الموضوع: اخواني الكويتيين ارجو المساعده العاجله

اخواني ارجو انكم تساعدوني في معرفة التفاصيل عن الشقه الي بكتب اسمها لكم وخاصه الي قريب عليها وهي شقق Red Tower Furnished Apartments
في بو حليفه انا شفت الصور بس مو متاكده هل هي زينه وانا بس ابيها حق النوم فقط لان طول وقتنا برا وابي اعرف كم تبعد عن هلتون المنقف وكم تبعد عن الشعب .
وادري انكم مابتقصرون يمال العافيه

مواضيع عشوائيه ممكن تكون تعجبك اخترناها لك:

• استفسآرآت الأسوآق الملآبس
• نصيتكم يا اهل الكويت
• خذاك الوقت
• ضرووووووووووري
• عاجل ضروري تكفون ساعدوني الخطوط الصينية وساعات الانتظار
• جاي للكويت اربعة ايامايش افضل شريحة للاتصالات لي ولزوجتي
• سؤال عن شركات وجبات الريجيم يا شباب
• شريحة جوال بالكويت ، ما أفضل الشرائح ؟
• الفززززعه شقق ميررراج
• أخواني وعيال عمي الكويتين محتاج مساعدتكم عندي استفسار بخصوص السكن بالكويت
• العيد في الكويت
• «طيران الجزيرة» تطمح خلال سنوات لبلوغ محطة في أوروبا وإفريقيا وآسيا
• منتجع شاطئ النخيل بالبدع تقرير مصور
• التخفيضات الموسمية على الماركات العالمية
• شقق عوائل بالكويت
• اهل الكويت رجاااء خاص المساعدة
• سارة بلازا الجمال والروعة وحسن الضيافة بالكويت
• احداثيات اهم المواقع لمدينة الكويت وضواحيها
• بنات الكويت النشميات مساعدتكم بليز
• نهوني

هلا فيج بصراحة ما اعرف هالشقق بس هي قريبة من هيلتون المنقف تقريبا 10 او اقل بالسيارة بما انها بمنطقة ابو حليفة وعن الشعب اقل من نص ساعة يعني بدون زحمة 20 دقيقة والكويت اختي مو من كبرها تحياتي ويا هلا ومرحبا فيكم

قريب من منطقة ابو حليفة فندق هيلتون المنقف وفندق سفير الفنطاس وسوق الفحيحيل وفيه مجمع الكوت والمنشر وكويت ماجيك مول والعاب ومجمع المطاعم بالفنطاس ومجمع البيرق بالعقيلة هذا اللي اذكره تحياتي

الله يرضى عليك ماقصرت اخوي واهل الكويت اهل فزعه دائما بس انا حبيت اعرف مستواها يعني نظيفه ولا كلش ماتنفع
ومشكور وبيض الله وجهك

والله يا اختي الكريمة ما اعرف عن نظافتها بس ليش ما تشوفون سفير الفنطاس عامل عروض ولا لا العفو وبالخدمة

اختى العزيزة ليش ساكنة بعيد ليش ماتسكنين بالسالمية افضل من الفنطاس والمنقف

الله يجزاك خير تعبتيك معاي سفير الفنطاس جم يبعد عن الهلتون لان فيه مناسبه عندنا بالهلتون عشان جيه اسال ابي اقرب شقق للهلتون وانا لقيت رد تاور بموقع بوكينك وموقع هوتلس لانها اقرب شقق وفيه روتانا بالفحيحيل بس غالي وانا ابي غرفتين وصاله مايسوى وانا بس حق النوم الله يعز قدرك

اخوي بيت الكويتي الله يعطيك العافيه ومشكور على ردك علي بس انا مثل ماذكرت فوق اني جايه وعندنا مناسبه في الهلتون وابي قريب حيل من الهلتون

الله يوفقج انشالله بالنسبة للسفير يبعد 10 دقايق على هلتون بس غالى انتى جم حدودج بالدفع

الله يرضى عليكم والله اخجلتوني بسرعة ردكم انا في حدود 50 دينار تقريبا لان احنا مب قاعدين كلش فيها بس الله يرفع قدرك للنوم فقط انا والعائله يعني بنوصل من المطار على الشقه على طول وبنطلع واليوم الثاني المناسبه الي جايين عشانها وبعدين بنسوي شيك اوت

اختي انسب مكان لكم شقق تراس الفندقيه الفنطاس

الفنطاس 1 : 999327701
الفنطاس 2 : 997133767


شارع واحد من شقتكم للهلتون مدته 5 دقايق ودقيقه احتياط

حياكم الله

يعطيك العافية اخوى وتستاهل اختنا المساعدة اى شى تبين احنا خوانج بالكويت

اخوي كويتي 1968 الله يعطيك العافيه ماقصرت وفي ميزان حسناتك بتصل عليهم ان شاء الله وبشوف وهي عز الطلب لاني ابي قريب حيل
اخوي بيت الكويتي الله يرضى عليك وانا متاكده انكم كلكم اخواني والله وماشاء الله كل واحد احسن من الثاني الله يمتعكم بالصحه والعافيه ويديم الامن والامان عليكم يالكويتيين