الموضوع: استفسارات جديدة و لا هانوا بقية الخبراء

مبدئيا بنكون في سويسرا من 15 اوغست الى 25 اوغست....ذهاب وعودة من جنيف

الاخ علي اقترح المخطط التالي:

جنيف - انترلاكن - مونترو

ابغى اعرف المسافة بين الاماكن الثلاث ...وهل يمكن التنقل بينهم بواسطة القطار...لان مامعنا سيارة....و افضل اماكن السكن في كل محطة .... مشكورين مقدما

مواضيع عشوائيه ممكن تكون تعجبك اخترناها لك:

• رايكم بالجدول يهمني والفنادق
• فزعتكم لـ خطة سفر بين سويسرا النمسا المانيا لـ يوم
• اخوكم طالب المساعده
• لوزيرن أو هايدي لاند
• ابحث عن الافضل وانتم خير من يجيب
• انترلاكن و زيلامسي ساعدوني ضروري
• مساعدة في تخطيط رحلتي لندن باريس جنيف أو
• سويسرا القريبهـ البعيدهـ شوية اسئلهـ
• المساعدة في السكن بانترلاكن وماهو الغالي بسويسرا
• مساعدتكم سويسرا والنمسـا خط رحلة السير
• استفسار بخصوص الفيزا
• لو سمحتو رشحوا لي فندق في انترلاكن
• استفسار بخصوص فنادق جنيف الجانب السويسري
• ذوي الخبره فقط عطون من وقتكم دقائق معدودة
• ابي منكم مساعده لو سمحتو
• استفسار بخصوص الميزانيه
• وين اسكن في الريف الفرنسي؟
• الطريق من انترلاكن وديفون ؟
• أبي رايكم في رحلتي الأولى الى أروبا
• استفسارات حول مدينة آنسي

هلا فيكم

هذا موقع القطار السويسري

http://fahrplan.sbb.ch/bin/query.exe/en

تتدخلين كملة جنيف الى انترلاكن بالتاريخ الي تبون تتطلعون منه من جنيف .. وهكذا الباقي ..

الفنادق كثيره جدا ويعتمد على ميزانيتكم والفئه المراده 5 او 4 نجوم

وهنا انواع البطاقات المقترحه والمامنسبه لرحلتكم اقراي الموضوع

http://www.arabtravelersforum.com/travel62167/

تحياتي

الثلاث مدن قراب من بعض جدا جدا جدا ..

من جنيف الى لوسان بالقطار يمكن ثلث ساعة ..

ومن لوسان الى مونترو ربع ساعة ...

ليش ماتمغطون ريلكم شوي وتروحون مثلا انترلاكن طبيعتها غير عن جنيف ومنترو ولوسان حيث ان 3 مدن تطل على بحيرة ليمان او بحيرة جنيف ... عندكم 10 ايام كافيه جدا انكم تدورون فيها ...

اما القطارات فهي ميسره وموجوده وسهله جدا جدا جدا وانا من الناس الي اعتمادي 100 بالميه على المواصلات العامه من قطارات وباصات وفي سويسرا الحياه سهالات مع السويس باس ... وهي تذاكر قطار للسياح تمكنك من ركوب القطار كثر ماتبين ومكان ماتبين ومب بس القطار ... حتى الباصات و العبارات الي في البحيرات انصحج فيها ...

سوري سوري ...

توني انتبه انكم مب رايحين لوسان بتروحون انترلاكن ...

اقتراحي للفنادق ...

جنيف .. يمدحون وارويك وانا سكنت في كورنافين كان وايد زين
انترلاكن .. متروبول
مونترو .. ماعرف

مشكور خبيرنا علي....و الاخت احلى من العقد....
قررت اني احجز فندق برستول في جنيف....وش رايكم فيه؟؟؟
و و فندق فيرمونت في مونترو .... هل تنصحوني احجز فيهم؟

في انترلاكن....لسه محتارة.....فكتوريا مرة غالي صراحة الليلة 3000 الاف ريال! شرايكم بفندق انترلاكن ؟ او رويال اس اتي جورج؟

صح كلامج فكتوريا وايد غالي ...

رويال سانت جورج مره شفته في النت و شفت مميزاته بصراحه عجبني وايد وكنت مفكره اسكن فيه ... اما فندق انترلاكن اعتقد وايد ناس بعد يمدحونه ... بس ماسكنتهم اثنينهم شوفي انتي وقرري

الفندقين جيدين

انتي بالخيار بينهم

طيب ممكن تنصحوني بخطة الرحلة....عشان اعرف اي فندق احجز قبل الثاني....؟؟
حنا بنوصل جنيف بإذن الله يوم الاربعاء 15 اوغست الصباح.....و ناوية نظل ليلة فيها.....هل الافضل ننتقل بعدها على ا نترلاكن او منترو؟
حسب الي قراته ان مونترو اقرب الى جنيف (ساعة فقط)

اذا تبين اتريحين ليله بجنيف .. اختاري بعدها انترلاكن ثم مونترو ثم المطار

يعني مايحتاج نرجع اخر ليلة الى جنيف و بعدها المطار؟

علما ان رحلتنا المغادرة بتكون الظهر... مشكور خبيرنا علي...تعبتك بالاسئلة...

لا ساعه فقط من منترو الى المطار يعني لو تتطلعون من الصباح بيكون جيد

او يكون الوصول الى مطار جنيف ومباشره الى مونترو ثم انترلاكن ثم ليله بجنيف

يعني لهدرجة جنيف ماتسوى نقعد فيها يومين ؟
طيب لو قعدنا ليلتين في جنيف - 5 ليالي انترلاكن - 3 ليالي مونترو و بعدها دايركت للمطار؟

المشاركة الأصلية كتبت بواسطة Miss. Swiss. 2012
http://www.arabtravelersforum.com/tr...3/#post6894843

يعني لهدرجة جنيف ماتسوى نقعد فيها يومين ؟
طيب لو قعدنا ليلتين في جنيف - 5 ليالي انترلاكن - 3 ليالي مونترو و بعدها دايركت للمطار؟



ممتاز المخطط

طيب وايش تكون وسيلة المواصلات من مونترو الى المطار?

من منترو الى محطة القطارات الموجوده بمطار جنيف في رحلات دايركت .. وفي رحله بتبديل واااحد بلوزان

مدة الرحله تقريبا ساعه وربع

اجل يمكن افضل اعكس المخطط....يعني من مطار جنيف الى مونترو ...نظل 3 ايام....وبعدها انترلاكن 5 ايام.....و اخر يومين في جنيف....

اقدر احجز مسبقا الى مونترو؟؟؟....و الا بمحطة القطارات الموجودة بمطار جنيف لما نوصل؟

الاثنين ممكن من نفس المحطه كل شوي في رحله ..

وهذا رابط القطارات علشان تعرفين الرحلات ومواقيتهم

http://www.sbb.ch/en/home.html