الموضوع: استفسارات كويتاوية موت

مرحبا للجميع

انا توني يديدة معاكم وانشالله الاقي اللي احتاجة من معلومات عندكم انشالله بسافر بعد شهر اندونيسيا ناوية انزل جاكرتا واروح على طول بالي اللي ابي اعرفة ابي فنادق 3 نجوم بكوتا تطل على الشاطئ الاسم واذا امكن الصور واذا كان في فلل اسعارها معقولة لغرفتين ماقول لا بس تطل على البحر مباشرتا

وابي اعرف شلون اذا كنا بناجر براشوت ولا جت سكي ولا هليكوبتر يعني وين وبكم الاسعار

والصراحة احنا مانبي حدائق واشيا مثل هذي وين تشجعونه نروح

احنا انشالله بنقعد اسبوعين يعني لا تقصرون مع اختكم ابي الفزعة وقولي وين نروح بجاكرتا يعني سوولي جدول حلو

واتمنى تذكرولي اسماء الاسواق الكبيرة والشعبية

مع احترامي للجميع

مواضيع عشوائيه ممكن تكون تعجبك اخترناها لك:

• مساعدة لتخطيط رحلة يا خبراء
• ساعدونى بليز اول مره اروح اندونيسيا
• مسافر وحداني من الدمام
• ابي فلة عائلية في الجبل
• فتح حساب بنكي بجاكرتا
• مجمع كوتا بونقا
• آستفسآر يَ آلغآليين
• لجميع الخبراء بأندونيسيا يوم وبالأخص أبن السعودية
• كيف يمكن قضاء يومي في انشول
• سسؤال بسيط جداً
• عااااااااجل ياخبراء اندونيسيا مالي غير الله ثم انتو
• ماباقي شئ على شهر العسل
• الفزعه يأهل النخوة
• الله يسعدكم بسرررعه بكره مسافر ساعدوني
• ساعدوني في اختيار الوجهه و اتخاذ القرار اثابكم الله بسرعه
• أستفسار عن الخطوط مستعجل الله يوفقكم
• استفسار لوضع برنامج
• الشرحة الاقتصادية في بلاد الاندومي
• شهر عسل في نهاية شهر يناير
• استفسار وطلب مشوره من اهل الخبره بالنسبة للمسافات بين المدن

للاسف 12 واحد دخل الموضوع ومافي اي تعليق

هلا فيج اختي ولو اني مو كويتاوية بس بحكم انج بنت ديرتي ماقدرت اطلع بدون رد


اولا تروحون وتردون بالسلامة واتمنى لكم رحلة موفقة وسعيدة يارب...روحتكم نفس موعد روحتنا بس انا راح اقعد جم ليلة

بجاكرتا وبالتحديد منطقة انشول وبعدها نروح بالي ان شاء الله..بالنسبة لبالي والسكن في بالي عندج اخونا الفاضل

نجم الكويت خبير بالي ويساعدج في كل شي فيها ماشاء الله عليه مايقصر الله يوفقه ياليت تطلعين على مواضيعه وراح

تلاقين اجابات شافية لاسئلتج ومابي أضيق خلقج بس ترى انا قبل فترة حجزت ويالله لقيت حجز كل ما نستقر على مكان

يطلع فل ماشاء الله والحمدلله بفضل الله ثم بفضل اخوي نجم تسهلت..راجعي مواضيعه

أما بخصوص جاكرتا صدقيني حبيبتي كل شي موجود هني بالمنتدى ماشاء الله عليهم الاخوان والخوات ماخلوا لا صغيرة

ولا كبيرة الا وتكلموا عنها بس أنصحج تراجعين موضوع حق مشرفنا القدير ميدان وهو مثبت فيه كل الاماكن السياحية في

جاكرتا طبعا انا من ناحيتي قسمت جاكرتا لقسمين بالروحة قسم الترفيه والرجعه قسم السوق وماشاء الله على مجمعاتها

