الموضوع: فزعتكم معنا يا اهل الكويت

السلام عليكم جميعاً
اسعد الله اوقات الجميع بكل خير
الحقيقة انا ناوي زيارة للكويت
لمدة 4 ايام وهي سياحة
ومن تاريخ 1 فبراير لحد 5 فبراير
والحقيقة انا ابحث عن سكن مناسب
ونظيف في مكان قريب من كل شئ وبنفس
الوقت ليس مزدحم بشكل كبير وبحثت في النت
وبحثت في كل مكان ما عرفت احصل اي شئ
يعني شئ يمدحونه وشئ يسبونه واحيان شئ
يمدح في منتدى ويسبونه في منتدى الحقيقة
انا مزانيتي لليلة من 500 لين 600 ريال احب احصل
بالأسعار هذي لو فندق علماً اني انا وزوجتي وطفلة ورضيع
يعني غرفة نظيفة وفندق مرتب او شقق حلوة مرة اكون شاكر
لمن يفيدني والحقيقة انتم يا اهل الكويت اهل الذوق كله
ما تقصرون بإنتظاركم انا عشان الحجز وتحياتي للجميع

مواضيع عشوائيه ممكن تكون تعجبك اخترناها لك:

• فندق كويت يارد الراية
• سؤال للي جرب طيران الجزيرة
• استفسار لو سمحتوا الهويه الوطينة ضاعت هل يسمح لي الدخول ولعائلتي بالجواز السعودي
• «مارينا الكويت» الفندق الأفضـل أداءً عالميـاً وإقليميـاً
• ممكن مساعدكم بفندق عالبحر
• وين الاقي دوه منقل الفحم
• تقرير شامل بأحدث الصور المذهله لبرج الحمراء السينما النادي المول
• صور من رحلتي إلى الكويـت م
• طيران الجزيرة تنقل أكثر من مليون مسافر خلال تسعة أشهر
• الفزعه يا أهل الدار
• ياخبراء شيرو علي متى احسن وقت للسفر للكويت
• بسرررررررررررررررررررعه ردوووو
• استفسارات عن جزيرة فيلكا
• موعد المسرحيه خاربه خاربه ؟؟
• استفسار عن طريقمجمع
• سلام يا اهل الكويت
• السكن بالكويت
• افيدوني يا أهل الكويت
• الشقق الفندقيه بالكويت تجدها هنـــا مع خريطة مناطق الكويت
• اريد أعرف اعرف الفنادق القريبه من السناتر في الكويت

جرب المنشر روتانا

بالفحيحيل عند الاسواق والمطاعم وعنده الكوت مول واهوا داخل المنشر مول

وبوسط اسواق الفحيحيل الرخيصه والمتوسطة الاسعار ’ و بالكويت الطرق كلها قريبه من بعض

موفق

اولا حياك الله بالكويت

ثانيا بالنسبة للاسعار الفنادق الخمس نجوم مسوين عروض بفبراير الغرفة 45 دينار مع الافطار للشخصين

ثالثا انصحك بنطقة السالمية او شرق لانها قريبة من كل الاماكن الحيوية بالكويت

ثالثا العروض كثيرة بالكويت بهذا الشهر وجميع العروض موجودة بصالة التزحلق :

مسرحيات للاطفال

عروض سرك

حفلات غنائية

محاضرات دينية

قصائد شعرية

ندواة دينية

اناشيد دينية


رابعا حياك الله مرة ثانية اى سؤال انا حاضر

حياك الله بديرتك الكويت .............. انصحك بفندق المارينا

يا اخوان الكويت صغيره الي يشوف ان اسعار السالميه وايد غاليه يقدر يسكن برا السالميه ارخص له الفنطاس اسعارهم معقوله و15 دقيقه من السالميه و 7 دقايق للفحيحيل الي فيها مجمع الكوت والمنشر و5 دقايق ابو حليفه فيها مجمع كويت ماجيك وشارع ساحلي كله مطاعم. مره ثانيه اقول الكويت صغيره وكل شي قريب

حياك الله بالكويت وانشالله تستمتعون

عندك بوكنق ممكن يفيدك بالفنادق واسعارهم

تسلمون لي يا اهل الكويت اهل الذوق والله واهل الكرم والطيب وديرتكم والله ديرتنا وانتم والله اهلنا لا خلى ولا عدم يارب
االحقيقة انا خجلت من رد الأخوان وتفاعلهم معي والله اكرمتونا غاية الأكرام.
عندي بس امر كيف احجز بأحد الفنادق يعني السالمية اسمع انها هي المنطقة السياحية
اتصلت على مارينا وقال كله فل لحد 7 من فبراير وقال بعد كذا مفتوح الحجز والحجز 104 دينار
والحقيقة مبالغ فيه شوي لكن انا ابي فنادق او شقق تكون نظيفة اهم شئ النظافة
وبسأل الأخوان اللي هنا كلهم هل المنطقة الساحلية اللي على البحر افضل او المنطقة
الداخلية شوي بسبب برودة الجو وانتم اهل العرف واهل الديرة يا جعلها ما تخلى منكم
يا الطيبين ولو احد يعرف شئ زين يسوي بي معروف ويفزع لي لأني لا يمكن امشي
من السعودية لين أأمن لي سكن ولا عندي استعداد اطلع من بعد ما اسكن
وكثر الف الف الف خيركم يا جماعة كلهم و لكم دعوة مني بظهر الغيب
للجميع واخص من يساعدنا بالسكن الطيب اللي مثل وجوهكم الطيبة
تقبلوا كلكم تحياتي يا اهل الكويت ويا زوار المنتدى الرائع
وبإنتظاركم انا

هلا اخوى على قولتنا ان الكويت صغيره وانا اشوف ان الساحليه افضل من ناحيه المناظر والاهتمام فيها اكثر


المارينا موقعهم وايد حلو وقريب من كل شى لكن السعر وايد على 4 نجوم عالعموم جرب تسال عن بودل فى شارع

المطاعم بالسالميه , او اى فندق , بالنسبه للفنطاس فيها فندق 4نجوم سفير ممكن تجيك عليه , وفى الهلتون

بالمنقف او الهوليدى ان بالسالميه موقعه استراتيجى وقريب من كل شى


وسامحنا هذا على قد معرفتى يمكن الشباب ادرى بالمواقع الافضل

كم حدودك اخى الكريم

هناك فندق ايبس في السالمية او في منطقة شرق او اي شقق فندقية على دربك ونت داش الدية
و لاماكن السياحية شوف تقيري ( رحلتي الي الكويت ) فيها تقريباااا كل الاماكن السياحية و مواقعها و المطاعم و مواقعها و المجمعات والاسواق الشعبية
الي صفحة 16 بس نك نيم قديم من 2005 و 3 مشاركات فقط