الموضوع: استشاره بخصوص مواقع التذاكر المخفضه والخطوط التركيه مارأيكم بها

السلام عليكم

لدي عدة مواقع حجز تذاكر من خطوط الطيران لديهم الحجز بخصومات قد تصل لثلاثين في الميه
هل هي حقيقيه هل يوجد مجرب لم اتعامل معهم لكن وجدت اعلاناتهم اثناء البحث
مثلا هذا العرض صورته لكم في المرفقات هل تنصحوني بالحجز عن طريقهم الفرق كبير صراحه
اسم الموقع skysearcheronline
على الخطوط التركيه محسوبه بالدولار هي وللدرجه البيزنس يعني السعر اقل اقل شي حصلته
ومناسب اقل من الخطوط كلها وبدرجة البيزنس
بيصيرسعر التذكره 5108.26 بالسعودي
بس مافهمت الطفل3سنوات.. يفرق عن الكبار سعر التذكره ولايعني محسوب نفس القيمه
شورو علي بالنسبه للموقع وعرضهم اولا
وثانيا وهو الاهم بالنسبه للخطوط التركيه كيف الاخلاق سمعت الاتراك ماش كيف خطوطهم




اي خطوط تنصحوني لان الخليجيات كلهم غالين
وشكلي متأخره عشان احجز بس ظروف وش اسوي

اول مره اسأل محتاره جدا

مواضيع عشوائيه ممكن تكون تعجبك اخترناها لك:

• فزعتكم يالربع من ألمانيا الى سويسرا
• رحلة هادئة في سويسرا
• قطارات أوروبا جننتني واحتاج نصيحتكم اللي له تجربة ياليييت يفيدنا
• شهر عسل و ابي مساعدتكم يا اخوان الله يسعدكم
• للمساعدة في
• سعر اليوروب كار فاجأني
• مخطط لرحلة سويسريه
• سؤال لو سمحتو؟؟؟
• من انترلاكن الى زيرمات ؟؟
• استفسار عن التشيك وسويسرا
• آرائكم في التخطيط جنيفلوزيرنلوقانو يرجو المساعده
• السفر لسويسرا
• فزعتكم يالأجاويييد
• طلب مخطط لرحله
• استفسارات والمساعدة بترتيب الجدول
• مساااااااعددددده
• برنامج سياحي لسويسرا افيدوني
• الاعضاء الكرام لاخلا ولاعدم
• استفسارات اتمنى الرد عليها يعطيكم العافية
• خبراء انسي

وعليكم السلام اختي اسرار

بالنسبه لهذه المواقع انا ماجربتها صراحه لعدم ثقتي فيها انا احب التعامل المباشر اضمن وخالي من الشوائب على قولتهم ههه

لكن ممكن الاستعانه بالمواقع الكثيره لكي تكون مقياس ثم بأمكانك التعامل مع الطيران المذكور العرض فيه

على سبيل المثال الرحله التي تفضلتي و وضعتيها في استفسارك انا اخذت التواريخ واوقات الاقلاع ودخلت على موقع الطيران التركي وشيكت عليها (اضمن طريقه) و وجدت ان سعر التذكره بنفس المواصفات اللي ذكرتيها وبدرجة البزنس = 7499 ريال سعودي

اذا كان موقع الطيران الرسمي يبيعها بهالسعر ايش فايدة موقع آخر يبيعها بسعر اقل ؟؟ المفروض ان اي وسيط بينك وبين الطيران يبي فايده مايدور الخساره

انا شخصيا جربت الطيران التركي وكان مستواه عادي من الدوحه الى اسطنبول ولكن من اسطنبول الى باريس تغيرت الطياره والخدمه للاحسن لدرجة اني حسيت اني في طيران آخر ههه بس ايش الفايده الوقت الاكبر من الرحله راح في من الدوحه الى اسطنبول في الطياره ذات المستوى العادي جدا
بس على فكره هو "افضل طيران في اوروبا" حسب موقعهم وهم رعاه رسميين لنادي انجليزي عالمي
تعامل طاقم الطائره جدا محترم واكلهم كان ممتاز والخدمه بشكل عام جيده و الترانزيت في المطار حلو لان المطار راقي ونظيف وفيه كل شي ولو الاقي سعر جيد ممكن اكرر الرحله معاهم على خطوطهم

اخيرا وليس اخرا ارخص عرض على درجة البزنس هو الطيران التركي ب 7499 ريال حسب التواريخ اللي طلبتيها

اما على الدرجه السياحه ارخص عرض على الخطوط المصريه ب 4450 ريال

اتمنى اني اكون ساعدتك

الله يوفقك ويرزقك من حيث لاتحتسب
كفيت ووفيت واكيد ساعدتني لاني تعبت وكنسلت السفره قلت تأخرت ورجعت مافتحت الا هالموقع وكنت متفاجئه
من السعر قلت اشاوركم
مشكور استاذي

