الموضوع: مع السلامه

بسم الله الرحمن الرحيم

اخواني استودعكم الله الذي لا تضيع ودائعه وهو خير حافظ

ان شاء الله اليوم سفرتنا وحبيت اسلم على كل عضو واشكر اعضاء البوابه خاصه والمنتدى عامة على المساعدة وسعة لصدر والرد على استفساراتي

وخيرا اطلب منكم الدعاء لي ولاسرتي بالسلامه وحللونا ياجماعه :wink:

مواضيع عشوائيه ممكن تكون تعجبك اخترناها لك:

• توزيع الأيام في الولايات
• طالب العون منكم استفسار عن شيكاغو
• كروز والحفلات وحجوزات الفنادق والسيارات
• امريكا حلم ادخل وعطني رايك
• ايش افضل مدن صغيره في ضواحي نيويورك الي تبعد بالكثييير ساعة عن نيويورك؟
• استفسار بخصوص ورقة تعريف العمل
• آلاف طالب سعودي يبحثون عن قبول في الجامعات الأميركية العام الحالي
• الجو في مينيسوتاروشستر؟؟؟
• ولاية ايوا معلوماتالسكن والاماكن السياحية الرجاء المساعدة
• اسئلة عن مترو نيويورك والموقع الالكتروني
• موقع النادي السعودي في لورانس
• إنتهاء مدة الاجراء الاداري
• ضروووري وبشكل عاجل
• الرجاء الرد بسرعه لان سفرتي قربت
• استخراج فيزا أمريكيه
• هل ساواجه مشكله بسبب عمر الزوجه؟
• معــلومــات عن الولايــات في أمــريــكـا
• مواصلات مطار
• ايش رايكم ؟؟
• رحلتي إلي امريكا الذهاب نيويورك في والعودة من لوس انجلوس

تروحون وترجعون بالسلامه يارب

تروحون وترجعون بالسلامه ويحفظكم الله وان شاء الله تنبسطون
وخبرنا عن الوضع هناك

تروحون وترجعون بالسلامة إن شاءلله

و إن شاءلله تستمتعون برحلتكم ،،

بالتوفيق حبيبي وتروحون وترجعون بالسلامه وحلل دنيا وآخره

توصل بالسلامه..

الله يوفقك ان شاء الله وترجعون بالسلامه

تروحون وترجعون بالف سلامة ان شاء الله ..

وفي انتظار تقريرك

تروحون وترجعون بالسلامة إن شاء الله

رحلة سعيدة :smile:

تروحون وترجعون بالسلاامه يااااااارب .. =)

حافظكم رب الرحمن
وتروحون و ترجعون بالسلامه

مع السلامه اتعب القلب فرقاك ...


الله يحفظك ويرعاك ...

تروح وترجع بالسلامه ...

تروحون وتردون بالسلامة , واتمنى لكم اجازة سعيدة والله ييسر اموركم والله الله بالتقرير الحلو بعد ما تردون بالسلامة.

تروحون وترجعون بالسلامة

الحمد لله على السلامه(يمديكم وصلتم الحين:109



بشر شلون الاوضاع ؟

حنا لاحقينكم يوم 9 جولاي:8888:

نجد umunhum

عبدالله1987 the-wise-man

صندوق (انت لك شكر خاص ويعطيك العافيه على الفندق دعيتلك اول ما دخلت بعد تعب 20 ساعه طيران)

shaaadn cadillaca

impact طموح ماله حدود متى نوصل


q8ya matnagla الماطر سماري الحوسني هند العسوله


اشكركم كلكم والوضع حلو ومشكورين عالدعاء

asm2009

الله يسلمج وان شاء الله رحله مريحه والوضع جدا عادي حياكم :24:

اخوي شراع

بشر..

عسى جاز لك الاوتيل؟

والشي الثاني

تراني تارك لك ظرف .. اتمنى انهم عطوك اياه..

شكرا

والحين بعد ما وصلت بالسلامه نبي اخباااااااااااااااااااااااار طاااااااااااااااااازة
اترك عنك الكسل وكل يوم اكتب لنا اخبارك واخبار البلد !!
اسبوع وجاااايين لكم
الله يسهل ع الكل !

صندوق اطمن الاوتيل ممتازونظيف واحتمال امدد كم يوم لان ودي اشطب عالجنوب ودزني قبل لانروح الشمال وامس حاولنا تنتصل عليك نشكركك ونستفسر عن دزني داون تاون بس ماطلع الاتصال والظرف استلمته ومشكور يالطيب

شدن الوضع ممتاز بس يالله تعالي وورينا النشاط وجيبي الاخبار الطازه

المشاركة الأصلية كتبت بواسطة شراع الهوى
http://www.arabtravelersforum.com/tr...0/#post3068450

صندوق اطمن الاوتيل ممتازونظيف واحتمال امدد كم يوم لان ودي اشطب عالجنوب ودزني قبل لانروح الشمال وامس حاولنا تنتصل عليك نشكركك ونستفسر عن دزني داون تاون بس ماطلع الاتصال والظرف استلمته ومشكور يالطيب



معليش اخوي..

جوالي السعودي مفصول.. تجاوز الحد الائتماني.. :112:


والامريكي... ما اشتغل هنا في كندا...


عموما اهم شي تنبسطون :101: ... لا تنسى تروح مطعم كالفورنيا بيتزا كيتشن...

تراه :24:

يالله استعد لدفع فواتير التلفون واحنا ان شا الله اليوم بناكل في كاليفونيا بيتزا

اتمنى لك رحله سعيده بكندا

اذا رجعت ان شاء الله بعد شهر

طيب..

كنت بقولك وش تطلب..

فيه في المقبلات شي اسمه سنموري .. اسمه شي زي كذا.. يجي ست قطع.. بتشوف صورته.. لازم تطلبه..

وفيه بيتزا مارقريتا.. اطلبها رقيقه.. خيااااااليه

وفيه في الباستا...

خذ رافيولي... جناااااااااااااااااااااااااااااااااااااااااااااااا ان

وبالعافيه عليكم يا رب

المشاركة الأصلية كتبت بواسطة صندوق
http://www.arabtravelersforum.com/tr...6/#post3070726


عموما اهم شي تنبسطون :101: ... لا تنسى تروح مطعم كالفورنيا بيتزا كيتشن...

تراه :24:



اذا جت سيره الاكلات تشتغل السعبولات على الكي بوردات :tongue::109:
وين موقع هالمطعم
وواذا في بالك مطاعم مميزه ياريت تنصحنا !! بالشمال او الجنوب " LA "
اكيد رحت لجيز كيك فاكتوري .!! ايش الطلبات الوواااااااوو !؟!؟!؟

تشيز كيك ما جاز لي ابد بصراحه..

واستغرب الزحمه الخياليه الي عنده

بالنسبه للمطاعم..

فيه مطعم ايراني اسمه جوان موجود في سانتا مونيكا على سانتا مونيكا بلوفارد

وفيه مطعم جوني روكيت... قسم بالله ملعوب علينا في الرياض... طعمه غير غير..

وفيه كذلك..

قهوه فرنسيه حلوه مره.. عندهم ساندويشات دجاج لذيذه بالحيل... القهوه موجوده على الجسر في مجمع South Coast Plaza في ارفاين

عالعموم ملحوقه لان اليوم رحنا قاردن ووك بس ورحنا سبكتروم ارفاين بس ماكلينا فيه اكلنا بمطعم ثاني لما خلصنا شفنا كالفورنيا بيتزا كيتشن بس احسن عشان اطلب اللي قلت عنه

عالعموم بسأل عن السي وورد اللي بسان ديغو هو شنو بالضبط العاب مائيه ولا بس عرض للحيتان وكم من الوقت تحتاج لزيارته لان مو ناوين نبات في سان ديغو بروح من الصبح ونرجع بالليل

المشاركة الأصلية كتبت بواسطة شراع الهوى
http://www.arabtravelersforum.com/tr...3/#post3075113

عالعموم ملحوقه لان اليوم رحنا قاردن ووك بس ورحنا سبكتروم ارفاين بس ماكلينا فيه اكلنا بمطعم ثاني لما خلصنا شفنا كالفورنيا بيتزا كيتشن بس احسن عشان اطلب اللي قلت عنه

عالعموم بسأل عن السي وورد اللي بسان ديغو هو شنو بالضبط العاب مائيه ولا بس عرض للحيتان وكم من الوقت تحتاج لزيارته لان مو ناوين نبات في سان ديغو بروح من الصبح ونرجع بالليل



السي وورلد العاب ورول كوسترز وعروض

ان شاء الله تستانسون فيها ..

