السلام عليكم انوي ان شاء الله زيارة سويسرا من ضمن جوله اوروبيه في الصيف ولكن عندي ملاحظه واتمنى ما ينفهم من كلامي اني استهزا بجداول اخواني المسافرون العرب حاشى لله القصد اخذ خلاصة تجاربكم وخبراتكم الاحظ ان معظم جداول الاعضاء في سويسرا هي عباره عن زيارة بحيرات البحيره الفلانيه والبحيره العلانيه واحيانيا تكون زيارة نفس البحيره من جهات مختلفه شمال وجنوب او شرق وغرب ويقومون بنفس الانشطه جوله في العباره واطعام البط او زيارة جسر خشبي قديم !!!انا معي مجموعه من مختلف الاعمار واغلبهم من الشباب مجرد الحديث معهم في هذه الانشطه افقدني اهتمامهم
السؤال هنا من واقع خبراتكم وتجاربكم :
* كيف تصنع المتعه للجميع في سويسرا ؟ انا فكرت في القيام بالشواء والطبخ ونعتبرها كشته لكن اين ممكن القيام بذلك ؟ بالضبط ؟
( ابغي بحيره وحده او ثنتين بالكثير لاوقت لتكرار الانشطه السياحيه رحله واحده بالعباره تكفي ههه )
* ممكن زيارة قمه ثلجيه لا تستهلك يومنا كامل وميزانيتنا ايضا لاني قرات عن اعلى قمه وسعرها المبالغ فيه ( في النهايه نبغي نشوف ثلج سواء اعلى او اصغر قمه ماتفرق)
* اين المدن اللي توجد بها الاسواق والاكشاك الخارجيه والفعاليات بشكل عام ( نبغي مكان حي) مثال على ذلك اعجبتني المحلات والالعاب والمقاهي حول بحيرة جنيف ... لكن اين يمكن الحصول على شيء مشابه ولو بنسبه بسيطه في الريف (انترلاكن وماحولها) لاني استشفيت من خلال التقارير ان الريف للرياضه والمشي والتسلق وركوب الدراجات والباراشوت ونحن لانقوم بأي من ذلك ( هههه احس في حد بيقولي اجل ليش تبي تروح الريف خلك في جنيف ... الجواب : طلب الوالده الله يحفظها وايضا الشباب يبون يشوفون الثلج وبس)
ادري طولت عليكم واتمنى ان كلامي انفهم صح وقدرت اوصل وجهة نظري والله من وراء القصداتمنى اللي يقدر يشور علي بشي يساعدني اكون شاكر جدا له ولآراءه مهما كانت صغيره
والف شكر مقدما على تعاونكم

مواضيع عشوائيه ممكن تكون تعجبك اخترناها لك: