الموضوع: إستفسار عاجل جدا

أخواني السلام عليكم ورحمة الله وبركاته , أنا عندي استفسار عاجل وأتمنى منكم المساعدة وإبداء النصيحة ولكم مني جزيل الشكر .

إستفساري هو
1- هل بإمكاني دراسة الماستر في بريطانيا بداية من عام 2010 حيث انني لم أقدم على البعثة في المرحلة الخامسة لظروف خاصة جدا وكانت النية موجودة للتقديم في السنة القادمة ولكن ولله الحمد زالت الظروف وأنا الان مهيأ تماما للدراسة ويشهد الله أنني متحمس لها ولاأريد ضياع سنة كاملة من عمري .

2- إذا كانت الإجابة نعم ماهي الطريقة ( يعني هل أقدر أدرس على حسابي ومن ثم اقدر التحق بالبعثة, أو هل أقدر أقدم على الملحقية بلندن , او أي شيء آخر تفيدوني به )

3- ماهي خطوات التقديم في أي جامعة في بريطانيا ( لأني ماأعرف أي شيء عنها وأيضا عن خطوات الإبتعاث لأني زي ماأخبرتكم في السابق أنه لم تكن عندي نية للدراسة هذه السنة ) .

ختاما / الله يوفق كل من يرد علي دنيا وآخره وربي يسر أموره إن شاء الله .

مواضيع عشوائيه ممكن تكون تعجبك اخترناها لك:

• سؤال عن المعيشة والدراسة في اكس فورد
• استفسار بخصوص دراسة الماجستير
• محاسبه ؟؟؟ شرايك
• سؤال مايخطر على البال
• الغالي ملبورن نصيحتك لي
• ممكن تفيدونا عن مركز ترجمة معتمد في الرياض
• سؤال عن جامعتين مدري جامعتان
• ☻☻ مساعدة حول أستفسار عن جامعة ☻☻
• قصه نادر مع الدراسة
• حاسب آلي معدل خريجة عام هـ طيب وش السبب ؟؟؟؟
• استفسار ضروري ياشباب عن السفارة
• مكاتب القبول؟
• القبــــــــــــول بكـــــندا
• معهد سكول في كامبردج
• مسافر الى كانتربري للدراسة
• مساعدة بخصوص الفر الى امريكا
• معهد ريجنت برايتون
• معليش ازعجتمم بس غصب من علي
• المرافق كيف يلتحق بالبعثة
• كيف احصل على فيزا الشنقن من امريكا

أشكرك اختي بنت المطر على الاجابه بس أبسألك كم تكلفة دراسة اللغة وكم مدتها وهل بداية الماستر محصورة فقط في يناير واكتوبر يعني في منتصف العام لايوجد وايضا اين يعقد اختبار الايلتس في السعودية واخيرا هل الالتحاق بالبعثة مضمون وآسف جدا على الإطالة

اهلا اخوي

بالنسبه لتكلفه الدراسه تختلف من معهد لمعهد وماعندي والله خلفيه بحاول اجيب لك معلومه
مده اللغه تعتمد عليك انت اذا لغتك حلوه تدرس شهر وبعدها تقدم على امتحان الايلتس وتشوف كم تجيب

بالنسبه لبدايه الماستر اي هذا على حسب علمي انها على يناير او اكتوبر
يناير يعتبر بدايه الترم الثاني واكتوبر هو بدايه كل سنه دراسيه

اختبار الايلتس الان متاح في معاهد كثيره واعرف المجلس الثقافي البريطاني بالرياض وله فروع وكمان اكاديميه سراي وغيرها

الالتحاق بالبعثه ان شاءالله مضمون لكن لابد ان لك احد يحرك معامتلك وهذي كل متطلبات اي معامله بالسعوديه

تمنياتي لي ولك بالتوفيق ولاتنساني من دعائك

الله يوفق دنيا واخره ويسر لك أمورك اختي بنت المطر بس أنا مستغرب حاجه انتي تقولي الفصل الاول يبدأ اكتوبر ( يعني اكتوبر و نوفمبر و ديسمبر ) والفصل الثاني يبدأ بيناير ( يعني يناير وفبراير ومارس )
سؤالي من شهر 4 الى 9 معقول كلها اجازة

الحاجة الثانية اتمنى من الاعضاء اللي عندهم خلفية عن التكلفة يفيدونا

معليش للتوضيح.. الالتحاق في بريطانيا وايرلندا تم ايقافه هالسنة.. واذا تبي تتأكد تقدر تتصل على الملحقية..
أصلاً حتى في البعثات السنة مافي بريطانيا.. إلا إذا كنت ضامن واسطة

وبالنسبة للسؤال بخصوص الدراسة في يناير.. اي تقدر تبدأ ماستر.. بس غالبا ً مو كل التخصصات تنوجد على السمستر الثاني.. ينزلون بس الأكثر طلباً
فأنت شوف التخصص والجامعة وشيك معهم

بداية الماستر عادة في شهر سبتمبر.. وهو بداية الترم الأول والترم الثاني يكون بعد راس السنة

بعض الجامعات تطرح بعض التخصصات على الترم الثاني.. وبعض الجامعات مافي غير بسبتمبر

عموماً اذا كنت جايب ستة ونص على الاقل في الايلتس تقدر تلحق على يناير

الدرجة المطلوبة للايلتس.. الغالبية ستة ونص ولكن بعضهم سبعة هذا للماستر
بالنسبة للبكالريوس من خمسة .. وبعضهم خمس ونص وبعضهم ستة لكن قليل ستة الا اذا كنت طب ومشتقاته

الماجستير تكلف تقريباً 9600 باوند (سعر الماجستير حقي)

أشكرك أخوي memi على إيضاح الأمر والله يكتب اللي فيه الخير للجميع بس انا سؤالي عن تكلفة اللغة وليس تكلفة الماجستير

المشاركة الأصلية كتبت بواسطة النمر 15
http://www.arabtravelersforum.com/tr...7/#post3453887

أشكرك أخوي memi على إيضاح الأمر والله يكتب اللي فيه الخير للجميع بس انا سؤالي عن تكلفة اللغة وليس تكلفة الماجستير



يختلف من معهد لمعهد بعضهم ٢٠٠ باوند بالأسبووع والبعض ٣٠٠ باوند بالأسبوع وقد تلقى أرخص من ٢٠٠ باوند بس المعدل من ٢٠٠ لين ٣٥٠

أخوي memi معليش طفشتك بالأسئلة وان شاء الله تكون الأخيرة
1- أيش اقل مدة لدراسة اللغة لكي تدخل على الماستر .
2- ماهو اختبار الاليتس وماهي درجته الكامله
3- لو واحد لغته 40 % هل راح يستفيد من المعهد لتحقيق الدرجة المطلوبه.
4- ماهي مدة دراسة الماستر في بريطانيا .
5- مالفرق بين اختبار الايلتس واختبار التوفل .
6- ماهي افضل مدينة في بريطانيا من جميع النواحي ( الإجتماعية , الأمن , المعاهد القوية , رخص المعيشة )

والله يرعاك ويحفظك من كل مكروه

المشاركة الأصلية كتبت بواسطة النمر 15
http://www.arabtravelersforum.com/tr...5/#post3454745

أخوي memi معليش طفشتك بالأسئلة وان شاء الله تكون الأخيرة
1- أيش اقل مدة لدراسة اللغة لكي تدخل على الماستر .
2- ماهو اختبار الاليتس وماهي درجته الكامله
3- لو واحد لغته 40 % هل راح يستفيد من المعهد لتحقيق الدرجة المطلوبه.
4- ماهي مدة دراسة الماستر في بريطانيا .
5- مالفرق بين اختبار الايلتس واختبار التوفل .
6- ماهي افضل مدينة في بريطانيا من جميع النواحي ( الإجتماعية , الأمن , المعاهد القوية , رخص المعيشة )

والله يرعاك ويحفظك من كل مكروه



1- اقل مدة تعتمد عليك انت شخصياً.. يعني انت هل تحس نفسك تفهم كل الي ينقال (مو شرط كلمة كلمة) المعنى واضح بالنسبة لك؟؟
2- اختبار الأيلتس اختبار اكاديمي يحدد مستواك في اللغة الانجليزية الأكاديمية عشان كذا تلقى ناس خريجة انجلش بس قبل ماتختبر الامتحان تاخذ دورة قصيرة للتحضير للإمتحان.. لأنه يعتمد بشكل كبير على السرعة وتنظيم الوقت والتركيز بالإضافة للمصطلحات الأكاديمية.. الامتحان يعادل التوفل بالنسبة للتقديم للجامعات وتقدر تسويه بكذا مكان والنظام هو هو والأسئلة متقاربة لحد كبير جداً يعني الي ينعطى في السعودية ينعطى في بريطانيا والبحرين وغيره.. الدرجة الكاملة تسعة او تسعة ونص وحدة منهم.. وطبعاً ماراح تجيبها.. دايم الإنجليز يقولون.. ان الإنجليزي لو اختبر راح يجيب بالكثير 8.. لأن زي ماقلت هو اختبار اكاديمي يعتمد على التكنيك وسرعة البديهة اكثر من انه اختبار يقيس المستوى الحقيقي للغتك
3- الماستر في بريطانيا سنة واحدة فقط
4- الأيلتس والتوفل زي ماوضحت فوق.. نفس الألية وأحدهما يغني عن الثاني في التقديم للجامعات.. اهم شي تجيب الدرجة المطلوبة..
5- أفضل مدينة بريطانيا.. مافي شي اسمه افضل مدينة.. كل مدينة تمتاز عن غيرها بشي معين.. ومستوى المعاهد صدقني مافي اي معهد اقوى من الثاني.. مثلاً تلقى معهد معين له عشرة فروع بعشر مدن بريطانيا.. يمكن تلقى اثنين من هالفروع احسن من غيرهم.. المعاهد هنا تعتمد نفس النظام نفس الأسلوب.. وكلهم راح تصادف عرب على الأقل واحد إلى اثنين معك بالكلاس.. رخص المعيشة بالطبع كل مابتعدت عن المدن الرئيسية زي اوكسفورد ولندن وكامبردج كل مارخصت الاسعار.. بس بشكل عام معارفي يمدحون كاردييف, شيفيلدز

انا اشوف الغالبية هنا تدرس لغة سنة وتزيد بعد.. يعني زملائي درسوا سنة ونص لغة.. أنا جيت لغتي معقولة درست ثلاث شهور .. لكن بيني وبينك.. احلى وقت هو سنة اللغة.. ومن جد تتعلم اشياء كل ماطولت في المعهد.. لو يرجع الوقت.. كنت باخذ راحتي في دراسة اللغة

أتمنى اكون أفدتك.. واذا في شي بخاطرك لاتتردد.. مانبي غير دعوتك

الاخ memi والله العظيم لو ابشكرك من اليوم الى بكره ماتكفيك لكن ماقول الا الله يوفقك في الدارين ويسر لك امورك ويحقق لك جميع ماتتمنى