إجازة سعيدة عزيزي... ولا تنسى تصور كل شي عشان التقرير
:101:
الله يحفظكم من كل شر وإن شاء الله تستانسون بسفرتكم:24:

المشاركة الأصلية كتبت بواسطة شراع الهوى
http://www.arabtravelersforum.com/tr...3/#post3075113

عالعموم ملحوقه لان اليوم رحنا قاردن ووك بس ورحنا سبكتروم ارفاين بس





السلام عليكم


انا اول مره اسمع بالقاردن ووك


عباره عن شنو , وهل يستحق الزياره


وشاكرين لك

موفقه يارب

والله شوقتونا لذيك الديره الله يحفظكم ... بس اذا جت فرصه ومريتو من عند Uci فسلمو عليها ولا تنسون تستمتعو بكل دقيقه في كلفورنيا وترجعون سالمين ان شاء الله

المشاركة الأصلية كتبت بواسطة sager33
http://www.arabtravelersforum.com/tr...7/#post3075447

السلام عليكم


انا اول مره اسمع بالقاردن ووك


عباره عن شنو , وهل يستحق الزياره


وشاكرين لك




القاردن واك.. هو Anahaim Garden Walk عباره عن مجمع مفتوح فيه مواقف مجانيه لمده ساعتين فقط... يتكون من مطاعم وقهاوي وبعض المحلات.. فيه على سبيل المثال.. جوني روكيتس. وكالفورنيا بيتزا كيتشن وكذلك تشيز كيك فاكتوري... وفيه سينبون.. وفيه ايضا سينما...

المجمع حلو تروح لها عصريه..

مكانه قريب للديزني داون تاون موجود على كاتلا افينيو Katela Ave

المشاركة الأصلية كتبت بواسطة شراع الهوى
http://www.arabtravelersforum.com/tr...3/#post3075113

عالعموم ملحوقه لان اليوم رحنا قاردن ووك بس ورحنا سبكتروم ارفاين بس ماكلينا فيه اكلنا بمطعم ثاني لما خلصنا شفنا كالفورنيا بيتزا كيتشن بس احسن عشان اطلب اللي قلت عنه

عالعموم بسأل عن السي وورد اللي بسان ديغو هو شنو بالضبط العاب مائيه ولا بس عرض للحيتان وكم من الوقت تحتاج لزيارته لان مو ناوين نبات في سان ديغو بروح من الصبح ونرجع بالليل



السي ورلد.. ما فيها الا لعبه وحده للكبار.. واكثر شي العروض..

بصراحه ما حبيتها.. واعتبر نفسي اني ضيعت وقت فيها..

رح لسان ديغو زو اصرف..

بعد غيبه رجعت لكم لان جهازي اخترب وخذا وقت للتصليح

بالنسبه للسي وورلد رحت لها مو عشان الالعاب بس عشان عرض الحيتان اعيالي يبونه واستانسنه بطريج سان ديغو اكثر

حيا الله ابو صالح..

وحمد لله على سلامه جهازك...

بشرنا عنك..

عسى اموك تمام..


ترا وعدنا عند ميس الغانم ناوي يجي بعد احد هالعيدين

اخوي..

طريق سان ديغو يوسع الصدر..

بس الي يوسع الصدر وبشكل خيالي... طريق لوس انجلس الى سان فرانسيسكو... الهاي واي رقم 1... شي خيالي... بمعنى الكلمه..

عموما.. بقولك على شي..

فيه مكان مهم مره مره مره تروح له..

سانتا بابرا...

ديره رووووووووووووووعه..

تبعد عن لوس انجلس تقريبا ساعتين..

رح لها اول النهار... وتغدى هناك وشف الشاطئ الي يرد الروح.. وتمش في سكياكتهم...


بصراحه حبيب سانتا بابرا اكثر من هوليود وبفرلي هلز وسانتا مونيكا وانهايم وطقيتهم كلها...

اخوي صندوق شحالك .. الفندق اللي قلتلي علي اللي في انهايم كلمتهم امس وحجزت يوم وطرشولي ايميل وقالولي قبل ماتجي بيوم ارسل لنا ايميل عشان نأكد الحجز .. ادري انك تمدح الفندق بس سؤال للاطمئنان هل الفندق نظيف نظيف ؟ الفطور الي يقدمه الفندق هل هو نظيف ؟ والمنطقة اللي فيها الفندق امان ؟ وسلامتك

الفندق نظيف...

