الموضوع: شهر عسل ، لا تبخلوا علي يا اهل سويسرا ، ابي مساعدتكم

مساء الخير جميعاً



ان شاء الله زواجي بتاريخ 12 / 6 / 2012
انا لي سنتين متملك و الحمد لله الان تيسرت امور كثيرة وتم تحديد موعد الزواج


من 6 اشهر وانا دايخ بين بوابات المدن في المنتدى ،،،
كان الخيار في البداية ماليزيا ، لكن بعد بحث و سؤال ما جاز لي إلا سويسرا :$


حددت مدة السفر 11 يوم
و حجزت على الخطوط الاماراتية بسعر 7190
الرياض -دبي - زيورخ 14/6/2012
زيورخ - دبي - الرياض 24/6/2012
اطول مدة لترانزيت راح تكون بالعودة ومدتها = ساعة ونص


طبعا ابستاجر سيارة من زيورخ رغم اني متردد كثير لكن اخيراً جزمت و صارت السيارة اهم شيء في برنامجي لشهر العسل ، ويارب تتيسر
الى الان ما حجزت السيارة ، وابحجزها قريباً


الفنادق حجزت من بوكينج بعضها ومن الطيار بعضها
كالتالي :


زيورخ 14 / 6 =

مواضيع عشوائيه ممكن تكون تعجبك اخترناها لك:

• حكاية من بين أحضان الطبيعة ،،، سويسرا
• مخططي لشهر العسل بليييز أبا رايكم
• استفسار عن القارمن ؟؟
• رايح بكرة لجنيف فزعتكم
• يورب كار هيرتز
• صور لنوفيتيل جنيف سنتر
• نداء الى خبراء اوربا
• رحلتي ب اكتوبر مساعدتك وارشاداتكم
• خبراء سويسرا مشورة في فندق لا حرمتم الاجر لـ شهر عسل
• ليديز أند جنتلمان تفضلو هنا
• خبراء سويسرا احتاج مساعدتكم ضروري
• حلمي شهر العسل في اوربا شهر يناير وفبراير
• تجربتي في السكن في النمسا
• إنترلاكن إنسي ديفون باريس
• بالنسبه للعمله
• هذا مخططي مساعدتكم في اختيار المواصلات
• مخالفة ساهر بزيوريخ
• رحلتنا الاولي الي سويسرا والنمسا
• المسافات بين أهم المدن السويسرية
• رحلتي الاولى الي اوروبا أحتاج مساعدتكم

زيورخ 14 / 6 = سنتر بلازا
ب 1400 ريال

انترلاكن 15 - 19 / 6 = ميتربول
ب 3623 ريال

ثون 19 - 20 / 6 = FREIENHOF SWISS Q
ب 1134 ريال

ريست المانيا ( يورب بارك ) 20 - 22 / 6 = Colosseo
ب 1800 ريال

زيورخ 22 - 24 / 6 = سويس هوتيل
ب 1066 ريال

الوصول زيورخ
يوم واحد للراحة

الذهاب الى انترلاكن
اربع ايام

الذهاب الى ثون
يوم واحد ، طبعا ثون حكايتها حكاية
تسرعت وحجزت فيها عند الطيار ولعب علي الموظف لكن الحمد لله
انا كنت ابي ازيد ايام انترلاكن ، وثون اقدر اروح لها من انترلاكن بس يالله حجزت وتسرعت
الموظف يقول احسن لك ثون علشان تختصر عليك الطريق ل رست يورب بارك

يورب بارك فيها يومين

العودة ل زيورخ وفيها يومين للتسوق والراحة

السيارة ابحجزها من يورب كار
وراح اشتري القارمن من عندنا في الرياض واضبطه

البرنامج عموما يصلح للعرسان
او اني راح اتفشل مع زوجتي


ما ابي اسمي احد من الاخوان الافاضل و احرجه و احرج الباقيين
لكن تراني بحاجتكم جميعا
تراني من 6 اشهر وانا افصفص البوابة تفصيص
واعرفكم كلكم ، وتراكم صرتوا اصدقاي من كثر ما اقرا لكم
انا احتاجكم

بارك الله لكما وجمع بينكما بخير وحياة سعيده وسفره موفقه باذن الله امر وش بغيت لانك ما حددت وش تبغى وعلى فكره تراني شرهان عليك تدري ليش ؟؟؟ لك 6 شهور تقراء بالمنتدى واخرتها تروح لمكتب يلعوز حجوزاتك ياخي هذولا بياعين تذاكر وحجوزات وتحصلة يحطك ليلة بمكان والليلة الثانيه بمكان اخر بعيد وعقبها يرجعك قريب من مكانك الاول وهكذا ولو انه ىمنصح كان خلى حجز طيرانك من محطة والعودة من محطة ثانيه عموما تذاكرك غاااليه جدا اذا تقدر تغيير على السعودية يكون افضل وخلي محطة الوصول جنيف 3 ليالي انترلاكن 5 ليالي روست ليلتين فرانكفورت ليله والمغادره فرانكفورت والسعودية داااايركت واريح لك تحيااااااااااااااااااتي

يااهلا..
بصراحه الاخ daayem ماقصر ..
والحته اللي بتكون فيها حلووه,,
بس عندي لك نصيحه من مجررب..


انت وش لك بالترانزيت والتعب ..وشهر عسل وترانزيت بقووه ماينفع ..


والعرووسه بتنغث


صحيح زيروخ موقعها استراتيجي بس للاسف السعوديه ماتوصلها ..


