الموضوع: اجراءات مطار لوس انجلوس

ياشباب من اللي نزل مطار La قريب...................وش نوعية الاسئله..ودي اسمع من شخص مسافر لحاله سياحه...تكفون.

مواضيع عشوائيه ممكن تكون تعجبك اخترناها لك:

• كشف الحساب ؟؟؟
• السكن لعائله عددها كبير و اقتراحكم بالخطه
• إجراءات التفتيش في مطارات امريكا
• مساعدة عاجلة
• استفسار ارجو المساعده
• أستفسار بسييييط
• ايهما افضل دنفر او بولدر ؟؟
• يا شباب ماهي رسوم السيفز ووين التسديد
• خطتي لزيارة امريكا مطلوب
• ارجو الرد في اسرع وقت استفسار عن موقع حجز
• فزعه من أهل بوسطن و واشنطن دي سي
• اول زيارة لامريكا، خمسون يوما سياحةً في الساحل الغربي، ساعدوني ارجوكم
• اين افضل مكان للتسوق في امريكا
• ممكن ياشباب ويابنات اخوكم بحاجتكم
• سؤال لو تفضلتم
• جامعة Northeastern Illinois University في شيكاغو
• تكفون من يساعدني وبدلني؟؟؟
• هل ممكن
• تعبت من طول السفر وانتظاره ؟
• موعدى يوم أكتوبر للحصول فيزا سياحية

هلا اخوي
ياخي انا ما ادري ليش انتوا مهولين الموضوع لهدرجة
خلك واثق من نفسك وتوكل على الله ولا ترتبش بالاجابه
خلك كووووووووووووول وصدقيني مافيه اي مصاعب تذكر

Ac

مشكور اخوي بس ما ريحتني مره...........هل حجوزات الفنادق مطلوبه ؟السؤال للجميع.

والله بالنسبه لي محد سألني عن السكن وين راح يكون
لأنه والله اعلم ان هذي شغلت السفارة وليست شغلت موظفي الهجرة
والله اعلم

أهلا وسهلا,
بحفظ الله وصلنا أمس مطار لوس أنجلوس وكانت الإجراءات سهلة وسريعة والأمور تمام وحاليا في فندق ماريوت مارين ديل راي لمدة ليلة وباجر الصبح يونسفيرسال بعدين ننطلق لاس فيجاس. شكر خاص لجميع الأعضاء على الإفادات إللي ساعدتنا في ترتيب برنامج الرحلة. تحياتي

الحمد لله على سلامة الوصولOm_Khalody .......ماأدري سألوكم عن حجز الفنادق ولا لا............رحلة ممتعة

أخي الكريم
السؤال المشترك تقريبا لأغلب المسافرين عند الوصول لأي مطار في الولايات المتحدة هو عن غرض الزيارة؟ وأين ستذهب / الأماكن التي ستزورها في رحلتك ؟ وممكن بناء على اجابتك يدخل معاك في اسئلة متفرعة لمزيد من التفاصيل او يسالك اسئلة شخصية عنك وعن وضعك الأجتماعي وهذه قد تكون جاوبتها في مقابلة السفارة وهو يسالك للتأكد فقط فأنت خليك كوول وخلي اجاباتك على قد السؤال واطمن انها اجراءات عادية ممكن تواجه أي مسافر سائح في اي مطار في العالم
طبعا في كرت الوصول الذي ترفقه مع جوازك لموظف الجوازات يجب أن تضع عنوانك لأول ليلة فلو يكون معاك تأكيد حجز الفندق أو ايجار السيارة أو غيرها من الحجوزات يكون أفضل وتبقى هذه ترتيبات خاصة بك عشان ما تتبهدل أول ما توصل ولكنها ليست إلزامية أنك تحملها ولو أنه الأفضل أن تكون معاك على سبيل الأحتياط
بخصوص تجربتي الشخصية عند الوصول فأنا لم أصل من قبل لمطار لوس أنجلس من الخارج ولكن دخلت أمريكا من مطارات وشنطن وشيكاغو ونيويورك وكلهم نفس الأجراء ونفس الاسئلة تقريبا

أخي Tripadvisor كلمة حق أنا اشهد أنك كفيت وفيت عسى الله يرزقك الفردوس الاعلى من الجنة...صراحة ريحتني حيل..كل الشكر والتقدير.

اخوي انا جاي لحالي وسياحه مثلك وعلى الاماراتيه وهذي اول مره اروح لامريكا المهم انهم في اجراءات الدخول اخذوني لمكان ثاني بحكم انه اول دخول لي لامريكا وفي اجراءات خاصه له وكان في هالمكان اكثر من شخص من كذا جنسيه المهم اني انتظرت تقريبا ثلث ساعه حتى نادى اسمي الضابط اللي سوى لي المقابله سئلني في البدايه كم عمري ثمين قال جاي لحالك قلت له ايه استغرب وقال مافي احد تعرفه هنا قلت له لا وانا بصراحه في اقارب لي يدرسون لي هنا بس لاني قايل لهم في مقابلة التقديم للفيزا اني مافيه احد مابغيت اغير كلامي والظاهر بس ماني متأكد انه سئلني وين بتسكن ووريته ورقة حجز الفندق بعدين سئلني وش اشتغل قلت له وظيفتي كذا ويين اشتغل بعدين قال لي كم بتقعد قلت شهرين قال كيف بتغطي تكاليف سفرتك قلت له اني معاي الكريدت كارد حقتي وطلعتها له ماستر كارد وامريكن اكسبريس قال اوكيه وختم على اوراقي وعطانيها وقال خلاص تفضل وترا الاسئله اخذت اقل من عشر دقايق الزبده حسيت من اسئلته انه بيتأكد من شييئن اني جاي مجرد لسفره لوقت محدد وبعدها برجع لديرتي والشي الثاني اني اقدر اغطي تكاليف هالسفره وانا اصلا كنت مهيئ نفسي للمقابله بس كنت شايل هم اني اطول فيها لاني كنت ابي اتصل على اهلي واقول لهم اني وصلت واطمنهم ولا عادي لو اقعد كم ساعه ماعندي مشكله لاني ماني شايل هم طايره ثانيه الحق عليها ولا شي ثاني المهم اخوي الموضوع عادي جدا اجراءات روتينيه وترا عادي يمكن بتلاحظ ان بعض الموظفين فيهم شوفة نفس خاصتن اللي اصولهم اسيويه تحس انه مسوي انا القوي ههههه لكن خلك ريلاكس ولا تشيل هم ابد وان شاء الله امورك تمشي تمااام وبالتوفيق لك

Mr.M وش أقول وش أخلي.............اللي أقدر أقوله أسأل الله أن يوفقك دنيا وآخره وكل من شارك في هذه الردود.

مشكور أخوي سرايا ، لا تشيل هم كل شي بفضل الله سهالة ، وأسئلتهم جدا عادية.

والي الانجليزي عنده ضعيف بس مش سيء هل فيه مترجم اذا استدعى الامر ...

لاني عارف بجاوب على البعض وفي اساله بتوهق فيهااا ...

رحلتي يوم السبت ا خر الليل من البحرين الى دبي على الاماراتيه ثم الاقلاع الى لوس انجيليس 8:30 صباحا ان شاء الله .........فيه احد على نفس الرحله؟

انا حجزت اول اربع ليالي في الفندق واقامتي شهر كامل............هل فيه مشكله؟