الموضوع: اورلاندو وين سكن حلووووو فيك ؟؟؟

السلام عليكم ....

ممكن تساعدوني في سكن حلو في اورلاندو فلوريدا لمدة 3 اسابيع ... هل يوجد مجمعات سكنية بمستوى راقي كما في لوس انجلوس ؟؟ ابحث عن شقق سكنية في مجمعات سكنية ...
حتى لو فنادق احب اعرف ايضا ....
علما اننا عائلة مكونة من 3 اطفال .... بالاضافة الى الام و الاب ....

مواضيع عشوائيه ممكن تكون تعجبك اخترناها لك:

• هديّة تخرّجي سفرة إلى امريكا من ترتيبكم
• كوكيز بالاب توب كيف امسحه
• أخوي الصغير ودراسة اللغة
• مساعده في اختيار فنادق
• الباص الاحمر نيويورك
• استفسار عن التاشيره الدبلوماسيه
• مساعدة في تعبئة الابلكيشن
• اول مره اروح امريكا ممكن تساعدوني ؟
• هل الرابط مغلق
• هل استطيع عمل فيزا؟
• استفسار
• شرايكم بهذا ابرنامج
• احتاج مساعدتكم العاجله
• بليز ساعدوووني
• والبقية الرجاء الدخول للاهمية
• استفسار عن افضل خطوط طيران داخليه امريكيه
• كيف اطلع فيزا للشغاله
• استفسار بشأن كشف الحساب
• المرأه الحامل وأمريكا
• استفسار لم يطرح من قبل

السلام عليكم اخي اقترح عليك امبسي سويت في انتر ناشونال درايف.

شوفي اختي في أماكن وايد للسكن في اورلاندو اذا تبون فلل او شقق في منتجعات بأي ولاية بأمريكا هذا العنوان ان شاء الله يفديج

http://www.vacationhomerentals.com/

واذا تبين فنادق عندج الانتر ناشونال درايف بأورلاندو وعندج الداون تاون دزني بأورلاندو ممتازين انا كنت ساكن بفندق ريجل صن بالداون تاون دزني أورلاندو وايد ممتاز ونظيف الفندق وكل شئ قريب منج وخدماته ممتازه

اما بالنسبه للوس انجلوس فهذا الموضوع راح يفيدج 100 %

http://www.arabtravelersforum.com/travel292781/

وبالتوفيق ان شاء الله

اختي انا قبل كم يوم جاي من اورلند كنت ساكن في ماريوت قراند فيستا لمدة 3 اسابيع مجمع راقي ونضيف في الانترنشونال درايف يوجد غرفة واحدة وغرفتين وثلاث غرف مجمع راقي وجميل

هذي بعض المنتجعات الي فيها مطبخ .. امس في احد سال عنها وكتبتها له..

1
موقعه حلو جنب الاوت ليت وقريب من ديزني و السي وارد .. وتقريبا على امتداد الانترناشونال درايف.



http://www1.hilton.com/en_US/hi/hotel/ORLINGV/index.do

2

بالنسبة للشيرتون في اثنين في اورلاندو كلهم فيهم مطابخ هذا واحد موجود في الانترناشونال درايف قريب من الاوتيل الي فوق ..



http://www.starwoodhotels.com/sherat...ropertyID=5607

3

هذا هيلتون ثاني بس ما ادري وش سالفتهم مع التووو بيد



http://www1.hilton.com/en_US/hi/hotel/ORLSWGV/index.do


4

ماريوت نفس الشي قريب من السي وارد و الاوت ليت و بالسياره قريب من انترناشونال درايف و ديزني ..



http://www.marriott.com/hotels/trave...-grande-vista/


5

هذا الشيرتون الي ذكرته في ردي الاول فيه مطبخ .. وموقعه قريب من ديزني و الاوت ليت.




6

ولو حابين تسكنون في احد منتجعات ديزني في هذا ..على شكل احد ادغال افريقيا.



http://disneyworld.disney.go.com/res...-villas-jambo/


7

وهذا بعد تبع ديزني ..



http://disneyworld.disney.go.com/res...y-west-resort/


الي ذكرتهم فيهم مطابخ ولكن اتمنى لمن تختارون الغرفه تتأكدون ان فيها مطبخ. اما بالغساله بصراحه ما تذكرتها الا اخر شي ولا قريت لو فيها او لا. ولكن اغلبها اتوقع فيها. انا ما عندي فكره عن المنتجعات من ناحية الخدمه بس حبيت اساعدك و اذكرها. بعض الفلل ما يكون فيها روم سيرفس كل يوم على حسب اختياركم و على حسب سياسه المنتجع.


وفي لو تحبين فنادق ولكن ما يكون فيها مطبخ ..

تسلمون اليوم بوري ابو العيال ردودكم و انتظر المزيد ما عليكم امر ....

المشاركة الأصلية كتبت بواسطة pilot b777
http://www.arabtravelersforum.com/tr...8/#post3085472

اختي انا قبل كم يوم جاي من اورلند كنت ساكن في ماريوت قراند فيستا لمدة 3 اسابيع مجمع راقي ونضيف في الانترنشونال درايف يوجد غرفة واحدة وغرفتين وثلاث غرف مجمع راقي وجميل




بما انك توك جاي ... ممكن تذكر الاماكن اللي ما تتفوت مهما بدت معروفة لدى الجميع .... و ايضا الاماكن اللي انت حسيت انها حلوة سواء مطعم.. قهوة.. سوق ...مكان للاطفال ... سينيمات حلوة قاعاتها ... اي شئ ممكن استفيد منه ....

ايضا هل هناك اماكن ممكن يروح لها الواحد لو بعد ساعتين بس تستاهل ؟ مصانع مثلا هيرشي اسمع فيه بس ما اعرف اي ولاية ... متاحف للاطفال ... الخ

جربتوا ديزني كروز ؟؟؟ اسمع عنها و ودي اعرف عنها ....

بما أنكم اسرة صغيرة ( 5 أشخاص ) ..
أنصحكم بالوحدات الواردة في موضوع الأخ fms .

وأرشح ماريوت قراند فيستا . ( أفخم وأجمل )
أو ماريوت ريزدنس إن . ( أبسط وأوفر )

http://www.marriott.com/hotels/trave...e-buena-vista/

حفظكم الله ورعاكم .

انا توني راج من اورلاندو وكنت ساكن في هيلتون قراند فكيشن انترناشيونال ادرايف
المكان وايد روعه وهو عباره عن منتجع كبير في عده مباني سكنيه والغرف كلها تطل
على بحيره ونافوره .. وايضا الغرف واسعه وفيها مطبخ تحضيري صغير وايضا المنتجع
يضم مطعم بيتزاهت وستاربكس بالاضافه الى ان قريب جدا جدا من مول الاوتلت يعني
عن طرق اي سياره قولف من الاوتيل ياخذونج الى الباب الخلفي وتدخلين بدون مشي ولا تاكسي
وهم في مطعم ماكدونالدز مقابل الباب الرئيسي للمدخل وايضا سوبر ماركت كبير وصيدليه وكلهم قريبين جدا من المنتجع يعني مجرد 3 دقايق مشي فقط والميزه الي انا كانت وايد عاجبتني
ان محطه الباص على طول عن المدخل يعني مجرد ماتطلعون من الباب اتلاقون الموقف ومجرد 10
دقايق الباص واصل وهالباص يوقف في اكثر من محطه والمنتجع يعتبر اخر محطه يعني اذا ركبتوا فيه اول شي راح يوقف في محطه على الشارع وبعدها السي ورلد وبعدها على طول يبدأ اول شارع الانترناشيونال ادرايف .. لكن ما انصح فيه اذا كنتوا عائله لان الباص ياخذ وقت طويل على مايوصل
بسبب ان راح يوقف بأكثر من محطه ومرات يصير زحمه ومافي اماكن للجلوس يعني الكل واقف ..

عموما المكان حلو واهو على امتداد انترناشيونال ادرايف وهم مدن دزني لاند
يعني بالوسط بينهم لكن اذا كنتوا راح تقعدون 3 اسابيع انصحكم اتأجرون سياره
وابجذي راح يصير كل شي قريب منكم انا شخصيا مع زوجتي اجرت سياره
وكنت مرتاح على الاخر رحت فيها كل مكان تقريبا وكل مكان ابوجود السياره يكون
قريب ..

اسف على الاطاله والله يوفقكم ويهنيكم يارب ..

الله يجزاك خير و الحمدلله ع السلامة

بالنسبة للسيارة هذي ان شاء الله ما فيها كلام ...