الموضوع: لوس انجلوس ولا ارفاينهاوايلاس فيجاسسان فرانسيسكو

مساكم الله بالخير
انا ان شاء مسافر على لوس انجلوس بعد عشر ايام وجالس لمدة شهر كامل وحطيت خطة مبدئية حاب اخذ رأيكم فيها ووش تشوروني بة.
1/ الاقامة 10 ايام في منطقة اورانج كاونتي في ارفاين ووش افضل سكن فيها وهل اسكن في لوس انجلوس ولا اكتفي بأرفاين؟
2/السفر لمدة اسبوع الى هونولولو ووش رايكم بأفضل منطقة وأفضل فندق؟وهل استاجر سيارة ولا مايحتاج
3/ السفر من هونولولو الى سان فرانسيسكو ولاقامة لمدة 5 ايام ووش رأيكم بأفضل فندق وأفضل منطقة؟ وهل المدة كثيرة ولا كفاية؟
4/السفر من سان فرانسيسكو الى لاس فيجاس والاقامة بها لمدة 4 ايام.؟
5/ العودة مرة ثانية الى ارفاين الى موعد السفرة؟
اسف على الاطالة:114:
تحياتي بلا حدووود,,,,,

مواضيع عشوائيه ممكن تكون تعجبك اخترناها لك:

• رحلة لمدة يوم للولايات المتحدة الامريكية أرجو المساعدة
• معقوله العرب المسافرون لا يجيب عن الشحن ؟؟
• سعودي ادرس في امريكا واريد الذهاب للسياحة الى فرنسا كيف احصل على الفيزا
• السكن ف اورلاندو ف ديسمبر
• أفضل فنادق خمس نجوم في مدينة لاس فيغاس في الولايات المتحدة الأمريكية
• طريق الذكريات
• حجز معاد المقابلة فى السفارة الامريكية فى القاهرة
• ارجوكم المساعدة والرد ضروري
• سلام شباب الفرق بين
• «القطرية للعطلات» تطرح عروضا خاصة للصيف في الولايات المتحدة
• نيويورك ، واشنطن ،، في فتره رأس السنه ،،
• اللي يعرف ولو معلومة صغيرة عن يضغط هنا
• سؤال عاجل عن تعبئة البيانات
• الاخبار عن جودة الفندق
• موعودي بالسفاراه بعد ساعات ياااليت الفززززززززززعه
• هل يمكن العمل بفيزا
• اين يقع بليز
• محتار و طالب مساعدتكم في اختيار المدينه
• الى اهالي ماديسون ولاية وسكونسن
• بعض الاستفسارات قبل السفر عاجل

المشاركة الأصلية كتبت بواسطة بلسم الـروح
http://www.arabtravelersforum.com/tr...7/#post3101142

مساكم الله بالخير
انا انشاء مسافر على لوس انجلوس بعد عشر ايام وجالس لمدة شهر كامل وحطيت خطة مبدئية حاب اخذ رأيكم فيها ووش تشوروني بة.
1/ الاقامة 10 ايام في منطقة اورانج كاونتي في ارفاين ووش افضل سكن فيها وهل اسكن في لوس انجلوس ولا اكتفي بأرفاين؟
2/السفر لمدة اسبوع الى هونولولو ووش رايكم بأفضل منطقة وأفضل فندق؟وهل استاجر سيارة ولا مايحتاج
3/ السفر من هونولولو الى سان فرانسيسكو ولاقامة لمدة 5 ايام ووش رأيكم بأفضل فندق وأفضل منطقة؟ وهل المدة كثيرة ولا كفاية؟
4/السفر من سان فرانسيسكو الى لاس فيجاس والاقامة بها لمدة 4 ايام.؟
5/ العودة مرة ثانية الى ارفاين الى موعد السفرة؟
اسف على الاطالة:114:
تحياتي بلا حدووود,,,,,




مساك الله بالنوووور ..






1/ الاقامة 10 ايام في منطقة اورانج كاونتي في ارفاين ووش افضل سكن فيها وهل اسكن في لوس انجلوس ولا اكتفي بأرفاين؟



بالنسبة للوس انجلوس طبعا تحتاج سياره وبالنسبة للسكن انت وراحتك تقدر تسكن في ارفاين و بنفس الوقت تروح لوس انجلوس وتتمشى وفي الاخير ترجع تنام لو ما تحب تتنقل ولو تحب تخليها خمس ايام خمس ايام كنوع من التغيير. لان لو تبي تروح سكس فلاجس يونفيرسال ستديووو و وهوليووود و بريفلي هيلزز و سانتا مونيكا وبعض المجمعات التجارية كلها قريبه من المنطقه الشماليه علشان ما يضيع الوقت في الطريق ومرات تكون في لوس انجلوس الطرق زحمه.

و ارفاين حلوه ورايقة بنفس الوقت وجنبك البحر و بعض المجمعات التجارية.