اختي بعد البحث والتحري عن الموقع وجدت العديد من الشكاوي ع الموقع المذكور

انتبهي ... انتبهي ... انتبهي

مجرد اني كتبت اسم الموقع في قوقل طلع لي شكاوي الناس عليهم اكثر من شكوى واكثر من قصه تفيد انهم يضعون اسعار خياليه ويتعاملون بالتحويل المالي عن طريق الويسترن يونيون ويقومون باعطاء حجوزات وهميه للزباين
وعند التواصل مع شركات الطيران للتأكد من ارقام الحجوزات يتفاجؤون بعدم وجود حجوزات اصلا بهذه الارقام

اول ماقريت هالشكاوي حبيت انبهك وانبه اي حد يقرا هالموضوع انه يتعامل مع الموقع المذكور

تعاملوا مع شركات الطيران دايركت اضمممممن والله اضمممن يا ناس لا توفرون لكم بيزتين وفي النهايه تفلسون من كل شي السفر والفلوس

اللهم اني بلغت

المشاركة الأصلية كتبت بواسطة (اسرار العيون)
http://www.arabtravelersforum.com/tr...1/#post6882627

الله يوفقك ويرزقك من حيث لاتحتسب
كفيت ووفيت واكيد ساعدتني لاني تعبت وكنسلت السفره قلت تأخرت ورجعت مافتحت الا هالموقع وكنت متفاجئه
من السعر قلت اشاوركم
مشكور استاذي



جزاك الله خير على هالدعاء الطيب وانا ماسويت شي اختي الكريمه مجرد بحث سريع ع النت و وجدت الاجابه
وان شاء الله تسافرين وتنبسطين لاتكنسلين شي بالعكس روحوا وانبسطوا وان شاء الله كل تأخيره وفيها خيره
قدمي بعض التنازلات علشان تأخرتي شوي في الحجز ولكن لا تكنسلين ترا ما في احلى من السفر

هههههههه لاتخاف حتى لو فكرت احجز عن طريق هالمواقع ماراح احد يطيعني
بس استغربت الاسعار وشكيت وقلت اسأل اشوف العالم يحجزون عن طريق بعض المواقع زي بوكينق وغيره
حبيت اشوف احد يعرفه او سمع فيه

بس بسألك سؤال من الدوحه لاسطنبول كنت حاجز سياحيه ؟ بعرف الكراسي مريحه ولا لا (
جزاك الله خير

المشاركة الأصلية كتبت بواسطة (اسرار العيون)
http://www.arabtravelersforum.com/tr...1/#post6882657

هههههههه لاتخاف حتى لو فكرت احجز عن طريق هالمواقع ماراح احد يطيعني
بس استغربت الاسعار وشكيت وقلت اسأل اشوف العالم يحجزون عن طريق بعض المواقع زي بوكينق وغيره
حبيت اشوف احد يعرفه او سمع فيه

بس بسألك سؤال من الدوحه لاسطنبول كنت حاجز سياحيه ؟ بعرف الكراسي مريحه ولا لا (
جزاك الله خير



هلا اختي ... لعبي ع المضمون والله انتبهي انا ماودي اخوفك كثير بس ترا كل يوم يطلع موقع ومافي مانع من الاستفاده منها كمؤشر مثل ماقلتلك تراها تنفع ( المشهور منها فقط ) يعني تسوين بحث ويعطيك ان ارخص رحله ع التركيه مثلا على طووول تروحين ع التركيه وتشيكين هناك هاذي اضمن طريقه وتأكدي مافي (وسيط) جاي في النص بينك وبين الالشركه الاصليه عشان يبيعك بأقل من السعر الاصلي لانه يبي فايده بالمنطق

وموقع بوكينق للفنادق ومضمون 1000000٪ كثير اعتمد عليه في سفري حتى في دول الخليج استخدمه ولا عمره خذلني
ترا المواقع المشهوره ما تغامر بسمعتها واساميها انشهرت آخر كم سنه واستفادوا ... نسبه كبيره من العرب المسافرون يستعملون بوكينق في حجوزات الفنادق اذا مو كلهم بدون مبالغه اذا هناك فرق بين المشهور والمغمور

المهم بالنسبه لسؤالك انا ذكرت ان المستوى عادي وانا سافرت ع الدرجه السياحيه اللي هي تكون عاديه حتى في احسن شركات الطيران في العالم
يعني الكراسي ماهي جلد ولا هي للنوم كراسي عاديه حالها حال اي طيران آخر بوجهة نظري يعني ما حسيت انه اقل من شركات الطيران الاخرى ابدا

واسمحيلي ع الاطاله وحاظر بأي استفسار ان شاء الله

ماقصرت استاذي يعطيك ألف عافيه

اقدر افيدك بخصوص الخطوط التركية لاني جربتها قبل سنة ونص تقريبا من البحرين لاسطنبول
وبصراحه كانت متعبه جدا والكراسي ضيقة والطائرات قديمة
لذا لاانصح فيها