الحلقة الأولى

البداية كانت من العاصمة النمساوية فيينا حيث الوصول من دبي عن طريق طيران الامارات في رحلة ممتعة و ذلك اننا نتعمد اختيار طيران الامارات لان مطارهم جميل و في حال الترانزيت الطويييييييل لن تحس بالملل .. هذه نصيحة احد شباب اللي معانا في الرحلة "جزاه الله خير"

و هذه صورة من الجو ..




لا تستغرب اخي السائح من مطار فيينا فهو دون المستوى و يعتبر قديم بالنسبة لباقي مطارات العالم.
حال وصولك و استلام امتعتك ، هناك طريقتان للذهاب إلى وسط فيينا او إلى مقر اقامتك في فيينا 1- عن طريق مكاتب سيارات الاجرة ، اسال عن اسعار الشركات و قرر ايهما الاقل سعرا.

2- عن طريق قاطرات المترو فهناك نوعان .

نحن اخترنا التاكسي و كلفنا تقريبا 34 يورو.

و توجهنا مباشرة للشقة .. و تقع في فيينا بالقرب من محطة المترو U6 - Burggasse-stadhalle
سمينا المحطة "برغر" لانها كانت مكتوبة برغرراسه الظاهر الشباب كانوا جوعانين

نرجع للشقة و هي من اختيار أخي أبا الحارث فكان موفقا في اختياره ..

تحوي الشقة غرفة و صالة و مطبخ و دورة مياه اجلكم الله ..
صاحبة الشقة "العجيز" ما قصرت مع اننا ما شفناها موفرة كل شي .. كل شي بمعنى كل شي

لو انا مكان العجوز كان قلت حق اي واحد يحجز الشقة بس جب ثيابك ..
الحرمة موفرة كل شي من غسالة .. صابون غسيل .. كواية .. صحون .. شاي .. سكر .. غسالة صحون .. .. الخ من كثرهم ما اذكرهم


في تلفزيون .. دي في دي .. العاب .. كتب باللغة الالمانية "لمحبي الهياط" .. كمبيوتر .. نت "مع اننا ما عرفنا ندخل عليه ، كنا ندخل على واحد من الجيران و الحبيب ما يدري ان حنا داخلين معاه ، شكله من يومها قطع اشتركاه مع شركة الاتصالات حقتهم
"يا جماعة ركزو انا قاعد اتخيل شكله بس يعني كل ذا ما صار "

نكمل ..

هذه هي الصالة ،.،



المطبخ ..

و بهذه المناسبة نشكر ابو روان ما قصر كان جايب العزبة معاه ، كل يوم يسوي لنا ذيك القهوة من الصبح ،،



لاحظتو في الصورة دلة القهوة ..






موقف طريف حصل لنا ..

حنا رايحين النمسا دورة عمل .. قلنا يا ولد ليه ما نعرف بعض عاداتنا و تقاليدنا للاجانب ..

لا يجيني واحد و يقول اكيد داومتم بثوب و غترة و بشت ..

ايش قالوا لكم رايحين حفل تنكر ..

قلنا ليه ما نصلح لهم قهوة .. المهم خذنا معانا الدلة للمكتب و التمر طبعا ..

وقلنا بدل ما تشربون قهوتكم السودة .. جربوا قهوتنا ..

يوم شربوها ايش تتوقعون قالوا ..

يقولون كانها شوربة ...

صحيح لي قالوا اللي ما يعرف الصقر يسويه مضبي .. و الله و انقهرنا عليهم .. قلنا الشرهة علينا اللي عطيناكم وجه..
بس اللي رقع الموضوع انهم انهبلوا على التمر و دبوا فيه ..

خلصوه على طول، لان ابو روان جايب اطيب نوع ..

مواضيع عشوائيه ممكن تكون تعجبك اخترناها لك: