الموضوع: الله يحم والديكم افيدوني يامبدوعون

السلام عليكم ورحمة الله وبركاته وبعد :

نحن يا اخوان اول مره نسافر لاندنوسيا وستكون رحلتنا ان شاء الله بالهجري 12 / 8 / 1431هـ ولمدة ( 15 يوم ) بالخطوط القطريه والله يعين يقولون ماهي دايركت

وحاسبين ميزانيه 9000 ريال لثلاث اشخاص شباب والنزول بجاكرتا ، علما اننا بنأخذ معنا عزبة شاي وقهوة وطبخ ومعلبات واما السكن فسنبحث عن شي بسيط غير الفنادق لاننا شباب لذا :
اتمنى منكم التفاعل معي وتبيان كل شي لي من اسعار ومن سكن رخيص ومن مناطق حلوه ترد الروح لاني شفت صور رووووووعه جدا ويقولون بندنوسيا لذا حنا رحنا لاندنوسيا واريد جو خيالي وجو شبابي ووناسه
المناطق والمعالم والتجمعات والاسواق وسعر الصرف ووين نصرف القروش هنا ام وين ؟
وهل اللغة العربية معدومه يعني يفهمون علينا او لا ؟

وهل ممكن الاستغناء عن السياره المستاجره بالتكسي ؟؟
وهل الشاليهات او الغرف الريفية متوفره يعني نروح لهم ونستاجر من دون حجز مسبق ؟

وودي ببرنامج فيه نوع من التفصيل ؟


فهل انتم متساعدون معي او لا ؟؟ ولا اعتقد انكم ستتركونني ؟؟

الله يحرم وجيهكم على النااااااااااااااااار لاتخلوننا

مواضيع عشوائيه ممكن تكون تعجبك اخترناها لك:

• خبراء بالي من يرتب لي جدولي في بالي ؟؟؟انا في حيره
• فزعتكم في الحجز عن طريق موقع
• فزعتكم يا نشاما للعائله
• طلب مساعدة في الجبل
• استفساااار يا خبرااااء اندونيسيا تكفوون وللأهمية
• مساعده في شهر العسل
• خبراء بالي
• الأفضل للحجز إلى بالي ؟؟
• مخطط سفري آراءكم ومقترحاتكم جاكرتا بونتشاك وبالي
• مساعده يا اخوه
• فنادق رحلتي الى هونج كونج كوانزو شنقهاي
• عاجلرحلتيجاكرتا، بونشاك،بوندونج
• أول مرة اروح اندونيسيا فزعتكم يا شباب
• احبتي سوال عن العملـة الاندنوسيه
• الجو في بونشاك
• الرجاء الدخول لخبراء في اندونسيا
• استفسار مصيري للسفر الى اندونيسيا
• مسافر وحداني وابي خوي
• برنامج لمدة يوم ومشورة
• بليييز جاوبوا على استفساراتي أنسب وقت للذهاب لبونشاك ؟

المشاركة الأصلية كتبت بواسطة ابواحمد199
http://www.arabtravelersforum.com/tr...7/#post3932718

السلام عليكم ورحمة الله وبركاته وبعد :

نحن يا اخوان اول مره نسافر لاندنوسيا وستكون رحلتنا ان شاء الله بالهجري 12 / 8 / 1431هـ ولمدة ( 15 يوم ) بالخطوط القطريه والله يعين يقولون ماهي دايركت
وحاسبين ميزانيه 9000 ريال لثلاث اشخاص شباب والنزول بجاكرتا ، علما اننا بنأخذ معنا عزبة شاي وقهوة وطبخ ومعلبات واما السكن فسنبحث عن شي بسيط غير الفنادق لاننا شباب لذا :
اتمنى منكم التفاعل معي وتبيان كل شي لي من اسعار ومن سكن رخيص ومن مناطق حلوه ترد الروح لاني شفت صور رووووووعه جدا ويقولون بندنوسيا لذا حنا رحنا لاندنوسيا واريد جو خيالي وجو شبابي ووناسه
المناطق والمعالم والتجمعات والاسواق وسعر الصرف ووو

