

عموما اخوي ولد خمس نجوم عطاك الاماكن كفى ووفى الله يجزيه خير ..

3- اذا بتييون بالعيد اعتقد الجو بيكون حلو .. وبروده شوي بالليل بيصير

بس حاليا هالايام غبار ومرات جو رطب ..

وعموما نفس اجواء دول الخليج متقاربه ..

4- شكله انت سائل عن عروض السينما .. اذا هذا كان السؤال

تقدر تفتح موقع السينما الكويتيه سنسكيب وتتابع منه وتعرف الافلام اللي تنزل اول بأول وانت ببلدك .. بالاضافه وين تنزل والحجز والمبلغ كله من الموقع ..

5- واذا كنت سائل عن المسرحيات ..