ودامك بالرياض احسلك دااايركت وريح بالك ..عندك جنيف او ميلان كلها قريبه للمناطق المذكوره بتخطيطك..


وفرانكفورت بعد قريبه اذا انت مدخل رست بجدولك ....


وبالاخير..بارك الله لكما وبارك عليكما وجمع بينكما بخير

المشاركة الأصلية كتبت بواسطة daayem1
http://www.arabtravelersforum.com/tr...1/#post6679341

بارك الله لكما وجمع بينكما بخير وحياة سعيده وسفره موفقه باذن الله امر وش بغيت لانك ما حددت وش تبغى وعلى فكره تراني شرهان عليك تدري ليش ؟؟؟ لك 6 شهور تقراء بالمنتدى واخرتها تروح لمكتب يلعوز حجوزاتك ياخي هذولا بياعين تذاكر وحجوزات وتحصلة يحطك ليلة بمكان والليلة الثانيه بمكان اخر بعيد وعقبها يرجعك قريب من مكانك الاول وهكذا ولو انه ىمنصح كان خلى حجز طيرانك من محطة والعودة من محطة ثانيه عموما تذاكرك غاااليه جدا اذا تقدر تغيير على السعودية يكون افضل وخلي محطة الوصول جنيف 3 ليالي انترلاكن 5 ليالي روست ليلتين فرانكفورت ليله والمغادره فرانكفورت والسعودية داااايركت واريح لك تحيااااااااااااااااااتي



هلا داييم
الطيار ما حجزت عنده الا فندق ميتربول و ثون بس
وبمقارنة مع اسعار اللي في بوكينج هو افضل
اما التذاكر انا ما ودي اروح لجنيف ومالي الا الاماراتية توديني زيورخ

انا ودي اخذ رايك ولا يهون الشباب عن البرنامج
نوعية الفنادق ، واسعارها ، السفر بالسيارة بين المدن اللي حجزت فيها صعب او سهل لاني اول مرة اسوق باوربا وخايف

المشاركة الأصلية كتبت بواسطة *غداً اجمل*
http://www.arabtravelersforum.com/tr...5/#post6679885

يااهلا..
بصراحه الاخ daayem ماقصر ..
والحته اللي بتكون فيها حلووه,,
بس عندي لك نصيحه من مجررب..


انت وش لك بالترانزيت والتعب ..وشهر عسل وترانزيت بقووه ماينفع ..


والعرووسه بتنغث


صحيح زيروخ موقعها استراتيجي >>بس للاسف السعوديه ماتوصلها ..


ودامك بالرياض احسلك دااايركت وريح بالك ..عندك جنيف او ميلان كلها قريبه للمناطق المذكوره بتخطيطك..


وفرانكفورت بعد قريبه اذا انت مدخل رست بجدولك ....


وبالاخير..بارك الله لكما وبارك عليكما وجمع بينكما بخير

الترانزيت في مطار دبي سياحة
بعدين انا اللي خلاني احجز بالاماراتية هي زيورخ
انا ما ودي اروح لجنيف
انت وش رايك بالفنادق اللي حجزتها واسعارها ،
والطريق بين ثون و يورب بارك هل هو صعب ولا عادي ؟




انا اول مرة اطلع برا السعودية
واول سفرة راح تكون شهر عسل
ولاوربا
وابستاجر سيارة
الله يستر هههههه

خط السير ( بالسيارة ) بين المدن المختارة هل فيه تعقيد و صعوبة ؟

ابدا الطرق ممتعه جدا بس ودي اعرف كيف لغتك الانجليزيه ؟؟؟ اذا جيده راح تسهل عليك امور كثيره بعد تسيهل الله وتوفيقه شوف الموضوع هذا فيه نصائح عن القياده هناك http://www.arabtravelersforum.com/travel592992/

داييييم
جبتها على الجرح

الانقليزي ما عندك احد
حتى زوجتي مثلي هههههه

بس انا لي شهر وانا كل يوم احفظ لي كلمتين يعني ان شاء الله ما يجي الزواج الا عندي كم كلمة
طبعا من قواميس الفنادق والمطارات و الاسواق

ما قلت لي شلون الفنادق اللي حجزتها ؟

شوف بالنسبه للفنادق والله ما اقدر افيدك الا اذا تبغاني ادخل موقع بوكنق واقراء تقييم الساكنين ابشر وبالنسبه لفندق بحيرة ثون ترى ماله داعي لان انترلاكن تقع على بحيرة ثون ولكن من الطرف الاخر والمسافه بين انترلاكن وفندقك نصف ساعه فقط او اقل يعني ما راح تستفيد من الانتقال اليه فقط تشغل عمرك بتشك ان وتشك اوت على غير سنع خصوصا ان المسافه بين انترلاكن وروست ساعتين ونصف فقط يعني ما تحتاج منطقة للاستراحه وبالعكس لو تروح للطريق اللي بعكس اتجاه ثون بجهة زيورخ يكون افضل لك اذا كنت تبغى تمر شلال الراين وانت رايح وياليت تستخدم خرائط قوقل علشان تعرف راسك من ساسك وبالنسبه للغه القارمن بعد توفيق الله يغنيك عن السؤال لان البلشه في السؤال اذا ضعت لكن بالقارمن ان شاء الله مافيه ضياع وانا عندي قارمن كان تبيه عانيه زواج ابشر تحيااااااااااتي