فهل انتم متساعدون معي او لا ؟؟ ولا اعتقد انكم ستتركونني ؟؟

الله يحرم وجيهكم على النااااااااااااااااار لاتخلوننا

عزيزي ابو احمد اولاً الله يحييك بين اخوانك وربعك وان شاء الله تروحون وتجون بالسلامه وبحول الله وقوته راح تلاقي اجابات شافيه ووافيه تبرّد على قلبك الطيّب ...
اخوي ميزانتكم لا تكفي سوى عشرة ايام فقط لازم تزودوها شوي خمسه الاف على الاقل بدون تذاكر ... من ناحية السكن في جاكرتا فيه فنادق رخيصه وفنادق غاليه حسب رغبتكم انصحكم بالسكن في جاكرتا في شارع رادان صالح لانو فيه مطاعم عربيه مثل الباشا والجزيره ومطعم اميره ولا تنسى مطعم اميره يوجد فيه مكتب كاها اللي راح يوفر عليك التعب الكثير السكن بالفنادق ارخص منهم من الفندق نفسه من تجربه شخصيه يكفي ان منطقة شارع رادان صالح قريبه من موناس وراح توفر عليك الشئ الكثير وقريبه من سوق الاتريوم اللي فيه مطعم البيزاهت وصراف يصرف حدود 4000000 روبيه في اليوم ومن ناحية الاسواق انصحك بسوق تامان انقريك وسوق منقادوا ولا تنسى في السهر بجاكرتا منطقة سيرينا بليباودو وكوفي شوب على العموم حاولوا ماتتطولوا في جاكرتا لو تبون الفللللله والوناسه ليومين اسكنوا في فندق ميركوري اللي في منطقة انشول الرااااااااااائعه ملاهي دنيا فنتازي ومسابح اتلاتنيس وعالم البحار ومطعم رائع جدا اسمه بندر جاكرتا الفندق كويس وحقه يومين واسعاره مررره كويسه في حدود 250 ريال للغرفه واحسبها انته على غرفتين وفيه شاطئ انشول الرائع وهناك رحلات في الصباح للجزر القريبه من الشاطئ بعد يومين في جاكرتا انصحكم بالذهاب الي الجبل العزبه لا تحتاجون لها الا في الجبل فقط اسكنوا في الجبل في مجمع قولف الرائع او مجمع فلل شكرو وكلها اسعاره لاتتجاوز 250 ريال في اليوم (الاسعار في شهر مارس 2010م ) اتوقع في الصيف تزيد شوي المهم حاولوا تسكنوا في قولف مرررررره رائع هذا المجمع سكنت فيه سبعه ايام احلا سبعه ايام في عمري حبيبي ابو احمد الجبل فيه اماكن كثيره للسياحه مثل حديقة تمان سفاري الرائعه التي يجب الذهاب لها بدري في الصباح وفيها شلالات ايضا وفيه عندك تمان مطهري مكان رائع تجديف في الشلالات ووناسه مررره حلو وعندك البراشوت تجربه لابد منها المكان لوحده حكاااااااااايه وفوق الخيال وعندك شلالات شلمبير حلوه حلوه حلوه وتجنن بعد وعندك ياطويل العمر والسلامه مدينة قريبه منها اسمها بوقور ممطره اكثر وممتعه وبعد خمسه ايام في الجبل روحوا باندونق يومين كفاااايه جربوا تروحوا بالقطار من جاكرتا ثلاث ساعات من محطة اسمها قمبير في جاكرتا ثلاث ساعات كلها طبيعه ومناظر ترد الروح وتسرّ الخاطر روحوا في باندونق لشلالات شياتر ومزراع الفرواله وشارع الجنز في باندونق ضاحية لمبانق جدا رائعه وتستحق السكن فيها يوم على الاقل اندونيسيا كلها رائعه ياابو احمد والصور لا تدل على كل جمالها بعد عودتكم لجاكرتا اذهبوا لبرج موناس وتمان ميني وان شاء الله اكون افدتك بشئ بسيط وان شاء الله الاخوان ماراح يقصروا معاك ورحله سعيده موفقه ان شاء الله في ربوع العمه اخوك عاشق الشلالات ،،،،

عيني عليك بارده ياعاشق الشلالات
رااااائع دائما لانقول بعدك شيئ سوى
الله يحفظكم واتمنى لكم رحله سعيده

المشاركة الأصلية كتبت بواسطة بنتاق
http://www.arabtravelersforum.com/tr...5/#post3933075

عيني عليك بارده ياعاشق الشلالات
رااااائع دائما لانقول بعدك شيئ سوى
الله يحفظكم واتمنى لكم رحله سعيده




كلامك اخوي بنتاق وسام على صدري ... تسلملي حبيبي فديتك ياغالي ... صدقني انا استفدت منك الكثير ومن طرحك الرائع وتقاريرك اللي تسر الخاطر الله يطول بعمرك ويديم المحبه بيني وبينك اخوك الصغير عاشق الشلالات ..،،،،

عــــا شــــق الـــشـــلالا ت ....