العجيبة...واي شي تبين انا حاضرة


وتروحون وتردون بالسلامة موفقين ان شاء الله

هذا الرابط سوف يفيدك كثيرا بخصوص السكن وغيرها

http://www.arabtravelersforum.com/travel359179/

يعطيكم العافية على راسي والله

اختي انتي اي وقت رايحة باي تاريخ انشالله يمكن نتشاوف هناك


احترامي

مالك الا العضو ( نجم الكويت ) سوي بحث عن مشاركاته وراح تدوخين من كثر البرامج والله يوفقه ويوفقكم

بس ودي اقول شي اذا ممكن

( والصراحة احنا مانبي حدائق واشيا مثل هذي وين تشجعونه نروح )

اعجبني هالسطر اللي فوق وموتني ضحك

هههههههههههههههههههههههههههههه زين انك مت من الضحك


انا قصدي نبي اكشن


زين انا شفت مواضيع نجم الكويت احس مو عارفة استقر على شي

اللي ابي فنادق على الشاطئ

وغير كوتا شنو في شواطئ زينه ترشحونها لي ويفضل اللي تكون كلها اجانب

اتمنى الاقي جواب تكفووووووووووووووووووووووووووون الفزعة

هلا فيج حبيبتي...انا ان شاء الله روحتي راح تكون في 29\6 آخر هالشهر باذن الله ومثل ماذكرت لج اني راح اقعد بجاكرتا

ومن تاريخ 3\7 ان شاء الله راح نروح بالي ان شاء الله ويشرفني اختي اشوفج بس للأسف الرسايل الخاصة غير مفعلة عندج

مالج الا حل واحد هو انج تكثرين مشاركاتج لما تتفعل الرسايل شرايج بالحل؟


على العموم حبيبتي..اي شي عندج تقدرين تسألين الاخ نجم في مواضيعه وهو مايقصر ان شاء الله..طبعا اذا بنصحج نصيحة

أخت لا تطوفين تجربة السكن في فلل بالي حتى لو ليلة او ليلتين على الاقل اعتقد شفتي مواضيع الاخ نجم..وخصوصا

ان اسعارهم معقولة جدا ومتفاوته من - الى...وبالنسبة للشواطئ في بالي:

عندج شاطئ نوسادوا يبعد ساعه عن كوتا تقريبا وفيه الالعاب والانشطه الرياضية مثل الجت سكي والفلاي فيش والبنانا

بوت والبراشوت..يعني شغل عدل مدل

وعندج بعد شاطئ دريم لاند شاطئ الاحلام الرومانسي مرشح كأفضل شاطئ في العالم.

وفي شاطئ جمبران شاطئ الغروب وفيه مطاعم وقعدات وايد حلوة على اليال..الله شوقتيني وانا اكتب لج على الروحة

دعواتج لي حبيبتي اتمنى اني اكون فدتج او قدرت اساعدج..واي شي تبين انا حاضرة حبيبتي الله يرزقنا وياج بذيج السفرة

الحلوة ويسهل امورنا يارب.


أحلى تحية كويتية مو كويتاوية

المشاركة الأصلية كتبت بواسطة m alghamdi
http://www.arabtravelersforum.com/tr...8/#post3904908

مالك الا العضو ( نجم الكويت ) سوي بحث عن مشاركاته وراح تدوخين من كثر البرامج والله يوفقه ويوفقكم

بس ودي اقول شي اذا ممكن

( والصراحة احنا مانبي حدائق واشيا مثل هذي وين تشجعونه نروح )

اعجبني هالسطر اللي فوق وموتني ضحك




شنو اللي ضحكك ضحكني وياك تقصد الاخطاء الاملائية؟

انا فهت مودها الاخت تبي بحر..وفعلا نجم الكويت الله يعطيه الصحة والعافيه خبير في بالي ماشاء الله عليه.


الله يوفق الجميع يارب

الاخت الفاضلة / كويتاوية

علشان نفيدك أكثر بأذن الله بخط السير هناك لابد من تزويدنا بتاريخ ذهابكم وعودتكم ؟؟

كم عدد المسافرين معك بالرحلة ؟؟

وبعــدها بأذن الله تعالى راح نفيـــــدك باللي نقدر عليه وأشكر الاعضاء الافاضل على

تجاوبهم ومساعدتهم ...

اختي
هذي الموقع فيه فنادق من نجمه إلى 5 نجوم في بالي

http://www.asiarooms.com/en/search?s...1&countryId=36

ويعتبر هالموقع من ارخص المواقع اللي تعرض الاسعار

كل اللي عليج انج تحددين الوقت اللي تبينه في بالي..وعلى ايدج اليسار من تحت مناطق بالي..تبين في كوتا ..او نوسادوا او جمبران او او..اضغطي عليها وبتطلع لج فنادق المنطقة بس

ورحله سعيده اختي

تحياتي لج

فديتكم فديتكم كلكم والله

اول شي اختي كويتية اشكرج واااااااااااااااااااااايد والله ماقصرتي وانشالله احاول اشارك وايد عشان تتفعل الرسايل الخاصة عندي

وبعدين انا اقولج ليش كتبت كويتاوية لاني حسيت راح الاقي نفس نك كويتية فقلت اختصرها من الاول واحط كويتاوية

هههههههههههههههههههههههههههه

والله ماقصرتي وصج عاد ودي اشوفج هناك

اختي بحرينية ماقصرتي ومشكووووووووووووووووووورة

اخوي ابن السعودية

احنا انشالله رايحين 7/7 نوصل بالليل نبي نروح دايركت بالي ماراح نقعد بجاكرتا نقعد خمس ايام انشالله وعقب نرجع جاكرتا ومن جاكرتا نزور المناطق اللي حولها مانبي نبات بمناطق هناك هذا اللي احنا ناوينا انتوا عاد اذا تشوفون لازم اغير بجدولي اقترحوا راح نرجع انشالله يوم 21

ولكم كل الشكر من اعماق قلبي

احترامي

أختي الفاضلة / كويتاوية

بما أن مدة رحلتكم الفعلية هي ( 13 يوم ) راح يكون التخطيط المناسب والمريح لكم كالتالي بأذن الله تعالى :-

الوصول لجاكرتا والمكوث بهـا لمدة يوم واحد للراحة من تعب السفرة ...

وبعدها الاقلاع لجزيرة بالي والمكوث بها لمدة 6 أيام ...

وبعدها العودة للجبل بنشاك والمكوث بها لمدة 3 أيام ... يتخللها زيارة لمدينه بوقور القريبة من الجبل بنشاك ...

وأخيرا العودة للعاصمة جاكرتا والمكوث بها لمدة 3 أيام الاخيرة للتسوق وزيارته بعضا من الاماكن السياحية

الرائعه ...

وبخصوص حجوزات الطيران الداخلي خليها من المكاتب السياحية هناك وتحديدا من مكتب كاها أو بأمكانك

الحجز عن طريق مكاتب الطيران التابعه لخطوط آير اسيا أو خطوط ليون وتجدينهم بمطار جاكرتا الدولي ...

وبخصوص حجز الفنادق الافضل والاوفر والاضمن لكي هو مكتب ( كاها ) وهو عن تجربة من قبل الاعضاء

والعضوات الافاضل وعن تجربة شخصية لاأخوك أبن السعودية كذلك ...

ويوجد بعضا من الملاحظات المهمه واللي يجب عليك تطبيقهـا حين وصولكم بأذن الله تعالى وهي :-


1- أذا كنتي بالعاصمة جاكرتا أستخـدمي التكاسي أوفــر وأفضــل وتحديدا تكاسي شــركـــة

( بلو بيرد ) وتحصلينهم بكثرهـ هنــاك سواء بالفنادق أو المجمعات التجارية أو المطارات ،،


2- بالجبل بنشاك وجزيرة بالي أنصحكــم باأستخدام سيارهـ خاصــة وأسعارها

باليوم الواحد بحدود 400 الى 450 ألف روبيه شاملة البنزين والضرائب للطرق ،،


3- حاولي تكون جميع حجوزات الفنادق اللي راح تسكن بهــا من مكتب أسمه ( كـــــــاهـــــا )

وكذلك حجوزات الطيران الداخلي لمدن وجز أندونيسيــا ،،


4- أثناء عودتكم الى أرض الوطن هنـــــاك ضرائب لابد من دفعهــــــا بالمطار وهي عبارة

