الموضوع: طالبه مساعدتكم ترتبونلي رحلتي

احنا عايله أصغر فرد فينا عمرها 17 و طالعين لاورلاندو بأوغست ان شالله لمدة اسبوعين

و ناوين ان شالله 4 ايام ديزني و يومين يونيفرسال و يوم بوش قاردنز بس هذي الملاهي اللي نبي نزرها المشكله باقي الاسبوع وش نسوي فيه؟؟؟ ياليت تدلونا على اماكن غير الملاهي:110:

مواضيع عشوائيه ممكن تكون تعجبك اخترناها لك:

• أرجو من الاخوان مساعدتي
• المساعدة أرجوكم شقق
• اخواني الا كل واحد سافر الا امريكا يعطينا توزيعه للرحله حسب وجهة نظره
• برنامج سياحي ايام شيكاقو
• زياره على السريع سؤال
• استفسار عن أخذ موعد في السفارة
• فلوريـدا أم هــاواي شـهـر يـنـايــر
• ترتيب رحله العمر
• محتاج خط طيران مباشر من سياتل الى الدمام
• الافاده لوجة الله
• الجو في سانديقو ولوس انجلوس
• رحلتي إلى المدينة الجميلة أورلاندو تقرير كامل بالصور
• قدمت على فيزا بي هل استطيع تحويلها الى فيزا اف او اف
• جهاز المسح الضوئي بالمطارات
• هل يوجد مكان للصلاة على رحلات السعودية ؟؟
• السوشل سيكورتي مهم جداً وخطير
• زيارة عمل
• السواقة داخل أمريكا
• اسعار الرحلات الداخلية للولايات من اورلاندو
• استفسار عن لوس انجلوس ؟

4 أيام ديزني

يومين يونفيرسال استديو

يوم بوش قاردنز

يوم اختاروا وحده من الووتر بارك اللي موجوده في اورلاندو

باقي الايام فلوريدا مول برميموم اوت لت مول ات ملينيا كنيدي سبيس سنتر انترناشونال درايف

ديزني داون تاون ديتونا بيتش كلير ووتر

انا اشوف انكم تسوون لكم جدول بحيث انكم يوم تروحون لاحد الباركات واليوم الي بعده تقضونه في مول او بحر عشان ماتتعبون لانكم راح تقضون يوم كامل مشي ووقفه في السراء في كل بارك
ومن الاماكن الي انصحكم ترحون لها هي منطقة daytona beach & clearwater الصراحة شواطئها حلوه مرة ونظيفه
وانا انصحكم انكم تستاجرون قارب في منطقة clearwater الساعة ب70 دولار مررررة حلو
انا استاجرت قارب لمدة ساعة في المحيط وتشوف كيف الدلافين تناقز جنبك مع العلم انها اول مرة اسوق قارب. كانت ذيك تجربتي الاولى وكانت القيادة سهله جدا
على كل حال هذا موقع القوارب الي استاجرت منه إذا بغيتوا
http://jacksboatrentals.com/

مثل ماقالو الاخوان ..

ممكن تروحون ايضاً SeaWorld ويبيلها يوم .. والحديقه المائيه التابعه لها اكواتيكا يبيلها يوم بعد ..

عندكم الانترناشونال درايف فيه البيت المقلوب والبيت المعوي يبيلهم عصريه كامله ..

وعندكم المجمعات ومنطقة الـDisney Down Town فيها المطاعم والمحلات وديزني كويست ايضاً العاب ..!

اورلاندو يبيلها شهر وانتوا محتارين فاسبوع هههههه بس صدقوني لي وصلتو بتشوفون الوقت غير كافي لتغطية كل الاماكن الترفيهه في اورلاندو مابالكم السوق !! والجو في شهر اغسطس حاااار فبتحتاجون ترتاحون بين كل يوم ويوم