بس ترا عاااادي... ومو فخم..

واسئلوا شراع الهوى وكويتي بريطاني..

الغرف فيها مطبخ..

وبصراحه كنا نفطر بالغرفه...

ما خذنا فطورهم

والمنطقه اماااااااااااااااااااااااااااااااااااااااااااااااا ااااااااااااااااان ولا فيه شي يخوف...

ومنطقه بعد هاااااديه..

مره ثانيه.. الفندق عادي وبعيد عن الفخامه

الله يجزاك خير .. المهم النظافة مب الفخامة لان الجلوس في الفندق راح يكون للنوم فقط ..

تسلم

الفندق حليو زصغيرون وامن ونظيف بس الفطور عادي جدا بس توست وزبدة وكورن فلكس احنا نشتري اغراض من السوبر ماركت وناكل بالغرفه متى ماصحينا عالراحه

صندوق الله يسلمك انت بشر شلون كندا معكم

وشوقتني لسانتا باربرا ان شالله امرها احنا باجر بروح\لاس فيغس بصراحه الجنوب ارقى واهدى بس بيفرلي هيلز وهوليوود حلوه وحركه والخليجيين وايد ببفرلي هيلز بسان شالله لارجعنا من فيغس نمر سانتا بربرا
بسال عن اليونفرسال ستوديو تسوى خصوصا ان اليهال يتمللون ببسرعه اليوم مرينا يمها بس مادخلنا حولنا على شارع النجوم اليهال كيفوا عالتصوير مع الشخصيات وبعدها وقفنا نشوف الالعاب الناريه بمناسبه عيدهم الوطني

المشاركة الأصلية كتبت بواسطة شراع الهوى
http://www.arabtravelersforum.com/tr...2/#post3099562

صندوق الله يسلمك انت بشر شلون كندا معكم

وشوقتني لسانتا باربرا ان شالله امرها احنا باجر بروحلاس فيغس بصراحه الجنوب ارقى واهدى بس بيفرلي هيلز وهوليوود حلوه وحركه والخليجيين وايد ببفرلي هيلز بسان شالله لارجعنا من فيغس نمر سانتا بربرا
بسال عن اليونفرسال ستوديو تسوى خصوصا ان اليهال يتمللون ببسرعه اليوم مرينا يمها بس مادخلنا حولنا على شارع النجوم اليهال كيفوا عالتصوير مع الشخصيات وبعدها وقفنا نشوف الالعاب الناريه بمناسبه عيدهم الوطني



انا اموري تمام

يونيفرسال ستوديو... حليوه مهيب شينه..

بينسبطون فيها الصغار ان شاء الله..


لاس فيغاس :106:

الله وصلكم بالسلامه... ديره حلوه بمعنى الكلمه.. بس الله يعينكم على طريقها.. ممل ويحوم الكبد..

اهم شي اخوي ابو صالح.. تروح سانتا باربرا.. والله انها اكثر شي عجبني... روح شوف الشواطئ كيف... ولا تنسى تمر على اهم شارع وهو شارع state

موفقين يارب...

واذا محتاج حق اي شي بخصوص لاس فيجاس.. انا بالخدمه :101:

اليوم وصلنا لاس فيغس الساعه 8 بالليل مع العلم ان طلعنا الساعه 12 الظهر بس لانه وقفنا عند المولات اللي بالطريق وقفنا عن الاوت لت اللي بنهايه كاليفونيا بس فعلا الطريق ممل خصوصا لاني مشيت نفس المده بجنوب افريقيا من كيب تاون الى قاردن روت وماحسيت بالوقت من جمال المناظر جبال خضره على مد البصر استراحات نظيفه تفتح النفس هذا غير النعام اللي يمر عليك والخرفان البيض اللي ذكرتنا بافلام الكرتون فتاة المراعي والبحيرات البدعه

بس لاس فيغس لويه ومناظر شويماتصلح لليهال بس قالولي عن عرض سيارات وحلبه يصير ورا الشارع مال الفنادق مادري اذا عندكم عنه فكره او لا

تروح و ترجع بالسلامة و يسلمكم من كل شر