عن مبلغ وقدرة ( 150 ألف روبيه ) للشخص الواحد حاولي تعملين حسابك على هذا الشى ،،


5- حاولي أنك تحولين فلوسكم الى دولارات وتكون من فئــه جديدة وحاولي مايكون مكتوب عليهـا

شى وماتكون مسفوطة ومعفطة لان هذا يقلل من سعر الصرف هنــــــاك ،،


6- هناك ضرائب بمبلغ وقدره من 30 الى 40 ألف روبيه للشخص الواحد

تدفعــونهـا بالمطارعند ذهابكم برحلات داخلية باأندونيسيــا ،،

7- - ضرورة تعبئة الكرت اللي راح يوزعونه عليك بالطيارة واذا نزلت بالمطار راح يختمون
على جوازك ويأخذون جزء ويعطونك جزء أحتفظ بالجزء حتى العوده لأهميته بالمطار ،،

8- تأكدي من صلاحية الجواز أن لاتقل عن 6 أشهر ،،

الله الله عليك اخوي ابن السعودية والله عاجزة عن شكرك جد مادري شقولك يعطيك العافية


بس بسالك بوشناك شنو فيها وشنو ممكن اشوف هناك ووين اروح

مع احترامي لك

المشاركة الأصلية كتبت بواسطة كويتاوية موت
http://www.arabtravelersforum.com/tr...3/#post3909303

الله الله عليك اخوي ابن السعودية والله عاجزة عن شكرك جد مادري شقولك يعطيك العافية


بس بسالك بوشناك شنو فيها وشنو ممكن اشوف هناك ووين اروح

مع احترامي لك




العفو أختي كويتاوية :-

بخصوص الجبل بنشاك هي منطقة تبعـد عن العاصمة جاكرتا مسافة 80 كيلو متر وبالسيارة تقريبا

ساعـة كاملـة ... وهي منطقـة ريفية جبلية وتكثر بهـا المجمعـات السكنية والفلل الرائعــه والمميـزة

وبصراحة تستحق أن الواحد يمكث فيها على الاقل 3 أيام والاجـواء بـاردة بالليل لذلك الافضـل أخـذ

ملابس ثقيلة سواء للكبار أو الصغار وبخصوص المزارات السياحية بالجبل بنشاك كثيرة جدا وراح

أذكر لكي أهمها وأبرزها وهي :-

1- حديقة تشيبوداس
2- حديقة الزهور
3- تامان سفاري
4- بحيرة الليدو
5- مصنع الشاي
6- مسجد التعاون
7- بحيرة فينسيــا داخل مجمع ( كوتا بونقا )

أختي كويتاوية نصيحة بسيطة جدا جدا من أخوك أبن السعودية حاولي الدخول على هذا الرابط وراح

تجدين معلومات ونصائح مهمه جــدا جــدا قـام باأعدادها خبيرنا جاكا الله يشفيه ويعافيه ويقــوم لنــا

بالسلامة بأذن الله تعالى :-

http://www.arabtravelersforum.com/travel384735/ ‏

وأي أستفسار لاتترددين أختي الكريمة الجميع هناك لخدمتك بأذن الله تعالى ....

شاكرة لك اخوي وعلى راسي كلكم

بروح اشوفه واي استفسار برجع

احترامي

ماشاء الله عليك يا ابن السعودية


أحترم هالانسان اللي دايما يسعى لمصلحة الجميع الله يوفقه دنيا وآخرة..بس عندي ملاحظة بسيطة اعتقد بأنه لابد من

زيارة باندونق والسكن فيها ضروووري من وجهة نظري الخاصة يعني بالامكان تقليص الايام هنا وهناك للذهاب الى باندونق

انا شخصيا أكثر منطقتين متحمسة لهم كما تعلم بالي وباندونق حبيتهم من قبل لا اروح لهم

المشاركة الأصلية كتبت بواسطة كويتية^رحالة
http://www.arabtravelersforum.com/tr...6/#post3911936

ماشاء الله عليك يا ابن السعودية


أحترم هالانسان اللي دايما يسعى لمصلحة الجميع الله يوفقه دنيا وآخرة..بس عندي ملاحظة بسيطة اعتقد بأنه لابد من