يــعـــطــيـــك ألــف عــــا فــيــه ما قـــصــر ت اخـــوي ...

فــعلا لي ألا بـــدااع عــنــوان ويـــد عــــي (عــاشق الــشـــلالا ت ..

لك مني كل الحب والتـــقـــد يـــر ..

المشاركة الأصلية كتبت بواسطة ابو كنان
http://www.arabtravelersforum.com/tr...5/#post3934015

عــــا شــــق الـــشـــلالا ت ....

يــعـــطــيـــك ألــف عــــا فــيــه ما قـــصــر ت اخـــوي ...

فــعلا لي ألا بـــدااع عــنــوان ويـــد عــــي (عــاشق الــشـــلالا ت ..

لك مني كل الحب والتـــقـــد يـــر ..



تسلم حبيبي ابو كنان بيّض الله وجهك هذا من طيب قلبك الله يوفقك ياغالي والله يديم المحبه وكلامك وسام على صدري الله يطوّل بعمرك حبيبي لك مني كل تحيه وتقدير وحب ودمت بود اخوك عاشق الشلالات ،،،،،،،،

اخوي العزيز لابد زياده مبلغ القطه

بيض الله وجهك أخي عاشق الشلالات ماقصرت كفيت ووفيت

وأتمنى لك أخي أبو أحمد رحلة سعيـــــدة وموفقة بأذن الله ...

المشاركة الأصلية كتبت بواسطة أبن السعودية
http://www.arabtravelersforum.com/tr...5/#post3936575

بيض الله وجهك أخي عاشق الشلالات ماقصرت كفيت ووفيت

وأتمنى لك أخي أبو أحمد رحلة سعيـــــدة وموفقة بأذن الله ...



هلا بالغالي الغايب عن العين الحاضر في القلب ابن السعوديه تسلم حبيبي هذا شوي ممات علمنا ومازلنا نتعلم منكم
تحياتي لك حبيبي اخوك عاشق الشلالات ،،،،،

اخوي الغالي عاشق الشلالات اسف على التأخير ووالله من ردك تبين لي انك رجل فعلا طيب وخلوق ورجل تحب الخير واسأل الله لك طولة العمر وان يجعل الله بكل حرف كتبته حسنات ويحرم وجهك عن النار

لكن اخوي بالنسبه للميزانيه ( 9000 ريال ) هذه من غير التذاكر ! هل فعلا لاتكفي لثلاث اشخاص ؟؟

من كلامك اخوي الغالي عاشق الشلالات استخلصت الجدول التالي للرحله واريد رايك او تعديلاتك وتصحيحك لاهنت :

1- منطقة جاكرتا : السكن ( في جاكرتا في شارع رادان صالح )
المطاعم العربيه( مثل الباشا والجزيره ومطعم اميره ولا تنسى مطعم اميره يوجد فيه مكتب كاها
اللي راح يوفر عليك التعب )
((( موناس سوق الاتريوم اللي فيه مطعم البيزاهت ))) ماهو موناس ؟؟؟
اذهبوا لبرج موناس وتمان ميني
الاسواق : انصحك بسوق تامان انقريك وسوق منقادوا ولا تنسى في السهر بجاكرتا منطقة
سيرينا بليباودو وكوفي شوب

2- منطقة انشول : اسكنوا في فندق ميركوري اللي في الرااااااااااائعه ملاهي دنيا فنتازي ومسابح اتلاتنيس وعالم
البحار ومطعم رائع جدا اسمه بندر جاكرتا الفندق كويس وحقه يومين وفيه شاطئ انشول الرائع
وهناك رحلات في الصباح للجزر القريبه من الشاطئ