2/السفر لمدة اسبوع الى هونولولو ووش رايكم بأفضل منطقة وأفضل فندق؟وهل استاجر سيارة ولا مايحتاج



في شاطيء مشهور في هونولولو اسمه waikiki beach هو المنطقه الاكثر سياحه .. فيه فنادق كثيره ومنتجعات ومن اهمها هيلتون فيليج واحد من الشباب مدحه له وفي وحده من الاعضاء الظاهر نجد كاتبه عنه في منتدى التقارير ميزته انه قريب من البحر وفيه تحته مجمع. بالنسبة للسياره انا انصحك مثلا تستاجر السياره يوم على اقل شي .. لان في اماكن بعيده عن منطقه السكن و تخليها جوله حلو الجزيرة في اماكن تاجير سيارات قريبه من نفس منطقه waikiki beach بس افضل شيء احجز من بدري علشان تلاقي سياره وبسعر افضل. و الحجز ما يتطلب انك تدفع لو حجزت من نفس الشركه وتقدر تغليه في اي وقت.






3/ السفر من هونولولو الى سان فرانسيسكو ولاقامة لمدة 5 ايام ووش رأيكم بأفضل فندق وأفضل منطقة؟ وهل المدة كثيرة ولا كفاية؟



خمس ايام احس انها كثيره شوي على سان فرانسيكيووو الا اذا بيكون معك سياره في بعض الايام و تروح تتمشى في مناطق طبيعيه او مدن جنب سان فرانسيكيوو يكون زي رحله يوم كامل. عندي اليوسيمتي ناشونال بارك انا شخصيا محتار اروح له او لا اخوياي مدحوه ولكن لمن تروح هاواي والطبيعه فيها اتوقع بتكون احلى انا شخصيا للحين ما زرت هاواي ولا يوسميتي ولكن في نيه ان شاء الله.







4/السفر من سان فرانسيسكو الى لاس فيجاس والاقامة بها لمدة 4 ايام.؟



4 ايام في لاس فيجاس حلوه المدينه فيها مجمعات تجاريه وعروض و وسيعه صدر بس الجو الله يعينك عليه بس السفر من سان فرانسيكيو الى لاس فيجاس بالطياره ولا السيارة.






5/ العودة مرة ثانية الى ارفاين الى موعد السفرة؟



حلوو و تقدر تروح سان ديقوو يوم كامل وترجع بنفس اليوم تغير جوو الديره حليوه خصوصا لاهويا و الداون تاون رايق بالليل فيه مطاعم وسينما و الشواطيء كويسه بس مهوب الافضل.

الله يوفقك برحلتك ..

الف شكر اخوي
بالنسبة لاسفسارك بخصوص السفر من سان فرانسيسكو الى لاس فيقاس راح يكون ان شاء الله بالسيارة ان الله يسرها

انا الان في سان فرانسيسكو ساكنه في فندق ريتز كارلتون في هاف مون بي رررررررروعه بس برد مره درجه الحراره 14 والفندق خيالي بس يبعد مسافه عن سان فرانسيسكو لانه ريزورت على البحر

اخوي بلسم الطريق من سان فرانسييكوو الى لاس فيجاس تقريبا ٩ ساعات .. يعتمد على الزحمه



الطريق تقريبا تقدر تقول توصل الى لوس انجلوس الا شوي .. انا اقول لو تخلي ليله تنام فيها بالطريق مثلا في سانتا باربرا .. و تمشي من الطريق الموازي للمحيط منها تتمشى بالطريق و تستمتع فيه و تشوف سانتا باربرا و تكمل اليوم الي بعده الى لاس فيجاس.

أنت عزوبي وإلا معك عائله

ولاتنسى تحط في خطتك سان دييقو قريبه من لوس أنجلوس بالقطار ساعتين تقريبا

والقطار يربط بين هالمدينة وسعره 35 دولار وسان دييقو مدينه رائعه جدا ولاتفوتك

شواطئها وحديقة الحيوان زو أكبر حديقه بالعالم والمدينه المائيه سي ورولد

والأسواق مثل فاشن فالي وميشن فالي وهورتن بلازا وتقدر تجي بالقطار وتتنقل بالترولي والباصات

الله يعطيكم العافية جميعا
طبعا انا رايح مع العائلة
بس محد جاوبني يااخوان الهونلولو تحتاج سيارة ولا لا
وبالنسبة لسان فرانسيسكو ماحد حمسني لها وشكلي ابلغيها من البلان

^^^^^^^^^^^^^^^^^^^^^^

تبي نصيحتي إذا بتكنسل سان فرانسيسكو حول على سان دييقو واللي هي ثاني أكبر مدينه بكاليفورنيا بعد لوس أنجلوس وتعتبر سابع أكبر مدينه بأمريكا وهذي معلومات عنها

http://ar.wikipedia.org/wiki/%D8%B3%...86%D9%8A%D8%A7


وفيها أكبر وأفضل حديقة حيوانات بالعالم واللي هي سان دييقو زو وتفتح 9 الصباح وتقفل 9 المساء وإحتمال إنك ماتقدر تخلصها بيوم واحد وهذا موقعها على الإنترنت http://www.sandiegozoo.org/

وفيها الحديقه المائيه سي ورولد

وأتمنى لك رحله سعيده