الموضوع: فزعتكم يا الأجاويد أبي أشوف أوروبا

الفكرة عندي من سنة أني اسافر أوروبا
و من اليوم بس بديت اخطط أو أحاول ارسم مخطط السير البسيط

ياليت منكم تساعدوني في هالمخطط ( جنيف - انترلاكن - ميلانو )
إذا أحد يشوف أي فكرة ، لا تبخلون علي ، الله يعافيكم
انا أهم شي ( الطبيعة ) ، و ودي اختمها بـ( ميلانو ) عشان أم العيال بتتسوق

المجال مفتوح اني أغير هالممخطط
للمعلومية : مدة السفرة 11 يوم تقريبا - بداية اكتوبر2012 - انا و زوجتي بدون اطفال

اول مرة أسافر أوروبا ،
انتظر اقتراحاتكم

مواضيع عشوائيه ممكن تكون تعجبك اخترناها لك:

• افضل اماكن انترلاكن وضواحيها باريس
• عندي عنوان الكوخ اللي بسكنه لكن ماأعرف شلون أطلع إحداثياته ساعدوني
• اذا بطلع فيزا فرنسيه بس نقطة وصولي جنيف ينفع و لا لازم باريس
• ساعدوني
• الفرنك السويسري او اليورو
• مساعده ياخبراء المنتدى
• ابو عزيز
• لآ والله إلآ آليآبسي مآحسبهآ
• انا في انترلاكن الآن ولا اعرف وش اسوي
• استفسار شهل عسل في سويسرا ؟؟
• تكفووون ابو عزيز
• مساعدة من خبراء سويسرا
• تخطيط رحله شهر عسل الي ايطاليا وسويسرا في شهر نوفمبر
• اسبوع بين سويسرا و باريس
• بخصوص قمة تتلس و زحليقه في سويسرااستفسار
• تغير طريقة التقديم على السفارة السويسرية
• رايكم في مخطط رحلتي كما ارجو مساعدتي فيه
• ايام هل اقضيها جميعها في انترلاكن ؟
• الي خبراء اوروبا
• ممكن تساعدوني :(

هلا فيك اخوي
بداية مخطط بسيط ولكنه في نفس الوقت جميل وممتع وشامل ان شاء الله

من وجهة نظري الشخصيه ان جنيف وميلان يستحقون مابين ليلتين الى 3 ليالي لكل منهما

على افتراض انك مقرر تجلس 11 يوم (10 ليالي ) اذا ( 3 ليالي جنيف وضواحيها + 4 ليالي انترلاكن وضواحيها + 3 ليالي ميلان)

جنيف (ليلتين)
انترلاكن (اربع ليالي )
لوقانوا (ليله) ومنها تسلم السياره اذا بتستأجر واذا بتقضيها بدون سياره تلغي ليله لوقانواوتخليها( لجنيف)
ميلان (ثلاث ليالي )
نصيحة اذا ودك تستمتعل بالطبيعة خصوصاً ان توقيتك ممتاز لازم تستأجر سياره .
انت شوف والتفاصيل بعد اعتماد المخطط ،،،

اولا المعذره على التاخر ( بسب تغير العضوية )
أشكر الأخ ( fhd.qtr)
و أيضا أشكر ( جاليليو )

احد الزملاء نصحني بـ ( زيلامسي ) و اقنعني أنها أفضل و أرخص من انترلاكن
و قال لي خل سفرتك بس ( النمسا )
كني اقتنعت شوي خصوصا أن اكثر التقارير و المواضيع في كفة زيلامسي
ودي لو تنصحوني اعزم على زيلامسي ، كيف يكون خط السير ( فينا - زيلامسي ) بس كل الـ 11 ليلة ، أو فيه مكان في النمسا ممكن اشوفه خلال هالفترة القصيرة غير هالمدينتين

انتظركم ,,, و اكرر شكري للجميع و خاصة من يشير علي

ممكن تخليها: ميونخ - زيلامسي وزيارة سالزبرغ منها - فيينا

واذا على الخطة الأولى أقترح : 3 ليالي جنيف - 4 ليالي انترلاكن - 3 ليالي لوغانو وزيارة ميلانو منها سهلة.. أو في كومو لأنها في منتصف الطريق بين لوغانو وميلانو

من وجهه نظري الخاصة انه لا توجد مقارنه بين النمسا وسويسرا فلاخيرة اجمل بكثير وهذا الشي راجع لك لكن المشكله بالوصول الي فينا لان الخطوط السعودية الغت الخط يعني خطوط ثانية مثل المصرية او التركية او الامارتية .. وانت ترغب بالتسوق باخر الرحلة واعتقد لا يوجد افضل من ميلان للتسوق ..واللي ودك فية بنعينك علية باذن الله وبالتوفيق

زيورخ ( Luzern ) ليلتين-
St. Moritz ليلة واحدة -
لوقانو 2 ليله وتزرق بالقطار لميلان من الصباح للمساء-
انترلاكن 4 ليال-
جنيف وضواحيها 2

الصراحة احرجتوني ............. اشكر كلا باسمه

لكن الزبده للحين خويكم ضايع ( تكاثرت الظباء على خراش ,,, فلا يدري خراش ما يصيد )

ودي تساعدوني بأي طريقة اني أمر على ( انترلاكن - زيلامسي - ميلان ) هل ممكن ازورهم خلال هالـ 12 يوم ؟؟ كيف ؟؟؟

أكرر شكري و تقديري لكم

اخوي ناصر
زلامسي وانترلاكن وجهان لعمله واحده ،، ودي انك ما تشتت نفسك وتصير على قولتهم مثل معيد القريتيين هههههه .. خليك على سويسرا وايطاليا المده قصيره ومن الصعب تغطيه كل اللي ودك فية ،، والنمسا خلها مره ثانية ومعها المانيا ،، المهم انت بتستأجر سياره او لا ؟

ادري طولت عليكم ... و احس اني ازعجتكم
بس اخوكم اول مره يخطط لسفرة لأوربا

بعد الاستشارات و اللف و الدوران و التقاريرو دوخة الراس حسيت أن خط سفرتي يكون :
(ميونخ ليلتين-كابرون أربع ليالي-انترلاكن أربع ليالي-جنيف ليلتين) أو العكس بحيث أبدأ من جنيف.

وش رايكم تجي ولا لا ؟؟ وش ملاحظاتكم ، صعبة ، فيه لمسة ممكن تغيرها ؟؟؟؟

كذا خطه كويسه
بس لاتسكن بجنيف اسكن في ديفون الفرنسيه 10 كم عن جنيف وارخص

اقترح عليك تريح يوم في منصف الطريق في ماينفيلد (قرية هايدي ) بين كابرون وانترلاكن لان المسافه طويله حوالي 600 كم