زيارة باندونق والسكن فيها ضروووري من وجهة نظري الخاصة يعني بالامكان تقليص الايام هنا وهناك للذهاب الى باندونق

انا شخصيا أكثر منطقتين متحمسة لهم كما تعلم بالي وباندونق حبيتهم من قبل لا اروح لهم




أختي الفاضلـة والمحتـرمة كويتيـة رحالـة أشكـرك جزيل الشكـر على كلماتك اللطيفـة والجميلة والراقية

وكلامك وأقتراحك على العين والراس يعني لو قلصنا من جزيرة بالي ومن جاكرتا بأمكان أختنا كويتاوية

الذهاب لمدينه باندونق لاكن حسب رغبتها وميولها ...

اختي كويتية واخوي ابن السعودية لن انسى وقفتكم معي والكشر دائما لكم

بخصوص باندونق اللي عرفته انها للتسوق مافيها شي اكثر يعني هذا اللي قريته وبما انج اختي اقترحتي اني اروح شنو الاشيا اللي ممكن اشوفها في باندونق وليش اقعد فيها ثلاث ليالي انا ناوية استقر في جاكرتا واروح للمناظق المجاورة الصبح وارجع بالليل والا شرايكم

المشاركة الأصلية كتبت بواسطة كويتاوية موت
http://www.arabtravelersforum.com/tr...5/#post3913855

اختي كويتية واخوي ابن السعودية لن انسى وقفتكم معي والكشر دائما لكم

بخصوص باندونق اللي عرفته انها للتسوق مافيها شي اكثر يعني هذا اللي قريته وبما انج اختي اقترحتي اني اروح شنو الاشيا اللي ممكن اشوفها في باندونق وليش اقعد فيها ثلاث ليالي انا ناوية استقر في جاكرتا واروح للمناظق المجاورة الصبح وارجع بالليل والا شرايكم





أهلا بك أختي كويتاوية :-

والمعذرة من أختي الفاضلة كويتية رحالة راح أجيب عنهـا بخصوص أستفسارك عن مدينه باندونق

كلامك صحيح ياكويتاوية باندونق للتسوق فقط لانه يوجد بها مجمعات رائعه ومميزة وباأسعار معقولة

ومناسبة للجميع وكذلك لاننسى ضاحيتها الجميلة والساحرة لمبانق فهي تبعد عنها مسافة 30 دقيقة

بالسيارة ويوجد بها مزارات سياحية رائعه من براكين وشلالات وكهوف ومنتجعات وبالفعل تستحق

أن الشخص يجلس فيها على الاقل لمدة يومين وراح أعطيك هذا الروابط الجميلة لخبيرنا المصباح وقد

جمع فيها كافة المعلومات المهمه عن مدينه باندونق وضاحيتها لمبانق سواء من أسواق أو مزارات

سياحية أو مطاعم بأمكانك تصفح التقرير وراح تجدين مايسرك ويسعدك من معلومات قيمة بأذن الله

تعالى :-

http://www.arabtravelersforum.com/travel197032/

http://www.arabtravelersforum.com/travel266266/

http://www.arabtravelersforum.com/travel197032/

كل الشكر لك اخوي ابن السعودية


بشوفهم وانشالله رادة لكم

احترامي

ماشاء الله ما قصر اخوي ابن السعودية جزاك الله كل خير

بما ان هالموضوع مايرد علي فيه الا اثنين فسؤالي لهم كويتية وابن السعودية بسالكم انا مالقيت حجز داخلي من الكويت شلون احصلة هناك خصوصا ان انا راح اوصل بالليل وابي على طول اروح بالي

وبعد بسالكم عن فلل مجربة للسكن على الشاطئ

شوفي حبيبتي انا انصحج تحجزين من هناك أفضل لان سبحان الله يصير تأخير أو شي لاقدر الله ماتروح عليكم الرحلة واعتقد

انها صارت باخوي نجم لما صار تأخير على طيارته فالافضل والاضمن الحجز من هناك وهذي نصيحة خبير بالي الكبير نجم..


أما بخصوص الفلل بما ان الرسائل غير مفعلة عندج بامكانج تسألين الاخ نجم في موضوعه وصدقيني ماراح يقصر وياج لانه

خبير في فلل بالي وانا شخصيا ماقصر وياي وساعدني في الحصول على فيللا يزاه الله كل خير..

ماقصرتي يالغالية

جم المشاركات وتتفعل الرسايل

وانشالله تتفعل وتفيديني ماقصرتي

المشاركة الأصلية كتبت بواسطة كويتاوية موت
http://www.arabtravelersforum.com/tr...5/#post3919465

ماقصرتي يالغالية

جم المشاركات وتتفعل الرسايل

وانشالله تتفعل وتفيديني ماقصرتي




أولا :- شكرا لاأختنا كويتية رحالة على الاجابة وبـارك الله فيهـا

وحفظ الله لها أبنائها وزوجها أن شاء الله ...

أختي كويتاوية موت علشان تتفعل الرسائل الخاصة فيك لابد من

وصول عدد مشاركاتك 300 مشاركة ...

هلا باخوي

تقول 300 هههههههههههههههههههههه الصراحة انا ماشارك بالمنتدى الا عشان استقسر فاتوقع وايد صعبة اوصل هالعدد

ماقصرت اخوي

المشاركة الأصلية كتبت بواسطة كويتاوية موت
http://www.arabtravelersforum.com/tr...8/#post3919528

هلا باخوي

تقول 300 هههههههههههههههههههههه الصراحة انا ماشارك بالمنتدى الا عشان استقسر فاتوقع وايد صعبة اوصل هالعدد

ماقصرت اخوي





العفــو أختي كويتاوية واي أستفسار لاتترددين ضعي أستفسارك وراح تجدين

الاجابة الشافية والوافية بأذن الله من الاعضاء والعضوات الافاضل ...

تسلمووووووووووووووووووووووووووون والله محد قصر

اخواني بعد ان كونت فكرة عن اندونيسيا والفضل الكبير لاخوي ابن السعودية له الشكر واختي كويتية رحالة
اتمنى تساعدوني في عمل جدول مع الفنادق اللي تكون 3 نجوم واسعارها معقولة او شقق فندقية لاني بصراحة ضعت من كثر المواضيع

انشالله 7/7 طايرين نوصل بالليل 9 ونص باذن الله نبي نروح من جاكرتا على طول لبالي كم اسعار التذاكر الداخلي ؟؟

وماهو الفندق او الفيلا اللي ترشحونها لنا وتكون على الشاطي وبسعر معقول ؟؟مع العلم بنقعد انشالله في بالي 6 او 7 ايام

بعد ذلك مفكرين نروح يا اما بونشاك او باندونق شنو الافضل من رايكم اتمنى تساعدوني ؟

والعودة تكون في تاريخ 21 /7 يعني جم يوم بجاكرتا

اخواني بس احب اقولكم ان احنا مانبي السفر الوايد اللي ماوراه الا التعب نبي نستانس اتمنى اجد مساعدة مختصرة ومابي ادخل مواضيع وروابط لان والله ضعت

واتمنى تحطون بالاعتبار الاسواق اللي فيها ماركات وكذلك الشعبية والمجمعات اللي تتميز بالرياضة

احترامي

الله يسلمج حبيبتي ماتقصرين واحنا ماسوينا شي...

جم يوم راح تكون رحلتكم؟

اختي ادخلي على طيران اسيا وشوفي الاسعار..لان الاسعار تختلف من وفت إلى وقت ثاني
واخر موعد للطياره هو الساعه 8:20 بالليل

http://www.airasia.com/id/en/home.html

وعندج طيران ليون
http://www2.lionair.co.id/Default.aspx

ونفس الشي اخر طيران لها لبالي على الساعه 8:40 بالليل

يعني لازم اول ما توصلين تسكنين في جاكرتا ومن الصبح تروحين المطار على موعد طيارتج

اما بالنسبة للسكن..فاللي اعرفه شوي
لاني سكنت في فله بجمبران وتعتبر غاليه وبعيده عن الخدمات
وهالمره ان شاا ءالله بسكن في سنيماك وقيمه الفله لليوم الواحد 300 دولار تقريبا

فاعرض عليج هالموقع..فيه فلل وفنادق على حسب ميزانيتج
يوم بتختارين الفندق دخلي على location وشوفي موقع وين وشنو يمه
وعلى ايدج اليسار من تحت موجوده مناطق بالي مثل كوتا وسينماك وجمبران ...الخ
اختاري المنطقة وبتطلع لج الفنادف اللي في هاي المنطقة بس

http://www.asiarooms.com/en/search?s...1&countryId=36

تحياتي لج واي سؤال حاضرين

سوري حبيبتي ما انتبهت على الايام بس ماشاء الله الاخوان والخوات ماقصروا

يعطيكم العافية اخواني

اخوي صقيع ماقصرت والله بس بسالك الفندق اللي ببالي موقعه وين بالضبط على الشاطئ والا بعيد واذا تعرف فلة ياريت تساعدنا

اما بالنسبة لشقق جاكرتا بما ان جاكرتا زحمة ابي موقعه يكون زين ومع احترامي

تسافرين وترجعين بالسلامه اختي الكريمه

المشاركة الأصلية كتبت بواسطة كويتاوية موت
http://www.arabtravelersforum.com/tr...7/#post3935357

يعطيكم العافية اخواني

اخوي صقيع ماقصرت والله بس بسالك الفندق اللي ببالي موقعه وين بالضبط على الشاطئ والا بعيد واذا تعرف فلة ياريت تساعدنا

اما بالنسبة لشقق جاكرتا بما ان جاكرتا زحمة ابي موقعه يكون زين ومع احترامي

هلا عزيزتي الله يعافيك

فندق ماكسي هوتيل قريب من الشاطىء مو بعيد مره بس انه تروحي للشاطىء بالسياره مو مشي بس انه قريب مش بعيد كثير .

هذي فلل حلوه ومدحها اخوي نجم الكويت كثير :

http://Aria Luxury Villas & Spa

استون مارينا موقعه حلو ومن زحمه جاكرتا مالك منها مجال .

تقبلي تحياتي

اختي العزيزه اليكي ربط اخوي نجم الكويت


http://www.arabtravelersforum.com/travel293712/

اتمنى لكم اجازة سعيدة يارب

ابصراحه فيه فندق رخيص بالي قيمته 500000
وبكوتا مابينه وبين البحر الا خمس دقايق مشي
ويقابله مطعم تركي ومقهى
انا اشوف انه مناسب لك
وهم بعد اذا تبي تحجزون اول يوم طيران هذا تلفون كاها +6281288330070

تروحين وترجعين بالسلامة يارب

المشاركة الأصلية كتبت بواسطة n_a111
http://www.arabtravelersforum.com/tr...5/#post3935735

ابصراحه فيه فندق رخيص بالي قيمته 500000
وبكوتا مابينه وبين البحر الا خمس دقايق مشي
ويقابله مطعم تركي ومقهى
انا اشوف انه مناسب لك
وهم بعد اذا تبي تحجزون اول يوم طيران هذا تلفون كاها +6281288330070



اخوي الف شكر لك ماقصرت بس شنو اسم الفندق اذا ماعليك امر

على راسي اخواني ماتقصرون

اختي كم سعر الفندق او الفيلا اللي انتي حاطة براسك وبأي منطقة
وانا راح اجيبلك موقعها وخدماتها وكل تفاصيلها بس حددي انتي

المشاركة الأصلية كتبت بواسطة shmshon-550
http://www.arabtravelersforum.com/tr...7/#post3936237

اختي كم سعر الفندق او الفيلا اللي انتي حاطة براسك وبأي منطقة
وانا راح اجيبلك موقعها وخدماتها وكل تفاصيلها بس حددي انتي





هلا اخوي بالنسبة للفندق ابي من 15 الى 20 دينار مو اكثر هذا في بالي وبالتحديد سينمياك او كاتا على حسب رايك لاني اول مرة اروح ماعندي فكرة


والفلل ماتتعدي 35 دينار كويتي ابيها غرفتين

واتمنى يكونوا يطلون على الشاطئ

وباندونق والجبل احنا للحين مانعرف فيها شي

يعني الاسعار كلها نبيها بالهحدود

مع الاحترام والتقدير

ابشري اختي منطقة سمينياك غالبيتها فلل
اشوف تسكنون بمنطقة كوتا بفندق لمدة ثلاث ليالي والثلاث اليالي الاخيرة بفيلا في منطقة سمينياك حسب كلامك بتسكنين بفندق وفيلا
الفندق بكوتا ارشحلك Mercure Kuta وبشدة موقع رائع وسعر رائع لمدة ثلاث ليالي ويقع على الشاطئ
وهذا مختصر من الكلام عن الفندق (يقع هذا الفندق العصري في موقع مركزي في وسط مدينة بالي، وهو محاط بالمطاعم والمتاجر والمرافق الترفيهية. يبعد الفندق مجرّد خطوات معدودة عن شاطئ كوتا الشهير )
الفيلا تقولين ماتبينها تتعدى 35 دينار كويتي يعني مايعادل 450 ريال سعودي
والله يااختي ماقدررت اجيب لك فيلا بسمينياك غرفتين باقل من 35 دينار
ولكن البحث جاري ان شاء الله

ربي يقويك اخوي ماقصرت والله هذا العشم فيكم


واختكم المزعجة تسال في احد عنده رقم الشقق اللي بجاكرتا عشان ندق ونحجز من الحين مال اول ليلة قبل لا نروح بالي

اختي كويتاويه موت نصيحة اخ اسكني في فندق واذا تبين فيه منطقة رائعه في منتصف جاكرتا شارع رادان صالح فيه فنادق رائعه هناك ونظيفه وعلى ضمانتي راح تعجبك يكفي وجود مطاعم عربيه تحتك والسوق الرائع الاتريوم قريب من هناك جدا حتى برج موناس قريب من هذه المنطقه والفنادق رخيصه هناك وامنه قد لا تتجاوز 400000 روبيه للغرفه المزوجه تحياتي لك اختي اخوك عاشق الشلالات .....،،،،،،

مرحبا للجميع

عندي سؤالين ماعليكم امر

شنو الفرق بين باندونق ولمبانق

اذا في فلل بالمناطق هذي عطوني عنوانها

والسؤال الثاني

لو فكرت اجيب وزن من اندونيسيا في اماكن شحن تشحن لي للكويت اذا تعرفون اتمنى تعطوني العنوان

وشكرا

الفندق المناسب لك اسمه شهيدا جايا
على الشاطئ مباشره , اتوقع في كوتا

المشاركة الأصلية كتبت بواسطة كويتاوية موت
http://www.arabtravelersforum.com/tr...0/#post3994100

مرحبا للجميع

عندي سؤالين ماعليكم امر

شنو الفرق بين باندونق ولمبانق

اذا في فلل بالمناطق هذي عطوني عنوانها

والسؤال الثاني

لو فكرت اجيب وزن من اندونيسيا في اماكن شحن تشحن لي للكويت اذا تعرفون اتمنى تعطوني العنوان

وشكرا



باندونق مدينه السكن فيها فندق او شقق مفروشه
لمبانق منطقه ريفيه تقع شمال باندونق يوجد فيها منتجعات وفلل منها ساري اتير - جراسيا سبا - وغيرها كثير يمكنك زياره الموضوع المثبت هنا لمعرفه المزيد
https://travel.maktoob.com:80/vb/travel267471/

السوال الثاني لا يختص بالسياحه يمكنك الاتصال بالبزنس سنتر في اي فندق تسكنونه او من خلال السفاره بيعطونك قائمه بشركات الشحن اذا كانت بضاعتك تحتاج كاونتر للشحن
واذا بضاعه اقل فيه مكاتب تخلي جمركي ايضا يدلك عليها لفندق او السفاره

* ملاحظه السكن في جاكرتا حاولي الا يكون في الداون تاون ومنطقه شكيني المزحومه ولا تناسب العووائل حسب رايي يااما السكن شمالها او في تامرين او سوديرمان احيا وسط جاكرتا التجاريه