3- منطقة الجبل : اسكنوا في الجبل في مجمع قولف الرائع او مجمع فلل شكرو حاولوا تسكنوا في قولف مرررره
رائع الجبل فيه اماكن كثيره للسياحه مثل حديقة تمان سفاري الرائعه التي يجب الذهاب لها بدري
في الصباح وفيها شلالات ايضا وفيه عندك تمان مطهري مكان رائع تجديف في الشلالات
ووناسه مررره حلو وعندك البراشوت تجربه لابد منها المكان لوحده حكاااااااااايه وفوق
الخيال وعندك شلالات شلمبير حلوه حلوه حلوه وتجنن

4- منطقة بوقور ممطره اكثر وممتعه

5- منطقة باندونق يومين كفاااايه جربوا تروحوا بالقطار من جاكرتا ثلاث ساعات من محطة اسمها قمبير في جاكرتا ثلاث ساعات كلها طبيعه ومناظر ترد الروح وتسرّ الخاطر روحوا في باندونق لشلالات شياتر ومزراع الفرواله وشارع الجنز في باندونق ضاحية لمبانق جدا رائعه وتستحق السكن فيها يوم على الاقل

وممكن تحدد البدايه والنهايه وعدد الايام لكل منطقه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اخوي ابو احمد آسف على التأخير كنت في جده وماعندي نت هناك على العموم انشول مو منطقة او مدينة هو مدينه ترفيهيه ومنطقة بوقور مدينه صغيره تمرها مرور فقط اما السكن في الجبل ياغالي حبيبي تبي برنامج يبسطك خذ هالبرنامج :-
اول يومين جاكرتا :-
اذا نزلت المطار لا تاخد تاكسي من التكاسي الوقفه ترا اسعارهم اغلى بل خذ من المكاتب الموجودة في المطار نفسه هو يحجزلك تاكسي
انزل في فندق (جرين عاليا شكيني) ب 480 الف اليوم الواحد فندق محافظ على التقاليد الاسلاميه وهادئ جدا
واذا تبي فندق يمتعك من الناحية الترفيهيه فندق ( ميركوري ) بمنطقة انشول الترفيهيه .
1- الذهاب الى برج مانوس .
2- تامان ميني .
3_ منطقة سيرينا ( كوفي شوب + بيلياردو + مطعم بيتزاهت) .
خمسة ايام في الجبل ( البونشاك ) :-
انزل في مجمع قولف او مجمع فلل شكرو ) ب 350 الف الى 550 الف روبيه للفله او الشقه
اسعار المنتزهات :
1- حديقه الزهور 50 الف روبيه للشخص الواحد
2- حديقه الحيوانات (تامان سفاري") 100 الف روبيه للشخص الواحد
3- منطقة الشلالات ب(شيبوداس) ب 25 الف الشخص الواحد
4_ منطقة تمان مطهري تجديف شلالات ....
( الرحله عشر دقايق 20 الف روبيه + الرحله ساعه قروب ب 350 الف روبيه ) انصحكم فيها بقووووه .
يومين باندونق :
فندق (ساري آتر) ب 525 الف روبيه لليله .
اماكن المنتزهات ...
1_ شلالات شياتر في لمبانق .
2_ مزارع الفراوله .
3_ شارع الجنز في باندونق .
4_ المياه البركانيه .
باقي سته ايام انصحكم فيها بالسفر لجزيرة بعدما زيادة القطه بااااااااااالي تستحق ان تكون اول برنامجكم .....
تحياتي لك اخوي ابو احمد واسف مره اخرى على التأخير اخوك عاشق الشلالات ....،،،،

بيض الله وجهك يا عاشق الشلالات وحرم وجهك على الناااااار

انا ابتعبك معي لكن ارجوا ان تتحمل اسئلتي :


س1: هل القطيه حلوه ( 9000 ريال ) من غير التذاكر ولمدة 16 يوم تقريبا


س2: بوجه عام وش رايك ببرنامج : ( 2 يوم جاكرتا & 5 يوم الجبل بنشاك & 3 يوم باندونق & 3 يوم بالي & 2 يوم جاكرتا ثم العودة ان شاء الله )



س3: هل القطيه تكفي لبرنامجنا هذا ام لا مع السكن الاكل النقل من منطقه لمنطقه ؟



س4 : انا وضعت هالبرناج بالاعلى لكن المسافه بين كل منطقه لا اعرفها كيف التنقل بين كل وحده بالسياره بالقطار بالطائره ؟؟؟؟؟ كيف وضح لكل منطقه ؟؟؟



واخيرا وش تنصحنا

والله يرحم والديك ويوفقك يا رجل الازمات