السلام عليكم ورحمة الله وبركاته
وكل عام وانت بخير واهل الكويت انشاء الله بخير :101:
في البداية والله الاخوان ما قصروا معي في نصائحهم كان رحلتي ميسره والفضل لله
ثم لهذا المنتدى واعضاءه اللي ماقصروا في اي استفسار اسئلهم عنه وبصراحة انا
وزوجتي كنا ماخذين فكره عن دولة الكويت وعن الشعب الكويتي سيئه جداً لكن والله
تغيرة النظره 180 درجه من كثر ما شفنا وسمعنا كن نتوقع شعب سيء الاخلاق من
( تأثير المسلسلات ) لكن والله شفت شعب قمة في الاخلاق صغير كان أو كبير ولكم الامثله
كنت انا وزوجتي نبحث عن محل تفصيل جلابيات وقفنا عند محل بالقرب من سوق المباركية
( اعلمكم اني اعرف الاسواق ) وكان فيه حرمه كبيره شوي في السن فقلت لزوجتي اسئليها
عن المحلات الزينه فقالت الحرمه ( معنى الحرمه : أي المرءه ولكن قراوى السعوديه ينطقونه هكذا )
فقالت انا الحين اخلص اللي في يدي واجي ادلكم بنفسي !!!!!!!!!!!!!!!!!!!!!!!!!!!
الموقف الثاني : كنت الصباح ادور محل اجهزة الكترونيات ودخلت محل وسئلتهم قال واحد في المحل
لحظه انا ابخذ الاغراض واجي معك اوريك المحلات انت مو من السعودية قلت له لا بس دلني وانا اروح
لزم الا يجي معي وقعدت الف انا وياه الاسواق لمدة ساعتين وبعدها كان عنده محاظرة وكان امام مسجد
ولزم الا اجي عنده في البيت انا وزوجتي واعطاني ارقام تليفوناته وفي اخر شي قال انا صايم !!!!!!
الموقف الثالث : لما جيت اطلع للسعودية وقفت عند الاشارة وسألت صاحب السيارة وين الطريق قال
صف على جنب عشان ادلك والرجال ما قصر كل شوي يقول الا اوديك الطريق وارجع وانا اقوله لا انت
بس وصف لي الطريق وانا ادل ووالله ما قصر لزم اخذ تلفونه يمكن اضيع ولا شي !!!!!!!!!!!!!
بصراحة ما كنت اتوقع شعب بهذي الاخلاق العاليه ويفرحون انهم يقدمون لك خدمة
والله رجعت وانا اتذكر حديث الرسول صلى الله عليه وسلم ( لا تحقرٍ من المعروف شيء
ولو أن تلقى اخاك بوجهً طلق ) والله اعلم وهذي بعض الصور من المطعم وبعضها من الفندق سفير بستكي





هذي وانا اكل في المطعم على فكرة البوفيه المفتوح عندهم في المطعم بــما يقارب 80 ريال ولا يشمل المشروبات بعد ما طلعت من فندق سفير بستكي وكنت ماخذ عندهم سويت بـــ46 دينار وكان السويت حلو
اقمت في فندق ميراج وانشاء الله انزل موضوع عن الفندق وكان سعر الغرفه 25 دينار
( صدق أو لا تصدق الصور في الاسفل من كاميرة تصوير نايكون والتي في الاعلى من كاميرة الجوال 1.2بكسل ايهم افضل )



مواضيع عشوائيه ممكن تكون تعجبك اخترناها لك: